على يافطه بيضا كتب عم سيد
نشجب ونرفض ... ونشكر نؤيد
وسابنا وفاتنا
نسال فذاتنا
أزاي حنشجب واحنا بنشكر
ومنين نؤيد واحنا بنرفض
يافطه وفوقينا متعلقه
والناس تشوفها ومصدقه
ناس شافوا فيها نشجب ونرفض
وغيرهم يشوفها ونشكر نؤيد
وقامت خناقة ما بين الي يرفض
وبين الي أيد كلام عم سيد
وكله مصمم وراكب دماغة
وحالف يرقع لخصمه صداغه
والبرد زاد لكتر البعاد
لكتر الكلام وكتر العناد
ونزل المطر وفرقنا اكتر
واليافطه صبحت متغرقه
وصار السؤال مين الي يقدر
يفسر حروفها المتفرقه
لا فيها نشجب ولا بان نؤيد
سعتها فهمنا كلام عم سيد
ان القضية مش ازاي حنرفض
ولا مين معانا حيفضل مؤيد
ان القضيه نفضل نجمع
على يافطه واحده كلام عم سيد