|
اقتباس:
|
انا هتكلم بشكل عام
انا ماتفرجتش على الفيدوهات كلها علشان ماكدبش عليكم بس انا هتكلم بصفتى شاب مصرى ماليش فى السياسه تقدر تقول كده... جاهل :icecream::icecream::icecream: بس هتكلم بالاصول اللى انا متربى عليها من و انا صغير فى الاول الثوره ماجتش من فراغ لما يكون نسبه البطاله فى البلد تزيد و نسبه الفقر تكتر و نسبه الفساد و كل الكلام ده انا واحد من الناس اللى بنزل اشتغل و فى كل اخر شهر بعد ما بيطلع عينى فى الشغل مش بلاقى مقابل كفايه و لولا وجود والدى ماكنتش هعرف اأكل نفسى حتى الناس تعبت بجد من كل حاجه علشان كده الناس نزلت و عملت الثوره اللى هما المصريين مش حد تانى تانى حاجه بقى و النقطه المهمه اوى بالنسبالى انا زى ما قولت اعتبرونى جاهل و سطيكم بس هتكلم بالاصول اللى متربى عليها انا مابسمعش اى كلام من اى حد حتى لو سمعت اعمل نفسك عبيط و شوف فين مصلحه بلدك و اجرى وراها و حاول تعمل اى حاجه مفيده بدل الكلام الكتير و الزياده و الكلام اللى والا بيقدم والا بيأخر البلد دلوقتى محتاجه مجهود كل واحد يطلع فى حاجه مفيده مش تقولى مظاهرات علشان كذا و كذا و كذا انتم فاكريين ان البلد حالها هيتغير فى يوم و ليله ؟ الصبر يا جماعه اللى خلاكم تصبرو 30 سنه و ماكنش حد بيعرف يتكلم مش هيحصل حاجه لو كل واحد صبر سنه مثلاْ ماعتقدش انها كتير بس هنكون عارفيين ان اللى جاى بعد كده هيبقى احسن و حكايه الكلام كل شويه من برا و اسرائيل و الحكايات و الحورات اللى مالهاش اى لازمه و شاغليين دماغنا بيها و اللى بينزل و يولع فى الثوار و الكلام ده كله للأسف نجحو فيه و اكبر الدلائل من اللى بيحصل كل يوم فتن بين المسلمين و المسيحين ناس بتطالب بزياده اجرها و حاجات كتير اوى من اللى انتم بتسمعوها كل شويه فى الاخبار فين الحاجات دى قبل الثوره مش كان فى ايام الصوره كان كله مصرى؟ ماكنش فيه حد بيقول انا مسلم و التانى يقول انا مسيحي؟ كله كان مصرى يا ريت بجد كل الناس تفكر فى مصلحه البلد فى الاول و الاخر علشان كده خلاص والله مش ناقصه خراب اكتر من كده و بالنسبه لحكايه ان الناس تطالب برحيل الجيش و الكلام الفاضى ده كله لما الجييش يمشى مين اللى هيمسك البلد ؟ مين اللى هيحمينا بعد كده ؟ معنى ان الجيش يسيب البلد و ده طبعاْ مستحيل مالهاش غير معنى واحد احتلال فاهميين يعنى ايه احتلال عاوزيين يحصل زى ما بيحصل فى باقى الدول ؟ الناس بتقولك ثوره و خلاص و لازم نشارك و نعمل و نروح و نيجي و للأسف ناس كتير اوى بتمشى على الكلام بتاعهم و هما على عماهم مش فاهميين ايه الاسباب اللى هتحصل بعد كده و نفسى اعرف هوا مين ده اللى عمل الثوره من البدايه و الكلام الفاضى المصتفز اوى ده احنا اللى عملنا الثوره اخويا و اختى و امى و والدى و صاحبى و جارى اطفال احنا اللى عملنا الثوره المصريين مش حد تانى اللى عملها بجد والله انتم شاغليين نفسكم بكلام و خلاص خلى اللى يقول يقول كلامه مش هايجي بفايده خالص المهم بجد البلد و مصلحتها بعد كده و يا ريت لما نسمع حد يتكلم و يقول و يعيد كل شويه تفكره فى كل كلمه هوا بيقولها بتكون لمصلحه مين مع تحيات شاب مصرى |
ربنا كل شئ بايده مش هقول اكتر من كده
|
اقتباس:
تمام بس الثورة كانت عكس ما افتكرنا 180 درجة مش 360 انت كده رجعت زى مكنت :) |
| الساعة الآن 11:52 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.