المفروض انك تحترم وجهة نظري مش تقولي مش فاهم كويس...

فتي فعلاًوووكنت انزل عند المحافظه او حسان بليل...و بطل انت فتي

ماتقدرش كدا كدا انا معاك في دريم
وهتخش معاايا الجيلد
وكدا كدا هتتكلم معانا غصب عنك ههههههه علشان الشله بتاعتنا هتلفلك
وكدا كدا هتقولي ازيك ياهيما وكينج اوف كريم معايا هناك
والتلفيل من تخصيص مشرفين القسم هيصبطوك هههههههههه بليل نتقابل او ابعتلي اسمك في الجيم

مش فاكر الباسوورد بتاع الايميل...بس لعلمك بس المليونات اللي نزلت يوم 23/12 ضد المجلس العسكري و انا شفت المظاهرات اللي كانت في المحله و في طنطا...مكانتش من فراغ...طنطاوي مش الجيش...ولا المجلس هو الجيش...ولا الجيش هو الاقتصاد

و كل ماجي اكلم واحد مؤيد للمجلس العسكري لما احاوره اكتشف انه واخد راي ابوه و بيردد الكلام اللي بيقوله ابوه و رغم انهم عارفين انه غلط... و معظمهم دلوقتي بيتهربوا مني

من ناحية شوف الطرفين...شفت والله الطرفين و كل ماتكلم مع حديقولي جملتين ولا تلاته متكررين...منهم ومين هيمسك البلد...انت عايز اسرائيل تحتل البلد؟....مخطط لحرق مصر وتقسيمها....لو تلاحظ قالك مخطط لحرق مصر يوم 23 ديسمبر ...اليوم اللي نزلت فيه مليونيات ضد المجلس العسكري في المحاظات كلها و مسيرات نزلت من الجامعات الى الميادين العامه للمحافظات....و عندك بقى الازهر اعلن تاييده للثوار و بيطالب بتسليم السلطه قبل 25 يناير و الا هنجيب السلطه بنفسنا....بالعقل هو ليه طولو في الفتره الانتقاليه؟عشان مش عايزين يسلمو السلطه للمدنيين بعد كده يرجعو يتحاكمو....هما عايزين قبل التسليم يضمنو انهم ميتحاكموش....و اللي يقول غير كده يبقى مضحوك عليه لان ده اللي باين و اكده اكبر الخبراء السياسيين...عندك الشيخ حازم صلاح ابو اسماعيل طالب بتسليم السلطه...ايمن و البرادعي و صباحي و ابو الفتوح برضه طالبوا بتسليم السلطه....عايز ايه تاني يعني

بالنسبه للبنت المسحوله....هاتلي حد من مخترعين برامج المونتاج يعرف يحدد عجله حركه البني ادم و يركب عليه جسم تاني و تبقى بالوضوح ده...انا حاولت اكون محايد بس مفيش سبب واحد يخليني اصدق المجلس العسكري بعد تاريخه المنيل بعد الثوره...

بالنسبه للديموقراطيه هل الديموقراطيه ان كل مدرس يفرض رايه علينا و اللي باين خالص انها اوامر...ان يجيلنا في الامتحانات عظم و بجل المجلس العسكري و اشتم الثوار؟

غير كده حوار وائل غنيم ده برضوا زي حوار البرادعي انه باع العراق...شوف تصريحات البرادعي في مجلس الامن و اسمع كلام السلفيين عن البرادعي...تحس انك مشغل فرح كيت مدلتون على دي جي عمرو حاحا...