http://skillz.byethost5.com/photos/bsmla.gif
أخواني بعد التحية
طبعا الكل سمع عن الكلينت الجديد أو الأبديت 1.70 القادم .
و أكيد الناس قامت بتحميله من الموقع , أوكي مفيش مشكلة .
طيب السؤال الذي يطرح نفسه هل أستعديت لما قد يحدث من مشاكل !!
مثلا مشكلة صعوبة الد*** أو عدم فعالية برامج البوت و اللودر مع الكلينت الجديد
خاصة و التعديل اللي هيحصل هيكون مصحوب بـــ event زي SUMMER event
البعض هينزل برامج و يقولك دي برامج هتشتغل علي الكلينت الجديد
no DC - multie client - media.pk2 -
معنديش مشكلة بس ...
... تفتكر واحد بيعمل برمجية أو أداة صغيرة لبرنامج أو لسوفت وير لم يعمل بعد تفتكر ده هيكون
فعال .!
و أغلب الناس خايف و بيقولك أنا الجهاز شغال عندي ببركة دعا الوالدين
و أنا جبت أخري من مشاكل الرن تايم أيرور runtime error و execute silkroad.exe
و تيجي تشغل اللعبة مرة تشتغل البوت ميدخلش أو اللودر يضرب و انزله من تاني
أو اللعبة تضرب و أسطبها من تاني ممكن أسطبها اكتر من كذا مرة في اليوم
و اللي يقولك أنا عامل كذا نسخة علي الجهاز علشان لما واحدة تضرب التانية تشغلني !!
و اللي يقولك كل شويةاخرج من اللعبة برسالة علامات أستفهام ؟؟؟؟
و كمية حاجات غريبة كلها و ان دلت علي شيء فأنما تدل علي أني كنت عايش في كوكب
تاني انا عندي علي جهازي في المنزل عمر اللعبة ما رفضت أبديت أو جابت أيرور
و و عمر الد*** ما كان مشكلة بالنسبة لي
طيب و الحل أيه ؟
--------------------------------------------
أولا اود التنويه عن اني مش عايش في كوكب مدحت ولا حاجه
كل الموضوع يتلخص في كلمتين :
بالبلدي ...
عايز جهازك يزبط الأداء معاك ظبط الاول أدائك معاه
و ظبت اللعبة اللعبة تظبط معاك
ركز معايا علشان و حياة حناوي ما أنا مكرر جملة واحدة في الكلام اللي جاي ده تاني
---------------------------------
نبدأ الاول من تهيئة الجهاز
ما هو لو الجسم تعبان او مريض مش هيقدر يستفيد من الأكل أتم أستفادة .
أولا بره اللعبة لو جهازك فيه سنة ثقل أو بتحس أنه مهنج علي الدوام او
بتلاقي الماوس بيدي أشارات تحميل علي أساس أنه مشغول في حاجه
مع انك لسه ما عملتش حاجه خاااااااااالص !!!!!!!!
أو لو كل لما تسطب اللعبة و تدخلها مرة و التانية تضرب يبقي بالصلاة علي النبي
الــ data بتاعتك أتفيرست . أو أصيبت بتروجان trojan
و يا هتتخلص من الداتا الموبؤة اللي عندك يا أما تريح نفسك و تطلع من الموضوع ده
و الكلام بجد مش هزار . ثانيا لازم تعرف أنه اللعبة محتاجه بيئة عمل نظيفة جدا علشان
تحصل علي أفضل أداء .
خليكم معايا
1 - الهارد متفرمت و تم تقسيمه من جديد و جاهز لأستقبال نسخة الويندوز .
2 - أختار نسخة و يندوز عادية جدا بدون أي برامج او أضافات تمت بواسطة أي شخص
خارج شركة microsoft يعني نسخة ويندوز مش ملعوب في أساسها lol .
3 - أبدأ بالتعريفات ثم بتركيب البرامج الضرورية و التي سوف تحتاجها و بقدر المكان
يمكنك الحصول علي هذه البرامج عن طريق التحميل المباشر من مواقعها الأم .
مثــــــــــــــــال ..
winrar
http://www.rarlab.com/download.htm
microsoft netfreamwork
http://www.microsoft.com/downloads/d...displaylang=en
silkroad online game setup downloader
http://www.joymax.com/silkroad/
و بعد ذلك سطب اللعبة
و يفضل علي بارتيشن صغير أو علي بارتشين بعيد عن اللي فيه الأغاني و البرامج و الحبشتكانات
ثم أعملها أبديت من الموقع و أتأكد أنها تعمل بكفاءة
و بعد كده نيجي للبرامج اللي بتلم الفيروسات علي جهازك اللودر و النودي سي و البوتات
الكلينتات و الخ
----------------------------
(((( بلاش تحملها علي جهازك الشخصي أو المنزلي )))
أيوه متحملهاش دلوقتي خالص أصبر
دلوقتي أكيد عندك فلاشة عليها البوت بتاعك او برامجه و زي ما أنتا مظبتها علشان تختصر الوقت
بس اللي متعرفوش ان أساسا أسهل طرق ضرب اللعبة و نقل الفيروسات
خاصة اللعين أوتو رن هي الفلاش ميموري .
روح لجهاز اللي متفرمت و متقسم و مسطبين له ويندوز و نزلنا اللعبة عليه بدون أي أضافات
و سطب برنامج اليب فريز علي البارتيشن ده بس .
لغاية هنا و شايف ناس عينيها وسعت مصدومين و ناس مسكت دماغها جالهم الضغط مني
بس لحظة الحركة دي أنا مجربها و ده علشان تبرطع في باقي الجهاز براحتك تفيرسه تنيله
براحتك تنزل لوادر قيروسات كلاينتات براحتك بس تفضل اللعبة نظيفة بمجرد عمل ريستارت بسيط للجهاز
------------------------------------
بعد كده حمل كل شيء نفسك فيه
و توخي الحرص من الفلاش ميموري
و حاول متستعملهاش أتو رن أو ما يعرف بالأوتو بلاي auto paly = auto run
لا أقفل الرسالة بتاعة الأواتو بلاي اللي بتنط في وشك أول لما توصل الفلاشة
روح لــ my computer و كليك يمين أو exploer هتلاقي قايمة بالملفات و الباتشينات
علي اليسار أختار مسا الفلاشة هتشوف اللي فيها علي اليمين في قلب الفولدر
بس لازم تكون ظاهر المخفي و حتي فولدرات الحمياي بتاعة الويندوز
و ساعتها لو عليها أوتو رن هتشوفه ملف اندكس أسمه أوتو رن
خلي بالك ضغطه واحده بتشغله و يبقي معملناش حاجه .
----------------------------
البرامج اللي بتشيل الفيروسات أكتر من الهم ع القلب
بس ولا واحد منهم بيصلح الدمار اللي حصل
و نسبة فعاليتهم لا تتجاوز الخمسين في المائة .
----------------------------------------------------------
حاول بقدر الأمكان أنك برامجك النظيفة ترفعها علي حسابك علي
موقع
www.4shared.com
أو ملف مرفق الي بريدك علي الياهو أو الهوت ميل او الجي ميل .
أبتعد تماما عن البرامج اللي شاكك فيها و خلي بالك .من مصادر البرامج و بلاش
تستهون بالفلاشة أو بالفيروسات . هما دول اللي بيعكننوا عليك في اللعبة .
------------------------
خلي أمكانيات الجرافيكس في سيلك رود low أو منخفضة علشان متكونش حمل علي جهازك و عايزك تعرف أنك لما بتفتح أكتر من أكاونت علي الجهاز ده بيبقي حمل علي كارت الشاشة
و ده بيفسر تقل الجهاز في حالة الأوكانتين او اكثر .
-------------------------------------
تحياتي لكم ...
.. و أتمني أكون أفدت .... و كل عام و انتم بخير
و ..
عيد سعيد عليكم جميعا .
lol
