شـريـط الاهـداءات |
|
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
21-09-2012, 12:29 AM
|
#1 | ||||||||||||
  
|
طبعا بعد نجاح البتاعه الى فاتت الي هي دي عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] قلت وانا فاضي كده اعمل دي كمان قصه جديده بــــقى اجدعااااااان  بطل القصه : محمد - H3ll King - أنا بردو !! إحم إحم .. والقصه تدور وتتمحور وتتبلور حولي أنا بردو .. :fruits_orange: نبدأ .. يوم كنت قاعد ع الكمبيوتر ومشتاااااااااااااااااق ليه ولله بقالي هبروميت يوم مقعدتش عليه بسبب الدراسه ابويا الحاج المحترم : انت يااااااااض قوم شوف الظيطه الى تحت دي انا : مش عندنا يا حاااااج مش عندنا سيبوني بقى ابويا : انت بتعلي صوتك عليا ياض طب وربنا ل انت نازل انا : وربنا ما انا نازل ابويا : ها ؟؟ انا : بلبس اهو يا حاج علشان انزل اشوفلك في ايه انا عملت حاجه غلط ؟ ابويا : طب بسرعه تحت انا : عمو عمو هو فيه ايه الراجل : دي مظاهرات يا باشا انا : اه ليه يعني فيه ايه الراجل : مظاهراااات يا باشا مظاهراااااااااااات انا : وربنا عارف انها مظاهرات ليه الراجل ازاي مش عارف انت مش عايش انا : هو عفريتي بيكلمك يا عم فيه ايه انجز الراجل : بوش انا : وانا هشحت منك الكلام ما تنجز الراجل : بووش انضرب بالجزمه يا باشا انا : يلا يلعن ***** يا إبن ال******* كل ده علشان بوش انضرب بالجزمه ده من قبل ما اتولد الكلام ده ،،،، ابويا : فيه ايه يا موكوس والخناقه الى تحت دي ليه انا : دي مظاهرات يا حاج مظاهرات ابويا : ليه انا : هو ايه الى ليه انت مش عايش في الدنيا ولا ايه ابويا : انجز يلا انا : بوش ابويا : ؟؟ انا : بوش انضرب بالجزمه ابويا : زي كده ( وزربييييييو ) انا : وانا مالي انا يا حاج هو انا الى ضربته ابويا : طب تعالى نتفرج ،،،،،،،، انا : امسك حرامي الواد ده سارق قصريه اهه ياض امسكه ابويا : وطي صوتك ياض يا همجي انا : اسف يا حاج ابويا : ايييييه يا بني ادمين متوقفوش الهتاف وادحرج واجري انا والجيران : يا رماااااان ابويا : وتعالى على حجري // : يا رماااااااااان ابويا : ولا ولا سيب قصرية الزرع يلا سيب ياض يا ابن الـ $#$@!! انا (في بالي) : دي لو اتكسرت ابويا هيفشخ المنطقه كلها وهوب انكسرت ابويا : اييييييييه الفاظه اتكسرت يا حكومه كرومب ومن حظ ابويا الجميل الرائع ان الكلمه سابت الناس كلها ولزقت في ودان ظابط كان متنرفز تحت وبيحاول يعرف مين قالها أمي : أحسن يا حاج تابع تابع أبويا : اهو تشجيعك ليا ده الى هيخليني اولع المظاهرات أمي : طول ما انت مع الحق اوعى تخاف حد ، خليك قوي ، وقول وعلي صوتك ابويا : يا داخليه كروووووووووووومب الظابط : هاتولي الـ *** ده أمي : لا .. لا .. أنا مش معاكم .. أنا مش معاكم .. ( وراحت تجري عند الجيران ) أبويا : يعجبني في أمك إيمانها الشديد ووقوفها مع الحق أنا : هنعمل ايه أبويا : وانت بتشتم الظباط ليه اصلا أنا : !!!!!! أبويا : يا اخي اتقى الله دول هما الى بيحموك ويحققولك الامن والامان و الطمأنينه انا : الطمأنينه يا بابا ؟ أبويا : إخرس متقولش بابا العسكري : تعالى معايا أبويا : اهه يا حضرة الباك باشي ده الى عمال يشتم من الصبح وشتمته العسكري : شكرا جزيلا لتعاونك .. امشي قدامي أنا : احبيبي أبابا ،،،،،، وفي القسم الظابط : انت متهم بتحريض المتظاهرين على العنف وسب ظباط الشرطه و تعطيل الامن عن تأدية عمله و اتباعك لمنظمات إرهابيه والاضرار بأمن الوطن وسلامة المواطنين . أنا : كل ده علشان كنت بتفرج ع المظاهره امال لو كنت بقودها كان هيحصل فيا ايه الظابط : وده اعتراف تاني انك بتقود المظاهره أنا : بقول لـــــــــــــــــو الظابط : وكمان بتنكر أنا : نــــــــعم !! الظابط : حسيييييين أنا : هات حسين ايه يعني حسين : أعاااااااافندم أنا : مفيش حسين غير ده حسين : قدامي يا متهم ( وطراخ افا حلو ) أنا : إتفضل حضرتك الاول حسين : قدااااااامي قُلت ( وشلووط ) أنا : حاضر :( ،، وفي الزنزانه ،، مسجون : لمهلوبوبولهامبوووولووو أنا : الله يسهلك مسجون : سيماكوناتويايا أنا : ابعد ايدك دي يا عم مسجون : أأأأ أنا : ها ؟ مسجون : سيجاااااارة ايه انت اطرش أنا : مبدخنش مسجون : طب حشيش أنا : مبحشش مسجون : طب تريمادول أنا : مبضربش مسجون : امال انت بتاع ايه !! أنا : أنا ولا حاجه !! مسجون : ياه ده انت حالتك صعبه اوي احكيلي احكيلي أنا : انا كنت واقف مع ابويا في البلكونه وإذ فجأة مسجون : بس هي فيها ابويا يبقى بانت الرؤيه أنا : الله ده الحكايه مش على ابويا انا بس بقى مسجون : احنا كلنا هنا حكايتنا فيها ابويا أنا : وانت جي في ايه مسجون : مش فاااااااااااكر ،، وبعد 24 ساعه ،، أنا : عايز امششششششششششششي مسجون : انت بقالك قد ايه هنا أنا : يووه ده انا من امبارح وانا هنا مسجون : طولت اوي هخرجك النهار ده وفي عربية النقل للحبس أنا : مش قلت هتخرجني مسجون : اصبر بس ، جاهزين اجدعان جاهزين !! مسجون : هوباااااا هجوووووووووووووووووووم ،،،،،،،، نط يلا نط نط نط أنا : أنط ازاي مسجون : نط يا اهبل أنا : إزاي مسجون : نط يااااااااااااااض أنا : أنط ازاي عبوكو مسجون : كده اهه هوباااااااااااااااا ،،،،،،،،، أنا : آآآآآآآآآآه يا وسطي هربان : آه يا وسطي آه يا كتفي يا عم صدعتنا أنا : ما انت ابن #@!#!@#!@ نطيت من غير ما تقولي هربان : انت بتشتم مين ياض أنا : ولا حاجه حضرتك ، يلا علشان اروح ،،،، ابويا : هربت تاني ازاي ياض انا : المره دي هربت فعلا احاج ابويا : ازااااااااااااااي انا : نطيت ابويا : نطيت ازاي انا : اذا كان انا نفسي مش عارف هشرحك ازاي وصوت بوليس تحت أنا : طب عايز حاجه احاج انا رايح لأمي ، أمااااااماااااااا أبويا : وهتسيبني لوحدي !! أنا : لا متخفش هيطلعوا يونسوك دلوقتي ،، الظابط : ابنك فين ابويا : ولله العظيم هقول الحق ، معرفش الظابط : هاتوووووه ابويا : مظلوووووووووووووووووووووم ،، وبعد ما ابويا خد حقه وانتقمولي في القسم ، آدي آخرة الابهات الى يبيعوا ولادهم  |
||||||||||||
|
| إعلانات google |
|
|
|
21-09-2012, 12:32 AM
|
#2 | ||||||||||||
  
|
جامدة ياد
|
||||||||||||
|
|
|
21-09-2012, 12:33 AM
|
#3 | ||||||||||||
   Silkroad4Arab 
|
الله علـيكـ يـا فـنان 
|
||||||||||||
|
|
|
21-09-2012, 12:34 AM
|
#4 | ||||||||||||
 
|
هههههههههههههههههههههههه جاااااااااامدة جداااا  الأب ده بيحبك جداااااا 
|
||||||||||||
|
|
|
21-09-2012, 12:39 AM
|
#5 | ||||||||||||
 
|
ههههههههههههه حلوه
و فى افشات عجبتنى الباك باشي اعااااافندم لا متخفش هيطلعوا يونسوك دلوقتي هههههههههههههه حوه ياض |
||||||||||||
|
|
|
21-09-2012, 12:43 AM
|
#6 | ||||||||||||
 
|
الله ينور يا واد
|
||||||||||||
|
|
|
21-09-2012, 12:43 AM
|
#7 | ||||||||||||
  
|
جامد يا واد
|
||||||||||||
|
|
|
21-09-2012, 12:47 AM
|
#8 | ||||||||||||
|
ههههههههههههههههههههههههههههههه واتا اللى كنت فاكر انو أبويا بس...طلع أبهات مصر كلهم :) تيجى نخطفهم؟ 
|
||||||||||||
|
|
|
21-09-2012, 12:48 AM
|
#9 | ||||||||||||
 
|
جامدة اوى مستنين القصة الجاية  |
||||||||||||
|
|
|
21-09-2012, 12:51 AM
|
#10 | ||||||||||||
 
|
جامدة عايز قصص تانى
|
||||||||||||
|
|
|
21-09-2012, 01:00 AM
|
#11 | ||||||||||||
|
لأ 100\100 مش اى حد كمل
|
||||||||||||
|
|
|
21-09-2012, 01:20 AM
|
#12 | ||||||||||||
|
هههههههههههههههههههههههههههههههههه جامدة تيت ياض 
|
||||||||||||
|
|
|
21-09-2012, 01:33 AM
|
#13 | ||||||||||||
|
روعـ ـ ـه .
|
||||||||||||
|
|
|
21-09-2012, 01:44 AM
|
#14 | ||||||||||||
 
|
جمييلة اوى تسلم 
|
||||||||||||
|
|
|
21-09-2012, 01:50 PM
|
#15 | ||||||||||||
|
شكرا للردود شباب
|
||||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
.gif){kind=icon}
العرض العادي
