مصر الان بعد تنحى مبارك

[lil romeo]

بلطجية التحرير يعتدون على مؤيدين عدم محاكمة مبارك
25 ابريل 2011

رشق بالأحذية والزجاجات الفارغة بين أعضاء بالوفد وأنصار"البدوى"
28 ابريل 2011

بالفيديو.. السلفيون يهددون باقتحام الأديرة لإخراج كاميليا شحاتة
21 ابريل 2011

هجوم البلطجية يلغى مؤتمر عمرو موسى بالأقصر
27 ابريل

بالفيديو.. تراشق بالألفاظ وتطاول بالأيدى فى "حرب النجوم"
17 ابريل

طردى من المنتدى لمدة اسبوع


مرشحين الرئاسة :-

1: عمرو موسى : راجل خواف قال اعملوا حظر جوى فى ليبيا وبعد الموافقة امريكا وفرنسا وبريطانيا وغيره قصفوا ليبيا بالطيران وبدل ما يحموا المدنيين لا دول موتوهم ومستر عمرو موسى بيتفرج وخايف يتكلم ولما قال انا قولت حظر جوى لكن مش قصف راحوا نفضولوا راح سكت ياعينى ازاى يحكم مصر واحد خايف من الغرب ؟؟؟

2 : البرادعى : جيه من بره وجايب ابن خالت ست بنت عم خال عمته وائل غنيم علشان يعملوا دعايا وكله عارف انه عميل وغير كده عمره ما قعد قى مصر ازاى يحكمها ده لو نزل الدويقة هيتوه

3 : توفيق عكاشة : ده بتاع قناة الفراعين وكل شوية يقولك رسالة وصلتلى بتقول يا دكتور توفيق احنا هننتخبك وشكله هو اللى بيبعت الرسائل لنفسه ^^ ويقولك انا لو مكان مبارك هحفظ الشعب المصرى وهو اصلا مرفوع ضده قضية من مراته لانه مش بيصرف على ابنه علشان ابنه معاق يبقى ازاى يحكم مصر ؟؟؟ مش مهتم بابنه هيهتم بمصر ؟

4 : احمد شفيق وعمر سليمان : رجلين غلبانيين قوى بس صعب ينجحوا علشان ناس بتقول انهم من اتباع النظام السابق

5 : شعبان عبد الرحيم : ......... فاصل ونواصل هههه حشاش كبير ..........

.................................................. .................................................. .................................................. .............
رسالة لكل شباب 25 يناير :- مبارك مش هيتحاكم

1 : الشرعية مع مبارك لان الدستور وقت تنحى مبارك بيقول عدم ملاحقة الرئيس او محاكمته الا فى المادة 85 عند الخيانة العظمى للبلد

2 : مؤيدين مبارك بيزيدوا كل يوم بعد التانى وصامدين ومش هيمشوا لان فيه قناة كويتية اسمها سكوب متابعاهم ومش عايزين اعلام مصرى

3 : مبارك لم يامر بقتل المتظاهرين حسب شهادة عمر سليمان وعلاء مبارك وزكريا عزمى ومحامى مبارك قال للنائب العام ياريت نستمع لكل مكالمات مبارك من 23 يناير حتى يوم 30 وده دليل انه واثق من نفسه
مبارك مش هيتحقق معاه غير فى الكسب غير المشروع وباذن الله براءة لان فيه مستشار قال ان مبارك فىه ثغرة فى الكسب غير المشروع هتخرجه برااااااااااااااءة
Good Luck^^

[| - CreSpO - |]

1 : الشرعية مع مبارك لان الدستور وقت تنحى مبارك بيقول عدم ملاحقة الرئيس او محاكمته الا فى المادة 85 عند الخيانة العظمى للبلد

دا على اعتبار انه كان عادل و مش خاين ؟؟ لووول

2 : مؤيدين مبارك بيزيدوا كل يوم بعد التانى وصامدين ومش هيمشوا لان فيه قناة كويتية اسمها سكوب متابعاهم ومش عايزين اعلام مصرى

الله يسهلهم

3 : مبارك لم يامر بقتل المتظاهرين حسب شهادة عمر سليمان وعلاء مبارك وزكريا عزمى ومحامى مبارك قال للنائب العام ياريت نستمع لكل مكالمات مبارك من 23 يناير حتى يوم 30 وده دليل انه واثق من نفسه

ودا برضه على اعتبار ان عمر سليمان وعلاء مبارك وزكريا عزمى مش فاسدين ؟ لول دول فى السجن يا عم اكيد هيخرفه زى الباقى

مبارك مش هيتحقق معاه غير فى الكسب غير المشروع وباذن الله براءة لان فيه مستشار قال ان مبارك فىه ثغرة فى الكسب غير المشروع هتخرجه برااااااااااااااءة

NO COMMENT

[™_Blast_™]

طب م ثورة 23 يوليو كانت نفس النظام في الاول مصر كانت خراب و بعد كده اتعدلت.......متقولش كتب و هبل عشان ابويا كان موجود ساعتها

[lil romeo]

كل واحد دلوقتى عاوز يقسم التورتة
حتى المساجد بيتخانقوا عليها حسبنا الله ونعم الوكيل

حافظ سلامة يسيطر على مسجد النور وسط حراسة أمنية مشددة
اشتباكات بين انصار الشيخ حافظ سلامة وانصار الشيخ احمد تركى على القاء خطبة الجمعة فى مسجد النور

وردا عليك يا كريسبو اقولك الدستور مع مبارك وهو عدم محاكمته

وبعدين حتى الان لم تثبت اى اتهامات ضد مبارك وكل اللى كان الاعلاميين بيقولوه ان مبارك عمل وعمل كله كذب واتهامات باطل والدليل ان كل ده بااااااااااااااااااااااطل

وقرار الحبس انسووووووووووووووووه لان المتهم برئ حتى تثبت ادانته
افتح قناة سكوب الكويتية وشوف الكويتيين زعلانيين ازاى على اللى بيعمله الشعب فى مبارك

سبحان الله الايام اللى فاتت شوفنا كمية اتهامات اكتر من 2 تريليون اتهام ضد مبارك ودلوقتى طلع كله كذب ومفيش حاجة ضده
سبحان الله ربنا مع الحق حتى ولو كان موقفه ضعيق

[™_Blast_™]

حافظ سلامه ده راجل مضروب في مخه.......طلع بس قال مش هنسلم مش هنسلم و بكده بقى بطل قومي......كل الكدب اللي بيقولوا في التلفزيون ده هبل

[lil romeo]

من حق كل مواطن انه يكدب
الناس اللى ماتت ايام الثورة كلها شهداء وما يتضمنها من حشاشين على مساجين ودكتور الطب الشرعى قالها
واللى مات دفاعا عن وطنه بنستهزء بيه ( نجل القذافى ) وبنتريق عليه

[™_Blast_™]

لا حول ولا قوة الا بالله.........ايام اللجان الشعبيه احنا مسكنا مساجين قالولنا ان رؤساء السجون طلعوهم و قالولهم اضربوا في المتظاهرين مسكناهم و سلمناهم ولا حياة لمن تنادي

[☜ ĂиTaKą ☞]

عمر دماغك دى ما هتثبت ع حال ابدا .. نفسى لما نمسك مشكله نخلصها للاخر ومتقعدش تدخلنا فى حوارات تانيه بقى والكلام ده

[lil romeo]

محدش اتكلم خالص عن بلطجية التحرير لما اتهجموا وضربوا مؤيدين مبارك
لكن لو مؤيدين مبارك اللى اتهجموا على التحرير والله كانو اتحبسوا

مؤيدين مبارك فى احداث التحرير اتحاكموا لكن التحرير استحالة يتحاكم لانه هو اللى ماسك البلد الان
لما شرعية الدستور تكون مع مبارك ونخالفها علشان التحرير يبقى ايه ؟
هل الشرعية هى ميدان التحرير ؟

مؤيدين مبارك يتاحكموا والمعارضين لما يعملوا حاجة ميتحاكموش
وقال ايه عاوزين عداله اجتماعية

[!_Pok3rFace_!]

طردى من المنتدى لمدة اسبوع

اكيــد غــلط ، و اكيــد كــان لازم تــاخد عقــاب

1: عمرو موسى : راجل خواف قال اعملوا حظر جوى فى ليبيا وبعد الموافقة امريكا وفرنسا وبريطانيا وغيره قصفوا ليبيا بالطيران وبدل ما يحموا المدنيين لا دول موتوهم ومستر عمرو موسى بيتفرج وخايف يتكلم ولما قال انا قولت حظر جوى لكن مش قصف راحوا نفضولوا راح سكت ياعينى ازاى يحكم مصر واحد خايف من الغرب ؟؟؟

يعنـــى هــو كــان هيــعمل ايـــه ، هيــقوم بمظــاهرة و لا هيــركب الدبابة الراكــنها فى الجــراج ؟؟
اســهل حــاجة هيــعملوهاله هيـــقلوله و انـــت مــالك ؟!

2 : البرادعى : جيه من بره وجايب ابن خالت ست بنت عم خال عمته وائل غنيم علشان يعملوا دعايا وكله عارف انه عميل وغير كده عمره ما قعد قى مصر ازاى يحكمها ده لو نزل الدويقة هيتوه

دعــايا ايـــه بـــس يا جميــل ؟! ، دول اتعـــرفوا عــلى بعـــض عن طريـــق اعضــاء جــروبين كــلنا خــالد سعيد و صفحــة التغيير ، و البـــرادعى دة ازاى عميـــل ، هــو علشـــان شغــال بــرة يبقــى عميــل ؟ مجــدى يعقــوب عميل ؟ فــاروق البــاز كــان عميــل ؟! ، لــو انــت جــاتلك فــرصة تشـــتغل فى الوكــالة النووية هتقــول لأ ؟!

3 : توفيق عكاشة : ده بتاع قناة الفراعين وكل شوية يقولك رسالة وصلتلى بتقول يا دكتور توفيق احنا هننتخبك وشكله هو اللى بيبعت الرسائل لنفسه ^^ ويقولك انا لو مكان مبارك هحفظ الشعب المصرى وهو اصلا مرفوع ضده قضية من مراته لانه مش بيصرف على ابنه علشان ابنه معاق يبقى ازاى يحكم مصر ؟؟؟ مش مهتم بابنه هيهتم بمصر ؟

والله انا معـــرفش الراجــل دة اساسا ، بـــس لو النتــا بتقــوله صح يبقــى راجل زبــالة وواطى و ميــنفعش يمســك صبــاع رجــله اساسا !

4 : احمد شفيق وعمر سليمان : رجلين غلبانيين قوى بس صعب ينجحوا علشان ناس بتقول انهم من اتباع النظام السابق

يــا عمــى كـــل واحــد ممكن يعمـــل الصــح و الغــلط ، بـــس عمــر سليمان هيــخلينا كــلنا جواسيــس :))

5

: شعبان عبد الرحيم : ......... فاصل ونواصل هههه حشاش كبير ..........

دة بقـــى الراجــل الفــلة السكــرة النا هنتخبــه :)))))))

الشرعية مع مبارك لان الدستور وقت تنحى مبارك بيقول عدم ملاحقة الرئيس او محاكمته الا فى المادة 85 عند الخيانة العظمى للبلد

متـــعرفش ان الاهــدار فى المــال العــام ، و تـــأخير المصــالح العــامة ، و الكســب الغيـــر مشـــروع ، و تهــريب سجيـــن واحد ، اشـــاعة فتـــنة بيــن طوائــف الشــعب .. كــل دة خيــانة عظمــى ؟!

مؤيدين مبارك بيزيدوا كل يوم بعد التانى وصامدين ومش هيمشوا لان فيه قناة كويتية اسمها سكوب متابعاهم ومش عايزين اعلام مصرى

يــا حــج ، كويـــت ميـــن يعنــى هنا عمــالين يقتــلو فــى الشــعب هناك و مبيــعملوش حــاجة مــع بعض مع اننا عـــرب اخــوات و يقــلولوك معــاهدة ما بيــنا ؟

مبارك لم يامر بقتل المتظاهرين حسب شهادة عمر سليمان وعلاء مبارك وزكريا عزمى ومحامى مبارك قال للنائب العام ياريت نستمع لكل مكالمات مبارك من 23 يناير حتى يوم 30 وده دليل انه واثق من نفسه
مبارك مش هيتحقق معاه غير فى الكسب غير المشروع وباذن الله براءة لان فيه مستشار قال ان مبارك فىه ثغرة فى الكسب غير المشروع هتخرجه برااااااااااااااءة

انــا معتـــرض عــلى محــاكمة مبــارك ، بـــس شــلة ســرقت نـــاس و كــل واحد من الشــلة يقــول دول مســرقوش حــاجة ، الشــهادة دى تنــفع ، و اذ لقــوا مـــلفات فــى امن الدولة بتقــول ان فى اوامر بحــرق اقســام الشــرطة و اخــراج المسجونين و تكــليف البــلطجية بــانها جــايلهم من فوق من عنــد العدلى و مبــارك ؟؟!
و يــا رب مبــارك ميـــتحاكمش
مـــش عــارف لما نكبـــر و ندرس للجيل التحتــنا هنقــولهم رئيس الطــلعة مــات فيــن ؟؟؟ مــات فــى السجن يا حبيـــبى !! ميـــنفعش خــالص !
عـــلى العموم الاختــلاف فــى الرأى لا يفـــسد فى الود قضــية

[!_Pok3rFace_!]

المشاركة الأصلية كتبت بواسطة lil romeo عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

محدش اتكلم خالص عن بلطجية التحرير لما اتهجموا وضربوا مؤيدين مبارك
لكن لو مؤيدين مبارك اللى اتهجموا على التحرير والله كانو اتحبسوا

ازاى بـــس بلطجيـــة التحـــرير والله انا كنـــت موجود من يــوم 26 لحــد 29 و مفيـــش والله اى بلطجيــة من الثــورة
اى حــد كــان بيدخل الميــدان كــان بيــتفتش
والله حتــى العصيـــان كانت بتتاخد
والله كــان فى ناس بتموت جمبــى من المولوتوف !
والله والله والله الثــورة مكــنش فيــها بــلطجة
تحيــاتى ..

[lil romeo]

Pok3r
انت فهمتنى غلط انا بتكلم على يوم 25 ابريل مش 25 يناير^^
بلطجية التحرير جم من التحرير لحد ماسبيرو عند مؤيدين مبارك وضربونا بالطوب والزجاج وعربية الاسعاف اخدت اتنين من مصابين من عندنا
محدش كلم بتوع التحرير لكن لو احنا كان طلع ........ ابونا صح ولا لا ؟
وعن موضوع المرشحين
عمرو موسى امين جامعة الدول العربية يعنى هو صاحب القرار للحل لليبيا انه يقول اعملوا كذا يعملوا يعنى هو الكل فى الكل وكل حاجة فى ايده
والبرادعى هو اللى سخن امريكا على العراق وبعدين مش عايش فى مصر جاى ليه دلوقتى ؟
اما بالنسبة لمبارك فالخيانة العظمى هى خيانة البلد عن طريق العمل مع دولة اخرى بهدف زعزعة استقرار امن الوطن
هل مكنش فيه استقرار ايام مبارك ؟

اما بالنسبة لمحاكمة الاخرين مفيش حد معارض لهذا كل الشعب موافق على محاكمة كل النظام السابق الا مبارك
محدش نزل يقول مش عايزين محاكمة جمال او علاء لكن الناس نزلت لمبارك فقط لا غيرررررررررررررررر

[Gl4Di4ToR]

يـــا جدعان ليه بتكلموا سـبووه يعمل مواضيع زي ما هو عـــايز
أحنا مش هنخس حــاجـه

أصل الكلام مش هينفع معاه ببـساطه سـيبوه يعمل الي هو عايز و هيقتنع بعد كدا أني مواضيعه كلها لـ أشعال النــار و مشاكل و خلاص لــكن هو معندوش مبدأ و لا منطق يتكلم بيه

[| - CreSpO - |]

طردى من المنتدى لمدة اسبوع

دا عشان انت كنت بتعمل اسبام و كذا مره حذرناك و مفيش فايده

غير كدا بقا اعمل موضوع و اتكلم فيه زى ما انت عايز .. كلامك لا هيقدم ولا هيأخر

خلص الكلام

[lil romeo]

على فكرة والله انا كلمة طردى من المنتدى ديه كنت بقولها بهزار والله
انتو فهمتوها غلط