كيف تجلس أمام الكمبيوتر بدون خسائر ؟

[dark2010]

كيف تجلس أمام الكمبيوتر بدون خسائر ؟

الأول نقول السلام عليكم
الحقيقة الموضوع كان بيتكلم عن حماية العين من الأشعة الخارجة من الشاشة وتأثرها البالغ الخطورة على اللي قاعد بشكل مستمر قدام الكمبيوتر بس بفضل الله الموضوع اطور لحد ما وصلكم بالشكل اللي انتم هتشوفوا دلوقتي.

بس انا ليه طلب..كل اللي عنده معلومة أو أقتراح يا ريت ما يبخلش علينا بيه ويكتبه في الموضوع!

كيف تجلس أمام الكمبيوتر بدون خسائر ؟
أولاً أنواع الخسائر:
1:أنك تقعد قدام الكمبيوتر بدون هدف..يعني أنت قاعد مش عارف هتعمل ايه ؟ وايه اللي هيفيدك من اللي انت بتعمله؟
يبقى انت بالشكل ده بتضيع وقتك على الفاضي، ولازم تحط لنفسك هدف من قعدتك قدام الكمبيوتر.
2:أنك تضيع حق ربنا عليك في الصلاة والمؤذن بيقول الله أكبر وأنت بتقول الكمبيوتر أكبر أو سلك رود أكبر..وريني هتبقى تنفعك بأيه يوم القيامة!
3:خسارة نفسية وهو انك تدخل في حوارات ومشاكل مش هيجيلك منها غير وجع الدماغ ولأن والحمد لله 80% من الشعب المصري مصاب بلأكتأب نتيجة الظروف المحيطه بيه..فخليك ديماً فاكر أنك قاعد عشان تستفيد وتفيد مش عشان توجع دماغك ودماغ الناس معاك.
4:خسارة مادية ودي ليها أمثلة كتير جداً زي اللي قاعد ليل نهار في السيبر بيلعب سلك رود مثلاً..صحيح ان بابا وماما مش مخلينه محتاج حاجة بس ده يبقى اسمه تبزير والمبزرين أخوان الشياطين، حاول تتحكم في الحكاية دي شوية.
5:إنك تنسي شغلك أو دراستك وتهمل حياتك واللي يبص لك يقول عليك متسول..وشكلك مبهدل وما يعلم بيه الا ربنا.
6:تخسر صحتك مقابل انك تدمن الجلوس قدام لعبة او موقع او تشات..ويبقى الشباب بتروح تلعب رياضة وتهتم بصحتها وانت قاعد بتلعب على الكي بورد.
7:حرام ولا حلال اللي انت بتعمله ده؟ ااااه قاعد تكلم مي مي وتوتو وناسي اختك اللي لسه مطلعتش على الدنيا او حتى لما تتجوز وتخلف بنتك هيحصل معاها زي ما بتعمل انت مع بنات الناس.
8:والدك ولا ولدتك يطلبوا منك طلب وانت ولااااا هنا اه فرحان لي بالرتيد بتاعك وكسبت 100k وخسرت رضى أهلك عليك يعني رضى ربنا.
9:روح الشغل بقى وانت عنيك حمرا ومش شايف قدامك من قلة النوم بس المهم عندك الفارمينج بتاعك يخلص بسرعة.
10:إنهارده ايه في الأيام؟ من مات ومين عاش فلسطين أخبارها ايه والعراق والمسلمين بيحصل لهم ايه ؟ ولااااا انت هنا اهم حاجة تخلص الكوستات بتاعتك.

طيب الحل ايه ؟ بأختسار شديد!
1:أتقي الله حيثما كنت يجعل لك مخرجاً
2:الدنيا ملعونة ملعون كل ما فيها عدى ذكر الله وما والاه..لما تسمع الأذان تتحرق اي لعبة بجاز المهم أقوم أصلى فرض ربنا لأن انت مش حمل سؤاله وعتابة ليك عز وجل يوم القيامة.
3:طاعة الوالدين قدام عنيك بعد طاعة ربنا سبحانة وتعالى.
4:أهتم بشؤن حياتك كلها عشان متعرش الأسلام والمسلمين.
5:مش حرام انك تحب حاجة بس الحرام شكل حبك ليها لأنه ممكن يكون عبادة مش حب!
6:حاول تاخد وقتك الكافي في النوم عشان تروح شغلك او دراستك الصبح فايق وشكلك كويس.
7:متقعدش قدام الكمبيوتر أزيد من ساعة ونص متواصلة عشان عنيك متتأثرش وكل ساعة ونص قوم اتحرك لمدة 10 دقائق وهكذا ( المعلومة دي سمعتها في ندوة من رئيس قطاع التنكولوجيا والمعلومات )
8:خلي عندك هدف من قعدتك قدام الجهاز حتى لو كنت بتلعب حاول تستفيد..مثلاً الناس بتوع الجرافيك ممكن وهو بيلعب سيلك رود يفكر ازاي المديل ده معمول ويا ترى ببرنامج ايه ويا ترى اقدر اعمل زية ولا لأ.
9:كل جزر كتير ( محدش يدحك ) لأنه فعلاً مفيد للنظر..وبسم الله ماشاء الله كنا لبسين نضارات.
10:متنسوش تدعوا لي وانتم بتصلوا بقى

يعني لو قلنا ان اليوم فيه 24 ساعة
الخمس صلاوات هياخدوا منك ساعتين ونص
ونقول شغلك او دراستك بالمذاكرة 9 ساعات مع ان مفيش حد شغال اليومين دول
والنوم من 6 إلى 8 ساعات عشان يبقى نوم صحي
وتقضي مشاويرك او طلبات اهلك في 2 او 3 ساعات
بالتقريب هيتبقى من ال 24 ساعة 20 ساعة ونص
عندك يا عم 3 ساعات ونص تلعب فيهم سلك رود براحتك

على فكرة انا مبالغ شوية يعني في ناس شغلها 6 ساعات بس والصلاوات ممكن تاخد ساعة ونص،حسب الجامع اللي بتصلي فيه، وممكن ميبقاش عندك مشاوير ولا أهلك طالبين منك حاجة
وممكن تبقى عاطل ومش شغال ( مع ان ده طبعاً مش صح لازم ناخد بلأسباب وندور على شغل )

أهم حاجة في الأخر انك تبقى انسان ذو قيمة

وشكراً
منقول للافادة

[De$igN]

ليه الواحد بيبقا اعد ادام الكمبيوتر من غير هدف ؟!
يعنى انتا بتفتح الكمبيوتر منظرة
الوحد بيعد على الكمبيوتر يلعب يعمل أى لاكن هوا مش بيعد عليه اليوم كلة
شكراً يا مان على الموضوع مش عايز اطول عليك

[dark2010]

علشان الخسائر
:)

[hellman]

الف شكر
موضوع رائع

مشكور يا جميل

الموضوع رائع

تقبل مروري

[lord0fcrime]

شكرا
موضوع جميل
تفبل مرورى

[menoo]

شكرا جدا و مش عارف اقولك اية

[dark2010]

شكرا ليكوم
و انا اتقبل
مروى الكل

[The_Tornado_]

شكراً

[mody204]

مشكورررررررررررررررررررررررررررررررر
ومش هعلق

[MAX EGYPT]

الموضوع رائع جدا

[hawkmastafa]

انا لفل 85 وانا طالب فى هندسة تخصص ميكا نيكا فى بكلوريوس والله العبة دى بلعبها من 3 سنوات مفدتنشى باى حاجة عرفتنى ان الاجانب ولاد *** والمصرين مش متعونين فى اى حاجة انا عن نفسى بحب افرح الناس الى معاية فى الجيم نفسى ابطل لعب وان شاء الله هبطلها...ربنا ينجحك يامان بجد انا خت من سليكرود قلم على وشى ......

[aligamed]

مشكووووووووووووووووووووووووووووووووووووووور

[thegunner]

شكرا يا جميل على الموضوع