|
اقرأ ..ركز في الكلام ..وشارك برأيك ~_^
بسم الله الرحمن الرحيم في البداية يا شباب انا كتبت الموضوع ده بعد نظرة عميقة شوية للعبة SilkRoad On Line ..و حبيت ان اطرح افكاري دي ونتناقش فيها كلنا مع بعض وياريت كل واحد يتفضل برايه و مشاركته الكريمة :-- بصراحة انا استوقفتني بعض الاشياء الغريبة من خلال تجربتي مع اللعبة .. فعلى سبيل المثال : فيه ناس صرفت اموال كتير جدا على الاكونت بتاعها ..وفيه ناس صرفت حوالى 5 آلاف جنيه وفيه اكتر ...الخ.. وطبعا من حق اي واحد يصرف على متعته الشخصية و الحاجات اللى ملكه زي ما هو عايز.. واذا كان صح او غلط فدي يحاسبه فيها ربنا ..دي مش شغلتنا احنا ..واقصى ما يمكن فعله هو النصح والجميع احرار في قبول النصيحة من عدمه . - بس السؤال هنا لنفسي : هل يا ترى الاكونت اللي انت صرفت عليه آلاف الجنيهات ده ملكك حقا 100 % ؟ ج : اكيد طبعا ملكي .!! س : طب جميل .. هل تقدر تنزل الاكونت بتاعك او تفرغه في اسطوانة و تحطها عندك في البيت ؟ ..او تحفظه على الهارد ديسك بتاعك ؟ ..زيه زي اي اسطوانة ويندوز شرعية بتشتريها ؟ ج : لا طبعا .. دي بيانات محفوظة في قواعد بيانات Joy Max وهما اللي عندهم كل حاجة عن الاكونت وكل البيانات . س : لو في يوم من الايام Joy Max قررت انهاء لعبة سيلك رود ..هل تقدر تطالبهم بالاكونت بتاعك ؟ او يردوا ليك تعويض او مقابل ما دفعته ؟ بالرغم ان هم اللي قرروا انهاء اللعبة بارادتهم وانت مالكش ذنب ؟ ج : بصراحة لا مقدرش !! س: لو ال [GM] كان مرة كده شافك و معجبوش شكل الافاتار بتاعك قام مديك بلوك :icecream:..تقدر تعترض على القرار ده ؟ ..طب تقدر ترفع عليهم قضية تطالب بحقك او بالاكونت بتاعك ؟!! ج : بصراحة مقدرش اعترض و لا اقول اي حاجة . س: لو الاكونت في يوم اتسرق منك كله ببياناته بكل حاجة ..تقدر تقوم بتتبعه و تتطالب Joy max برده ليك بناء على بياناتك اللي سجلت بيها حتى لو كانت بيانات حقيقية من واقع اوراقك الرسمية ؟ ج : لا مش هقدر اعمل كده و مفيش الكلام ده . - طيب بعد كل ده كل ده لسه بتقول ان الاكونت ملكك 100 % ؟... احسنلك تراجع نفسك وتعرف ان الاكونت بتاعك في سيلك رود هو عبارة عن ان شركة جوي ماكس بتقدملنا خدمة ترفيهية لمدة معينة ( عمر الاكونت ) وان الاكونت بتاعك ده انت مأجره منهم مش مالكه زيها زي اي لعبة في مدينة الملاهي..وهما احرار في اي وقت انهم ينهوا عقد الايجار الوهمي ده بدون اذن منك او حتى انذار..وبعد كده اكونتك مش هتشوفوا تاني. - فعلشان كده نصيحتي ليك الحق استمتع بالاكونت واعمل بيه اللي انت عايزه و واياك ان تحزن على حاجة حصلت معاك في اللعبة او كيمياء فشلت او اي حاجة او تخسر حد او تسب حد ...ولما تصرف على اللعبة ياريت يكون من داخل اللعبة نفسها يعني مش اموال حقيقية وعلى راي المثل الشعبي " يا مربي في غير ولدك ..يا بانى في غير ملكك " هههههههههه ..الا كونت مش بتاعك يا باشا :jawdrop: فلو انت صرفت اموال على اللعبة كانك بتحط فلوسك في خزينة ببنك معرض للسرقة و الافلاس او النصب :devil: و ده كان الشق الاول من الموضوع ..اما الشق التاني : - فهو ان فيه ناس من كتر اندماجهم مع اللعبة اصبحت بالنسبة ليهم بتشكل عالم افتراضي يوازي العالم الحقيقي .. وفي بعض الناس اللعبة بدات تمثل ليهم العالم الحقيقي نفسه.. حتى ان البعض بدا يدخل فيها نظرية المؤامرة وان ال [GM] بيتامر لصالح جيلدات تانية في الFW و اسرائيل و العرب والدنيا و البطيخ و شركات البوت و الجولد بتدفع اموال رشوة لجوي ماكس علشان تسيبها و بلاوي كتير وبعد كده احتمال نسمع ان فيها كائنات فضائية بتعمل هاك على جوي ماكس ..وفيه ناس خسرت اصحابها بسبب اللعبة و فيه ناس بتحلم بيها و هي نايمة وناس تانية اللعبة اثرت على صفاتهم و غيرت شخصيتهم وناس خسرت مستقبلها ... - للاسف الناس جعلت من سيلك رود اكثر من مجرد كونها لعبة لا طلعت و لانزلت وهي احدى وسائل التسلية لا اكثر و لا اقل .. و علشان اوضحلك اكتر تخيل نفسك في الموقف ده : - " انت عندك اكونت 110 ماكس وفل فارم وفل امورتاليتي و اسلحة باور وملك السيرفر ومحدش قدك .. وانت ماستر الجيلد بتاعك وفي وسط ال FW و الحرب ...غمض عنيك للحظة وخد نفس عميق وقوم من على الجهاز ..و روح اسأل اي واحد ماشي في الشارع : " انت تعرف لعبة سيلك رود ؟!!" ..اكيد هيجاوبك و يقولك : " اقرب صيدلية الشارع اللي جاي ..اكسر يمين " ..هههههههههههههههههه:mexicano: - للاسف ودي حقيقة ان ناس كتير من اللي بيعجزوا عن الابداع والانجازات في حياتهم الحقيقية بيلجأوا انهم يعملوا الانجاز ده في واقع افتراضي زي سيلك رود والمتطلبات هما بيمتلكوها بوفرة واللي هي ( وقت + مال ) ..انا بس بزعل جدا لما الاقي حد ضاع مستقبله بسبب اي حاجة مالهاش لازمة حتى وان كانت لعبة كلنا بنحبها واسمها "سيلك رود ".. وفي النهاية يا شباب انا بس حبيت اشارككم في بعض الافكار اللي جت على بالي مش اكتر ..وآسف اشد الاسف على الاطالة و الاسهاب في الموضوع ..واتمنى منكم المشاركة بالاراء الكريمة .. استودعكم الله |
بصرحة انتة افر
لاتعليق |
الحمد لله
انا لا صرف على الاماونت لا اي شي وفي النهايه هذه لعبه وفي الف لعبه نفسها وافضل كمان |
اقتباس:
|
Very Nice Tobic
ما في كلام بعد كلامك |
اقتباس:
|
فعلا مهما كان ديت مجرد لعبة و دلوقتي الحاجت اللي بسلك بتباع بالجولد و كمان انا عايز اسأل سؤال للناس اللي بتلعب بالبوت انت بتدفع فلوس عشان الكوميوتر يلعب مكانك و لا انت عايز تلعب
|
بصـــراحة انتا عند حقك في كل كلمة قلتها وفعلا انا من الناس الي خسرت ناس كتير عشان خاطر اللعبة دي واتمني يرجع بيا الوقت وملعبهاش تاني وفـ الاخر تحياتي لكلامك الجميل اوي اوي اوي دا
|
هوا انته فى حاجات Over
بس فى ناس فعلا كداا وتوضيح بسيط من الى قلك اته متقدرش ترفع قضيه على JOYMAX ??? يرس اقر الباش مينت (لما بتجى تعمل اكونت جديد و تدوس Agree و انته مش عارف ايه دا ؟؟ ورد عليا سلام يا ريس |
انا الحمد لله مصلافتش ولا مليم ولا حتى بروح ادفع فلوس في السيبر انا بلعب في البيت والجولد بشحته من الناس جوه اللعبه والسيلك بشحن من العروض الفري اللي في جوي ماكس بس انت كلامك زي الفل
|
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
ثانيا : ولمعلوماتك يا باشا هو ال Agreement terms اللي انت بتقراها دي مكتوب فيها ان ممكن ترفع قضية ؟!!.. دي كلها بتبقى عبارة عن مجموعة من البنود وغالبا بتكون لصالح الشركة وبتديها كل الصلاحيات ..ووانت يا اما بتوافق عليها كلها او بترفضها كلها مفيش فيها مناقشة او تفاوض .. ودي اسمها في القانون عندنا " عقود الاذعان " ..زي ما بتروح تقدم على توصيل خط التليفون المنزلي وبتمضي على العقد يا اما مابتمضيش و مبتوصلش مفيش فيها مناقشة . - ثالثا علشان ترفع قضية على جوي ماكس ففي القانون انت بترفع الدعوى على عنوان المدعي عليه ..يعني لازم ترفعها يا باشا اما في المحاكم الكورية ههههههههه او في محكمة بيقع في دائرتها اقرب وكيل للشركة لعنوانك .. و طبعا الشركة مالهاش وكيل قانوني حقيقي في مصر يمثلها قانونا ويتلقى عنها الدعاوى القضائية.. - اخيرا مش قبل ما ترفع دعوى لازم يكون معاك الحجج و الاسانيد اللي هتؤسس عليها دعوتك :icecream: وتسأل نفسك الاول هل يا تري القضية دي هتكسبها ولا لأ ؟!! - اظن كده يا باشا الموضوع اتفه من انك تتكلم في حوار القضية اللي هو اصلا OVER منك شوية :glasses3: اقتباس:
|
Umm .. i dont know what would i say but its rly all things do with all arab and i dont think no one spend money in game i know some one spend 20000 L.E i swear :) and he from egy too ( any way its only 4 fun btw joymax can't logoff silkroad becouse its this work for them :) ty for this nice Tobic ) Good lucky guys |
walhey anta sa7 we kolo 3aref bas ma7desh besad2 2ala lama ygarab
.ana bal3ab silkroad ba2ley 3years we ba3den ana kont ba5ed flos al dros we bageb beha silk we al555 ba3ed kdah ba2h al acc bta3ey 110 FF we kol 7aga tamam we kont mabsot be al acc we ba3mel Gold we bae3 we kol 7aga we mara fe 7awar al2bdate bta3 al new system dah bta3 al GM sa7et al sob7 mal2tsh al acc sa3tha za3elt 3aleh ka2no abney we makontsh bakol wala bashrab la2no kan 3ashret 3 yares we fadelt ***wel m3ah 2m we mn hna le hna la2et mafesh faeda we al acc m,osh haerga3 2olt 5als bb sro we mosh hal3ab taney bas al wa7ed mosh bet3alem be blash bas aley mdae2ney aktar aney al sra2 al2amil wa7ed sa7bey bas ana mosh 3aref agebo we al acc mosh betft7 mn sa3et ma ata5ed atfat7 at2alb items we aley 3aez ytfarag 3aleh name :ALEXANDERPOP in rev6 shofo last items we best seen items we anto hatshofo aney al3ba deh mosh hatfedna |
بجد تسلم ايدك انت كتبت موضوع .... جه على الجرح زى ما بيقولو ..... ياريت الناس اللى بتلعب اللعبه جديد او بيلعبوها من 1000 سنه ياخد بالو من الكلام ده كويس جدا جدا جدا وبجد شكرا ..... وعلى فكرة انا من الناس اللى اتسرق منى اكونت 103 فى يوم كل حاجه راحت بجد انا قعدت متعقد كام يوم بس حسيت برتياح غريب اول مرة احس بيه لما بعدت عنها انها مجرد لعبه يجب الحظر من اللعب الغرب والحرب الجديده اللى بيعملوها ضدنا عشان يقتلو شبابا ومنعرفش نبدع او نخترع اى جديد ...... وتسلم ايدك مرة تانى
|
بس اللى يقول ليك انك غلطان يبقى يستاهل ضرب ال___
وبعدين انا عاجبانى اوى حكاية ان فى ناس بيتحلم بيها :icecream: انا اعرف واحد والله والله اكنك بتقول مواصفاته موهوم باللعبه اووووووووى فى النهايه احلى حاجه انك تضحك على اللعبه ومش هاعرف اوضح لأن المتعه فى سيلك رود دلوقتى هيا انك تضحك عليهم واللى مش هايعرف يضحك عليهم هياخود على جـــــافـــــاه(طبعا انتا فاهمنى) بس بجد انا فرحان ان احنا بدئنا نفكر بى ازاى نضحك عليهم زى موضوع الأخ الممتاز ده http://www.silkroad4arab.com/vb/showthread.php?t=344151 و احلى تحيه بجد لاحسن واحد شوفته فى المنتدى اللى زى العسل ده(مع كل الاحترام والتقدير لكل الاعضاء) |
| الساعة الآن 09:12 AM. |
Powered by vBulletin® Version 3.8.9
Copyright ©2000 - 2024, vBulletin Solutions, Inc.