|
يوميات (( عـــــــابد )) ................في شهر رمضان
تم تجديد الموضوع بتاريخ 3 / 9/ 2008 بإضافة جدول للمتابعة اليوميه الجدول منقول من منتدى تاني للأفااااااااااده ....برجاء قراءة الملاحظات http://www.way2allah.com/ramadan/images/prova2.jpg حقوق الطابع غير محفوظه و جزى الله خيرا من نشرها قدر استطاعته[/quote] http://www2.0zz0.com/2008/08/28/11/272733417.jpg إخوتي وأحبائي وأبنائي أعضاء منتدانا الحبيب سيلكروود4عرب تحيه طيبه وبعد أحب أولا بأن أوضح أمر ما أنا ليه مركز علي المواضيع الدينيه والإرشاديه ويعلم الله بأنني أبذل فيها ما أستطيع من جهد وذلك لوجه الله تعالي بالرغم من إنشغالي التام ولكن علشان إنتم تستفيدوا اكثر إستفاده ممكنه منها وذلك لدنياكم وأخرتكم عسي الله بأن يجمعنا سويا برفقة حبيبنا المصطفي صلي الله عليه وسلم في الجنه ثانيا:- بعد موضوعي الأول إسأل إستشر بدون إحراج إخترت لكم موضوع أخر مهم جدا بل هو في غاية الأهميه وهو يوميات عابد في شهر رمضان وده ولد أو بنت رجل أو إمرأه يستطيع بسهوله أن يفعله في شهر رمضان الكريم دون عناء او مشقه بل بالإستمتاع في طاعة حبيبنا الله عز وجل ومن سوف يفعله فسوف يجني ثماره في الدنيا ( بعد شهر رمضان ) وقبل مجيئ شهر رمضان القادم بإذن الله وثماره أيضا في الأخره (( وإسأل مجرب )) طيب أنا بحضر هذا الموضوع وسوف أسرده علي الجميع علي حلقات في نفس الموضوع بيسر وبتسلسل وبإذن الله قبل بداية الشهر الفضيل هيكون مكتمل بين أيديكم . أسأل الله بأن يعينني علي إكمال هذا الموضوع وذلك بدون رياء أو شيئ أخر بعيد عن وجه الله سبحانه وتعالي والسلام عليكم ورحمة الله وبركاته أخوكم أحمد شفيق |
محجووووز ************ طيب خلينا نتفق علي الطريقه المثلي علي إعتبار إن أغلبكم صغير السن وممكن يخسع مننا هههههههههه معلش أنا بأستخدم لغه حواريه مش لسني بس أنا عاوز أوصل لكم بسرعه وبدون ملل من جهتكم علشان نقدر نتواصل فيما بيننا بسرعه الطريقه هي بأن نقوم من أول يوم بعمل بعض الأشياء بس نتفق مع بعض بأن تكون هذه الأعمال مستمره وإذا زودنا تاني يوم عمل أو إتنين يبقوا مستمرين معانا برضه وده لمده أول عشرة أيام من شهر رمضان وبعد كده هنستمر علي الأعمال دي لغاية نهاية الشهر الكريم وهتلاقي نفسك تلقائي بقيت بتعمل الأعمال دي كلها بعد شهر رمضان لوحدك وبدون تعب ولا إرهاق.........هممممم خلاص إتفقنا نتوكل علي الله ونبدأ بسم الله الرحمن الرحيم أول حاجه لازم تتعمل قبل أول يوم يعني قبل ما نتسحر إننا ننوي الصوم بإيمان وإحتساب طوال شهر رمضان الكريم ونتسحر قبل الفجر بشويه صغيره وذلك إمتثالا للحديث الشريف قال رسول الله صلى الله عليه وسلم : { ثلاث من أخلاق المرسلين : تعجيل الإفطار , وتأخير السحور , ووضع اليمين على الشمال في الصلاة } قال رسول الله صلى الله عليه وسلم : " { تسحروا فإن في السحور بركة } " انتهى . ليه علشان نصلي الفجر في جماعه وطبعا مع صلاة الفجر فيه السنه القبليه ركعتين وذلك لأنهم (( خير من الدنيا وما فيها )) وبعد ما تخلص الصلاه تسبح الله وتحمد الله وتكبر الله يعني تؤدي الصلاه بكل مافيها من خشوع وإقبال علي الله وتختم الصلاه وترجع تلحق تناملك تلات ساعات أو ساعتين علشان تروح المدرسه أو الجامعه (( لو المدارس والجامعات فتحت )) أو تروح الشغل أنا عايزك تعمل إيه يا جميل بقه علشان تتميز بطاعتك لله عن أي حد تاني تسبح الله وتستغفر الله وتحمد الله وتصلي علي رسولنا الكريم طول ما إنته ماشي أو قاعد أو راكب العربيه يعني بالعربي طول الوقت تذكر الله هتجيلك صلاة الظهر علي طول بدون أي مبررات تقوم تتوضأ وتصلي في جماعه وطبعا صلاة الظهر بما فيها من ركعتين سنه قبليه وركعتين بعديها وختام الصلاه قول إنك ممكن ما تلحقش الركعتين القبليه علشان أول يوم ياسيدي ومش متعود معلش مايجراش حاجه صلي بعد الظهر ياسيدي السنه المهم الفرض وزي ما إتفقنا طول الوقت تذكر الله وتخلص مدرستك أو شغلك وتروح خلصان علي البيت ويمكن تكون مصدع وتعبان شويه تاخد دش وتقعد تناكف في أخوك شويه هههههههههههه ((بهزر طبعا))وتلحق تصلي العصر في جماعه بعد الصلاه هتلاقي نفسك بتترنح وعمال تتاوب ههههههههههههه لإنك مش نايم كويس إمبارح من السهر يا أستاذ مع الشله قبل السحور ههههههههههه أو كنت بتلعبلك شويه سيلك روود اللي مش هتشوفها لمده شهر بالكامل ويمكن يطردوك من الجيلد كمان ههههههههههههههه وده لإنك ماعندكش وقت خالص تلعب بعد كده تنااااااااااااااااام لغايه قبل الفطار بساعه إلا ربع مش أقل ليه علشان سيادتك عقبال ماتقوم من النوم وتتوضي فيها ربع ساعه يا عم الكسلان تمسك المصحف يا جميل وتقول بسم الله الرحمن الرحيم وتنوي ختم القرأن طيب واحد يقول أنا هقسمه علي 30 جزء كل يوم أقرالي جزء أقوله ماشي بس أصبر شويه علشان ماتزهقش ده إحنا لسه في أول يوم ياباشا وكله متحمس تقرأ نصف ساعه بس فيه أحلي من كده (( فيه طبعا إنك تقرأ أكتر )) ههههههههههه بعد كده تعلم علي مكان اللي سيادتك وقفت فيه ياجميل في المصحف علشان ماتنساش وتنط كام صفحه هههههههههههههههه أنا واخد بالي هه تفطر مع الأهل سيادتك ومتنساش تقولهم كل سنه وهمه طيبين وتفطر في الاول حاجه خفيفه زي بلح مثلا أو عصير أو أي حاجه بس ماتقعدش تطحن وتقول حاجه خفيفه هههههههههههههه طبعا لما المؤذن يقول الله أكبر سيادتك تقول اللهم إني لك صمت . وعلي رزقك أفطرت . ذهب الظمأ وإبتلت العروق . وثبت الأجر إن شاء اللهوتكون علي يقين بأن الله قد تقبل منك الصيام والطاعه في هذا اليوم . وتدعي يا جميل بما يحلو لك من الدعاء الصالح لك ولمستقبلك ولأبويك ولأهلك ولأمة الإسلام أجمعين لإن خلي بالك باب السماء دلوقتي مفتوح لك علي مصرعيه لقبول دعائك يا جميل بعد كده نصلي صلاة المغرب في جماعه مهمه جدا جدا فوق ماتتصور وخلي السنه ياسيدي بعد ماتقعد تطحن مش مشكله بس ماتنساهاش بعد الفطار والطحن هتلاقي نفسك مش عارف تقوم هههههههههههههههه من الكسل طيب فرصه أقعد بقه أشوف عندي إيه من المذاكره والا شغلي ولا أي حاجه من حاجاتي اليوميه وإياك بأن تقول أشوف الفوازير أو مسلسل لو ماعندكش حاجه إتفرج علي كرتون وإنته بتشرب الشاي ومأنتخ ومش قادر تعمل أي حاجه وجهز نفسك ياجميل علشان هننزل نصلي العشاء ههههههههههه ضحكت عليك إنته ماعندكش وقت تانتخ غير يمكن ربع ساعه وبإذن الله يوم الاحد القادم هقابلك في الجامع بقه ونكمل أول يوم من يوميات عابد..........في شهر رمضان تحياتي للجميع أحمد شفيق |
اقتباس:
|
بارك الله فيك مره ثانيا مش عارف اشكرك ازاى
تقبل تحياتى |
لا شكر علي واجب
والشكر لله بس إدعيلي لإن الموضوع كبير جدا وإدعيلي أخلصه تحياتي لك وللجميع أحمد شفيق |
ربنا يوفق ويجلها فى ميزان حسناتك والله انا عارف ان مواضيعك كلها جميله وشيقه لذلك احب قرائتها تقبل تحياتى
|
تم تجديد الموضوع
المشاركه رقم 2 تحياتي للجميع أحمد شفيق |
شكرااا يا استاذ احمد وبارك الله فيك
|
اقتباس:
أنا يهمني إن الكل يقرأ الموضوع ويعمل بولو جزء منه شكرا لمرورك |
ان شاء الله
|
كرا جزيلا و ننتظر المذيد
|
تم تجديد الموضوع بتاريخ 3 / 9/ 2008
بإضافة جدول للمتابعة اليوميه الجدول منقول من منتدى تاني للأفااااااااااده ....برجاء قراءة الملاحظات http://www.way2allah.com/ramadan/images/prova2.jpg حقوق الطابع غير محفوظه و جزى الله خيرا من نشرها قدر استطاعته[/quote] |
موضوع جميل جدا ورائع
الف شكر يا استاذ احمد وجزاكم الله كل خير |
السلام عليكم ورحمة الله وبركاته
أنا حبيت أجيبلكم الموضوع ده في المقدمه مره أخري وذلك لأهميته القصوي وخصوصا لقرب حلول شهر رمضان الكريم أعاده الله عليكم وعلينا وعلي جميع الأمه الإسلاميه بالخير واليمن والبركات أخوكم أحمد شفيق |
مشكور يا استاذ احمد وحشتنا موضيعك الجميله
|
| الساعة الآن 04:11 PM. |
Powered by vBulletin® Version 3.8.9
Copyright ©2000 - 2024, vBulletin Solutions, Inc.