عرض مشاركة واحدة
قديم 13-09-2018, 10:40 AM   #1

Mr Z!dane
عضو فضى


Never ForGive

الصورة الرمزية Mr Z!dane


• الانـتـسـاب » Feb 2010
• رقـم العـضـويـة » 68924
• المشـــاركـات » 3,580
• الـدولـة » Egypt - Giza - Imbaba
• الـهـوايـة » * افْعَل مَا تُؤْمِن بهِ وَدَع الجَمِيع يُفَكِر بمَا يَشَاء .‬
• اسـم الـسـيـرفـر » Serpens
• الـجـنـس » Male
• نقـاط التقييم » 1145
Mr Z!dane عطـاء غيـر منقطـعMr Z!dane عطـاء غيـر منقطـعMr Z!dane عطـاء غيـر منقطـعMr Z!dane عطـاء غيـر منقطـعMr Z!dane عطـاء غيـر منقطـعMr Z!dane عطـاء غيـر منقطـعMr Z!dane عطـاء غيـر منقطـعMr Z!dane عطـاء غيـر منقطـعMr Z!dane عطـاء غيـر منقطـع

Mr Z!dane غير متواجد حالياً

5094  


إرسال رسالة عبر Yahoo إلى Mr Z!dane إرسال رسالة عبر Skype إلى Mr Z!dane

افتراضي نشرة S4a التقنية 13-9



🌟ثغرة جديدة ضربت كل كمبيوترات ولابتوبات أبل وويندوز تخلي الهاكرز يسرق بياناتك وجهازك مقفول! :O

شركة F-Secure أعلنت ان باحثيها قدروا يوصلوا لطريقة جديدة بتعتمد على ان الهاكرز لازم يكون قدام الكمبيوتر أو اللاب بتاعك، وساعتها بيبدأ يستهدف الميموري نفسها بتاعت الكمبيوتر وبيبدأ يخترق السوفت وير بتاع الميموري نفسها وبيظبط فيها، بحيث يقدر يقفل إجراءات الحماية الخاصة بتشفير البيانات على الأجهزة، وده موجود في ويندوز مع برنامج BitLocker وموجود في أبل مع برنامج FileVault .. وهووب ساعتها بيقدروا ياخدوا أي داتا متخزنة!

أبل ومايكروسوفت قللوا واستهونوا بالثغرة وقالوا أن أي أجهزة ماك شغالة بشريحة T2 الجديدة مش هتصيبها الثغرة دي، وأي أجهزة ويندوز شغالة بتستخدم BitLocker وعاملة رمز سري خاص بالجهاز وهو بيفتح برضو مش هيقدر الهاكر يستهدفها بالهجوم الجديد!

🌟شركة Lexus سبقت الكل وأعلنت انها هتنزل أول عربية في الشارع من غير مرايات جانبية! :O

عربية ليكسس ES 300h هتنزل بـ3 كاميرات كاميرتين ع الجناب وكاميرا خلفية مكان المراية اللي جوا العربية، واللي هتقدر تتحكم فيه يدويًا براحتك تماما عشان تظبط زاوية الرؤية وانت سايق أو وانت بترجع بضهرك وبتركن، والأروع ان الكاميرات متصممة ان المطر ميطولهاش بحيث دايما تديك رؤية واضحة في كل الظروف!

🌟الكونجرس هيستجوب أبل وجوجل وأمازون وAT&T واحتمال فيسبوك كمان يوم 26 سبتمبر بخصوص حماية بيانات المستخدمين.. واضح ان الكونجرس معندهوش حاجة يعملها السنة دي!😒

🌟أوبر شكل اللوجو بتاعها عشان الزباين كانت بتتلخبط بينه وبين خدمات تانية كتير فقررت تستخدم فونت خط مخصوص ليها اسمه Uber Move !

🌟مايكروسوفت بتجرب حاليًا انها تظهر شاشة بتقولك انك "أصلا عندك براوزر مايكروسوفت ايدج آمن وأسرع براوزر على الانترنت"، وده طبعا لما بتفتح ايدج عشان تعمل داونلود لفايرفوكس أو جوجل كروم! :D

🌟ولاية سان فرانسيسكو عملت حملة جديدة اسمها "RideShare with Care" عشان الناس اللي بتركب أوبر وLyft هناك ياخدوا بالهم من أرقام العربيات اللي بيركبوها لما يطلبوا الخدمة ويتأكدوا ان العربيات هي أصلا اللي تبع الخدمة اللي طالبينها ولا لأ عشان ميحصلهمش أي مشاكل أو يحطوا نفسهم في أي خطر!

🌟شركة ناشئة اسمها Agero عملت سيستم اسمه Driver360 للموبايلات بيستخدم السينسورز الموجودة في موبايلك عشان لاقدر لو حصلك حادثة السيستم يقدر يبعت رسالة طلب نجدة بمكانك بظبط وتوقيت الحادثة للإسعاف والشرطة عشان ينجدوك!

🌟الطالب Aayush Bansal من جامعة كارنيجي ميلون قدر انه يعمل سيستم ذكاء اصطناعي جديد اسمه Recycle-GAN (( والـ GAN أو Generative Adversarial Network بتشتغل على انه يكون فيه عنصرين، واحد منهم بيحاول يعمل بيانات مزيفة والعنصر التاني بيحاول يلقط التزييف فبيفضلوا يتنافسوا عشان العنصر اللي بيزيف قدراته تطور أكتر وميغلطش ويقدر يضحك على العنصر التاني)) والسيستم ده كل فكرته انه بيقدر يخليك تاخد ستايل وشكل حركة شخص في فيدو معين وتحطها على شخص تاني وكإنه هو اللي بيعمل الحركات دي!! (( اتفرج هنا: عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
🌟شركة Tesla شالت اللونين الأسود والفضي من الألوان المتاحة لعربياتها عشان تسرع عملية الانتاج !

🌟شركة Verizon الأمريكية نزلت أول خدمة انترنت منزلي بالـ 5G !! :O
سرعة الانترنت 300 ميجابت في الثانية وبتوصل لحد 1 جيجابت في الثانية ( مش ميجابايت ولا جيجابايت وتقدر تعرف الفرق من هنا عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] )

🌟فيفا 19 هينزل الـDEMO بتاعها يوم 13 سبتمبر للبلايستيشن 4 والاكس بوكس ون، يعني قبل أسبوعين من نزول اللعبة الكاملة!

صباحكم فُل😄


توقيع Mr Z!dane :


رد مع اقتباس
إعلانات google