شرح Alchemy و كيفية تعديل على السلاح ورفع قوة السلاح(شرح بالصور)

[meromome]

بسم الله الرحمن الرحيم

دة شرح مبسط بالصور لكيفية عمل الكيمياء وتعديل الاسلحة وزيادة درجة قوتها بمقدار + 1 او اكثر وكيفية الحصول على الالمنتات وما هى اهميتها وبتستخدم فى اية . وكيفية عمل الاحجار واضافة البلو للملابس والاسلحة كل دة هيتشرح هنا بالصور بشكل مبسط ان شاء الله واتمنى الشرح يجيب على كول تساؤلاتكم !

نبدأ :
كيفية الحصول على الاليمنتات :
فية طريقتين الحصول منها على المواد الاولية الى بتقع من الوحوش أو تكسير مواد اخرى ايتمز يعنى لبس او اسلحة مش محتاجهم بتقوم مكسرهم وواخد منهم الاليمنتات الى هية العناصر الطبيعية الاربعة .
اولا :الحصول على الاليمنتات من تحويل المواد الاولية
لما بتجى تموت الوحوش بيقع منها اكياس ودى فيها materials او المواد الى بيتعمل منها الالمنتات )
كيفية عمل الاليمنتات :
تجمع المواد الى جمعتها من قتل الوحوش والى وقعتلك على شكل اكياس وتروح عند NPC بتاع الأكسسوارات ( اللى بيبيع الخواتم rings وباقى الاكسسورات والى بتشترى منه الكاب بتاع ال PvP) هو دة عندة بردو سوائل كتير ميهمناش منها غير السائل الى بيحول المواد الى انت جمعتها من الوحوش الى اليمنتات السائل دة اسمة Void Rohndo ودة تمنه رخيص مش غالى بتشترى مثلا مش اقل من 100 زجاجة ودى صورة للسوائل الى بتكلم عندها والى عند تاجر الاكسسوارات وباين فى الصورة انهى سائل الى محتاجينه عشان نعمل الالمينتس من المواد الاولية .




هنا زى ما باين فى الصورة السائل الى محتاجينه منها عشان نعمل الاليمنتس ( الالمينتات هية العناصر الطبيعية الاربعة الماء والرياح والنار والارض )





طيب بعد ما عرفنا اية هية الالمنتات وكيفية الحصول عليها تعالو نعرف نعملها ازاى .
بنضغط على حرف ال ( y ) فى الكى بورد هيظهرلنا الصورة دى .



دى القايمة الى بيتعمل فيها كل حاجة خاصة بالكيمياء وهشرحها بالتفصيل ان شاء الله

بنحط السائل ال Void rondho فى اول خانة الى عليها الدايرة وباقى المواد الاولية فى الخانات الصغيرى الى جنبها كما هو موضح بالصورة كدة



وبعد كدة نضغط على كلمة Fuse all هتلاقى عملية تحويل المواد الاولية الى عناصر طبيعية ( اليمنتات ) بيتم اوتماتيك وبعد ما تخلص تفتح الانفينتورى inventory اللى هية الشنطة بتاعتك هتلاقى العناصر الاربعة موجودين .

ثانيا الحصول على الاليمنتات من تكسير الادوات

لما يقعلك ايتم سلاح مثلا او لبس جزمة .. صدر . او خوذة اى حاجة مش عايزها او مش مناسبة انك تلبسها كمثال انها تكون female مثلا
ممكن تبعها لل NPCودى فكرة وحشة او تكسرها وتاخد منها اليمنتات طب ازاى اكسرها ....
تفتح القايمة بتاعة الكيمياء من حرف ال ( y) ودى ونحط السائل المسؤل عن تكسير الادوات ودة غير السائل الى بيحول المواد الى المنتات ودة بيكون اسمة Destroyer rhondo وهتلاقوة جنب السائل التانى نفتح قائمة الكيمياء ونحط السائل فى اول خانة ( الخانة الدائرية ) ونحط الايتم المراد تكسيرها فى الخانة الى جنبها وندوس Fuse or fuse all ودى صورة لعملية تكسير الادوات وتحويلها الى اليمنتات



ودى صورة لل الاليمنتات بعد الحصول عليها




طيب عملنا العناصر البطبيعية او الاليمنتات نعمل اية بيها دى ؟ اقولكم اودامك حلين اتنين يا اما تبيعها بمبالغ باهظة التمن ومش اى نوع انواع معينة ودة مش موضوعنا دلوقتى او تستخدمها فى انك تضيف blue على البس و الاسلحة . البلو دة عبارة عن تعديل على البس والاسلحة بحيث يضفى عليها مزيد من خصائص القوة .

نعمل بالالمنتات حاجة مهمة جدا وهية رفع كفائة البس والاسلحة عن طريق تغير خصائص السلاح ( مثل الphy attack , mag attack .) او اضافة حاجة اسمها ال Blue البلو دة بيزود حاجاة معينه فى قدرات البس والسلاح او قدرات الشخصية بتاعتك زات نفسها زى HP مثلا او يزودلك نقط فى الـ Str .

عشان نعمل ال blue باستخدام الاليمنتات لازم حاجة مهمة اسمها Tablets ودى بتحصل عليها بردو من الوحوش عند قتلك للوحوش بيقعلك يعنى زى علبة حمرا كدة دى فيها التابليت
وفى نوعين زى ما ذكرنا تابليت حمرا ( بتغير الخصائص الموجودة فى اللايتم)
وتابليت خضرا ( بتضيف Blue على الايتم ).

ودى صورة للتابليت




طيب ازاى نعمل البلو بعد ما حصلنا على التابليت
نفتح قايمة ال alchemy او اكلمياء بالضغط على زرار Y كما سبق ووضع التابليت فى الخانة الاولى الدائرية ووضع الاليمنتات الى بيحتاجها التابليت عشان يعمل Stone . وكل تابليت لما تعلم علية بيظهرلك فى القايمة بتاعتة انواع الاليمنتات الى بيحتاجها وبكمية اد اية ولازم يكون متوفر عندك الانواع والكميات اللى محتاجها التابليت عشان يتعمل منه الحجر او stone .
ودى صورة لكيفية عمل ستون من التابليت


ودى صورة ال Stone بعد ما حصلنا عليها من التابليت والالمنتات



وبعد ما نحصل على ال Stone او الحجر هية دى بقا الى بتعمل البلو نجيب ال حجر دة ونحطة فى قايمةال alchemy او الكيمياء فى الخانة الدائرية و فى الخانة الى جنبة الايتم سواء اللبس او السلاح الى عيزين نضيف الية البلو blue ونضغط على كلمة Fuse

كما فى الصورة بالظبط :


وهنا صورة بتبين ال blue الى اضفناة على الايتم بعد نجاح العملية ..... ملاحظة من الممكن العملية تفشل ودة بيرجع للحظ واذا العملية فشلت بتحتاج تعيد الموضوع تانى ولازم يكون متوفر ليك التابليت والاليمنتات الخاصة بيه عشان تحاول مرة اخرى .



=*=*=**=*=*=*=*=*=*=**=*=*=*=*=**=*=*=

نكمل بقا اخر حاجة وهية كيفية رفع قوة السلاح
الموضوع اسهل من تجميع الالمنتات وعمل البلو
كل الى عليك انك تجمع حاجة اسمها اليكسرElixerودة بيقع من الوحوش مع ملاحظة ان كل حاجة وليها نوع معين من الاليكسر بيرفع درجتها ويضيف عليها + عندك مثلا البس غير السلاح وغير الاكسسوارات كل نوع ولة اليكسر معين وهذكرهم كالتالى :-
البس لية اليكسر يسمى Elixer protector لونه ازرق وعلى فكرة مش شرط للبروتكتور هو بردو ينفع مع الجارمنت والارمو وكل انواع الملابس لكن هو اسمة كدة مجرد اسم !
الأسلحة ليها نوع من الالكسرات اسمة Elixer Weapon
الاكسسوارات ليها اليكسر اسمة Elixer Accessory
على نفس اسمها .. الالكسرات دى شكلها بيبقا عامل زى الازاريز كدة وانا هجيب صورة لشكل الالليسكر ويبون بتاع الاسلحة . وكل نوع من انواع الاليكسرات لية لون معين ومكتوب علية بتاع اية لبس ولا اسلحة ولا اكسسوارات .
المهم نيجى لكيفية رفع درجة الاسلحة واضافة + عليها .

بنفتح قايمة الكيمياء Alchemy بالضغط على زرار ال ( y) فى الكى بورد هتفتحلك القايمة بتاعة الكيمياء بتحط الاليكسر الى انت عوزة فى اول خانة الى هية المدورة وبتحط فى المربع الصغير الى جنبها الحاجة الى عاوز تعليها وتزود عليها ال + وتدوس Fuseكما فى الصورة :
( ملاحظة مهمة ) لازم مع كل اليكسر تحطة تشترى حاجة اسمها لاكى بورد Lucky Powder عشان يزود نسبة الحظ فى نجاح العملية عشان العملية متفشلش . وهنا لو العملية فشلت والسلاح اساسا علية + مثلا +2 والعملية فشلت هيرجع تانى +0 فلازم الحرص فى الحتة دى .

زى ما هنشوف فى الصورة



لما تنجح العملية هتلاقى السلاح بقا علية +1 مثلا لو كان +0 يعنى كل مرة تنجح فيها العملية هتزود الايتم بتاعتك +1 عاوز تزود عن كدة يبقا تعمل نفس العملية اكتر من مرة عشان توصل لمستوى ال + الى انت عيزة مثلا +3 او +5
مع ملاحظة أن اعلى من +5 محتاج حاجات خاصة بتشتريها من ال item mall عشان توصل +5 بسهولة زى مثلا حجر ال Immortal الى بيحميك من تبخر السلاح لان فى بعض الاحيان ممكن تعلى عن +4 السلاح يختفى :) فا الامورتال بيحميك من كدة
وفية حاجة كمان بتشتريها اسمها ASTRAL دى بتخلى لما العملية تفشل السلاح يقف عند +4 ميرجعش تانى +0
انما انت بقا لو حظك حلو ممكن تعلى +5 من غير ما تشترى اى حاجاات .زى دى من ال Item mall
لكن لازم يكون متوفر معاك عدد كبير من الاليكسرات

=-=-=-=-=-=-=-=-=-=-=-=-=-=
ارجوا ان تكونوا فهمتوا الشرح
(منقول للامانة)

[meromome]

مستنى الردود

[_A_L_P_]

موضوع رائع مشكور

[nour eldin2009]

انا يسعدنى ان اكو اول واحد يرد عليك
و شرح جميل و مفهوم
و تقبل مروروى؟.

[meromome]

شكرا لردودكم الرائعة

[7oDa_2010]

thx

[7oDa_2010]

تقبل مروري

[meromome]

طبعا متقبل مرورك

[Death Vision]

Nice موضوع رائع

[meromome]

المشاركة الأصلية كتبت بواسطة dodo_owen عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

nice موضوع رائع

انتا اللى اروع يامان شكرا لمرورك

[soma_zuma]

شكراً يا مان الموضوع ده 100 100

[Y_zedan_A]

شكراااااااااااااااااااااا

[sunmore]

شكرا جدا جدا

اخيرا لقيت شرح

مزبوط

: )

[meromome]

شكرا لمروركم

[بركات]

شكرا[IMG]http://img103.***********/2009/09/28/401698145.jpg[/IMG]