|
90% من السيرفر حرامية تحت اشراف ال GMs
السلام عليكم شباب ايوة زي مانا كاتب كدة الموضوع السيرفر 90% منه حرامية والادامن والمشرفين للاسف عارفين كل حاجة وساكتين .. مافيش عندهم اي احساس بالمسؤولية ومافيش حاجة بترجع حتي لو دافع فلوس كل الى بيعملوا يقولوا هاتلنا معلومات كذا وكذا وكذا وبعد ماتبعتلهم كل حاجة ولا هيردوا عليك تانى عشان تشحن تانى غصب عنك .. مافيش تأمين حتي للحساب حتي بعد ماشحنت اتواصلت معاهم على الموقع الرسمي . الفيس بوك . الواتس اب . الديسكورد . للأسف داخل علي شهر ومحدش فيهم عبرني وكل الرسايل الى بعتها ولا كأني ببعت حاجة . ده معناه انهم قاصدين يطنشوك عشان غصب عنك تشحن تانى وتالت ورابع . للاسف مكنتش متخيل ان يكون فيه تواطئ كدة . خدمة عملاء اقل بكتير جدا جدا جدا انى اقول عليها خدمة عملاء اصلا . والمشكلة مش من انى اتسرقت بس لا . المشكلة من اول يوم شحنت فيه وقبل الشحن تلاقي ردودهم قبل كلامك وماشاء الله الدنيا جميلة . اول ماتبعت الفلوس تبدأ تلاقى التطنيش والتنفيض واخبط دماغك فى الحيط . ........................ فى النهاية كل واحد حر انا بدي نصيحة تجربة فاشلة بمعني الكلمة . عاوز تلعب العب فري . لو دفعت جنيه واحد بس فى السيرفر واتسرقت مافيش اي حد هينفعك لان حسابك اصلا مش متأمن . وكل الناس عارفة ان اي سيرفر بتعمل فيه donation بيكون على الاقل حسابك متأمن عن طريق الايميل . لكن مافيش الكلام ده فى السيرفر وده الى مأكدلي ان فيه تلاعب بين ال GMs وبين الحرامية عشان يجبروك انك تشحن تانى . الى تم التواصل معهم . الي تم التواصل معهم هم .. الموقع الرسمي ولم يتم الاجابة . الفيس بوك قالى عاوز البيانات كلها وبعتهاله كلها لقيته بيقولى روح كلم Abo Anas على ديسكورد . كلمت الاخ ابو انس وماشاء الله اخر مرة رد عليا يوم 11 عشان ابعتله البيانات ومن يوميها ولا عبرني . الواتس اب من يوم 7 وماردش اصلا ولا مرة عليا . خدمة عملاء دي ولا حوش ام تيتي . مافيش اي حد عدل تعرف تكلمه او توصله او يجيبلك حقك . ولاخر مرة هقول ليه بيعملوا كدة . عشان تكون مغصوب على امرك وتشحن تانى . شكرآ لكل حرامي فى السيرفر وشكر خاص لأصحاب السيرفر الى بيساعدوهم على كدة |
رد: 90% من السيرفر حرامية تحت اشراف ال GMs
انت الي غلطان من الاول
لانك بتشحن علي حاجة مش مضمونة وكتير قولنا ان اي حد بيشحن في بريفيت سيرفر زاي الي بيرمي فلوسة في الهواء ولاتلوم احدآ علي ذلك ... فأنت اخطأت وهذا جزاء خطأك |
رد: 90% من السيرفر حرامية تحت اشراف ال GMs
اقتباس:
:emoji1::emoji1: |
رد: 90% من السيرفر حرامية تحت اشراف ال GMs
ربنا يعوض عليك
>الناس اصحاب السيرفر دول اساسا مش فارق معاهم السيرفر و سايبينه كده من زمان مش عارف السيرفر ده لسه شغال لحد دلوقتى ليه اصلا> |
رد: 90% من السيرفر حرامية تحت اشراف ال GMs
اقتباس:
|
رد: 90% من السيرفر حرامية تحت اشراف ال GMs
الله يعوض عليك :Emoji27:
|
رد: 90% من السيرفر حرامية تحت اشراف ال GMs
طب مغلق لحين رد مسؤول اللعبة هنا
|
رد: 90% من السيرفر حرامية تحت اشراف ال GMs
طبعا احنا بنعتذر جدا جدا علي التأخير في الرد الفتره دي كلها بس طبعا الناس اللي متابعه اللعبه وشايفين التحديثات اللي اتعملت في الفتره الاخير اكيد هيقدروا تأخيرنا في الرد
الأخ الكريم اللي بيقول انه اتسرق وحاول يتواصل معانا ومحدش رد عليه انا هرد علي كلامه كله نقطه نقطه 1- هو قال انه بمجرد ما بتشحن مش بنرد عليك وبنكبر دماغنا منك ومش بنساعدك طيب ازاي يا فندم ؟ هو حضرتك متخيل ان هدفنا هو انك تشحن مره واحده ؟ لو كل واحد شحن مره ومشفش مساعده مننا بعدها مكنش السيرفر هيفضل مستمر 6 سنين كان كل واحد هيشحن مره ويمشي علشان مش بنساعده 2- حضرتك بتقول انك ( اتسرقت ) انا عايزك يا فاندم تجبلي اي سيرفر خاص بيرجع المسروقات لواحد اتسرق زينا السيرفر ده مستمر 6 سنين مش علشان هو احسن سيستم لأن في سيرفرات السيستم بتاعها احسن مننا بكتير لاكن الناس بتفضل كوين عن باقي السيرفرات علشان الخدمات اللي بتقدمها وزاي منا قلت قبل كده لو مفيش خدمات بنقدمها للناس مكنش في حد يفضل موجود 3- قواعد اللعبه عندنا مفهاش اي بند بيقول انك لو اتسرقت ارجعلك حاجتك لأن ببساطه انت شحن وانا اديتك حاجتك فأنا مقصرتش معاك في حاجه انما حضرتك بتروح تدي حاجتك للناس ويسرقوك وتاجي تقول رجعولي الحاجه هل الكلام ده يعقل ؟ ومعا ذلك بنحاول علي قد ما نقدر نساعد الناس بس لما الموضوع بيدخل فيه فلوس و خاصه لما يكون مبالغ كبيره مش بنسكت وبنعمل كل اللي نقدر عليه علشان نرجع لكل واحد حقه 4- انا متأكد 100% ان حضرتك لو قدمت ريبورت هيكون اترد عليك بس الرد مكنش في صالحك فا دخلت هنا تقول الكلمتين دول والناس ما شاء الله بتجامل بدون ما تفهم اي شيء ولا حتي تعرف منك التفاصيل :) اي حد عنده مشكله داخل اللعبه دي الطرق اللي تقدر تتواصل بيها معانا whatsapp 01015232210 skype mado.qs facebook www.facebook.com/queen-network discord https://discord.gg/x3tEJsB |
| الساعة الآن 05:02 PM. |
Powered by vBulletin® Version 3.8.9
Copyright ©2000 - 2024, vBulletin Solutions, Inc.