بسم الله الرحمن الرحيم
طبعا حولينا في حاجات مشوهة بلدنا منها الزبالة الي في كل مكان والمكروباصات الي بتوقف في وسط الشارع وكل الكلام ده فا انا هقول كام حاجة بنسبالي لو اتحققو بلدنا هتبقا بلد كويسة وذي اوروبا
1- أولا انتظار السيارات صف ثاني او ثالث غرامة و عقوبة حبس لا تقل عن 6 اشهر
بعد توفير جراجات و اماكن نركن فيها الواحد مش هيشيل العربية فوق دماغو
2- القاء القمامة خارج الصناديق المخصصة للقمامة غرامة مالية ضخمة
معاك تماماً بس يوفرو صناديق فى كل مكان
3- ممنوع منعا باتا بيع السجائر لأقل من 18 سنة ولو اتقفش وهو بيبيع لعيال صغيرة عقوبة حبس فورا
ممنوع بيع السجائر عموماً
4- الباعة الجائلين الي زي في ميدان الجيزة وخدين نص الشارع غرامة وعقوبة حبس لا تقل عن 6 اشهر
مفرود ليهم رصيف لاكن مش ينزلو يفرشو في الشارع ده شارع سيارات مش سوق
وفرلهم عمل ووظيفة محترمة احسن
5- التحرش بالفتيات غرامة وعقوبة حبس لا تقل عن سنتين وفي حالة الأغتصاب وهتك العرض تصل الي مؤبد
معاك تماماً و فى نفس الوقت توفر شقق و فرص عمل للشباب
6- في حالة المظاهرات التي تتعدي علي املاك الدولة والمصالح الحكومية وتعطيل مصالح الشعب غرامة وحبس ويسمح بالمظاهرات السلمية التي لا تحدث فيها كل ما سبق
مش عارف اية هيا تعطيل مصالح الشعب ... بس انا مع الأعتصمات و الاضرابات إذا اضطر الأمر زاى مثلا ايام الثورة كان ميدان التحرير مقفول هل دا تعطيل مصالح الشعب .. !
7- التعدي علي ظابط الشرطة بالضرب او السب بدون سبب زي ما سوقين المكروبصات ما بيعملو او غيرو غرامة وعقومة لا تقل عن سنة لأنهم بيحمونا
اعتقد ان التعدى فى معظم الحالات بيبقى من جهة الشرطة , المفروض الأتنين يحترمو بعض و رجل الشرطة يعرف ان مهمتو هيا حماية رجل الميكروباص و رجل الميكروباص يعرف ان رجل الشرطة بيحمية
8- اي ظابط شرطة يتقاعس عن دورة الوطني او عن حماية الشعب يعاقب بالحبس وينفصل عن عمله
9 - واخير حبس عماد متعب :d بعد ما افطر الشعب المصري كلو الصبح بعد الكرة الي ضيعها في ماتش مصر و نيوزلاندا ههههههههههههه بهزر :d
فى دى معـــــــــاك
ونتا قول رئيك ايه الي يخلي مصر بلد كويسة
