[Wally]

انا قصتى كبيرة كيك مع سيلكرود :)

اولا انا اللى عرفنى باللعبة .. اكيد محدش هيتخيل مين ابن البواب :dopey_h4h: هو كان صاحبى و كدا يعنى بيس ..


اول ما دخلت اللعبة قلت ايه الجرافك الجامد ده و اول شخص شفته قدامى عمرى ما هنساه بصراحة , warrior لفل 17 كان واقف عند constantinople فى ال سيف زون, و كانت الاغنية مع الجرافك و الجو كانت محسسانى انى ملك بعد كدا توجهت عند الـ movia لقيت ناس كتيرة جدا بتقتل ( لمه كانت سيلكرود فى عزها .. ) و كنت بسأل كل شخص عن انه يلفلنى و كدا و المهم اول ما عملت بف السبيد بتاعت البارد كنت طاير من الفرحة و قلت ايه البتاع الغريب اللى ماشى معاية ده ؟

المختصر المفيد انا كل حاجة كنت بشفها فى اللعبة من جرافك و اسلحة كانت بتعجبنى ..

المهم الحجات الحلوة اللى كانت بتحصلى


لمه بقيت لفل عالى شوية كنت بروح عند وحوش الـ crab و كانت بتبئا مليانة على الأخر و من كتر ما هى مليانة كان بيبئا فى لاج , والله كانت احسن ايام و كنت سعتها فاتح فى كل الاسلحة و عامل شوية str , int يعنى كان كله كوسة مكنتش عارف حاجة و لمه كان يبئا معاية شوية جولد كنت احافظ عليه لدرجة انى لمه بحب اروح من مدينة الى مدينة بمشيها ..

و لمه جبت ولف بالعذاب مات منى و طبعا زعلت علشان افتكرت انه مينفعش تصحيه تانى


الأيام الحلوة كتير جدا فى اللعبة و منها لمه انا و صحابى بنطلع تريد شلة بتاع 5 6 و نقعد ندردش فى الطريق و نلاقى فاجئة سيفس جاين و كانت بتبئا كل شوية حرب سيف و ال goods بتقع مننا و بنقعد ساعة عقبال ما نجبها


بعد حوار دمج السرفرات انا حاسس ان اللعبة مش زى الاول بردوا .. الناس نفسها الحلوة سابت اللعبة شكل الاسلحة فى الدجريس القديمة احلى و كل شئ يخص الحجات القديمة كانت بدون شك احسن


كنت بتمنى ان سرو تفضل زى ما هى