عندى مشكلة في الأبديت

[Solly]

لو سمحتم أنا بس عندى مشكلة في اللعبة و مش عارف أحلها خالص
أنا آخر أبديت دا كل شوية بيوصل عند 33% و يقف و يبعت لي الرسالة دى



مع العلم انى مسحت اللعبة و رجعت حملتها من الموقع من اول و جديد و حاولت محاولات كتير ومفيش فايدة برضه بيجيبلى الرسالة دى و مبتعملش حاجة برضه
ارجوكم عايز حد يشوفلى الموضوع دا بسرعة

[Solly]

أرجوكم حد يرد عليَّ بسرعة من فضلكم

[Nytros]

مفيش مشكلة ولا حاجة كانت بتجيلي كتير ..
دوس علي Continue و سبها تحمل تاني ..

و بعد كدة أقفلها و شغلها تاني بس كدة :)

[Solly]

مهو أنا جربت أدوس على كل حاجة ( Contiue ) و كمان ( Send Logs ) و مفيش أي إستجابة برضه بتفضل متعلقة على الـ 33% و مبتتحركش و أنا إستنتها يوم كامل و برضه متحركتش

حتى جربت كمان أتك على البتاعة دى



و مفيش حل برضه ... معلش أنا آسف على رزالتي .. بس أنا بجد حاولت كتير و مش لاقي حل .. أرجو أن تشوفلي حل تاني

[LegenDKilleR191]

تقدر تاخدها من اى حد من صحابك او سيبر معمولها الUpdate جاهزة لو متقدرش اعملها Repair و برضو نفس الخطوات اللى iBad قالك عليها و ان شاء الله خير

[Solly]

أنا متشكر على الحل ... و الصراحة أنا أساساً عندى كمبيوتر تاني بس إمكنياته تعبانة أوى وعليه ويندوز XP ... حملت اللعبة من النت من عليه و عملت الأبديت و كان كل حاجة زى الفل و كمان شغلت اللعبة عليه و لعبتها عليه وكله كله تمام ... بس طبعاً الجرافيك كان بطيء و لازم أنقل اللعبة على اللاب توب الأساسي بتاعى اللى إمكنياته حلوة اللى عليه ويندوز 7 .... فأخذت الفولدر بتاع اللعبة بفلاشة و نقلته على اللاب توب و لكن و أنا بنقلها من الفلاشة للاب توب جاء في أواخر التحميل و جاب لى الرسالة دى



فاقوم متك على Continue ... يقوم بعدها على طول عاملى الرسالة دى



فكل لما أتك على Try Again مش بتعمل حاجة فبضطر أتك على Cancel

بعد كدا ألاقي اللعبة إتنقلت و كله تمام ... آجي أشغلها ألاقي الأبديت فعلاً إتعمل وكله تمام فأقوم متك على Play و بعدها أكتب الآي دي و الباسوورد و اللعبة بتدخل و كله تمام ... آجي ألعب ماتش بقى ... كل حاجة تمام و بختار Champion عادى و بعمل Lock In كمان و بعد ما الوقت بتاع إختيار الـ Champions يخلص .... [ المفروض بقى اللعبة تبدأ و تظهر الشاشة بتاعة العشر وحوش بتوع فريقي و الفريق اللى ضدى و كل واحد فينا يحمل الـ 100% ] دا اللى المفروض يحصل ... معايا بقى مش بيحصل على اللاب لكن بيحصل على الكمبيوتر وبعدين كمان بلاقى اللعبة تحت في قائمة Start بالشكل دا ...



و بعدين لما بتك عليها بتظهر لي



و حتى مش عارف اشغل اللعبة من على الفلاشة بالرغم من ان اللى في الفلاشة هو بالظبط اللى على الكمبيوتر .... مش عارف أعمل إيه خالص ... انا تعبت بجد ... و آسف إنى طولت شرح مشكلتى ... بس أنا حبيت أقول كل حاجة بالتفصيل عشان تفهموا بالظبط إيه مشكلتى و تقدروا تساعدونى ولكم جزيل الشكر .. و أنا آسف مرة كمان على رزالتي ... أرجوكم حد يرد عليا بسرعة

[LegenDKilleR191]

اخر صورة ديه من اللعبة على اللاب ولا الكمبيوتر ؟

[LegenDKilleR191]

بص هو عموما مشكلة الفلاشة مش متأكد منها بس مشكلة اللعبة اللى فى أخر صورة معناها ان اللعبة شغالة بس مش ظاهرة فانت اقفل كل حاجة متعلقة بLoL من الTask Manger او اعمل Restart و شغلها و اعمل Re-Connect المفروض كده تشتغل لو مشتغلتش ممكن تستنى iBaD لحد ميفتح

[Solly]

ما هو زى ما حضرتك قلت اللعبة شغالة بس مش ظاهرة عندى و ساعات بتظهر لى Re-connect و بضغط عليها مبتعملش حاجة برضه

يعنى مثلا فتحت اللعبة على اللاب و اخترت و كل حاجة و عملت Lock in و بعدين اللعبة عندى مش ظاهرة و اعمل Re-connect مش راضية تشتغل ..... اقوم رايح على الكمبيوتر فاتح اللعبة ... ألاقي أول حاجة في وشي Re-connect لما اتك عليها ألاقي الماتش شغال و هما مثلا في الدقيقة الحاجة و عشرين و ألاقي كله فوق لفل 10 و انا لسة لفل 1 و نخسر طبعاً

[Solly]

لو سمحتم حد يشوفلي حل للموضوع دا

[LegenDKilleR191]

طول ماللعبة واحدة يبقى العيب من اللاب بص العب على الكمبيوتر لحد مأشوفلك حل .... ظبط الQuality بتاعت الشاشة على Very Low و هتبقى تمام و مش هغيب عليك

[Solly]

مهو دا اللى انا بعمله .... انا حاولت اعمل أبديت لنسخة ويندوز 7 اللى على اللاب و برضه مفيش فائدة ... باين عليها عايزة ويندوز جديد