فن المونتاج

[moha1a]

بســم الله الرحمــن الرحيــم

فَنٌ المونتاج
The Art Of Editing




عايز تبقى محترف فى المونتاج
عشان تعمل فيديو احترافى
لازم تكمل قرأة الموضوع للأخر
"الموضوع طويل شويه بس بجد مفيد"
,
مقسمو الى 7 اجزاء




1.فكرة الفيديو ( اهم خطوه )

فكرة يقوم عليها المنتاج
دى اهم و اصعب حاجه فى الفيديو
لازم تجيب فكرة للفيديو مش لازم كلو Pvp و Unique و خلاص
تكون فكره ليها هدف معين فكاهة او حكمه او نصيحه

-اجيب منين فكره الفيديو دى
ممكن تحصل على فكره الفيديو من خلال الموسيقى
مثلاً موسيقى هاديه تدل على الصداقه الحب او الحزن
و عندما تبدأ الموسيقى تعلى تدل على الأستعداد و المنافسه و بدأ الحرب
و لما تعلى على الأخر تدل على الأكشن و الحرب ........ و هكذا
, مش بس الموسيقى و ممكن تحصل على الفكره كمان من خلال
مشاهدة عده فيديوهات و محاوله انتقاء بعض الأفكار منهم
و لكن بتعبيرك و اسلوبك الذى يختلف عن صاحب الفيديو الأصلى
و يمكن الحصول على الأفكار من طرق اخرى كثيره مثل بعض المواقف فى حياتك
او عن طريق خيالك الواسع
- ملاحظه اخيره
طول ما الفيديو فكره مكرره حتى لو المونتاج بتاعو جامد مبيطلعش حلو و مبيجذبش الناس
و الفيديو لو فكرته جديده بيطلع الفيديو جامد و بيعجب الناس حتى لو المونتاج مش مستواه عالى



2. التخطيط للبدأ

فى هذه الخطوه يتم تجميع الأفكار و ترتيبها بالورقه و القلم
و تحديد التأثيرات اللزمه يعنى
مثلاً فى المشهد الخامس هحط افيكت البلور و المشهد السادس هحط افيكت الـشادو ..... و هكذا

-و ممكن تعمل كل دا عن طريق الرسم ترسم المشاهد بالترتيب و تكتب جنب كل مشهد الحركه بتاعتو والأفيكتات
"انا بفضل الرسم عن الكتابه"
و بكده هتكون جمعت كل الأفكار و رتبتها



3. اختيار البرامج المناسبه

يعنى افضل و اسهل برنامج لترتيب و دمج الفيديوهات Sony Vegas
و افضل برنامج للتأثيرات Adobe Premiere
و لعمل الأنتروهات After Effects و Cinema 4D

-انا بستخدم فى فيديوهاتى برنامج الـSony Vegas لترتيب المشاهد و دمجها و اضافه بعض التأثيرات
و بستخدم الـAfter Effect فى عمل الأنترو و الأيند و الكتابه و اضافه بعض التأثيرات




4. البدأ بأستخدام البرنامج

قبل ما تبدأ تسمى بالله عشان ربنا يوفقق فى الفيديو
تبدأ العمل بتأنى و صبر و اتقان تام
و تاخد رحتك فى الوقت الفيديو خد منك يومين تلاته اسبوع عادى
و لو جالك فكره مشهد جديد و انتا بتعمل فى الفيديو تضيفها
و اكيد هيجيلك اكتر من فكره



5. اللمسات الأخيرة

بعد ما تخلص الفيديو شوفو تانى اكتر من 4 مرات
و شوف لو عايز اضافة افيكت فى مشهد معين
بعدين قارن بين الفيديو بعد اضافة الأفيكت و قبل و شوف انى احسن
و لو مشهد حاسس انو مش عاجبك حاول تشيلو و تصورو من جديد و تضيفو
و تحاول فى اخر الفيديو تضيف مشهد مضحك لدفع السأم و الملل عن الفيديو
و اخر لمسه فى نهايه الفيديو خالص ينتهى بجمله او كلمه فى الأخر
او الشاشه تتحول للون الأسود او الأبيض لو الفيديو حزين او هادى و لو اكشن ينتهى بـفلاش
المهم يكون ماشى مع الموسيقى



6. حفظ الفيديو

كتير اوى بيسأل عن صيغة حفظ الفيديو

WMV أو AVI من أجل يوتيوب ..
-
WMV بوضوح 3mbps بإستخدام فيجاس من أجل يوتيوب ..
-
WMV بوضوح 512 kbps بفيجاس من أجل يوتيوب مع سرعة إنترنت
بطيئة !
-
AVI وبإستخدام After Effects / Premiere أي إصدار, من أجل
يوتيوب
-
AVI وبوضوح عالي
للرفع من megaupload/zshare/4shared الخ ..
-
MOV لمستخدمي أجهزة
شركة Apple ولوضوح قوي ..!
-
AVI وبوضوح : Best Size بإستخدام Movie
Maker من أجل يوتيوب .
-
WMV وبوضوح : Best Size وبإستخدام Movie
Maker من أجل يوتيوب.
-
WMV/AVI من ULEAD من أجل يوتيوب أو مواقع التحميل .
-
MPG / MPEG وبوضوح PAL / NTSC من أجل عرضه على
العائلة

من
دون رفعه على الإنترنت ... فقط لبرنامج فيجاس ..


أي صيغة عالية من أجل عرض تلفزيوني من دون رفع على أي برنامج آخر.



7. ردود افعالك نحو محبيك و الأستفادة من النقد البناء

بعد ما رفعت الفيديو على اليوتيوب و عملت يجى عشرين توبيك على Silkroad4Arab
و الناس شافتو اكيد محبينك هيجاملوك و يقولولك دا فيديو جميل .
و على العكس برضو فى بعض الحاقدين هيقولولك وحش وضعيف و تعبان
من غير اى سبب و يحاولو يحبطوك .
انتا طبعاً دلوقتى صانع فيديوهات محترف مش معنى كده انك تتعالى على حد
تحاول ترد على جميع محبينك و الأجابه على جميع الأسئله
و تتجاهل كل الحاقدين و متردش عليهم
و فى نقطه مهمه تحاول التفرقه بين النقد البناء و الحقد
النقد البناء هيقولك ايه الى مش عاجبو و المفروض تغيرو
و احتمال كبير يبقى صح و احتمال يبقى خطأ
و احتمال يبقى انتا شايف من ناحيه و هوا شايف من ناحيه تانيه
تحاول تفهمو انتا و تتناقشو مع بعض .
و لو هوا صح تعترف انو صح و انتا غلط مفيش حد مبيغلطش
"دى نقطه مهمه جداً"

-و حاول تحسن من قدراتك و تثبت ان انتا الأفضل , و تستفاد من اخطاء كل محاوله
و هنا هتعرف معنى كلمه الأحتراف