موضوع مهم جدآ محتاج فى مناقشة واكتساب معلومات

[BabiliOn]

دلوقتى فى ناس بتعمل سيستم جديد من دماغها فى الجيم وبتنفذة وتشغلة بسهولة زى الايفنتات الاوتو بوت الى بتشتغل لوحدها ببرنامج

دلوقتى انا عايز افهم ازاى دة بيتم وازاى اتعلمة زي ما الناس دي اتعلمتة بسهولة كدا
عايز افهم البرنامج ازاى بيشغل ايفينت وازاى بيتصل بالداتا بيز واية اهمية البرنامج لوحدة
وكمان ازاى اكتب سيستم زي البروسيدور الى الجيم كلها شغالة علية واعمل مثلآ سيستم جديد واقدر اشغلة
انا مش عارف لية مفيش فى الموقع شروحات لي حاجة مهمة زي دي .. ياريت يا جماعة بلاش احتكار للمعلومة وكلنا نفيد بعض فى ناس عمالة تبيع السيستم بي الوفات .. طب ولية انا معملوش بنفسي واتعب فى احسن من انى اشترية
ياريت الى عندة اى معلومة عن الموضوع يفدني بيها انا محتاج كل حاجة اقدر ابداء بيها .. انا جربت ادور فى اليوتيوب لاقيت حاجات متخصش شغل الالعاب خالص ومقدرتش افهم منها حاجة .. وشكرآ مقدمآ لكل الرجالة الى هتفيد غيرها

[Jayden]

ولا اى احتكار والله يا معلم .. كلنا كنا زيك بالظبط
الموضوع بس محتاج منك شوية جهد وصبر واصرار .. والدنيا سهله مش صعبة زى مانت فاكر بس محتاجة وقت
انا هقولك على الطريق اللى تمشى فيه عشان تقدر تعمل كل ده
اولا بالنسبة لل Procedures انت لازم تتعلم لغة ال Sql و بعدها تبص على ال Procedures اللى فى ال database عندك وتشوف اتعملت ازاى وهتفهمها و واحده واحده هتعرف تكتبها لوحدك و احسن موقع تتعلم منه اللغة دى هو w3schools ده رأيى الشخصى وهى لغة بسيطة جدا
اما بالنسبة لل Auto Events فديه بتبقى عبارة عن برنامج انت بتربطه بالجيم عن طريق انك بتعكل Connection مع ال Sql وبكده بتتحكم فى الجيم بانك بتنزل بشخصية جى ام بتكون Clientless هى اللى بتعمل كل ال Events دى
طب هتعمل الكلام ده ازاى ؟ اولا طبعا لازم نتعلم لغة ال#C بعد ما تتعلمها هتعرف ان اى برنامج بيتكون من حاجات اسمها Classes ال Classes دى هى اللى فيها اللعب كله .. ثانيا لازم تفهم ان اى حركة فى الجيم بتبقى عبارة عن ان الجيم بترسل معلومات المعلومات دى اسمها Packets .. بمعنى ان الشخصية لما تمشى دى كده Packet و لما تضرب دى كده Packet تانية وهكذا .. وانت شغلك انك هتعكس اتجاه ال Packets دى بحيث انك انت اللى هترسلها للجيم عشان تعمل الامر بتعها .. زى مثلا لنفترض ان Packet الضرب 0x1234 مثلا يبقى انت هتخلى البرنامج بتاعك يبعت ال Packet دى للجيم .. طيب انا اعرف ال Packets دى ازاى ؟ هتلاقى فى ال Loader اختيار اسمو Packet Parsing ده تعلم عليه قبل ما تفتح الجيم و بعدين تدوس Launch هتدخل الجيم هتلاقيه فاتحلك نافذة كده جديدة دى هيظهرلك اى Packet انت بتعملها فى الجيم
وهتحتاج Class اسمها Silkroadserverapi و Class اسمها Filter بس دى مش لازم اوى .. دول دور فى جوجل هتلاقيهم اكيد فهمت فصدى هما فين كده ..
انت طبعا هنشوف الكلام ده هتستصعبه و تتقفل شوية .. بس انا قولتلك الموضوع بسيط بس تتعلم اللغات دى و يكون عندك صبر
بالتوفيق

[BabiliOn]

انا بسأل عشان عايز اتعلم ونفسي اعمل حاجة بأيدي انا هبداء الاول زي ما قولتلي اتعلم لغة sql وبعدين ابداء فى الباقي لأن كل حاجة انتا قولتها جديدة عليا واول مرة اسمعها لأنى متعمقتش فى لغة ارسال واستقبال المعلومات والبرمجيات انا اعرف كل حاجة سطحية بس زي معظم الناس المبتدئة الى بتعرف تعمل سيرفر وتعدل علية بسيط مش اكتر وتاخد سيستمات جاهزة وتضيفها للجيم ومبتعملش حاجة من نفسها .. وكل حاجة محتاجة استفسار لوحدها لأنو موضوع كبير لواحد لسة هيبداء فى انا بس محتاج مساعدة انى الاقي حد يجاوب عليا لما اقف عند حاجة .. وشكرآ جدآ ليك ولي اهتمامك بالموضوع وعايزك تتابع الموضوع دة معايا لو امكن

[Jayden]

عنيا يا باشا معاك

[BabiliOn]

المشاركة الأصلية كتبت بواسطة Jayden عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

عنيا يا باشا معاك

شكرآ جدآ يا كبير

[Dangers SrO]

مغلق لانتهاء الغرض منه ,.....
##