يعنى هم جيين على دة ليه يعنى يكلمو دة و الاغانى الشعبى الغريبة اوى عادى و واحدةسافلة زى دى عادى اغتية و فيديو جقير ذى دة عادى http://www.youtube.com/watch?v=d1GZimnm0UU
شوفو كدة هتستعجبو الناس دى بتستهبل و الله

هههههههههه
حلوه دى
مش هيقدرو

ابو الليف صوته جميل جدا

لا يا سيدى مش قريبى

و لو بتتكلم على اللايف

الحميييييييييييييييير اللى فى ستار اكاديمى هما اللى مش عارفيين يغنوا اغانيه

و لو عاوز تسمعه لايف و تتعقد

اكتب كدة فى اليوتيوب ... ابو لليف و مصر النهاردة او ابو الليف و عمرو اديب

و مدام مابتحبوش حد يتريق على تمورة ما تتكلموش على حد

و هاقولك حاجة

مدرسة المشاغبين اللى لما اى حد بيشوفها على التليفزيون ما بيفوتش منها مشهد

اتقال عليها كدة زى ما انت بتقول على ابو الليف

و دلوقت هاتلى واحد يعرف يعمل مسرحية زى مدرسة المشاغبين

هوا الفاضي يعمل قاضي يعني لا عارفين يعملوا اغنية عدلة الناس تسمعها ولا عايزين يسيبو الناس الي ابتدت تنجح في حالهم

والله انا من رايى لا ابو الليف ولا غيرو
المشكله مش فى ابو الليف المشكله فى الشعب المصرى محدش لاحظ مثلا ان كل الاغانى اليومين دول مش اكتر من 5 الحان على 5 اشعار و عمالين يتكررو؟ هو ده الفن؟؟؟ ربنا ياخد نقابة الموسيقيين يا عم انا لو مكانهم هبطل العالم دى كلها انها تغنى مش ابو ليفه بس

و عموما عن رأيى فيه انا سمعتو امبارح كان واحد صحبى معجب بيه اوى و اصر انو يسمعنا اغانيه و احنا مروحين من الجامعه مش عايز اقولك كنت حاسس انى راكب مكروبص و رايحين على ميدان التحرير و كل الناس اللى كانت بتعدى من جمبنا كانت بتبصلنا باشمئزاز زى منكون بنعمل فعل فاضح و دول عامه من اول 20 سنه لغاية 90 سنه مش رأيى انا. ده مش صوت ولا كلمات ولا الحان واحد اضيع وقتى انى اقعد اسمعلو

و انا مش مسؤول عنو هو مر بمواقف ايه ولا مات من الجوع احنا دلوقتى بنناقش مغنى مش قصة حياة انسان ده لو انت فعلا فاتح الموضوع للمناقشه مش عشان تهاجم كل واحد يقول لأ
انا بقالى كام سنه مش بسمع اغانى عربى الا بالصدفه و كنت ناوى ارجع اسمع حد فيهم بينى و بينك لما سمعت ابو الليف قلت الحمدلله انى بطلت اسمع اغانى و قررت اتوب احسن

اضف انو اتشهر بسرعه لانو استخدم اللغه اللى معظم الشباب بيسمعوها مش اللى اغلب الناس بتحب تسمعها فطبيعى ان الاغلبيه هتقول عليه حلو لان اغلبية المهتمين بكل جديد شباب ضايع عايز يسمع اى كلمة هبله يرقص عليها و يمشى يتنطط فى الشارع ده من النوع اللى بيستخدم الطريقة السهله غير لاحظ انك لما هتسمع اغانى من دى كتير ده هيساعد على تقدر و (تحرر) الثقافه المصريه (الاصيله) و ان شاء الله شكلنا كده قريب كل واحد هيبقى عندو girlfriend و نبقى مجتمع حر ... امال ايه هو ده اللى انتو عايزينو حلال عليكو و ربنا يتولانا برحمتو افتكرو ان الاغانى نفسها حرام قبل ما تتكلمو و تهاجمو بعض عشان واحد طلع قال كلمتين ملهمش لازمه كمان بيقول كلام حرام فى حرام ان حد يسمعو طب عالاقل يوم ما نسمع نسمع حاجه بسيطه مش كلام زى ده
و يا ريت نتخانق مع اللى بيسبو الرسول و الدين بدل ما نقطع بعض عشان شوية شباب (تافه) فاكر ان صوته حلو و يطلع يتنطط و يقولك حبيبى و حبيبتى و يقودك ببطء لغضب ربك

اللهم بلغت اللهم فاشهد