شـريـط الاهـداءات | |
قـسـم شـهـر رمـضـان الـمـبـارك 2020 هذا القسم مخصص طوال شهر الصيام المبارك للتعرف على جميع مايهم قيامة فى الشهر الكريم |
|
أدوات الموضوع | انواع عرض الموضوع |
21-07-2011, 10:18 AM | #1 | ||||||||||||
|
اعترافات الراجل اللي بيفسد علينا رمضان كل سنه !! :drink_nl: شهر رمضان يا جماعه شهر مكرم جدا في الاسلام فيه نزل القرأن .. في ليله القدر التي ينتظرها ملايين المسلمين في العالم وفيه الصيام والتقرب لله والعباده التي يضاعفها الله في هذا الشهر بالذات وكثير من الخيرات التي لن نعرف قدرها الحقيقي الا عندما نراه بأعيننا في الجنه بأذن الله فجأه .. اصبح الناس يسموه شهر المسلسلات !! كان قديما شهر الفوازير .. ولكن يبدو ان المسلسلات انتصرت علي الفوازير اخيرا كميه مسلسلات لا تعد ولا تحصي .. مسلسلات 24 ساعه .. مسلسلات ملاصقه للمسلسلات .. مسلسلات تتخلل المسلسلات ..!! قديما كان يذاع قرأن كريم ثم اذان الفجر الساعه 4 فجرا .. الان تجد اثناء عرضالمسلسل .. حان الان موعد اذانالفجر !! بمعني ان المسلسلات تجدها في اي وقت .. تعالوا نسمع اعترافات الرجل الذي يفسد علينا رمضان كل سنه ****** لا يوجد استراحه .. نريد اعلانات .. نريد اموال .. نريد نسبه مشاهدات عاليه .. هاتوا فنانين وخليهم ينطوا زي القرود .. هاتوا فنانين يقولوا اي كلام فارغ .. واي هبل وعبط وتخلف .. الناس حتضحك وتنبسط .. هاتوا كاميرا خفيه نشتغل بيها المشاهد مش ضحيه الحلقه كاميرا خفيه نعمل فيها تريقه وعبط وفي الاخر نقول للضحيه اللي هو اصلا معانا وقابض 50 جنيه عشان يعمل ضحيه .. نذيع ولا منذعش ؟؟ هاتوا برامج مقالب كتيره واشتغالات للفنانين .. اه الفنانين بيبقوا غالبا اما متفقين معاهم .. او اصلا الفنايين فاهمين لوحدهم ان البرنامج مقالب بس بيعملوا اغبياء عشان ميخسروش قيمه حضور الحلقه .. اوقات الغباء بيكسب برضوا !! هاتوا برامج حواريه مع النجوم .. واستضيفوا فنان صايع .. واسئلوه عن كفاحه !! وعن طفولته المتشرده .. وازاي صنع نفسه ووصل للنجوميه .. وازاي قدر يكسب حب الحمار ويغنيله .. هاتوا نفس الفنان في برنامج تاني واسئلوه نفس الاسئله هاتوا تالت ورابع وخامس وسادس في جميع البرامج .. الناس مش كلها بتتفرج .. ومحدش حيلاحظ ان الفنان استضفناه في كل برامجنا تقريبا اي برنامج مدته عشر دقايق لازم يتخلله اعلانات ساعه الا ربع .. اتصرفوا ميهمنيش ازاي المهم كلامي يتنفذ انشاله تحطوا اعلان بعد كل اربع كلمات .. عاوزين شويه مسلسلات عري لزوم جذب الانتباه .. ايوه لما الصحافه تتكلم عن الممثله الفلانيه اللي مش لاقيه حاجه تسترها في المسلسل الناس حتستني المسلسل عشان يشوفوا بعينهم ولزوم سبك الطبخه .. ياريت ننزل تنبيه كل شويه ان مسلسلاتنا حصريه للقناه بكل فخر وكبرياء وتحدي .. وطبعا القنوات كلها عندها نفس المسلسلات ويمكن اكتر مننا كمان برامج الطبيخ بقي عاوزينها تبقي قبل الفطار .. وطبعا كلها اكلات غريبه وغير منطقيه .. وبونو بونو يامدام .. ياريت متنسوش الجمله دي .. ..... عاوزين شريط دائم تحت الشاشه فيه خيرات ربنا من 0900 ومن اي موبيل علي رقم 0000 ومن سوريا0000 ومن الاردن0000 ومن عمان0000 ومن كوالالمبور 0000 ياجماعه الدقيقه وصلت 5 جنيه !! لو قولنا المشاهدين عددهم 5 مليون بعتلنا رساله منهم نص مليون بس ولمره واحد بس حنعمل 2 مليون ونص في لحظه عاوزين بس نعشمهم اوي .. مين اللي سرق حمبوزو ؟ مين العريس الخامس لزهره ؟ رشحلنا مكان نصور فيه برنامج عبيط حول العالم ؟؟!! تبرع لنا ولو برساله !! .... عاوزين بكار للاولاد الصغييرين .. ايه مفيش بكار ؟؟ طيب بوجي وطمطم ..؟ مفيش برضو ؟ طيب فككوا .. تعالوا نخاطب جيل المراهقين الجدد احسن هاتوا برنامج 100 مسا بتاع ميس حمدان .. ايوه اللي بتطلع فيه لابسه لبس راقصه مش لابسه حاجه !! او عامله فيه دكر وشخلعني ودلعني وميعني وضيعني وصيعني .. ياجماعه بما اننا في شهر فضيل كريم .. لازم نعمل برنامج للشيخه ايناس الدغيدي .. بذمتك حيبقي فيه طعم لرمضان من غيرها ؟.؟ نعملها برنامج الجريئه .. ونخليها طول البرنامج ترقع بالصوت وتقول .. ربنااااااا ميحكم عليا بالحجاب .. وادينا بنوصل رساله دينيه ناخد بيها ثواب !! يااااااااااه نسينا حاجه مهمه اوي ياجماعه .. دعاء الافطار !! عاوزين دعاء الافطار بعد المغرب يكون بصوت فنانين محبوبين للناس عاوزين فيفي عبده ودينا وسعد الصغير وجنات وعمرو دياب وتامر حسني وريكو عشان الناس تسمع الدعاء وتقول امين براحه وطمئنينه بس اسيبكم انا بقي عشان رمضان بكره ان شاء الله مش هيكون زي كل سنه .. فوتكم بعافيه !! ورمضان معانا احلي و رمضان بيقـــربنـا !! ياتري بقي انتا رمضانك الي جاي ان شاء الله هيكون عامل ازاي ؟ منقول مما راق لـي . Mr.V.I.P |
||||||||||||
|
21-07-2011, 10:40 AM | #2 | ||||||||||
|
كــــلام صــــحــــيــــح 100% مـــفـــيـــش كـــلام يـــتـــقـــال انـــا مـــش عـــارف حـــضـــرتـــك جـــمـــعـــت الـــتــجــمــيــعــه الــرهــيــبــه دى ازاى:) الـــتـــقـــيـــم ده اقـــل تـــقـــديـــر:) يـــارب يـــكـــون اول رد:) |
||||||||||
|
21-07-2011, 10:40 AM | #3 | |||||||||||||
|
و الله كلام صحيح و مفهوش غلطه فعلا هو ده اللي بيحصل و بيستغلو الناس و يبعدوهم عن الله و الناس مش حاسه بأي حاجه و الله موضوع رائع و هيفيد الناس جزاك الله خيرا اقتباس:
ان شاء الله هيكون في عباده الله و ختم القراءن |
|||||||||||||
|
21-07-2011, 10:58 AM | #4 | ||||||||||||
|
موضوع ولا اروع
اللهم بلغنا رمضان |
||||||||||||
|
21-07-2011, 11:46 AM | #5 | ||||||||||||
|
الموضوع ده حقيقى بجد انا لما بفتح التلفزيون عادى بلاقى القناة الواحدة عملو اكتر من 100 اعلان لبرامج و مسلسلات انا ان شاء الله رمضان ده هختم فيه المصحف مرتين |
||||||||||||
|
21-07-2011, 12:04 PM | #6 | ||||||||||
|
مش هقول اكتر من حسبي الله ونعم الوكيل في الناس اللي خربت معني رمضان لناس كتير اوى |
||||||||||
|
21-07-2011, 12:15 PM | #7 | ||||||||||
|
بجد بجد
تسلم وان شاء الله رمضان الى جاى احلى نصوم - نصلى - نسبح - نقرأ قرآن |
||||||||||
|
21-07-2011, 05:43 PM | #8 | ||||||||||||
|
ههه جميلة و كلامك صح و يا ريت يهدوا عالينا شوية
|
||||||||||||
|
22-07-2011, 09:42 AM | #9 | ||||||||||||
|
جزاك الله خيرا فقد قال رسول الله (صلي الله عليه وسلم): من قال جزاك الله خيرا ,,,,,,,, فقد أجزل العطاء رمضان الى جاى احلى نصوم - نصلى - نسبح - نقرأ قرآن |
||||||||||||
|
22-07-2011, 11:40 AM | #10 | ||||||||||||
|
فعلا ده اللى بيحصل كل رمضان بس بردو بإيدينا نلتزم بالفروض وقراءة القراءن والصلاه فى شهر رمضان |
||||||||||||
|
22-07-2011, 12:30 PM | #11 | ||||||||||
|
ههههههههههههههههههههههههههه
|
||||||||||
|
22-07-2011, 03:51 PM | #12 | ||||||||||
|
والله كلامك كلو صح 100% والله ربنا يخود الناس دة كلها بتعات مسلسلات و الكلام الفراغ دة يارب يارب يارب يارب دول عربية كتير بئات تعمل كدة هى كمان مش كافية علينا الدورى المصرى
|
||||||||||
|
الكلمات الدليلية |
رمضان.يفسد.الراجل |
يتصفح الموضوع حالياً : 1 (0 عضو و 1 زائر) | |
|
|