الموقع العربي الاول للعبة Silkroad Online - * - * - ** كان يا مكان - قصه من الواقع ** - *

كان يا مكان في سالف العصر والزمان كان فيه مره ملك كان بيحكم غابه جميله فيها كل حاجه حلوه ومنوره

[IMG]http://dc01.***********/i/00563/83u4a0aaneqs.jpg[/IMG]
وكان فيه تعاون بين جميع الرعيه علشان يرضوا الملك المتوج

[IMG]http://dc01.***********/i/00060/w4tvrbkjy4yo.gif[/IMG]

وفى يوم من ذات الايام

ركبه الغرور وقال : انا احسن من كل الرعيه مش انا الملك عليهم يبقى انا احسن منهم لازم اوريهم العين الحمرا علشان كل واحد يعرف مقامه

كلم الوزير سمعان

[IMG]http://dc03.***********/i/00314/nq3bhqmao7zp.jpg[/IMG]

وطبعا الوزير سمعان لابيهش ولا بينش ماشي مع الهوجه زي ما بيقولوا

المهم ماعلينا

طلب منه الملك وقال : يا سمعان انا قررت عزل الواد البرنس اللى عامل فيها فتك وبيحط انفه في كل شارده ووارده وعاوز يعمل فيها ملك

[IMG]http://dc01.***********/i/00235/zjvbejnmdp20.jpg[/IMG]

طبعا الوزير سمعان اللى لابيهش ولا بينش رد وقال : طلباتك اوامر يا كينج هو حد يقدر يكسر كلام معاليك

رد الملك المغرور وقال : طيب جبهولى علشان نتلوا عليه القرار

جرى الوزير سمعان وراح للواد البرنس

[IMG]http://dc01.***********/i/00235/zjvbejnmdp20.jpg[/IMG]

وقعتك سوده يا برنس انت ايه اللى عملته كل شويه تعترض على قرارات الملك اهو عزلك وهيوديك ورا الشمس

رد البرنس وقال : ولا يهمنى انا البرنس ما بخاف من تهديد ولا من اي حد انا فايتهالكم وماشي تولع على دماغكم باذن الله

*************************************************

تانى يوم جه الملك وقال : ايه يا سمعان مفيش حد ننكد عليه ولا ايه
رد الوزير سمعان وقال : فيه الواد اللى عامل فيها روميو وبيحب في غزلان الغابه
[IMG]http://dc01.***********/i/00563/2ux3e8pcssqm.jpg[/IMG]

رد الملك المغرور وقال : طبعا ونجرسه كمان ونخلى فضيحته على كل لسان
( قال روميو قال ) عشنا وشفنا طراطير احنا هنا ولا ايه
**********************
تالت يوم سأل المغرور وزيره النبهان وهو نعسان وقال : هو فين ميمون مش ظاهر ليه يا سمعان
[IMG]http://dc01.***********/i/00563/d30e3153xkwg.jpg[/IMG]

رد سمعان وقال : جنابك الواد لما عرف انه هيبقى المستر بتاع الغابه
جاله لطف بعيد عن جنابك وعامل فيها مايكل جاكسون
************************
رابع يوم سأل المغرور وقال : ايه يا سمعان مفيش حد ننكد عليه ولا ايه انا مش شايف ان الغابه فيها حد عليه القيمه
رد الوزير وقال : مفيش جنابك اخر واحد طردناه من المملكه امبارح ومفيش حتى حاجه
ناكلها اليومين الجايين سعادتك
[IMG]http://dc03.***********/i/00114/j94ezm06tomi.gif[/IMG]

فكر الملك المتوج : وقاله والحل يا سمعان

رد سمعان وقاله :الحل موجود نطرد النسمه اللى باقيه في المملكه اللى هي نور الصباح الفراشه الشقيه * واللى عماله تفضحك في كل الغابات وهتخلى الملوك التانيين يخربوا بيتنا

[IMG]http://dc01.***********/i/00184/ry7g0ceh3uab.gif[/IMG]

وكمان نشيل اللى شايفه نفسها وعمله نفسها على الحياد وعمله ودن من طين وودن من عجين الساحره الطيبه ( قال طيبه قال دي كلها شر وشعوذه )
[IMG]http://dc02.***********/i/00169/zzzytk1w5e6m.jpg[/IMG]

و انت كمان
تمشى كده وكده يعنى تمثيل وبعدين نحط اسس جديده للتعامل بين رعايا المملكه ونقول بعد ما تعود المياه لمجاريها

ان الفكره فكرة سعادك

رد عليه الملك المغرور وقال : طبعا فكرتى امال فكرة ابوك
[IMG]http://dc03.***********/i/00114/j94ezm06tomi.gif[/IMG]

وتمر الايام وتعدي ومفيش في المملكه غير اللى (رضيوا بالظلم ورضيوا بالهوان)
وتمر الايام ويلاقى الملك نفسه وحيدا وحيدا من غير نصير ولا معين وبدا في اول الامر يكلم نفسه ويدور على سمعان النبهان لكن سمعان اختفى هو كمان
**************************
وفجاه صحى من النوم لقى ودانه طولت جدا ولقى ديله قصر وشويه ولقى شكله بقى في قمة الغباء

[IMG]http://dc05.***********/i/00562/nbg5gfn8q2vn.jpg[/IMG]

ولقى نفسه من غير حد يفسرله ايه اللى جراله ولا لقى حد يحكيله قصة الملك المغرور خرب المملكه وقعد عل تلها الخربان يندب ايام امجاده يوم بعد يوم بعد يوم بعد يوم

[IMG]http://dc05.***********/i/00562/7j3a39z7tvl4.gif[/IMG]

وفي النهايه لم شنطته وسافر الى مكان لا يعلمه الا الله

[IMG]http://dc05.***********/i/00562/g4dc09tmqfsz.png[/IMG]

وتوتا توتا فرغت الحدوته

حلوه ولا ملتوته

يا رب تكون عجبتكم

ومساكم سكر