ربنا معاك يا ابني والله انا كنت في السحلة السودا اللي اسمها الثانوية دي السنة اللي فاتت والحمد لله ادينا خرجنا منها لكن امتحان الميكانيكا فعلا بتاعكوا ده ميتحلش اساسا ده انا نقصت درجة واحدة بس في الميكانيا لكن لو في الامتحان ده انا اكيد كنت شيلتها :idiot: :idiot:
بس ارجع واقولك متقلقش على موضوع الكلية دي لان الدفعة كلها بتاعتكوا اتنفخت في الامتحان ده يعني مش انت لوحدك فأكيد الكل هينزل في المجموع وده مش هيأثر على التنسيق :ok: فشد حيلك بقى في اللي فاضلك وعلى الله يكون احسن وتخش الكلية اللي انت عايزها ان شاء الله :winner_third_h4h:

اما انا اعمل ايه عاندي اكتر من 25 ماده والله و كمان ازهري ربنا معايه اخذت اكبر خازووء في الدنيا في السيره و الفقه ربنا يوفقكم :worthy::worthy: انا بس لو كونت في عادي او خاص كان زماني من الاوائل :weeping:
من الاخر كده انتو في نعمههههههههههههههههههههههههههه:mf_microwave:

ايه ده انت معايا في كفر الجبل!!!!!!

تصدق يا راجل انا كنت فاكرك موضعي وغير متعصب في النقاش انما بعد الكلام دة كله غيرت وجهة نظري .... معلش اسمحلي بس اسئلك سؤال هو مش بردو ربنا قال ((ولا يسخر قوم من قوم عسي ان يكونوا خيرا منهم )) ؟؟ وبردو النبي عليه السلام قال في ما معناه ((ان اتاكم رجلا ترضون خلقه ودينه فزوجوه)) ما اظنش انه قال شهادته ايه صح ؟؟ وبعدين حاجة تانية هي البنت هتجوزني انا ولا الشهادة ؟؟ لو بتحبني فعلا هتجوزني حتي لو مبعرفش اقرا ولو قالت لي مقدرش اتجوزك عشان الشهادة ومش عارف ايه تبقي مبتحبنيش وقدر الله وما شاء فعل وبعدين انت بتقول المجتمع بيبص للطبقة الاجتماعية والتفاهة دي مش هو دة اللي عايزين نغيره ؟؟ ولا انت خلاص بنت السفير لازم تتجوز علي الاقل وزير او ابن سفير ... خلاص رجعنا للطبقية .... خلاص احمد مبقاش ينفع يتجوز انجي عشان هو ابن الجنايني .... مش دة بردو بيخالف الدين الاسلامي ؟؟ وبعدين يا اخي مش يمكن ربنا يشاء ان انت تسقط ومتنجحش وتبقي فاشل وهو يبقي مليونير وصاحب اكبر فنادق البلاد ويجي ابنك عشان يتقدم لبنته ... هيبقا شعورك ايه لو قالك لا ماينفعش عشان مستوانا الاجتماعي ... ولو انت بتقول في عشرات من خريجي سياحة وفنادق علي الرصيف العشرة بشلن احب اقولك في الالاف من خريجي الهندسة وطب اعدين علي القهاوي ال100 بقرش واحب اقولك حاجة كمان تخيل لو العالم كله دكاترة ومهندسين تتخيل العالم هيمشي ؟؟ اخر حاجة احب اقولك ان انا معرفش الراجل دة خالص وولا في سياحة وفنادق ولا حاجة انا بس استفزني كلامك عشان بتقلل بكلامك من قيمة ناس انت متعرفهمش وارجو ان انت متكنش زعلت من كلامي انا بكلمك زي اخويا :cat2_h4h:

معلش يا اساحبى متزعلش وى على فكرة احسن كلام انت بتقولوا ان مش لازم المجتمع كلة يبقى دكاترة و مهندسين لازم يكون فى توازن بس انا زعلت منك انك بتقول المهندسين( عشان انا فى تانية هندسة) على القهاوى و ال 100 بقرش على فكرة الفترة اللى جاية بتاعت المهندسين عشان البلد عايزة يتبنى فيها حاجات كتير دا غير ان الريس بتاعنا مهندس :wink(1): :wink(1): :wink(1): :wink(1):
ربنا معا كل الناس فى الثانوية انا عارفة بنت ............................... بس متفرحش يعنى انك مثلا عايز حاجات قمة الجامعة بتدعك اكتر من الثانوية مش زى ما انت فاكر انك لما هاتخش الجامعة هاترتاح عشان محدش بيصل للى هو عايزة من غير تعب :)

كل واحد بيبص من ناحيه


هههههه نستوني الامتحان :111 (11):

بيتهيقلي يتقفل بقي معدش ليه لازمه

و يا سوون مشكله هي بتحبك وللا بتحب شهادتك دي مش في ايديها

دي في ايد اهلها

الكلام اللي بتقول عليه دا بتاع الطبقيه حلو و جميل بس ف الافلام العربي بس

دلوقتي ماهما الناس اتفرجوا علي افلام شكري سرحان زمان اللي في دماغهم في دماغهم

لان بكل بساطه مش عاوزين يرموا بنتهم مع واحد مستقبله مش مضمون ف الظروف اللي احنا فيها دي

يا ريس انا مش اصدي حاجة انا بس برد عليه :original: وبعدين انا في ثانوية عامة وداخل يا اعلام يا هندسة يعني مش اصدي اتريق علي حد ^^ يعني باذن الله اسافر برة ولا حاجة يا اما اشتغل في التلفزيون :smoke1:

لا متهيالك انت بس وبعدين ما هو ممكن يسافر ويتجوز من برة ودول ولا بيبوصوا معاك كام ولا يحزنون وانا متاكد لان قريبي دخله متوسط وسافر برة واتجوز امريكانية عايش هناك ملك بقاله 3 سنين ولو كان نزل مصر اول ما اتجوز وهو معاه الجنسية كان زمانه مليونير ^^

يلا سلام بقا عشان الاسبام

ربنا معاكو