◆ ◇ ◕ كــــوكبـــنــا فاضل عليه خـــطــوتــيــن ◆ ◇ ◕

[!_ToGoO_MorY_!]

السلام عليكم يا اهل المنتدى الكرام

عاملين ايه ؟

يارب تكونوا بخير ديما :)

دى رواية جديده كتبتها وحبيت بداية رجوعى للمنتدى ان شاء الله :)

هتعجبكم بأذن الله :)

â—† â—‡ â—• كــــوكبـــنــا فاضل عليه خـــطــوتــيــن â—† â—‡ â—•





"صباح الخير يا حاجه "
"صباح النور يبنى ... ايه صاحى على الصبح كده رايح فين ؟ "
"مفيش يا ماما ناوى اذاكر .... ادعيلى "
"ربنا يوفقك يبنى يارب "
بالحوار ده بدأ (( أحمد )) يومه مع والدته الساعه 8 الصبح فى يوم اجازته يوم شم النسيم
المشهد : احمد يتصل بزملائه
احمد: صباح الفل أ حج
زميلة : صباح النور يزطى ... عامل ايه ؟
احمد: الحمد لله تمام .. هنذاكر ونطلع ولا ايه
زميله : قشطه هنحاول نفتح نلقط لينا كلمتين كده من المواد الى عندى دى ونطلع
احمد: قشطة يا مهند يلا سلام هبقى اتصل بيك كمان يجى 3 ساعات ونجمع العيال ونطلع
مهند: قشطه يلا سلام
فى اليوم ده ديما احمد وزمايلة متعودين يخرجوا يتفسحوا وياكلوا توت كعادة اى مصريين بعد طبعا اكلة فسيخ او رنجة معتبره كأى بيت مصرى
مرت ال 3 ساعات ورجع احمد تانى يتصل بهند
احمد: ها يا برنجى ذاكرت ولا ايه ؟
مهند: ايوه يدوبك اخدت كلمتين من هنا على كلمتين من هنا لزقتهم جنب بعض عملت جملة مفيدة فى دماغى
احمد: يا صباح الدماغ العاليه
مهند: ها يا عم يلا نتصل ببقية الرجالة نشوف مين هيطلع معانا ومين لأ
احمد: طيب تمام اتصل انت بزنون والطباخ وانا هتصل بسامر وحسام والواد عيسى
مهند: طيب تمام قشطه هنتقابل فين ؟
احمد: على المحطه يا حج الساعه 11.30 ان شاء الله
مهند: ماشى ان شاء الله سلام



المشهد : يتقابل مهند واحمد على المحطه
احمد: ها مين هيجى
مهند: الطباخ جاى اهوت وزنون هيقعد يدح
احمد: وانا اتصلت بسامر وحسام وعيسى والتلاته جايين ان شاء الله
مهند: طب تعالى نتمشى نقابلهم
احمد: اهو الطباخ جه اهو تعالى
الطباخ : رجالة ... عاملين ايه
احمد ومهند : عاملين دماغ مذاكره على الصبح
الطباخ : يا صباح الألش
مهند : الش سلامه ... رد انت كمان
احمد: لا مش هرد نخلى الألش واحنا بنزروط فى التوت
الطباخ : عبدالله عيسى وحسام وسامر الى جايين دول صح ؟
احمد: ايوه هما
مهند: مين سى لطفى ؟
حسام: لا مؤاخذه يبنى
سامر: هنبدأها على الصبح ولا ايه ... احنا لسه بنقول يا فتاح يا كريم
عيسى : هنروح على فين وبعدين نبقى نألش براحتنا ؟
احمد: تعالوا هناخدها مشى على السكة الحديد من ناحية سمادون وناكل من شجر التوت الى هناك
الطباخ : الشجر هناك كتير ؟
احمد: ايوه يا حج ومليان من كل الألوان وخيرات ربنا
مهند: طب قشطه يلا بينا
المشهد : يمشى الـ 6 اصدقاء فى الطريق الى شجر التوت فى وسط جو من الألش والضحك والهزار المستمر



من شجره الى شجره ينتقل الأصدقاء ومر الوقت سريعا ......
احمد: العشاء الى بتأذن دى صح ؟
مهند: اها ... ده احنا بقالنا كتير اوى
عيسى : مش يلا بينا نروح بقى ولا ايه انا خلاص تعبت على الأخر
حسام: يا عم استنى فى شجره هناك اهيت لسه مرحنهاش
سامر: احنا رحنا شجر البلد كلها كفايه كده مجتش على دى
احمد: بس الشجره دى شكلها مليانه وشكلها حلو
مهند: انت هتتجوزها يبنى ؟ يلا نروح
احمد: يا عم تعالى بس مش هنخسر حاجه
الطباخ : يادى النيله مش هنخلص ... روح يا احمد احنا مستنينك
حسام : طيب انا جاى معاك يا احمد .. استنوا استريحوا انتوا هنا
احمد: يلا بينا يا حُس



المشهد : يروح احمد وحسام للشجره وفجأه ....
احمد: شفت الى انا شفته ؟!
حسام : ايه النور الى طلع واختفى مره واحده ده ؟
احمد: اجرى نشوف فيه ايه ؟
حسام : استنى بالراحه
المشهد : احمد وحسام وراء الشجره بيشوفوا ....
احمد ( هامسا ) : يا نهار اسوح .... ايه ده ؟
حسام : مش مصدق ... الراجل ده بيعمل ايه ؟ ومين دى ؟
احمد: ايه البتاعه الى فى ايده دى ؟ وبيجرى وراها ليه ؟
مره واحده يظهر واحد من وسط الزرع ويمسك ايد الرجل الغريب ويتخانقوا ...
حسام : ايه المعجنه دى ؟ تعالى نخش نسلك او نعمل اى حاجه ؟
احمد: يا عم نسلك ايه انت عبيط هما مين دول .. شكلهم غريب جدا
حسام : الراجل الى فى ايده العصايه الغريبه دى هيموت الراجل التانى الى طلع عليه مره واحده ده
احمد: طب تعالى نحوش عنه
يروح احمد ووحسام مره واحده ويمسكوا الراجل الغريب ويلحقوا الراجل التانى من تحت ايديه
ويقوم الرجل التانى ضربة بعصايه شبيها بالعصايه الى مع الرجل الغريب
ويطلع يجرى ومره واحده وقف وكأنه افتكر حاجه نسيها وبص للحسام واحمد الى هما فى قمة الذهول من الى بيحصل
الرجل: تعالوا معايا بسرررررررعة
احمد وحسام مش بينطقوا وبيبصوا للبعض بغرابه
الرجل: انتوا لسه هتبصوا ؟ اجروا بسرعه بدون ما تفكروا دلوقتى يلاااااااااااا
احمد وحسام بدون ولا كلمه جريوا مع الرجل الغريب
وهما بيجروا قابلوا البنت الى كان الرجل الأول بيجرى وراها
البنت : فين برهامى ؟
الرجل: اغمى عليه .. ضربته بالـ ( تكنو ستيك ) على دماغة
البنت: انا مش عارفه من غيرك يا زنون كنت هعمل ايه
احمد: زنون مين !!
زنون: انا كنت هموت لولا احمد وحسام
حسام: ازنون لوا دلوقتى نجرى لحسن يفوق
زنون: معاكى المفتاح ؟
البنت : ايوه
بالـ ( تكنو ستيك ) يعمل زنون حاجه زى الدوامه فى الهواء
زنون: يلا افتحى الباب بسرعه
يفتح مره واحده فجوة كبيره يظهر فيها باب ويفتح بواسطة المفتاح للتطل على غرفة منزل بها اثاث عادى


زنون: يلا نطوا بسرعه !!
احمد: ننط فين يا عم ؟
البنت : مفيش وقت يلا لازم تنطوا دلوقتى
حسام: طب والعيال الى احنا سايبنهم هناك ؟
زنون( عينية تملأها الدهشه ) : سايب مين ؟
احمد: سايبين مهند والطباخ و عيسىو سامرعند الشجره بيستريحوا
زنون: ينهاااااااااااااااار بسرعة معايا .. استنى هنا يا اسماء وخليك معاها يا حسام ولو برهامى جه نطوا على طول
حسام ( فاتح بقه ) : استنى يا عم انط فين !!!!!!!!!
زنون ياخد ايد احمد ويجروا ولا كأن حسام سأل من اساسه لحد ما وصلوا عند الشباب
مهند: ايه ده من ده يا احمد ؟
سامر: فين حسام ؟
احمد: قوموا معانا بسرعة يلااااا
عيسى : فيه ايه ؟
زنون: قوموا يلا هتفهموا كل حاجه قومووووووا
الطباخ: شكلك مش غريب عليا !!
احمد: قوموا يلا اجروا معانا بدون اسئله
يجرى الجميع ويروحوا للمكان الى كانت فيه الفتحه بس ...
ميلاقوش حاجه ولكن .... برهامى موجود .



خلص الجزء الأول بحمد الله :)

من الجزء القادم :

سامر : لا مش هنستنى لما نعر....
"بابا .. بابا..باباااااااااا "
قطعت كلام سامر دخول طفلة صغيره من باب المنزل مع سيدة شابة تجرى مباشرة بأتجاه زنون
زنون : اهلا اهلا اهلا بحبية بابا....احب اعرفكم ((منة)) بنتى الصغيره و ((منى)) مراتى :]
الجميع : اهلا وسهلا