[Light Moon]

السلام عليكم ورحمة الله وبركاته

تخيل نفسك مسجون !

و أصدرت المحكمة حكم عليك بالسجن المؤبد

هتتصرف إزاي

؟؟؟
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

تعالوا نتخيل حالنا فعلا ان كان اتحكم علينا بالسجن

هتلاقي كل واحد فينا ردة فعله هتختلف عن التاني

بنوعين من رد الفعل

الأول
الاستسلام التام للموقف

فيبدأ يفقد الأمل انه ممكن يرجع حر تاني
مع ان ممكن تتخفف عنه العقوبة و ممكن يطلع من السجن مرة أخرى
و قد يصل به اليأس إلى الانتحار !

التاني
انه هيحاول ينجو أو يعيش بالوسائل المتوافرة حواليه
و يستمر عنده أمل انه هيخرج من السجن أو تخفف العقوبة أو غيره

و يحاول يدور على ما يعرف ب

means of survival
وسائل الحياة

و يكون عنده ايجابية و يحاول يتعايش


المفاجأة
بقي إني في معني للسجن معني يتحس ويتعاش ويتحب كمان تعالوا معايا نعيش المعني الذي قال عنه

رسول الله صلَّ الله عليه وسلم

الدنيا سجن المؤمن وجنة الكافر

و دي حقيقة فعلا

الدنيا سجن لأن حياتك متحددة بحلال و حرام

مش أي حاجة تخطر على بالك تعملها ولديك أشغال معينة لازم تقوم بيها ولأن أي مكان بالنسبة للجنة سجن
أما الكافر فبيتصرف زي ما هو عايز بدون ضابط ولا رابط حتي لو كان تصرفه ده هيفسده
فشتان بين
الجنـــــــــــة والدنيا
أقصد الجنة والسجـــــــن
بالنسبة للمؤمن والكافر

اللي هما المسجون الأول والتاني


فتعالوا نشوف رد فعل المسجون الأول
بتاع اليأس و الانتحار
دا فعلا موجود في حياتنا
ياما سمعنا عن قصص ناس بتنتحر
لأنهم مش حسين معني الجنة
و غالبا النوع دا بنجده في المجتمعات الغير مسلمة


النوع التاني و هو المسلم الموقن ان فيه بعث و في جنة
فدا بيديه دافع انه يعمل و لأنه عارف إني بعد السجن جنة وإنه هيفوز بيها لو كان حسن السير والسلوك فيكاافح و يجاهد حتى يصل إلى الجنة

لكن السؤال اللي عايزين نناقشه في الموضوع

هو أنا ممكن أعيش سعيد في السجن ؟؟؟
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
أي إنسان بيبحث عن السعادة

بوذي يهودي نصراني مجوسي و مسلم

بل حتى المدمن شخص يبحث عن السعادة


و عموما السعادة الانسان ممكن يحصل عليها من 3 طرق
سعادة روحانية (الدينية)
سعادة طبيعية
سعادة عملية

و إن فقدت الأولى الاتنين التانيين هيفقدوا أيضا لا شك
لأن كمالهم بكمال الأولى


بس نظل في مشكلة إزاي أعيش سعيد و أنا مسجون ؟؟؟
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

لو ركزنا كويس في قول رسول الله صل الله عليه وسلم
هنعرف ازاي ...
يتبع إن شاء الله


إذا سألنا ناس كتير أو بدأنا نعمل احصائية باسم

هل أنت سعيد ؟؟

متهيألي نسبة كبيرة جدا هتكون اجابتهم لأ

أو ممكن كام يوم في الشهر أنا سعيد

وباقي الأيام لا !

و ناس ممكن تقول انا هبقى سعيد في الجنة !

اللي عايزين نقوله النهاردة انا ممكن ابقى مسجون بس سعيد

و مثال على كدا شيخ الإسلام ابن تيمية

رجل تخطى كل الحواجز

و قدم لأمة الإسلام علم لغاية دلوقتي المسلمين بينتفعوا بعلمه و بإذن الله ليوم الدين

و كان مسجون و مات في السجن

و كان مسجون لله !

و كان من أقواله:

" ماذا يفعل اعدائي بي ,إن سجني في قلبي .. وإن قلبي يملكه ربي ..إن سجنوني فسجني خلوة وإن نفوني فإن نفيي سياحة وإن قتلوني فقتلي شهادة "

سبحان الله

يرى أن سجنه خلوة مع الله

و إن قتله شهادة

أكيد الكلمات دي مش هتطلع غير من إنسان عارف حقيقة الدنيا
و عايش سعيد!

لأن الجسد ممكن يكون مسجون لكن القلب حر طليق و قد يصل و يطوف حول عرش الرحمن

هو أنا ممكن أبقى زيه ؟؟

أكيد ابن تيمية لم يكن ملاك و لا حتى نبي

كان بشر مثلك

بس هو كان فاهمها صح

ان المعادلة هي

إيمان و عمل صالح

ومش أي إيمان لازم يكون إيمان صحيح

ما في ناس مؤمنة ببوذا

هل دا هيعيش سعيد ؟؟

لازم يكون إيمان صحيح

و هو في الإسلام بس

و ماينفعش يكون إيمان بدون عمل صالح

لأن الإيمان هيقودك للعمل الصالح

قال تعالى :

مَنْ عَمِلَ صَالِحًا مِّن ذَكَرٍ أَوْ أُنثَىٰ وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُم بِأَحْسَنِ مَا كَانُوا يَعْمَلُونَ ﴿النحل: ٩٧﴾


حياة طيبة

ممكن ييجي على بالك

طيب انا عربيتي المرسيدس مش راكنة برة !

و لا حتى لاقي تمن الشقة اللي هتجوز فيها !

و مرتبي مابيكفيش !

لا مش دا المقصود بالحياة الطيبة

المقصود هنا الرضا السعادة الصفاء النفسي

ممكن واحد معاه فلوس كتير جدا و مش سعيد !

فالسعادة هنا هي حياة قلب راضي

زي ما قولنا ابن تيمية و هو في السجن

و العكس صحيح !

يعني اللي هيقوم بأعمال غير صالحة أو لا يؤمن حياته هتكون

شقاء x شقاء

قال تعالى :

وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَىٰ ﴿طه: ١٢٤﴾

و مهما كان في جيبك من فلوس

أو راكب أحدث عربيات

و لابس أحدث موديلات

عمرك ما هتعيش سعيد

و سبحان الله النقيض تماما في حياة المؤمن

قال رسول الله صلى الله عليه وسلم :

عجبا لأمر المؤمن . إن أمره كله خير . وليس ذاك لأحد إلا للمؤمن . إن أصابته سراء شكر . فكان خيرا له . وإن أصابته ضراء صبر . فكان خيرا له

و زي ما النبي صلى الله عليه وسلم قال انه للمؤمن بس

فمهما حصل في حياته من خير أو شر

قلبه راضي فعايش سعيد

و هي دي الحياة الطيبة

طيب يعني ازاي أعيش مؤمن ؟؟

علامته هو استجابتك للأوامر و النواهي

عرفت ان كذا حرام تركته ؟؟

عرفت ان كذا واجب و فرض عملته ؟؟

هو دا الإيمان اللي يخليك تشتغل لربنا سبحانه و تعالى

عشان ما نقفلش الموضوع من غير حل

عايزين نبدأ نشوف ازاي نعيش الحياة الطيبة

و دي زي المعادلة اللي قولناها و معاها اليقين

و لتحقق الإيمان

شوف ايه الحاجات الغلط اللي في حياتك اللي محتاج تسيبها

و ايه الفروض اللي محتاج تكملها

و تيقن بوعد الله

الحياة الطيبة في الدنيا
(قلب راضي)

و الجنة بإذن الله بعد سجن الدنيا اللي هتعيش فيه سعيد
وبكدة تكون حياتك
سعادة X سعادة
إن عشتها بين الرضا والعبادة