حتقوله ايه ....

[pegasus5457]

يا شباب طبعا انا عارف ان اى حد خيش يقرأ الموضوع ويمشى علطول وممكن كمان من غير ميكمل قرايته بس ياريت تكمله حتى وتقعد مع نفسك خمس دقائق بس قبل ما تفتح اللعبه تانى . انا النهارده قررت انى مش حفتح اللعبه ديه تانى وامسح الاكونت بتاعى من اللعبه .انا كنت فى صلاه الجمعه النهارده والشيخ قال جمله هزتنى اوى وهو ان كل واحد فينا حيقف قدام ربنا ويساله عن كل دقيقه قضاها فى حياته وكل مليم جابه منين وصرفه فى ايه وكل لحظه وكل نظره من عنيه بص على ايه فيها وكل كلمه قولتلها اسجلت انتم متخيلين يعنى كل كلمه قولتها عتتسأل عليها وعلشان كده انا قولت طب انا لما اقف قدام ربنا ويسألتى على الساعات اللى قعدت فيها قدام اللعبه وسبت الصلاه وسبت قرايه القران حقوله ايه بذمتك ودينك يا اخى حتقوله ايه فكر كده وعلى فكره انا مش شيخ ولا حاجه ولا متعصب ولا حاجه ناا برده بفوت صلاوات ومش كامل يعنى . وكمان الاسوأ الفلوس اللى ناس بتدفعها علشان اللعبه فى شرا السلكات طب حتقوله ايه يوم القيامه لما يسالك عنها حيقولك متبرعتش بيها ليه لصالح حد فقير ولا خلتها معاك حتى صرفتها فى حاجه تنفعك حيسألك الوقت اللى انت ضيعته فى اللعبه مقعدتش ليه تتعلم على الكمبيوتر حاجه تنفعك ولا برامج ممكن تحتجلها فى شغلك بعد كده ياريت الناس متتضيقش منى انا فعلا مش عارف حقوله لربنا ايه حقوله كنت بسلى وبضيع عينى و نظرى وصحتى وفلوسى وسبت صلاتى و قرأنى وقعدت قدام ( لعبه) ياريت يا شباب كل واحد يقعد خمس دقائق بس يفكر فيها ويتخذ خطوه ممكن تدخل بيها الجنه والله وتمسح كل علاقتك باللعبه وتمسح الاكونت بتاعى علشان متكنش فيه رجعه للعبه وحتقولى انا تعتبت فى اللعبه وقضيت فى وقت وسهر وفلوس حقولك انت كل ما كنت عندك حاجات كتيره فى اللعبه ربنا حيعوضك خيرمنها فى الدنيا وحيبدلك بكل حاجه معاك فى اللعبه حسنات لانك ضحيت بده كله فى سبيل رضى الله يارب اكون حتى عرفت اهدى واحد بس وخليته يبعد عن اللعبه يارب وياريت اللى عنده تعليق يقوله يمكن فى حاجه غلط انا قولتها وانا متشكر للى وصلوا للجمله الاخيره لانى عارف ان كتير اول ميخشوا ويلاقوا ان الموضوع ملوش علاقه باللعبه حيطلعوا من غير ميكملوا سطر حتى .

[DrACuLA]

هههههههههههههه
انت ضحكتنى
انا على فكره مابعملش حاجه قبل ماسأل فيها الاول
انا سألت شيخ على اللعبه دى
قالى مش عيب ولا حراو ولا غلط انك تلعبها
الا اذا
كانت بتقصر ف علاقتك مع ربنا و ف الصلاه و الصوم و اغضاب ربنا
و بعدين سورى يعنى التسليه من اضاء الفروض و الواجبات و الصلوات بعد التعب مش حرام باجماع العلماء فعليك ان تعطى كل ذى حق حقه و جسدك و عقلك له حق الترفيه


شكرا دا رأيى و اتمنى انك تفهمه و بعدين لسه عندك 7 ايام ترجع فيهوم الكاركتر
فكر و شوف انت هاتعمل ايه
و مشكوووور على الموضوع