Ψψ¯−ـ‗_ φ مشكله سيلكرود :.:.:. والمجتمع المصري Ψψ¯−ـ‗_ φ

[koka80]

بسم الله الرحمن الرحيم
قال تعالى:

{{ يَا أَيُّهَا الَّذِينَ آمَنُواْ أَنفِقُواْ مِمَّا رَزَقْنَاكُم مِّن قَبْلِ أَن يَأْتِيَ يَوْمٌ لاَّ بَيْعٌ فِيهِ وَلاَ خُلَّةٌ وَلاَ شَفَاعَةٌ وَالْكَافِرُونَ هُمُ الظَّالِمُونَ}} (254) سورة البقرة
صدق الله العظيم

قال رسول الله صلى الله عليه وسلم ‏"‏ لا تزول قدما عبد يوم القيامة حتى يسال عن عمره فيما افناه وعن علمه فيما فعل وعن ماله من اين اكتسبه وفيما انفقه وعن جسمه فيما ابلاه ‏"‏
‏ سنن الترمذي 2602


وعن بن عباس رضي الله عنهما قال : قال رسول الله صلى الله عليه وسلم لرجل وهو يعظه : " اغتنم خمسا قبل خمس شبابك قبل هرمك وصحتك قبل سقمك وغناءك قبل فقرك وفراغك قبل شغلك وحياتك قبل موتك " أخرجه الحاكم في المستدرك

وقال صلي الله عليه وسلم "من دعا الى هدى كان له من الاجر مثل اجور من تبعه لا ينقص ذلك من اجورهم شيئا ومن دعا الى ضلالة كان عليه من الاثم مثل اثام من تبعه لا ينقص ذلك من اثامهم شيئا ‏" صحيح مسلم
وقال رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ لِرَجُلٍ اَتَاهُ اذْهَبْ فَاِنَّ الدَّالَّ عَلَى الْخَيْرِ كَفَاعِلِه" مسند الامام أحمد

السلام عليكم ورحمة الله وبركاته
الحمدلله رب العالمين والصلاة والسلام على نبينا محمد وعلى آله وصحبه وسلم اما بعد...

انا معايا رسالتين مهمين جداا
الرساله الاولى الى الاداره والمشرفين ومبرمجين المنتدى
الرساله الثانيه الى الاعضاء الكرام والى كل من يرى الموضوع

الرساله الاولى

مشكور على مجهوداتكم الكبيره فى الموقع ونحن نقدر هذا المجهود ولكن ارجوا من سيادتكم طلب لعله يزيد فى ميزان حسناتنا ان هذا الموضوع يتثبت لاننا نرى الكثير من الاعضاء يتخذون للعبه قدر كبير واهميه كبيره واننا نعلم ان المنتدى هنا تم انشاءه للمساعده ليس لضياع الوقت وهدره فلذالك ارجوا من سيادتكم بثبات موضوعونا ليعم الخير على الجميع

الرساله الثانية

مشكلتنا النهارده يا جماعه مشكله غير عاديه وغير طبيعيه
مشكله يمكن الكثير يشتكوا منها لكن ساكتين عن الكلام مش عارفين يقولوا ايه ولا ايه
احنا بنتكلم عن مشكله بجد ممكن نضيع بسببها رغم صغر ها
ممكن نضيع لو معرفناش نحكم عقلنا
ممكن يضيع مستقبلنا لو معرفناش حل للمشكله

المشكله وهى :

استخدام سلكرود فى الطريق الخطأ
البعض من الناس مش صاحين للمشكله دى ولكن اهم حاجه عندهم المتعه القليله
دلوقتى الولد اللى عنده 15أو 16 أو 17 سنه بقى بيصرف اكتر من اخوه الكبير اللى مش بيلعب اللعبة
وبيجيب 300 جنيه طب منين الفلوس دى كلها؟؟؟
سلكرود فهمناها غلط وصعب انك تفهما صح لأنها بالفعل اصبحت مشكلة

بعض الناس بتقول سلكرود ياما فتحت بيوت ناس
وانا بقول للناس دى سلكرود ياما خربت بيوت ناس ده لدرجه جابولنا فى برنامج فى رمضان عن اللعبه دى وجايبين واد سرق ابوه وامه واهله عشان يلعبها ويصرف عليها

سلكرود علمت بعض الناس الخيانه والسرقه والنظر للغير والحقد والحسد
سلكرود جعلت بعض الناس يعملوا خناقه بسببها والله يا جماعه كلام يحزن مش يضحك والله
تعالوا نشوف اللعبه هناخد منها ايه طيب

الصحه؟
بناخد منها صحة؟ ولابنتعب نظرنا وبنتعب اعصابنا وكمان بنتعصب بعد كده على اى حد لو حصلك حاجه فى اللعبه

الاخلاق؟
قال رسول صلى اللّه عليه وسلم:

{إن أقربكم مني منزلا يوم القيامة أحسنكم أخلاقا في الدنيا }

الراوي: أبو هريرة المحدث: الألباني - المصدر: صحيح الجامع


بنشوف دايما الفاظ بزيئة وبسببها بتوصل الاهانات الي الاديان وسب ولعن علي (( الرسل والأنبياء )) والأب والام
ودا يهودي ودا معرفش إيه إبعد عنه دا إبن كذا وكذا كتـــــــــــــــير بتحصل
بالعكس احنا مش بناخد منها اخلاق من اللعبه دي بالعكس كله شغال يشتم فى كله فى اللعبه واللى يبتدى ويقول انت نووب وتقلب بشتايم وحشه ومش محترمه وبتخليك عصبى زى ماقولنا

وناجي بقي للامر الاخطر واللي بسبب اللعبة دفعنا ليه لذي لا يدري صاحبه عقوبته وإن تدبر الحديث جيدا ,ادي أخرت سيلكروود:
عن أبي هريرة قال: : (قام فينا رسول الله صلى الله عليه وسلم ذات يوم فذكر الغلول فعظم من أمره ، ثم قال :
( يا أيها الناس لا ألفين أحدكم يجيء يوم القيامة على رقبته بعير له رغاء فيقول :يا رسول الله أغثني ، فأقول : لا أملك من الله شيئا ، قد أبلغتك )

معني الحديث الكل عارف انه في حوار في بداية اللعبة لما نزلت جديد وكان صعب علي الشخص انه يحصل علي سيلك لانه التمن غالي جدا صح ؟ أكـــيد صح الصح
في ناس بتتفاخر انها بتضرب فيزات أي كروت بطاقات نقدية إلكترونية عبر الانترنت وفاكر أنها فلاحة.
لا وايه يهيئله انه كدا بينتقم من الكفار والكلام اللي بياجي علي هواه وميعرفش انه سرقة عيني عينك
وكمان مش بيكتفي بأنه سرق لا. دا بيبيع اللي بيسرقه بس بصورة مودرن شوية علشان تمشي مع العصر اللي هو فيه لو كلامي فيه غلط ارجو ان تضعوني علي الصواب
ودا مش من سلوك الشخص المسلم هذه نقطة رهيبة جدا
ترجمة الحديث انه هياجي يوم القيامة رجل سرق في الدنيا بقرة أو ما شابه من البهائم تأتي وهي علي رقبته تصرخ أمام الخلق لتفضحه بأنه سارق وحين يستغيث بالرسول صلي الله عليه وسلم سبقه الرسول وقال كما ورد في الحديث .
الدنيا بتطور يعني البقرة قريبة جدا من سرقة الكريدت كــارد .
ربنا يتوب علي من قائم علي هذه الطريقة





الفلوس؟

معلومة لو جمعت لاعبي سيلكرود فقط اللي في مصر
الاموال التي تصرف علي هذه اللعبة بصورة منتطمة علي مدار عام لوتبرعوا بها لمستشفي السرطان الجديدة لا أتت بأجهزة جديدة في معالجة مرضي السرطان

أفيقو نحن نبحث عن الصالح العام .....
الكل عارف انه مجتمعنا محدود الدخل والاب والام بيطفحو الكوتة علشان مايحرموكاش من حاجة بمعني إنك ماتبصش لغيرك وتاجي اخر الشهر انت وتقول هات فلوس مذكرات و إلخ......
هتاخد منها فلوس ازاى وانت بتصرف عليها اصلا ولو فكرت تبيع الحاجه بتاعتك بتبيعها وانت خسران

الوقت المهدور

واخبار وقتك ايه تمام وكويس؟ ولا مش عارف تروح دروسك عشان الفورترس وارFW ولا مش راضى تروح شغلك عشان حرب الجيللدات Guild Warولا مش عارف تنام عشان تستنى يونيك Uniqe وتعمل شهرة طب بالله عليك بعد ده كله ايه؟
وبينما انت في كل الوقت دا منتظر الحاجة دي وأذان الظهربيأذن وانت ولا هنا ... إن الله غفور رحيــــــــم صح ؟

وطاقم مبرمجي المنتدي ومنتديات أخر تساعد علي مد عمر اللعبة مش واخدين لبالهم من الاية دي
وأنه سبحانه وتعالى سيحاسبنا على كل صغيرة وكبيرة كما قال تعالى{{ فمن يعمل مثقال ذرة خيرا يره ومن يعمل مثقال ذرة شرا يره }}
سورة الزلزلة اية 7 الي اخر السورة
ولكن الغفلة تسيطر على عقولنا..
أصبح ترك الصلاة مظهر من مظاهر التطور والتقدم؟ لا والله !! إن تقدمنا وتطورنا بديننا الحنيف وبإتباع أوامر المصطفى صلى الله عليه وسلم والابتعاد عن نواهيه وتخلفنا يكون بتركه..

إن عزتنا بالإسلام وذلنا بالابتعاد عنه،كما قال عمر الفاروق رضي الله عنه..(( نحن قوم أعزنا الله بالاسلام ،فمن ابتغى العزة بغيره أذله الله )) ..

ارجوكم النصوص كثيرة والايات أكثر نحاول ننظر للواقع اللى احنا فيه وبلاش نقول انا بقدر امسك نفسى عن اللعبه وبقدر أقسم وقتى
فيه ناس كده وانا عارف بس فيه ناس اكتر بقى مش عارف تنظم وقتها واللى عاد السنه الدراسيه بتاعته بسببها ونحاول نبص للدنيا اللى احنا فيها ونحاول نفكر تفكير منطقى

انا مش بقولكم متلبعوش سلكرود لكن بقولكم حكموا نفسكم راعوا ربنا فى اهلكم وفى الفلوس اللى

بتجيلكم سواء من اهلكم او من الشغل

وتعالوا ننظر للمستقبل بفكر جديد واحنا مع بعض فى الخير هنعمل حاجات كتير جميله
متخليش وقتك كله لسلكرود
متخليش نفسك عبد ليها
خليك عبد لربك
واحنا مش بنكبر الموضوع لان الموضوع لوحده كبير
دى ممكن تكون سبب فى ضياع مستقبلك

ارجوا ان تتقبلوا كلامى ومتفهموش وجة نظرى خطأ

وقال صلي الله عليه وسلم « التائب من الذنب كمن لا ذنب له »
ويقول ايضا عليه الصلاة والسلام: من ترك شيئا لله ابدله الله خيرا منه.. صدق رسول الله صلى الله عليه وسلم
ونرجو من مبرمجي الموقع وادراته ان يتم تثبيته والنظر الدقيق في الموضوع والنظر في الواقع الذي نعيشه من أزمة اقتصادية وغيرها من أزمات
الشيء الايجابي فقط بها ؟
الشيء الايجابي اننا تعرفنا علي بعض بسبب اللعبة وتعمقت الصداقة وربما يكون بعض الاصدقاء قام بسفره مخصوص ليبدي نيته في الصداقة وهكذا




واخر دعوانا ان الحمد لله رب العالمين
والسلام عليكم ورحمة الله وبركاته


أوافق علي من ينسخ الموضوع الي منتديات متعلقة باللعبة ولكن مع ذكر المصدر وشكرا

[koka80]

نرجو اختيار الفاظكم وكلماتكم بعناية للرد علي الموضوع وسياقه الذي يمشي فيه
__________________________________________________ _________

شباب دي فرصة للحوار هنا
وأظن انه آن الوقت للتخلص من اللعبة جملة واحدة وعلي أصحاب المواقع التي تحمل شعار الوكيل الرسمي والموزعين وغيرهم ان يفيقو الي ما أشار اليه حديث نبينا العظيم محمد بن عبد الله رسول الله وخاتم الانبياء عليهم الصلاة والسلام في أعلي الموضوع
أن يتدبروه جيدا
وأن يعرفو انها ورطة حقيقية لمن تقدم بدفع مبالغ طـــائلة لاخذ أكبر كمية من السيلك والكلام دا وفي الحقيقة هو يدري ولا يدري انها كمية كبيـــــــــــــــــرة من السيئات له ولمن تبعه علي نفس الطريقة
وصل كلامي ؟
نرجو منكم كا ناصحين ان تغلقو باب صرف أموالكم من أجل هذه اللعبة ولو بأقل ثمن أمامك اشياء كثيرة ((إصرف فيما يرضي ربك)) هذه مقولة عادية جدا مني وانا لا اساوي شيء
نرجو ولو تدخل من المشرفين ومصممي المنتدي ولو يلقو بكلمة واحدة في حق هذا الموضوع ان كنا لا نجيد حسن الحوار
واخر دعوانا أن الحمد لله رب العالمين

[khorshed]

يشرفنى ارد على موضوعك الجميل ده بعد ماقريته كلمه كلمه وحرف حرف وبجد موضوع جميل وانا هاقول كلمه واحده بس لكل الشباب الغافلين عن دراستهم ومستقبلهم وبيضيعوه بايديهم بسبب اللعبه دى

لكل اللى فى الدراسة وبيضيعوا نفسهم ومستقبلهم وهما مش حاسين بسبب اللعبه دى فوقوا قبل مايجى عليكم الوقت اللى ماينفعش فيه ندم فوقوا وبصوا لمستقبلكم والله العظيم سيلك رود مش هاتنفعكم لما تسقطوا او لما واحد فيكم يدخل كليه تعبانه ويجى يتخرج ويخلص الجيش يلاقى شهادته مش نفعاه بحاجه فوقوا انتوا جواكم كنز لو خرجتوه هاتبقوا حاجه تانيه

خدوا منى النصيحه لانى مجرب والله كل اللى بيهمل مستقبله ودراسته والله العظيم هايجى عليه الوقت اللى يضرب نفسه فيه ويندم ندم كبير جدا على اللى ضاع منه وساعتها الندم مش هاينفعه

واحد يقولى مانت بتلعب اهو زيك زينا هاقوله انا ضيعت مستقبلى بايدى زمان والحمد لله باحاول ارجع دلوقتى بس بعد ماتقدم بيا السن واصحابى ودفعتى اصبحوا كلهم فى مراكز كويسه يا جماعه بلاش اللعبه دى تسيطر على حياتكم بلاش ........

[koka80]

السلام عليكم ورحمة الله وبركاته
أهلا بيك صديقي وشكرا لمرورك وردك علي الموضوع
وكونك انك كنت بتلعب اللعبة دي وانت جربت بنفسك الوقت اللي راح منك علي الفاضي

أحب أذكر شيء كدا علي جنب وهو الفلوس ؟
محدش ينكر انه بسبب اللعبة دي أكيـــــد وصل بيه الامر انه يكون مديون لصاحب السيبر أو موزع الكروت صح ؟
لا وإيه هتلاقي أرقام كبيرة مش صغيرة معاك من 100 جنيه الي ........
وكمان ديون بسبب اللي معندهوش جهاز في البيت وبيضطر انه يحجز فين ؟ في سيبر أفتح بوت بفلوس ليه يا عم علشان أنا مش فاضيله بقي معايا دروس ومذاكرة قال يعني بيركز بحق ربنا في المذاكرة في ناس بتوصل معاها ودا بيحصل تقريبا انهم بيكونو في درس أو مدرسته وقاعد بيفكر في الاكونت !
. طيب انت حتسيبه كدا بوت . طيب كدا مش هيقدر ينزل السيرفر طيب أعمل ايه ؟ هات بريميوم يا معلم بكام دي بـفلــــــــوس يا معلم تمام طيب البوت عاوز حاجة تلمله اللي بيقع من الاكونت ممم ؟؟؟ بكام دا بفلوس طيب هاته
والباقي أكيد الكل عارفينه المهم ها اخر الشهر مبروووك وصلت لفل كذا ومعاك يا سيدي سكيل بوينت كذا تمام الاكونت دا 100 100 .
طيب ايدك بقي يا حلو انت علي فلوس الحجز ومتخافش هعملك تخفيض في الساعة بيحصل ؟
وايه النتيجة ؟
بتزنق نفسك من دلوقتي وانت صغير بهم الدين ودا غلط فعلا وكمان لو دين شوف هل يستحق انه يكون دين عليك ؟
شكرا واتمني الكل يشارك ويقول شيء بالفعل هو انه يبطلها

واسف النصيحة جات متأخرة قوي بكتير ليه ؟
لانه أنا كنت واحد من اللي بيلعبو اللعبة دي وفوقت لنفسي

[jad_tito]

بسم الله الرحمن الرحيم

وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا

الاعراض عن ذكر الله يؤثر على صاحبه في حياته الدنيا وكذلك حاله في الاخره

والاعراض عن ذكر الله من الامور التي تؤدي بصاحبها الى التهلكه والخسران

اخوي الفاضل كلك نظر

جزاك الله كل خير على هذا الموضوع المفيد

[ScissorX]

~~~~تم التثبيت لفتره ~~~~

[smart eyes]

انا هحذف الموضوع من قسم أخبار سيلك رود عشان مكرر هنا

[mjohncena45]

والله كلامك مظبوط وجميل واللى عاجبنى فيه انك بتقول البعض واى حاجه فى الدنيا ليها استخدام خاطئ

وكلامك عاجبنى وعندك حق فى كل كلمه

[AhMeD_HeLL33]

جزاك الله كل خير موضوع جميل جدا ومفيدا

ولك منى جزيل الشكر على الموضوع ومجهود رائع منك وموضوع منسق

شكرا لك

[The_ Legend]

شكرا على الموضوع الرائع ده

ومبروك التثبيت لفتره

[NoKia.Photo]

بسم الله الرحمن الرحيم

انا بجد محتار اقول ايه بعد كل الكلام اللى اتقال

بس بجد ياشباب احنا كنا عايزيين واحد يفوقنا كده

انا الحمد لله هسبها شويه شويه

علشان ماقدرش استغنى عنها

هوه اه الموضوع مكرر كذا مره فى القسم بس بكذا

صيغه بس الله ينور عليك بجد

فهمتنا حاجات كانت

تايهه عننا بكتير

ولما قولت فى الموضوع

الواد اللى كان بيسرق ابوه علشان اللعبه

لو هو شايف اللى بيعمله ده صح

بس يعمل ايه علشان يجيب فلوس
لاما هيسرق او يقتل او ينهب

مثلا عندنا فى السيبر واحد اسمه

برتقاله كل الناس عارفه انوه هوه حرامى وبيسرق ابوه

وكمان بيصرف ع العبه

ياريت اللعبه كانت بتديله حاجه

انا قولتله قبل كده انت دفعت كام فى اللعبه من اول ما لعبتها لغايت لوقتى ؟

قاللى والله يا نوكيا ,اكتر من عشر الاف جنيه

عارفين يعنى ايه واحد عنده 18 سنه ويصرف المبلغ ده فى لعبه ؟!!

--------------------------------

على العموم مشكووووووووووووور من هنا لبكره يا اخى

وفعلا موضوع فوق الممتاز وكويس المشرفين ثبتوا الموضوع

علشان الناس تفوق من اللى هيه فيه
------------------------------

ومهما اتكلمت مش هقدر اقلك اكتر من كلمه مجهود فوق الوصف فوق التخمين

بجد برافو عليك

----------------------------

تقبل مرورى

تحياتى

[naught_boy]

كلامك تمام جدا وان شاء الله هبدأ فى بيع اكونتاتى لان فعلا العمر بيجرى بينا ولو فى بعض النااس تقدر تشتغل وتركز فى الشغل وهو سايب البوت فى البيت ممكن يجيبله صن 10 ديجرى ههههههههه ... بردو مسألة انك تصرف عليه كل شهر فوق ال 200 جنيه حرام على الاقل نروح نتبرع بيهم لو زيادة فعلا عن حاجتنا .... والله انت جبت من الاخر

ياريت اصحاب الوكلاء الرسمين اللى بيبيعوا الجولد والسيلك والبوت ... يلاحظوا انهم يتسألوا عن كل قرش كسبه من ورا الجيم ده ... وان الجيم زى الخمر فى مفعوله " ضياع فلوس الاباء - ضياع الصحة والنظر - تعطيل المستقبل " يعنى هما بيرتكبوا معاصى كتيرة وهما مش حاسيين ، بس ياريت يفوقوا قل فوات الاوان !!!

وإن كل قرش بيجى من غير تعب " يعنى معاك فيزا وتشترى بوت وجولد وتبيعهم وانت فى مكانك " ... هيروح بسهولة جداا فى ثوانى .... وربنا يستر وميجيش ى صحتهم ولا صحة أهلهم !!!!

والله بتفكرنى بزمالى اللى راحوا اشتغلوا فى بارات بشرم .... كسبوا كتير جدااا وكله خلص قبل مينزلوا القاهرة هههههههه سبحان الله !!!! يارب كله يفوق قبل فوات الاوان .

[koka80]

السلام عليكم
شكرا ليك يا (( pc_hunter2010 )) علي مرورك الكريم للموضوع إن شاء الله في ناس هنا كويسة وفيها خير وهتبلغ اللي مقرأش الموضوع وأكيد هيكون عنده دافع انه ينصح أصحابه من اللعبة دي

[koka80]

انا أعجب علي اصدقائي مشرفي القسم في كلمة كدا (( الموضوع سيثبت لفترة )) ؟؟؟ ليه أنا مش عارف
يثبت اللي هو فيه كلام لا ينفع في الواقع ؟
اريد سبب مقنع انه يثبت لفترة محدودة هذه نصيحة نرجو تثبيتها وحثكم انتم علي تلك النصيحة هذا للصالح العام
وشكرا

[koka80]

انا متشكر لمرورك يا (( showpic4ever)) وانت انسان كويس وربنا يبارك في ذوقك يا صديقي
وشكر خاص للمشرفين في حق تثبيت الموضوع