بناءً علي طلب بعض أصدقائي الأعضاء في هذا المنتدى لشرح لعبة Aion اونلاين
أرجو ان ينال هذا الموضوع المتواضع إعجابكم
اللى محتاج أي حاجه في السيرفر يكلمني
نوع الكراكتر بتاعي Elyos lvl 60
اسم الكراكتر : Auxilliary
شكــــراً
أولا : نبدأ بمعلومات عامة عن اللعبة ..
اللعبة من اصدارات شركة NCSoft العالمية
اللعبة أصدار تم إنتاجها 2009 ، ولم تكن مجانية بل كانت برقم سريال إلى يوم 11/4/2012م تم تحويل اللعبة بالكامل مجانية ولا يوجد بها شيئ بفلوس غير شوية أشياء بسيطة لن تؤثر علي مستوى اللعب ...
• • •
نظام التحميل بالكلينت الخاص بشركة NCsoft
حجم اللعبة 13 جيجا وبتاخد مساحة 30 جيجا بعد التسطيب وكل حاجه
بالنسبة لمشاكل التحميل .. لا يوجد مشاكل ولو جهازك عمل ريستارت هيكمل عادي التحميل هو هيعد من الأول 1% لحد ماوقف قبل الريستارت لمجرد انه بيعمل تشيك علي الملفات اللى نزلت ودا بيكون بسرعة ومن بعد مايوصل للرقم اللى وقف عنده بيبدأ يكمل داونلود ..
مواصفات الأجهزة اللى تقدر تشيل اللعبه:-
بروسيسور : كور 2 ديو
رامات : 1 جيجا اقل واجب (ينصح ب2 جيجا رامات)
كارت شاشة 512 خارجي أو 1 جيجا داخلي
بالنسبة للتسجيل سهل ومش محتاج شئ معقد
بعد ماتخلص وتنزل وتتسطب هتفتحها عادي من الايكونة بتاعتها علي الديسك توب
وتسجل دخول عادي
ساعات بيحصل مشاكل ويقولك الباسورد غلط
بتدوس علي Creditsوتطلع منها (بزرار اسكيب) وتسجل دخول عادي
وتجرب تاني وهتشتغل معاك عادي جداً
اللعبة تصميمها ممتاز وفكرتها فوق الممتاز بمراحل
اللعبة 60 ليفل فقط ومش هيزيدو عن 60 في الخطط المستقبلية للعبة
جوة اللعبة مقسوم 3 انظمة :-
• • •
أول نظام : Elyos
والنوع دا من الشخصيات دول الخير .. ومواصفاتهم ان الأجنحة بتاعتهم بيضاء وشكلهم طبيعي ولهم خريطة خاصة بهم ولهم 5مدن كبار جداً وفي ليفل 50 بتتفتح المدينة السادسة
النوع الثاني : Asmodian
والنوع دا من الشخصيات الشريرة .. ومواصفاتهم الأجنحة بتاعتهم سوداء وشكلهم مبالغ فية شوية
ولهم خريطة برضو خاصة بيهم والمدن بتاعتهم 7 مدن وفي ليفل 50 بتتفتح المدينة الثامنة
والنوع الثالث : Balaur
ودول المونسترات اللى في اللعبه ومينفعش تختار تبقي واحد منهم
تقدر تختار النوع الأول أو الثاني ومش بيفرق اي حاجه في الإسكيلات ولا الأسلحة ولا اللبس ..
مثلاً : لو النوع الأول راح عند الخريطة بتاعت النوع التاني .. لو حد من النوع التاني شافة ... ممكن يضربة ويموته عادي !
ونفس الكلام للنوع الثاني ..
وفيه أرض محايدة ممكن النوعين يتقابلو عليها ولازم هتروحها ايا كان نوعك
والمكان دا اسمه Abyss وفيها 8 قلاع واللى يقدر علي التاني يحتلها ... زي نظام الفورتريس بتاع سيلك رود بس علي أنضف شوية
ودة فيديو للبيلدات اللي في اللعبة :-
[YOUTUBE]H9DalozbYvI[/YOUTUBE]
الكلاسات الموجوده 4
وكل كلاس منقسم 2
وتوزيع النقاط بتاع كل ليفل بتتوزع اوتوماتيك علي حسب إختيارك للنوع اللى هتلعب بيه
• •
نبدأ بالأول Scout : نوعة هيبر
الأول فيه بيستخدم القوس .. سرعته معقولة والكريتيكال بتاعه عالى وبيجيب من الآخر
♣ ♣ ♣
الثاني Assasin بيستخدم الDaggers أحسن وأقوى وسريع جداً في ضرباته
الخلاصة : أتاك عالى .. دفاع متوسط
الثاني Mage : الساحر - ونوعة Int
[CENTER]
الأول Sorcerer ودا بيستخدم سحر وبيستخدم كتاب التعاويذ Spell book (شبيه بالوارلوك بتاع سيلك رود)
[CENTER]
الثاني Spirit Master ددا بينزل معاه مونسترات استرينس تضرب وهو بيضرب ماجيك من ورا المونسترات .
الخلاصة : أتاك عالى جداً .. دفاع مكسح .. بس ليهم أسكيلات تعزيز للدفاع
الثالث Warrior : ونوعة استرينس
الأول Templer سيف ودرع .. جامد جداً ودفاعة معدي .. وسريع في الضربات وديما بيبقي تانك في البارتيهات
الثاني Gladiator ودا بيستخدم جلافي ، سبير ... دفاعه ممتاز وضرباته بتخلي اللى قدامه يقف مايعرفش يضرب (حلوف من الآخر)
الخلاصة .. أتاك متوسط .. دفاع شديد جداً
النوع الأخير : Priest
الأول : Chanter : بيستخدم عصايه كبيره كده واسمه Staff وهو ملك البفات فى اللعبه و يمكن استخدامه فى الجروبات كتانك ثانى بعد التامبلر او الجلاديتور اذا لم يوجد و ضرباته فيزيكال مع خليط من الماجيك
الثاني : Cleric : هو طبعا من غير شرح معروف هو هيلر اللعبه الدم و الام بى و الذى منه و بيستخدم سلاح الـ Mace & Shield الـ mace ده شبه المطرقه كده
بعد كل الكلام دة
انت اخترت شخصيتك وبدأت تلعب
طبعاً نظام اللعبة معتمد إعتماد كلي علي الكويستات .. ومافيش فيها بوت
لو حبيت تلفل بإيدك وتموت مونسترات بس ... مش هتعرف لان عشان تقدر تطير وتجيب الاجنحة لازم كويست وعشان تفتح مدن لازم كويست وحاجات كتير دا غير ان الكويستات بتدي جولد كتير واكسبرينس محترمة
طبعاً تحكمات اللعبة مش زي سيلك .. مختلفة .. حركة الشخصية بالأسهم (أنصح بإستخدام W A S D لانه أسهل في تحكمات الطيران وتحكمات الشخصية ) يعنى نفس تحكمات ميدل تقريباً
الكليك يمين بيعدل لك الكاميرا زي سيلك رود بالظبط
الكليك العادية بتعلم علي المونستر وتضرب عادي
نبدأ الشرح
دي الواجهة بتاعت اللعبة
بسيطة ومش محتاجة شرح
ودي خريطة البلد اللى انت فيها (أياً كانت)
ولو دست كليك يمين .. هتجيبلك الخريطة الكبيرة
المهمات من هنا
دوس حرف J في الكيبورد عشان يجيبلك الصفحة دي
وعشان تحدد موقع مهمتك أو مكان التوصيل او المونستر المطلوب
دوس علي اسم الكويست اللى انت بتعمله هيظهرلك صفحة فيها بيانات الكويست دوس علي المونستر زي كدة
ودوس علي الزرار اللى في النص
هيظهرلك موقعة علي الخريطة
روح عنده وخلص المهمة بتاعتك
بالنسبة للإسكيلات في اللعبة
طبعا مختلفة تماماً عن سيلك رود
اللعبة مافيش فيها اسكيل بوينت وفارم والهلس دة .. لما بتجيب الليفل بتروح تشتري الاسكيلات بجولد .. ورخيصة جداً مش مكلفة يعنى
...
بالنسبة للبس والأسلحة ممكن تشتريهم من الان بي سي عادي .. بس انصح انك تشتري من البروكر او تلبس اللى بيجيلك من الدروب لانه بيكون احسن
بالنسبة لمكان البروكر بيكون في أغلب المدن عداً المدن الصغيرة طبعاً
دة بالنسبة لليفل أب والاسكيلات
بالنسبة لباقي الانشطة في اللعبه
فيه إمكانية انك تقدر تصنع اللبس بتاعك والسلاح بتاعك بنفسك ..
فيه أسكيل اسمة كرافت .. تصنيع يعنى
ودي صورة لمجموعة الحاجات اللى تقدر تصنعها
طبعاً هما أكتر من اللى في الصورة .. انت ممكن تروح المدينة تكلم الان بي سي بتاع كل اسكيل عايز تتعلمه وهو هيضيفهولك في الليسته دي
ومنه بتقدر تعمل الاتش بي والام بي بتوعك بنفسك لو حابب وبيكونو احسن من اللى بتشتريهم من الان بي سي
وبتقدر تصنع اي حاجه ومش صعبة
أنواع الأسلحة واللبس
1- لبس وأسلحة عادية .. أن بي سي يعنى ممكن تديهم لأي حد من أصحابك تريد عادي
2- لبس وأسلحة خضراء .. دي ديما بتكون دروب من المونسترات او بتصنعها .. ودي أقوى من الحاجة بتاعت الان بي سي وماينفعش تتعمل تريد بعد ماتتلبس .. ينفع قبل ماتلبسها اوكي
3- لبس وأسلحة زرقاء .. نفس الكلام من المونسترات او بتصنعها .. وبتكون اقوى من الخضراء. ماينفعش تريد برضو ينفع قبل ماتلبسها اوكي
4- لبس وأسلحة ذهبية .. نفس الكلام دروب وبتتصنع .. وبتكون أقوى من الأخضر والأزرق وبيكون شكلها مميز ومختلف تماما عن باقي اللبس ماينفعش تريد برضو ينفع قبل ماتلبسها اوكي
5- لبس وأسلحة برتقالي .. دي في ليفل 50+ فقط وبتكون أقوى بكتير وشكلها مختلف تماما ماينفعش تريد برضو ينفع قبل ماتلبسها اوكي
الأفتارات في اللعبه بتتشرى بجولد عادي او من كويستات بتيجي
وعشان تلبس الافاتار .. بتدمج الافاتار في الطقم من عند شخص في مدينة Sanctum
تقدر لو مثلا سلاحك ذهبي .. وليفلك زاد واشتريت سلاح ذهبي (وطبعا السلاح الذهبي مش بيتباع بعد ماتلبسة أول مرة) ممكن تدمجة مع السلاح الجديد من عند ان بي سي في مدينة Sanctum
وبيخلي سلاحك أقوى بكتييييييييييييير
لحد كدا ومش عارف اكتب ايه تاني ... أي إستفسار او سؤال عن أي شيئ في الجيم سيب سؤالك في رد وانا هرد عليه وأضيف للموضوع