[!_Omar Mohamed_!]

بالفعل انت لست مجرد عضو



ايوه يا جدع انت مش مجرد عضو
مش عشان مكتوب تحت اسمك عضو
يبقى كده انت خلاص مجرد عضو ملكش لزمه فى المنتدى !!

سيادتك كلنا كنا كده مكتوب تحتينا كلمه عضو ^^

من اول اكبر مراقب عام لحد انت
كلنا كنا كده




ايه الفرق ؟

-الفرق احنا كلنا حبينا نساعد غيرنا
سواء فى اللعبه او فى غير اللعبه




ليه يعنى تساعد ؟

-لأن اى كلمه سيادتك بتكتبها بنية تساعد بيها غيرك سواء بقى كنت مكتوب جنبك عضو او مشرف او مراقب عام او او او
بتاخد عليها ثواب

يعنى مثلا
لو واحد عنده مشكله معينه
وانت عارف حلها
ايه يعنى لما تكتب حلها فى تعليق ومتكسلش !!

لو الناس عاوزه مساعده وانت عملت موضوع فيه الحل
انت خسرت حاجه ؟
بالعكس كسبت ناس تقدر تساعدك لو انت محتاج مساعده
وكسبت ثواب المساعده من غير ما تتعب !!



طب ايه يا عم الى يدخلنى المنتدى من اساسه واشارك فيه ؟ انا اصلا مليش اهميه !!

- مين قالك انك ملكش اهميه
كفايه انك تشارك معانا بكلمتين فى تعليق
او موضوع تفدنا بيه
هتكسب رجاله واصحاب عمرك ما هتنساهم

انا عنى انا من قبل ما ابقى عضو فى المنتدى هنا
وبدأت اعرفه من الجيم وكسبت اصحاب من المنتدى لما عرفته من الجيم
ولحد دلوقتى فيه ناس اعتزلت من هنا
ولسه اصحابى وبعزهم جدا جدا ولما بكون فى مكان مثلا وهم فيه زى اسكندريه او القاهره
بحس انى ملك بجد من الى بيعملوه معايا !!




جرب وشارك معانا
صدقنى انت الكسبان
وعلى رهان ^__^

احياء للماضي

كل الحقوق محفوظه : عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]