[ameerking]

السلام عليكم

انا عملت الموضوع ده علشان لقيت ناس بتطلب طلبات غريبة شوية
يعنى عايزين يحولو ملفات لملفات ملهاش دعوة بيها خالص
فالموضوع ده ان شاء الله هشرح فيه كل صيغة فى الـ media والـ data والـ Particles والـ Music
وكل صيغة بتعمل إيه

1 - media
اولاً الميديا ديه كل الى بيبدأ فى الـ pk2 Editor بيبدأ بيها


الصيغ الموجودة فيها

1 - ddj : الصيغة صيغة صور ديه صيغة موجودة فى كل ملفات الـ pk2 بتاعة silkroad ما عدا Music.pk2 وديه بتكون اصلها dds
والصور بتكون عبارة عن icons بتاعة items والـ maps لاكن الـ maps مش معناها الارض الى الاكونتات بتمشى عليها لا ديه عبارة عن الخريطة الى فوق على اليمين ( minimap ) والخريطة الى بتفتحها لما بتدوس على حرف m من الكيبورد
وكمان النوافذ كلها يعنى لما بتدوس على npc بتتفتح نافذة هيا بتكون صور النافذة ديه فى الميديا ولما بتشترى itemmall والـ Underbar ... الخ

2 - tga : وديه واحدة بس فى الميديا كلها موجودة فى cursor\cursor_normal1.tga وديه صورة بردو

3 - dat : ومفيش اى حاجة بالصيغة ديه انما الصيغة ديه معمولة علشان متعرفش الملف ده ايه الـ gm عاملها علشان منعرفش لاكن خلاص هيا اتعرفت الملفات ديه بتاعت إيه هما فى الميديا عبارة عن ملفين اول واحدة الملفات الموجودة فى فولدر launcher و launcher_europe وديه باينا من اسمها هيا عبارة عن صور اللانشار الى بتظهر لما بتدوس على silkraod.exe عللشن تفتح اللعبة وتدوس منها start الملفات الى فولدر launcher و launcher_europe اصلها صور بصيغة bmp
اما الملفات التانية فهيا موجودة فى فولدر fonts

4 - 2dt : وديه صيغة مش عايز اقول مفيش حد بيعرف يعدل عليها علشان اكيد فيه ناس تانيا بتعرف تعدلها لاكن المهم الصيغة ديه عبارة عن مثلا بتظبط البحث يعنى لما تبحث عن اسم واحد فى البارتىفى ملف بخصص انك مثلاً لما تكتب كلام فى الـ TextBox بتاع البحث بياخد الكلام الى موجود فى الـ TextBox ويعمل عليه بحث فى خانة الاسماء وكمان الـ Arena والـ Event تخلى الـ ID بتاعك يتسجل وكدة وكمان بتظبط اماكن النوافذ وحجات زى كدة يعنى

5 - txt : ديه بقى عايزلها شهرين او 3 شهور فى الشرح لان كل ملف بيعمل حاجه وفى ملفات كتييييييير جدا txt ولو اعدت اشرح كل واحد بيعمل إيه هتشل

6 - bak : ديه كلها ملفات ملهاش اى لزمة لان ديه عبارة عن ان الـ GM بعد ما بيعدل على ملفات الـ txt فى الميديا فبعد ما بيحفظ الملف الجديد فبيخلى الملف القديم موجود بس بصيغة bak

بس كدة الميديا خلصت
نخش على التقيل

data - 2

وديه موجود فيها كل الاشكال الى فى الـ Silkroad يعنى الـ ( Mobs - characters - NPC - items - والعواميد - والبيوت - وكل الملفات الـ Graphices الرائعة بس كل ملف ليه دور
بس للاسف ناس قليلة جدا الى بتعرف تعدل عليها لانها معقدة شويتين لان كل ملفاتها بتكمل بعض

الصيغ الموجودة فيها

1 - bms : ديه هيا الى فيها التقسيمة بتاعة يعنى مثلا الاستاف DG 12 بتكون كدة



يعنى هيا الى فيها الرسم كلة بس الرسم فيها بيكون 3D
بس ديه مثلا معظم الوحوش الى فيها بتكون مش كاملة بتكون اجزاء
بتكون اجزاء علشان متاخدش ماساحة كبيرة وبالتالى تعمل لاج لما تظهر

2 - ddj : زى ما قولت فى الميديا ان ديه صور لاكن مش زى الميديا ايكونات لا ديه بتكون الالوان بتاعة ملفات bms يعنى زى ما فى الصورة فوق الاستاف من غير الوان انما لما تدخل عليه الـ ddj بيكون ملون زى ما بيكون فى silkroad

3 - bsk : طبعا فى ناس هتفتكرها bak لا
bsk ديه هيا الى بتظبط ملفات الـ efp الى موجودة فى الـ Particles.pk2 هشرح ملفات الـ efp ديه بعدين
لاكن المهم الـ bsk ديه بتظبط الملفات efp يعنى مثلا الاستاف dg 12 بيكون فى اخرها دخان ازرق او اخضر مش فاكر لاكن المهم الـ bsk ديه هيا الى بتظبط الوقت الى بيخلص فيه الدخان لفة كاملة يعنى سرعة الوقت الى يمشى فيه الدخان والمكان يعنى فى الاخر لا فى اى جزئ فى السلاح او اى حاجة

4 - wav : وديه تبعاً معروفة ديه بتاعة الالصوات بتاة كل حاجة فى silkraod

5 - ban : ديه بتاعة الحركة يعنى الحركة الى بيعملها الحصان وهوا ماشى بيحرك قدمة الحركة ديه بتكون فى الملفات ديه وكل حاجة بتتحرك فى silkroad المسؤلة عنها هيا ملفات ban
مثلا مرة خليت الراجل العجوز بتاع البورات الى فى جان جان خليتو يرقص كان شكلة جامد جداً

6 - bmt : ديه الى بيتجمع فيها ملفات الـ ddj علشان تقلل مساحة ملفات الـ bsr وهقول دلوقتى ملفات الـ bsr ديه بتاعة إيه

7 - nvm : ديه بقة الى بتجمع الارضية والاعمدة والجبال والاصوار وكل ده وبتاخدد الارضية من الـ Map.pk2

8 - bsr : ديه بقى الكبير بتاع كل الملفات الـ data.pk2 كلها
والمشكلى ان ناس كتير مش عارفين ديه بتاعة إيه
الملفات ديه هيا الى بتجمع كل الى احنا قولنا عليه وبيكون فيها ( bms - bmt - ban - bsk - efp - wav )
وانا قولت فوق ان الـ bms متقطعة
الـ bsr بقى هيا الى بتجمعهم

وكدة خلصنا الـ data

3 - Particles

وديه بيكون فيها effects او المؤثرات
يعنى فيها لمعة الـ seal of وكل الـ Skills وكل المؤثرات يعنى لما بتعلى الفل بيظهر حول الاكونت مؤثرات او لما بتستخدم HP او MP

الصيغ الموجودة فيها

1 - bms : طبعا الصيغة ديه شفناها فى data كانت رسم 3D للاسلحة والعواميد وكل حاجه
انما فى الـ Particles هيا عبارة عن رسم 3D لاكن للـ effects
يعنى مثلاً لو الكهربة بتلف حولين الاكونت بيرسم شكل كدة



وبيرسم صورة كهربة بصيغة ddj

2 - efp : بيجمع ملفات الـ ddj والـ bms
لاكن مش بيجمعهم بس زى الـ bsr لا ده بيخليها تلف حوليها ويظبط حجمها وكمان سعات بيلونها وشوية حجات تانية كدة

وكدة خلصنا الـ Particles

4 -Music

وديه بيكون فيها المسيقى بس المسيقى الى بتكون لما بتسافر للمدن ولما بتشغل اللعبة ولما بتدخل الـ FGW والـ Arena والـ event وكلها ملفات بصيغة ogg

كدة ان شاء الله اكون خلصت
ويا رب اكون عرفت اشرح كويس ومنسيتشى اى صيغة
فى انتظار الردود الجميلة

سلام عليكم