الشرح الكامل ل Sbot الجديد

[Rock_Star]

السلام عليكم

ياريت قبل ما اي حد يسأل اي اسئلة يشوف الشرح كويس لو حاجة موجودة في الشرح واتسأل عليها هعتبر اني مشوفتهاش اصلا

وياريت لو قابلتك مشكلة جوه من نوع
البوت مبيرجعش المدينة والمشاكل الي بيعملها البوت جوه لما تحصل المشكله شوف اخر 4 - 5 موجودين في البوت كتبلك ايه وهاتهملي في الرد الي هتسيبه عشان بس اقدر اساعدك فيها مش اكتر

نبتدي بأول حاجه خاااالص انك تنزل ال Sbot من الموقع بتاعه عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ودايما بتنزل اخر اصدار من البوت من هناك وكل الي بتعمله انك تغير الملف الازرق الي مكتوب عليه Sbot

بتعمل فولدر جديد خالص وتكتب عليه Sbot او تكتب عليه اي حاجه انت عاوزها المهم تبقي عارف ان الفولدر ده الي هيكون فيه ال Sbot بالاكونتات بتاعتك بتظبيطها بكل حاجه

زي كده اهو

الي الناس الجديده الي بتستخدم الاس بوت لازم تعرفه ان كل اكونت لازم يكون ليه فولدر لوحده وبتفتح منه ال Sbot

كل مره وبيكون متظبط ومسيف كل حاجه زي ماهي وكل ما تحب تبوت لاكونت جديد علي ال Sbot عندك علي الجهاز

لازم تعمله فولدر لوحده يعني مثلا نعتبر عندك 3 شخصيات واسمهم Char 1 , Char 2 , Char 3 يبقي تعملهم 3

فولدرات كل فولدر باسم الشخصية بتاعته زي كده

الملف الي في مربع احمر هو ده الي بتفتح منه طبعا وبتحطه في كل فولدر وتغيره لما يحصل تحديث للبوت المهم ان كل شخصية عندك لازم يتعملها فولدر لوحدها وكل مره تفتحها من نفس الفولدر عشان تبقي ال Settings بتاعت الشخصية محفوظة زي ماهي اظن كده تقدر تفتح اكتر من اكونت Sbot ؟ لو حد مفهمش حاجه من الكلام او عنده مشاكل يقدر يسيب رد ;)

اه ياريت مننساش حته مهمة اوي

لازم تحدد مكان اللعبه للا Sbot وده بتعمله عن طريق الحتة دي

لما بتدوس علي Choose Silkroad Directory بيجبلك جهاز الكومبيوتر بتاعك وبتحدد مكان سيلك رود فين

تقريبا كده ناس كتير هتعرف تفتح اكتر من اكونت بسهولة

انا مش فاهم بجد ايه الي صعب جدا في حتت ازاي تفتح اكتر من اكونت ؟ ببساطة انت اعتبر كل شخصية جديده هتشغلها علي الاس بوت يبقي تنزلها اس بوت مخصوص وبدل ما تنزله خده نسخ والصقه في فولدر لوحده واعمل فيه كلللللللللل حاجه عملتها في اول شخصية شغلتها علي الاس بوت بس الفرق ان دي بتكون في فولدر ودي في فولدر انا نفسي اعرف ايه الي صعب جدا في الحته دي يخلي كتير يسال افتح ازاي اكتر من اكونت؟؟؟؟؟؟؟؟


ده بقه شرح كامل ل Sbot الجديد بكل حاجه فيه انشالله يعجبكم

ياريت قبل الرد علي الموضوع او لو هتسأل عن حاجه في ال Sbot تقري الموضوع بالكامل وبعد كده اسأل

نتفق علي حاجه كده الاول؟ لما يكون الاس بوت في المدينه يفضل انك متلمسهوش اعتبر بيكون فيه عفريت واقل حاجه هتعملهاله هيهنج معاك ويوقف ويديك رسائل خطأ وممكن ميروحش مكان التلفيل بتاعه تاني يعني مثلا اوقات يقولك Couldn't find npc دي بتكون عشان حركت ال Inventroy بتاعك او حركت نافذة من بتوع ال npc الي البوت بيشتري منهم زي بتاع الاسطبل او بلاك سميث

اول ما بتفتح ال Sbot اول صفحه بتشوفها
1 - بيكون فيها ال HP & MP & Exp بتاع الشخصيه الي انت فاتحها
2 - هنا بتكتب اليوزر نيم والباسورد بتوع اكونت البوت بتاعك مش بتوع اكونت سيلك رود وبتعلم صح علي Save login عشان متكتبهمش كل مره تفتح فيهم البوت
3 - Start client دي بتخلي البوت يشغل سيلك رود عشان تعمل لوج اون بالبوت
kill client / go clientless عشان تخلي البوت يتحول ل clientless هيبقي اخف علي الجهاز وتقدر تفتح اكونتات اكتر
4 - ده بقه ال Auto login النظام الجديد الي نزل في البوت
A - دي عشان تخلي البوت يفتح معاك اكونتات تاني عشان الناس الي بتقول لما بفتح اكتر من شخصيه بيعمل DC لازم لازم لازم تحط علامة صح علي كل اكونت تفتحه بالبوت هنا لو محطتش علامة صح في كل واحد هيجيلك دي سي لما تفتح الي بعده ( مهمة جدا النقطة دي )
B - بتخلي البوت يختار الشخصيه لوحده الي انت بتحددهاله في اول مره
C - عشان بعد ما يختار الشخصيه يشغلها علي البوت
D - ده عشان تخلي البوت يستخدم return scroll بعد ما يعمل لوج اون
E - ده مهم عشان بتخلي البوت يعمل Relogin يعني لو جالك دي سي او النت فصل او الاكونت خرج باي طريقه الاختيار ده بيخلي البوت يفتحه من تاني لوحده
F - ده بتحددله يجرب كل كام ثانيه بس مظنش ان دلوقتي ليه لازمه لأن جوي ماكس خلي السيرفر يقبل مره واحده من كل اكونت كل 20 ثانيه
G - هنا بتكتبله اسم الشخصيه الي عاوزه يختارها لما يعمل لوج اون ولو انت عامل لوج اون بيها بتدوسله Get current بياخد اسمها لوحده
H - ده بتخليه يعمل hide للكلينت وهو بيعمل Login وتقدر تظهر الكلينت قدامك تاني من كلمة Show client
I - هنا بتكتبله لو جاله ديسكونكت من السيرفر يفتح مره تاني بعد كام دقيقه
5 - دي بقه من اهم الحاجات الي في البوت عشان بتشغل منها البوت Start Training
او توقفه Stop training وبتخفي منه الكلينت بتاع سيلك رود hide client او تظهره Show client ( ده مش معناه انه Clientless ) واهم حاجه بقه Save settings ودي بتدوس عليها بعد ما بتغير حاجه او تظبط حاجه في البوت

دي بقه الصفحه الي بتظبط منها Skills البوت
1 - هنا بتظهر السكلات بتاعت الاكونت بتاعك كلها
2 - هنا بتحط ال Buffs بتاعتك وبتختارها من القائمه رقم 1 وبتدوس علي كلمة Add
3 - هنا بتختار ال Imbue بتاعك
4 - دي عشان يشغل ال Imbue علي طول والي تحتها يشغله كل وحش ودي مفضله لاكونتات الجليف والبليد
5 - دي عشان يستخدم ال Speed drugs الي هي السرعه الي عند التاجر
6 - دي بقه للأكونتات الاوروبيه عشان تغيير السلاح
A - هنا بتختار مكان السلاح الي هيتغير يعني لو انت wiz / cleric مثلا واخترت مكان تغيير السلاح 1 يبقي هتحط الكليرك رود في اول مربع فوق علي الشمال لو اخترت 2 يبقي هتحط في المربع الي جمبه وهكذا
B - هنا بتحط البفات الي عاوزه يعملها لما يغير السلاح
C - دي بتعلم عليها عشان يغير السلاح
D - دي عشان يعمل ال Buffs تاني لما كلها تخلص
E - دي عشان يعملهم لو بفه واحده بس خلصت منهم

1 - دي بتظبط منها يشتري ايه بالظبط والكميات الي يشتريها
2 - دي بتدوس عليها بتحسبلك تمن الحاجات بالجولد
3 - دي عشان يشغل Buff السرعه في المدينه وهو بيشتري

1 - دي بتظبط منها يزود ال HP & MP & Pills بتاعتك وال HP & HGP بتاع الولف
2 - دي عشان لو بتلعب بولف ومات لما يرجع المدينه يعمله res وينزله تاني
3 - دي عشان يستخدم حصان وهو رايح المكان الي بيلفل فيه والي تحتها عشان يزود ال Hp بتاع الحصان
4 - دي لأكونتات ال Bard عشان يعمل ال Noise قبل ما يخرج من المدينه

1 - دي تعتبر بتظبط منها الشخصيه وهي رايحه مكان التلفيل بتاعها
A - دي عشان يشغل البفات لو الحصان مات وهو رايح مكان التلفيل
B C - دي عشان يشغلها لو رايح ماشي وعمل Teleport في الطريق يشغلها بعد ال Teleport
D - دي عشان لو الطريق طويله والبفات خلصت في الطريق يشغلهم تاني وهو ماشي
وطبعا بتحدد انهي بفات بالظبط الي يشغلها
2 - دي عشان الحاجات الي يلمها من الارض
A - دي عشان يلم الاسهم لو فضل معاك عدد معين في الشنطه بتحددهوله برقم بتكتبه فيها
B - دي بتحددله كل اد ايه يلم الحاجات ( بس الافضل متحددهاش )
C - دي يلم جولد
D - دي عشان يشيل الحاجات الي لمها في الخزنه
E - دي عشان الشخصيه تلم بايدها
F - دي عشان ال Pet بتاعك هو الي يلم
G - دي عشان يلم ال Items الي انت بتنزلها من الوحوش وال Items الي بتنزلها الناس التانيه
3 - دي عشان يرتب الخزنه بتاعتك يعني لو في حاجه هيحطها في الخزنه وفي منها يحطهم علي بعض

1 - هنا بتحددله يرجع امتي المدينه
2 - بتحددله يضرب ازاي ويعمل ايه مثلا لو بقه ميردر وال KS

1 - الاختيارين دول عشان لو ال GM ظهر جمبك وانت Botting وطبعا ده مبيحصلش اصلا
2 - دي بتحدد منها الوحوش الي يضربها ال Sbot والوحوش الي يتجاهلها او يحاول ميضربهاش يعني انت لو ساحر مثلا هتخليه مثلا يعمل Avoid ل Party mobs
3 - دي بتحدد منها يشغل الزيرك امتي

1 - من هنا بتختار قائمة ال Items الي انت عاوزها من اسلحه او لبس اواكسيسوري
2 - هنا بتظهر قائمة ال Items وبتقدر تحددله ايه الي ياخده بايده وايه الي باخده بال Pet وايه يبيعه وايه يحطه في ال Storag
3 - دي عشان تعمل بحث عن ال Items بالاسم

الصفحة دي عشان الناس الي بتقول ازاي اخليه يلم وازاي اخليه يودي الستوراج والكلام ده من هنا بتظبط كلللللللللللل حاجه مجرد بس قصاد الايتم بتدوس كليك يمين بالماوس وشوف القائمة الي بتظهر لو مش فاهمها ترجمها في جوجل واتعامل مع اللسته عادي جدا يعني ممكن لو ايتمات كتير عاوزها تتلم او تتباع بتدوس علي واحد مثلا وتنزل بالصفحة وتدوس Ctrl وتدوس علي التاني وهكذا كانهم شوية فولدرات بتعملهم نسخ او حذف

1
A - هنا بتحدد المساحه الي يتحرك فيها البوت اد ايه ويفضل دايما انها تكون بين 40 - 60
B - بتدوس علي دي عشان تخليه يشتغل Botting في الحته الي هو واقف فيها حاليا
2 - دي مهمه جدا وياريت لو انت مشغله Bot تتاكد ان علامة الصح علي use script cordinates
اما التانيه الي هي use current cordinates دي علشان لو انت مشغله في حته غير الي بيروحها عن طريق ال Script الي انت مختاره في رقم 3
3 - هنا بتختار ال Script او الطريق الي بيمشي فيها لحد اما يوصل الحته الي بيشتغل Botting فيها
4 - دي عشان تسجل منها Script للشخصيه وياريت تاخد بالك وانت بتسجل ال Script لان الشخصية هتمشي علي نفس النقط الي انت مشيت عليها يعني لو غلطت في الطريق الشخصيه كل ما هتروح المكان الي بتلفل فيه هتغلط في نفس الحته ;)

ياريت ياريت ناخد بالنا من الصفحة دي كويس جداااااااا لان هي الي بتكون السبب في انه بعد ما بيصلح ويشتري ال pots بتاعته يوقف وميرجعش تاني

1 - هنا بتختارله نوع البارتي الي يعمل عليه Invite او يقبله من اي حد ولو دوست علي Apply list مش هيقبل او يبعت غير للناس الي انت محددله اسمائها
2 - هنا بتظهر قائمة الناس الي معاك في البارتي ولو انت الماستر بتقدر تعمل Kick لحد منهم

1 - هنا بيظهر الشات ودي ميزه كويسه عشان تقدر تكلم الناس وانت Clientless
2 - هنا بتكتب الي عاوز تقوله
3 - وهنا بتختار الكلام يظهر فين بتختار من قائمة Chat type سواء هتكتب في ال Guild او Pm او Union او Party

1 - دي صفحه مش مهمه اوي لما بتدوس علي كلمة Refresh بيجبلك اللاعبين حواليك ولبسهم وليفلاتهم

1 - دي عشان يظهر اللاعبين زي ال xbow & wiz الي بيقدرو يستخدمو Stealth skills
اما التانيه دي مش موجوده حاليا في الاصدارات الجديده بتاعت البوت ومش مهمه
2 - دي عشان يعملك +++ لوحده بتملي ال Inventroy بتاعتك Elixirs وبتحط في اول خانتين ال Item الي عاوز تعمله + وبتحط جمبه ال Lucky وبتكتب مكان ال 0 ده ال + الي انت عاوزه وبيجربلك لوحده
3 - دي عشان لما يعدي الليفل يضيف نقط ال Str او ال Int علي حسب نوع الاكونت بتاعك

1 - دي طبعا عشان لو عامل Botting في حته فيها Unique بيظهر لما لما بتحط علامة الصح عليها لما بيظهر ال Unique بيدور عليه في ال range الي انت محددهوله الي هي المساحه الي بيعمل فيها botting
2 - دي عشان لو مات وهو Bot يقبل ال res ويكمل Botting او يقبله ويعمل Stop للبوت او بتدوسله Apply list عشان ميقبلش ال res غير من الاسماء الي انت بتحددهاله بس
3 - دي حاجه بخصوص ال packet transfare بين الشبكه واللعبه ويستحسن ميتلعبش فيها لانها مش بتفرق كتير وممكن تعمل مشاكل للبوت او تديك DC من الجيم

1

المشاركة الأصلية كتبت بواسطة eng_emam10 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

شكرا على الشرح الجميل دة بس فى حاجة غلط احب اصلحها

فى ال Alarm



1 - الصفحه دي بقه للناس الي بتحب تموت ال Unique بتسجل Script بالاماكن الي بيظهر فيها ال Unique وبتحددهاله من كلمة Open file طبعا كل unique وبيكون ليه script معين عشان لما يظهر ال unique الشخصية تدور عليه لوحدها ولو جمعته تضربه
ده لو :p



دى مش Script دى Sound
يعنى بتحدد نغمة Wav لما يظهر اليونيك لبوت يشغل النغمة يعنى بينبهك
ومعنى كلمه Alarm يعنى منبة :)
ارجو التصحيح

نيجي للاسئلة

ازاي اجيب ال Sbot ؟
من هنا

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

او من اي حد بيبيعه ويكون موثوق فيه او حد صاحبك يشحنلك في اللعبه مقابل الجولد لان ال Sbot مش بيتباع غير ب paypal وده مش مسموح بيه لينا في مصر

تقدر تعرف ازاي تغير باسورد الاكونت بتاعك من هنا

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ايه هو ال Paypal ؟ مش موضوعنا اجيب واحد ازاي؟ معرفش

البوت فتحته علي 3 اجهزه ومش راضي يفتح علي جهاز من ال 2 الي كان مفتوح عليهم ليه؟
عشان البوت متحدد انه يفتح علي جهازين بس وبياخد ال ip بتاع الجهازين دول ولما بتفتح علي جهاز تالت واحد من الجهازين الي كان مفتوح عليهم بيهنج ومبيرضاش يفتح عليه تاني
افتح تاني علي الجهاز ازاي؟ تستني للساعه 12 بالليل وهيفتح معاك

ده شرح ال Sbot النظام الجديد بالكاااامل واي حد عاوز يسأل عن حاجه يقدر يسالني بس ياريت قبل ما يسأل يقري الموضوع بالكامل ومتكونش اسئله مكرره

معلش ملحوظة صغيره بس للناس الي مبتعرفش ال Sbot اوي نظامه بيكون ليك يوزر نيم وباسورد علي السايت ويوزر نيم وباسورد علي البوت لما بتشتري اكونت من اي حد بتاخد اليوزر نيم بتاع السايت وبتغيره كل الي ليه لازمه لما بتغير هو الباسورد لكن الميل الضامن غيرته او مغيرتوش ملوش لازمه لان مبينفعش تعمل فورجيت علي الميل الضامن عموما الناس بتحب تغير الميل الضامن زيادة تأكيد لما بتغير الميل الضامن بيوقف الاكونت انه يفتح علي السايت ليه ؟ عشان بتجيلك رسالة Active علي الميل الضامن الجديد لازم بتدوس علي اللينك الي فيها عشان الاكونت يرجع يشتغل علي السايت ياريت دايما يكون ميل هوتميل او جي ميل لان الياهو مش بتوصل عليه الرساله وممكن تاخد ايام وممكن متجيش اصلا يارب الناس تاخد بالها من الحته دي

[titoo_net]

طيب انت كدة تمام انا عاوز اعرف حاجة واحدة بس ممكن اشغل اللودر مع البوت وفين خاصية الزوم فى النسخة الجديدة انا بدخل الجيم مش بعرف ابعد الزوم ياريت لو الرد بسرعة

[Rock_Star]

لا اللودر مش بيشتغل مع البوت وخاصية الزوم اتشالت من ال Sbot الجديد

[ESAMO2009]

ارجوو التثبيت لان هذا الشرح بة كول ما هو جديد بي البوت عكس الشرح المثبت فارجو التثبيت

حتي يستفيد جميع من معهم اس بوت///نا استفدت اوي من الشرح و شكرا للعضو usd

[DisoZza]

الف شكر يا باشا الموضوع جامد مــــــــــــــــــــــــــــــــــــوت:D
انا استفد من كتير اوي علشان كان في حاجات مش فاهمها خالص :(
ياريت الادارة تثبت الموضوع جامد جدأ وفي ناس كتير محتاجينوا:p
ولو ممكن ازود حاجة الي عايز يشتري البوت من مصدر موثوق فية انا بشتري منه علي طول وناس تمام
هوا الموقع ده وبديلو الجولد والاميل وهوة بيشحنهولي
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
وتقبل مروري

[bom_bom_bom]

يا جماعة ارجو الافادة
انا دلوقتى معايا xbow
فى مشكلة بقى انا بروح jan عشان ابقى بوت هناك فى الكهف
وطبعا بختار jan المدينة اللى اشتريه منها الحاجة بس المشكلة بقى فى ال bolt
لو اخترت هوتان مش هيروح jan
اعمل ايه ؟

[Rock_Star]

عادي تقدر تسجل ال Script انه يشتري الحاجه من هوتان ويسافر بعدها ل Jangan وبكده تبقي وفرت ال 20% الزياده في الاسعار

[bom_bom_bom]

شكرا على الافادة بجد :)
بس المهم انه ينجح :)

[Rock_Star]

اي خدمه ;)

[OSSS]

thx ya p op 10/10:)

[ESAMO2009]

اية يا جماعة الموضوع 100% لية مش مثبت؟

[korkor]

تسلم والله حبيب قلبى

[sonaa]

لا جامد بامانة وانا ناوى اجيبه بدل السروكينج اللى مقشفر العالم
وشكرا على الشرح الجبار
ولازم يتثبت

[ESAMO2009]

فين التثبيت يا كوركور حرام الموضوع يروح من غير تثيبتتت

[khaled_Love]

ارجوو التثبيت لان هذا الشرح بة كول ما هو جديد بي البوت عكس الشرح المثبت فارجو التثبيت

حتي يستفيد جميع من معهم اس بوت///نا استفدت اوي من الشرح و شكرا للعضو usd