بسم الله الرحمن الرحيم
انا حبيت افتح الموضوع ده عشان اتناقش مع اعضاء المنتدى عن قرب نزول ديجري 13
اليومين دول بنسمع كتير عن قرب نزول الحضاره الاسلاميه وفي دلائل بتاكد ذلك :-
1-في النسخه الكوريه موجود في الميديا اسماء بعض الوحوش في الحضاره الاسلاميه وتكرم الاخ wally
بوضعها في موضوع على المنتدى.
2-حكاية السرفر الخاص اللي الشركه اعلنت عنه عشان الناس تجرب النظام الجديد من حيث تحقيق توازن في السكلز واللفلات وتكرم احد الاعضاء بوضع موضوع في النتدى
3-الابديت الجديد وده بصراحه اكتر حاجه مخلياني اعتقد ان ديجري 13 قرب ينزل, ليه
اولا:- الشركه عملت ايفينت 100% زيادة في ال exp وممكن تستخدم البريميم والexp ticket مع بعض عشان الناس تجيب 120 بسرعه
ثانيا:- موضوع ال alchemy الجديد وزيادة الحظ 30% وده خلى كل الناس لابسه وماسكه +12
والشركه مش غبيه في الحركه دي لان الموضوع ده هيخلي ناس كتير تسيب اللعبه عشان الناس
القديمه هتحس بالظلم عشان صرفت كتير والناس الجديده هتمسك +12 بس مش هتحس بفرق
عشان كله زي بعض ومفيش منافسه, اللي غايب عن بال الناس ان الشركه عملت الحركه دي عشان
تاخد اكتر قدر من فلوس الناس وهوه ده اللي حصل وعمالين يعدوا ملايين الدولارات مكسب وفي نفس
الوقت هما مخططين ينزلوا بعد كام شهر ديجري 13 وبالتالي يكونوا ضربوا عصفورين بحجر واحد
وخساره الناس اللي دفعت فلوس في الابديت ده لان ديجري 12 مش هيبقى ليه لازمه وهيرخص جدا
والناس مش هتسيب اللعبه لان هيبقى في كارت كسبان وهوه الحضاره الاسلاميه اللي هترجع الناس
تلعب من جديد وهترجع المنافسه من جديد ويرجع شحن السلك تاني عشان كله عايز يبقى الاحسن
وكله عشان مصلحة الشركه والخسران الوحيد هوه اللاعب
انا قريت في موقع silkroad secrets ان الشركه اعلنت عن ان لسه هينزل ديجري 13 و 14 و15
يعني اللعبه ان شاء الله هتستمر لحد لفل 150 وانهم دلوقتي بيحضروا للحضاره الهنديه, وليه لا مدام الناس لسه بتدفع والشركه عناله تكسب فلوس حماده بالجنزبيل