[Dont Say lol]

السلام عليكم ورحمة الله وبركاته

أسرة منتدى Silkroad For Arab
يسعدني ان اكمل باقي موضوع الذي طرحته من اجلكم

لكي نجمع ميزات وسلبيات جميع شخصيات اللعبه
بأسلحتهم بالبيلد بتاعهم وكل شيء بيخصهم ان شاء الله

Euro Characters

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الشخصيات الأوروبيه غير الشخصيات الصينيه خالص
يعني الشخصيات الصينيه Hp And Mp سريع التحميل فيهم
انما الأوروبي بطيئة التحميل لكن ضربته والقبر على طول
بس لو جينا حتى للـ Int هنلاقيه في الصيني ضربته مش أقوي من الأوروبي

اللي بيميز الشخصيات الأوروبيه عن الصينيه ان زي ما بيقولوا
ايديه تقيله شويه

بس ضعيف نسبيا في انه يستقبل أي ضرب اذا كان من الصيني او الأوروبي
غير انه من غير باف ولا يسوى حاجه أذا كان كليرك او واريور باف
مهما كان امكانيات اللبس اللي لابسه عكس الصيني


الشخصيات الأوروبيه بتنقسم لتلات حاجات
يعني مثلا الـ Warrior والـ Rogue
ليهم مثال معين في عالم Silkroad وهو الـ قاتل او Melee

ليهم ركن مع نفسهم لوحدهم كدا حتى لو دوست في الجيم
حرف الـ S هيجيبلك النافذه بتاعة السكيلات هتلاقيهم مع نفسهم

ودول على طول تديهم Str طول ما انت ماشي في الجيم وبتعلى فيها

ولما بيبقى الأتنين في بيلد واحد بيبقوا حاجه رهيبه حقيقي
بيلد جامد جدا جدا وده مش موضوعنا بس انا بديك نبذه ومعلومه
مش اكتر

نيجي لأول حاجه في الـ Melee
وهي الـ Warrior

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الـ Warrior من الشخصيات الجباره في سيلك رود .. يعني !
بيعتمد عليه (بعد ربنــا) في اي حاجه في الجيم (Party - PVP)

لكن انك تعمل تاكسي وتروح تلفل لحــد فهــو فاشل جدا في التاكسيات
لأنه بيضرب في هدف واحد وممكن يضرب أكثر من هدف إذا كان
واقفين في مكان واحد عكس الويزارد طبعا .

الـ Warrior مافيش حد فينــا مالعبش بيه لازم مادام لعبت سيلكرود
لازم تلعب بالـ Warrior أجمل حاجه فيه الـ Buff مثال ! :

واحد صاحبك واقف 80 واحد بيضربوا فيه ومش عارف يعمل ايه
انت ماتمدش ايدك ولا حاجه انت تديله بارتي يدخل البارتي
تروح مديله باف .. يخرج ياكلهم كلهم

من اجمل الشخصيات الأوروبيه حقيقي .. ومحبوب جدا جدا
يكفي استايله المميز ليه ومطلوب كتير جدا جدا في كل بارتي
لو الواريور جاله مثلا ديسكونكت وخرج وساب البارتي
مافيش خمس ثواني وكله يموت طبعا البارتي كله يحشش

الواريور ليه لبس معين طبعا وهو الـ Heavy Armor

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

معانا أول سلاح بإذن الرحمن ... وهو -

بالنسبه للأسلحه .. Dual Axe

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

هو سلاح قوي جدا فيه تعدد ضربات ويمكن كتير مش بيستخدمه كتير
غير في الـ pvp في عملية الـ Stun وبتدوخ اللي قدامك
هو سلاح قوي جدا جدا .. بس اوحش حاجه فيه انه أعمى
يعني ايه اعمى يا عم انت هتألف ؟
لأ انا مش بألف اعمى يعني لو ماسك الـ Axe وبتضرب
التأثير عليك في الضرب بيبقى قوي وبتبقى ضعيف

فا هو تمام في الـ Stun وكفايه عليه كدا



تاني سلاح معانا للـ Warrior
وهو الـ Two-Handed Sword

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

أجمد سلاح في الـ Warrior وهو أساس البيلد ده
مافيش Warrior من غير الـ 2Handed

ميزاته انه ضرباته كلها مافيش ضربه هغأ والله
كلها ليه تأثيرها وكلها ليها وقت معين بتنضرب فيه
يعني ضربة الـ Knock Dwon المشهوره
دي بتميز الواريور انه ممكن لو بتضرب واحد وهتموت
تروح في اخر لحظه توقعه
ولما بيقع طبعا يبقى الـ Defense بتاعه قليل
فا كأنه تفاحه على طبق من دهب وبتقولك كلني
وبتعمل فيه اللي انت عايزه

ملخص الليله الـ Warrior = Two-Handed Sword



تالت حاجه معانا في أسلحة الـ Warrior وهي الـ
One Handed Sword / Shield

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

طبعا الـ Defense بيبقى عالي اوي في البيلد ده
بس ضرباته بتبقى ضعيفه نسبيا شويه
بس هو سلاح حلو بتبقى متطمن معاه ومش قلقان
ممكن لو انت لفل سبعين وعايز تروح الـ Wing
ممكن تروح ماشي على رجلك ومش خايف الوحوش تموتك

وأجمد بيلد Warrior / Cleric

بس في حاجه تاني في البيلد ده
الـ Shield طبعا ماننساهوش

ده أكبر صاحب للـ Warrior صاحب من اول ماييجي لفل 60
لما بتنزل ضربة الـ Shield Crush
وهي ضربه الـ Knock Back الرهيبه ودي مميزه جدا جدا للواريور
وهي نقطة دفاع عن النفس رهيبه أوي
بس نصيحه بلاش تستخدمها في الـ Push to Statues
هههههههههههههه أصل المصريين مميزين بكدا في الجيم

بكدا خلصنا الواريور بأسلحته بتظبيطه بكل حاجه
بحمد الله

:flex:
نيجي تاني حاجه في الـ Melee
وهي الـ Rogue

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

وليه لبس معين طبعا ومميز ومحبوب وفيه ناس من الـ Warrior
بتستخدمه وهو الـ Light Armor

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ده فيه قوة تحمل جميله اوي وبالذات لما يكون معاه الـ Cleric
تعمل الـ Bless وتقعد تودي وتجيب .. تودي وتجيب

الـ Rogue بينقسم لبيلدين هما الـ XBow و الـ Dagger

الـ Xbow

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بينفع في كل حاجه يا عم الحاج واخد بالك انت ؟
يعني pvp , Job War , Fortress War وكمان الـ Taxi

زي الواريور فيه الـ Knock Down وجميله ومؤذيه اوي
وفيه كمان الـ Knock Back وضربتين مش ضربه
والـ Distance Shoot دي ضربه تضربها من على بعد كبير
يعني ممكن وانت في هوتان تضرب واحد بيتمشى مع الحته بتاعته
ورايح يتفسحوا في DonWhang الـ Cave



تاني حاجه معانا ان شاء الله في الـ Rogue
وهي الـ Dagger

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الـ Dagger في الـ PVP أقوى بيلد ممكن تلعب بيه
1VS1 ماينفعش تلاعب بيه اكتر من واحد في وقت واحد
وينفع لو لاعبت اللي أقل منك وماتقلقش لكن في لفلك هتخيش

الـ Dagger بيبقى No Taxi , No Job War
يعني أي حاجه ماتنفعش معاه الا الـ PVP

وللمعلومه الـ Dagger أقوى سلاح ممكن تجيب بيه Critical
يعني لو سلاحك فيه أكتر من 8 Critical هتفرتك اللي بتضربه

يعني سلاح جميل أوي ومميزاته اكتر مما طرحت انا
ولكم التجربه طبعا ... وهتعرفوا انه بيلد مش سهل

أفضل بيلدين يمشوا مع الـ Rogue

Rogue /Cleric Or Rogue / Warlock

وفي ناس بس مش كتير .. بتلعب ببيلد
Warrior / Rogue

تابع في الرد القــادم ... باقي الشخصيات الأوروبيه

الـ Warrior جاب أجلي .. شرحه كبير أوي واخد الصفحه كلها

على طول تاعبني كدا