|
thx man
|
والله البلد دى على اد ما فيها بوظان لكن الحاجة الحلوة الوحيدة الامان الخارجى
لكن الامان الداخلى اجارك الله الشعب بياكل فى بعضة من الجوع ^^ |
هى التدريبات و المناورات ديه جت تحدى لبند فى معاهدة كامب دايفيد ان سيناء لازم تكون منطقة منزوعة السلاح و يتم تحديد القوات المصرية فيها بعدد من الفرق والالوية وقوات حرس الحدود وكمان قوات الشرطة
فالتدريبات ديه بتتدرب فيها القوات المصرية على الدخول فى عمق سيناء و اتخاذ مواقع دفاعية داخل منطقة اسمها الممرات الجبلية عشان يبقى عندهم القدرة على صد اى هجوم برى محتمل لحين عبور قوات الجيش الثانى والثالث الميدانى الى سيناء بالنسبة لموضوع السلاح النووى الاسرائيلى فهما عندهم صواريخ قادرة على حمل روؤس نووية وكمان قنابل نووية عيارية (قنابل نووية صغيرة بتعمل تأثير كبير جدا وكمان تأثيرها الاشعاعى قليل مش بيدوم اكتر من 36 ساعة على حد علمى ) و إسرائيل كانت على وشك ألقاء قنابل نووية على مصر فى حرب أكتوبر عام 1973 بس لقت تحذير من روسيا عن طريق ارسال غواصات نووية الى البحر المتوسط وكمان تحليق طائرات Mig 25 فوق تل ابيب المشكلة مش فى النووى و بس هتبقى مشكلة كمان فى اى محاولة لضرب السد العالى و ده طبعا هدف إستراتيجى مهم جدا عشان كده مصر بتطور وسائل للردع زى الاسلحة الكيماوية و البيولوجية (بالمناسبة مصر من أقوى دول العالم فى تطوير الاسلحة البيولوجية ) و كمان مصر بتهدد بضرب أهداف داخل إسرائيل (مفاعل ديمونة النووى) فى حال محاولة ضرب السد العالى عشان كده إسرائيل عدو مش سهل ابدا و لازم نخططلوا كويس ومش أى حاجة نقول نخش الحرب و نودى سلاح للمقاومة والكلام ده فاتخاذ قرار بالحرب مش حاجة بسيطة بيعتمد عليها ارواح ناس كتيرة والحرب دلوقتى مش يعنى كل واحد يروح ويمسك بندقية ويحارب عشان الحرب أصلا مش لعبة |
اقتباس:
اسفه جدا استاذي انا بختلف معاك اولا حقيقه علميه القنايل النووية المعياريه لكن ..................... تأثيرها ليس مثل قولك بانها بتدوم 36 ساعه هناك نوعان : النوع الاول : تأثيرها كتأثير القنبلة النووية العاديه لكن امتدادها الوقتي قليل نسبيا ممكن يمتد لسنتين او ثلاث سنوات مع قوة تدميريه شديده وغبار اشعاعي اكثر من القنبلة العاديه فيكون ضرر الانتشار اكبر ..هذا بالنسبة للنوع الاول . اما النوع الثاني .. وهذا تقتصر تكنولوجيته على الولايات المتحدة الامريكية فقط ( ولا يستطيع ان يحقق ردع استراتيجي مثل القنبلة النوويه العاديه او النوع الاول من القنبلة المعياريه ) وده مش كلامي دا كلام المتخصصين في معهد ماسيسويش للتكنولوجيا بقسم الهندسة النوويه .. اولا امريكا استخدمت القنابل دي في حرب الخليج وكمان في حرب احتلال العراق وكمان في افغانستان لم تحقق اي ردع استراتيجي نهائيا واديكم شايفين ايه اللي بيحصل في افغانستان والعراق .. السلاح الوحيد الذي يحقق ردع استراتيجي هو القنبلة النووية الانشطارية او اختها المطوره الهيدروجينية او الاسلحة البيولوجية ... وكل الاسلحة دي لا تستطيع اسرائيل استخدامها في المنطقه لانها من اكبر المتضررين منها ... وكمان بالنسبة لحكاية انها كانت هتستخدمها في 73 فده ما حصلش ... انما اللي حصل بالضبط ان اسرائيل طلبت المساعده من الولايات المتحده عسكريا فتم شحن الفرقه 82 المحموله جوا وتحضيرها .. فما كان من الاتحاد السوفيتي الا ان تحرك وتم تجهيز فرقته 26 المحمولة جوا وكادت ان تتصادم الدولتان ... ولولا سحب الولايات المتحده لقواتها المحموله لكانت وقعت حرب عالميه ثالثه هو دا السبب الوحيد اللي خلا الروس يتحركوا والامريكان يتراجعوا مش سبب السلاح النووي ... يا ريت تصحح معلوماتك يا باشا دا تاريخ مش لعبه . وصباحكم سكر |
احب اطمن الناس ان مصر عندها اسلحه بيولجيه متطوره جدا جدا
وامريكا بقالها سنين بتحاول تضغط علي مصر عشان توقع علي اتفاقيه حظر الاسلحه البيولجيه ومصر رافضه |
kides عندها حق
|
يا رجاله المصريين اقوى شعوب الارض
تقبل مرورى |
اولا انا هتكلم مع حضرتك نقطة بنقطة اولا اسرائيل مش هتلجأ الى إستخدام السلاح النووى غير فى الحالات الضرورة القصوى يعنى فى حالة تهديد أستمرار وجود أسرائيل فى المنطقة يعنى بمفهوم ادق(فى حالة وصول القوات العربية على اعتاب تل ابيب ) فساعتها مش هتلاقى أى شيئ تأسف عليه كمان مفيش حاجة اسمها إقتصار التكنولوجيا العسكرية على أمريكا بس اللى عند إسرائيل هوا الى عند أمريكا (بسب السيطرة الاسرائيلية على مناطق إصدار القرار فى امريكا زى الكونجرس )كلنا طبعا شوفنا الثغرة وعمليات تزويد القوات الاسرائيلية باحدث نظم الاسلحة زى صواريخ تاو و صواريخ سبارو مثلا كمان موضوع الرد الروسى كان فعلا على تهديد أسرائيل باستخدام السلاح النووى ضد مصر والمصدر اهو تانى حاجة ماعتقدش ان امريكا عندها الفرقة اسمها 82 المحمولة جوا يمكن كان اقصدك على الفرقة 101 المحمولة جوا تالت حاجة روسيا عمرها مردت ابدا على موضوع الامداد الامريكى, الجسر الجوى الامريكى كان بدا من الايام الاولى من الحرب كانت طائرات على ما اعتقد اسمها Galaxy كانت بتشيل دبابات من امريكا على مطار العريش على الجبهة عدل ده حتى المصريين لما كانوا بيعطبوا دبابة ويلاقوا عداد المسافة فيها عامل 300 كلم اللى هى المسافة من العريش الى الجبهة !!!!!!!! وهوا ده اللى اجبرنا على اتفاقية وقف أطلاق النار عشان المخزون الاستراتيجى من الدبابات كان قرب يخلص و كنا بنحارب أمريكا مش أسرائيل زى ما السادات -رحمه الله- ما قال عشان كده استبعد تماما ان الرد الروسى كان عشان اللى حضرتك قولتيه (يعنى هما هيجهزوا فرقة محمولة جوا بحالها عشان الفرقة 82 زى ما حضرتك قولتى ؟ ومتناسين الجسر الجوى؟ ) رجاءا راجعى المصدر اللى انا اوردته |
كنت هانسى ياريت حضرتك برضه تقرى المصدر وبالردود بتاعته عشان فى ردود بتقول ان اسرائيل جهزت ان اسرائيل جهزت قنابلها النووية وكمان كانت مجهزة طائرات (او تل نوف) فى قاعدة حتسريم الجوية للقيام بهذه المهمة ,عشان كده ارسل الروس قنابل نووية قابلة للتحميل على صواريخ سكود اللى مصر بتمتلكها و كانت هتقوم حرب نووية
كمان كلام غريب شوية ممكن متكونيش سمعتيه قبل كده إسرائيل مخرجتش مهزومة اوى من أكتوبر هى ممكن تكون تلقت ضربة قاصمة فعلا فى الايام الاولى من الحرب بس بفضل المساعدات والامدادات الامريكية المتوالية قدرت تقوم تانى وتتسلل الى غرب القناة وتعمل هجوم مضاد كان ممكن يضيع النصر اللى احنا عاملناه من خلال ثغرة الدفرسوار بين الجيش الثانى والتالت وطبعا بعد كده قامت مصر بخطة اسمها شامل لتصفية الثغرة واضطرت مصر فى النهاية انها تقبل وقف اطلاق النار وقبول بنود اتفاقية السلام كده اسرائيل كسبت حاجات كتير اوى كسبت مثلا الاعتراف المصرى بدوله اسمها أسرائيل و كمان كسبت تحييد اى تدخل عسكرى مصرى مباشر نتيجة الالتزام ببنود معاهدة كامب دايفيد |
اقتباس:
ودي معلومات عن الفرقه 82 يا باشا الفرقتين 82 و 101 هما فخر الجيش الأمريكى وإن كانت الفرقه 82 فرقة الخسائر الثقيله - تعداد الفرقه يصل ل 15200 فرد - تعتمد الفرقه على الهيل (AH-64) للدعم الجوى - زيادة القدره الناريه للفرقه بإعتمادها على القواذف م/د محموله على عربات هامفى + كتيبة دبابات M1A2 شعار الفرقه http://www.the40yearplan.com/img/82_airborne.jpg تهنئه لهم بمناسبة معارك النورماندى http://news.rutgers.edu/focus/issue..../image_preview فى أثناء التدريب http://www.theodoresworld.net/pics/0...KYOUImage4.jpg http://www.jeremyhinzman.com/images/ab2.jpg http://4flying.com/images/statusicon/wol_error.gifتم تصغير هذه الصورة. إضغط هنا لرؤية الصورة كاملة. الحجم الأصلي للصورة هو 1654 * 1960. http://www.af.mil/shared/media/photo...-1644L-012.jpg وصباحك سكر |
اقتباس:
انا راجعت المصدر اللي حضرتك جبته وجبتهولك كله اهه تحليق مقاتلة "ميغ" فوق تل أبيب يمنع نشوب حرب نووية. ربما كان تحليق طائرة قتالية روسية من طراز "ميغ-25" فوق تل أبيب المشهد الأكثر إثارة خلال حرب تشرين 1973 لاسيما وإن تحليق هذه الطائرة التي انطلقت من أحد المطارات المصرية وقادها الطيار الروسي الكسندر بيجيفيتس، فوق العاصمة الإسرائيلية حال دون اندلاع حرب نووية محتملة. وكان احتمال اندلاع الحرب النووية قائما في أكتوبر من عام 1973 حيث شاع في المؤسسة الحاكمة العليا بموسكو أن موسكو لن ترى مفرا من توجيه ضربة نووية لإسرائيل إذا ضرب الطيران الإسرائيلي "السد العالي" الذي أقامته مصر على نهر النيل بمساعدة الاتحاد السوفيتي. ولو تم تدمير هذا السد لجرفت موجة يبلغ ارتفاعها 80 إلى 100 متر كل المدن المصرية بسكانها إلى البحرين الأحمر والمتوسط. وهذا يعني وقوع كارثة عالمية. ولم تر موسكو سبيلا لمنع وقوع كارثة كهذه غير إنذار إسرائيل بأنها ستتلقى ضربة نووية قاضية في هذه الحالة. وفي أحد أيام أكتوبر 1973 استدعى "ألكسي مينايف" نائب وزير الصناعة الجوية السوفيتي، كلا من "يفغيني فيدوسوف" المدير العام لمعهد البحوث الخاصة بالطيران، و"بوريس بونكين" رئيس فريق من مصممي الصواريخ، لمناقشة إمكانية تحليق طائرة "ميغ-25 ر" فوق تل أبيب. ثم أبلغ نائب الوزير القيادة العليا أنه بمقدور هذه الطائرة اختراق الأجواء الإسرائيلية من دون أن تستطيع المضادات الإسرائيلية إسقاطها. وسرعان ما انطلقت طائرة "ميغ-25" من مطار قرب القاهرة لتصل بعد بضع دقائق إلى تل أبيب على ارتفاع 22 كيلومترا. وحاولت عدة طائرات إسرائيلية أن تعترض على المقاتلة الروسية التي لم تحمل أي سلاح، ولكن محاولاتها باءت بالفشل بعد أن ذهبت كل الصواريخ والقذائف التي أطلقتها طائرات "فانتوم" و"هوك" الإسرائيلية، أدراج الرياح. وقام الطيار الروسي بتصوير الأعيرة النارية التي أطلقتها الطائرات الإسرائيلية على طائرته وأيضا المدينة التي حلق فوقها، بواسطة آلة التصوير الشمسي. وعادت طائرة "ميغ - 25" إلى قاعدتها سالمة بعد أن قامت بست دورات في السماء فوق تل أبيب. وفيما فاز الطيار بيجيفيتس بلقب بطل الاتحاد السوفيتي، أدرك الإسرائيليون أن ضرب السد العالي لن يمر دون عقاب. المصدر ("نيزافيسيمايا غازيتا" 24/10/2008 - وكالة نوفوستي) منقول واقرا كويس اسرائيل كانت عاوزه توجه ضربه للسد العالى صح زي الخبر ما بيقول مش ضربه نوويه زي حضرتك ما بتقول تاني هام وانا هوضح لحضرتك حاجه اولا المنتديات في المسائل العسكريه مش مقياس على التاريخ اما انتا بتقول ان مفيش حاجه اسمها الفرقه 82 المحموله الفرقه 82 غير الفرقه 101 الفرقه 82 للتدخل السريع وبتسبب خسائر قويه ومش بتستخدم غير في المناطق الخطيرة اما الفرقه 101 فهي للتوغل طويل الامد فيه فرق بين الاتنين واللي يأكد الكلام ده الخبر ده عن السي ان ان : ونقلت محطة سي أن أن عن مصدرين أميركيين قولهما أمس إن قائد اللواء الثاني في الفرقة 82المحمولة جوا العقيد (بيلي دون) فارس أصيب في قدمه وتم إجلاؤه إلى خارج العراق لعلاجه. وأشار المصدران إلى أن قائد القوات الأمريكية في العراق الجنرال ديفد بتراوس منح الكولونيل المصاب وسام القلب الأرجواني (وهو وسام يمنح للجنود الذين جرحوا أو ماتوا خلال خدمتهم في الجيش الأميركي) قبل مغادرته هذا البلد. ويا ريت تقرا الخبر كويس وبتمعن اسرائيل كانت عاوزه تضرب السد العالى مش تضرب قنبلة نوويه زي سيادتك ما قولت لو عاوز تعرف تاريخ الحرب دي اقرا على سبيل المثال مذكرات الجمسي ومذكرات المشير ابو غزاله وكمان كتاب وانطلقت المدافع عند الظهر للواء احمد بلال وصباحك سكر |
اوك و ليه مركزتيش على الرد ده
اقتباس:
|
وليه برضه الرد الروسى زى مانت قولتى كان على تجهيز فرقة محمولة جوا
ومكانش مثلا على الجسر الجوى الامريكى ؟ دى المفروض حاجة تتفهم بالمنطق ؟ |
اقتباس:
خبر غير صحيح وزي ما قولت لحضرتك تقدر تطلع على مذكرات كل من المشير الجمسي و المشير ابو غزاله واللواء احمد بلال والفريق طلال واصل كل دول عندك ومن اهل بلدك اقرالهم ورد عليا وصباحك سكر |
اقتباس:
في الاستراتيجيه القتاليه حاجتين لازم تفهمهم اولا الجسر الجوي حاجه والتدخل العسكري حاجه تانيه خلى بالك من النقطه دي علشان ما تخلطش الامور ببعضها اوك وصباحك سكر |
| الساعة الآن 12:15 AM. |
Powered by vBulletin® Version 3.8.9
Copyright ©2000 - 2024, vBulletin Solutions, Inc.