غموض x غموض ( وليس غموض لنا ايها المسلمون) بس عاوزين نشوف احسن اجابة واقعية
 

عندما انام فانى احلم واعيش بداخل حلم واشعر

باشياء مثل هزة راسى وتحريك يدى واظن انا هذا الشى حقيقي !!!

فما يدرينى ان الحياة التى اعيشها الان ما هى الا حلم طويل لم استيقظ منه بعد !!!

...................... سؤال محتاج مناقشة عقلية ..................... واجابة واقعية .

الموضوع فقط لتشغيل العقل ونشوف تفكيرنا هيوصل لغاية فين !!!

ايه يا جماعة مفيش حد عارف يجاوب ولا ايه ^_^

انا رأى
 

حبيب قلبى و عمرى اللى ضاع ..
انا عايزأقولك إن الإنسان العادى بيستخدم 1% من امكانيات عقله .. دى حاجه ..
تانى حاجه .. بالنسبه للكلام ده انا بحييك على السؤال الرزل ده اللى ان شاء الله مش هتلاقى عضو واحد راددلك عليه رد عدل و هيجيبولك احباط ان شاء الله بس غصب عنى .,. انا بحب الكلام ده جدا ..
تعالى نتفق على حاجه قبل ما نتكلم .. الموت نوعين ..
موت أصغر..و ده النوم .. و الموت الأكبر.. و ده اللى بيبقى الإنسان منتظرفيه قيام الساعه و الحساب ,,
تعالى كمان نتفق على ان حياتنا دى مجرد اختبارات بنمر بيها عشان اللى بعد كده .. حياة الخلود .. إماجنة و إما نار جهنم و العياذ بالله منها ..
يعنى انت اصلا اصلا لازم تحط فى عين إعتبار ان حياتك مش مجرد حلم ..
لأ دى مرحله قصيره جدا ( مهما طالت مدتها ) انت مسموحلك فيها انك تختار الصح من الغلط عشان بناء على اختياراتك اللى اختاراتها فى مواقف حياتك يبان معدنك .. اللى بعد كده يبقى هو سبب حياتك الابديه فى الجنه و نعيمها بإذن الله او النار و حرها حرم الله اجسادنا عنها ..
كمان عايزأقولك حاجه ربنا قالها..
قال تعالى ..(( لوتعلمون علم اليقين لترون الجحيم )) فيعنى العقل البشرى لن يصل إلا لماكتبه الله له .. و مهما عظم علم البشريه .. (( قل لوكان البحر مدادا لكلمات ربى لنفذ البحر قبل الان تنفذ كلمات ربى ولو جئنا بمثله مددا )) ... انت مهما وصل بيك التقدم لن تصل الا ما هو مكتوب لك
و اكيد فاطر السماوات و الأرض هو أعلم بالحكمه من هذا ..
كمان قال تعالى (( وما اشهدتهم خلق السماوات والأرض ولا اشهدتهم خلق انفسهم )) اذن فالانسان داخل هذه الحلقه لا يعرف بدايتها الا من اللى سبقوه فيها ولا يعرف نهايتها الا حينا يصل اليها .. يعنى انت بتلف فى دايره واحده بالظبطزى الثور و ترس الطاحونه ..
هتلف و تلف و تلف وتلف .. وبعدين .. انت فاكر نفسك هتوصل لأيه يعنى ..
كله مكتوب وكله معلوم ..
ممكن بقى بعد كل الرغى اللى انا رغيته ده اطلب منك طلبين ..
الأولانى انك تاخد رأى الأستاذأحمد شفيق والتانى انك تسامحنى على انى طولت بالمنظر ده
فى حاجه كمان ..معلومه عجيبه .. انا كنت قريتها فى الجرنال زمان والاهرام تحديداايامماكان الاهرام فيه صفحه للعلوم و الابحاث و الختراعات
.. قريت يا سيدى ان اطول حلم الانسان ممكن يحلمه لا يتعدى ال 9 ثوان!!
معقول الكلام ده !!!!..
وانا مالى يا عم انت هتضربنى انا ليه .. هما اللى بيقولك نتايج لأبحاث .. ذنبى أيه انا ..


كمان فى رباعييتين لصلاح جاهين افتكرتهم لطاف جدا بخصوص الموضوع ده ..

لا تجبر الانسان ولا تخيره
يكفيه ما فيه من أمر بيحيره
اللى بيطلبه و يشتهيه ..
هو اللى بكره هيطلب يغيره ..
عجبــــى


نظرت فى الملكوت كتير و انشغلت
وبكل كلمة ليهوعشان ايه سألت
اسأل سؤال .. الرد يرجع سؤال
و أخرج و حيرتى أشد مما دخلت

اتمنى اكون رديت عليك رد شافى ..
بس برضه .. اتمنى أشوف رأى أستاذ أحمد

صح كلامك يا مان

بس انا رايي بلاش احسن ان احنا نتكام في الموضوع دا عشان ممكن نسرح و الشيطان يلعب معانا و ممكن نقول حجات تكفر

و شكرا

بحييك على الرد الجميل ده ( وطول براحتك ) ^_^ ده موضوع مفتوح للمناقشة وللمنافسة للوصول

لاحسن اجابة وحضرتك بتقول انك قرات فى جريدة الاهرام ان فى ابحاث علمية اثبتت ان اطول حلم

ممكن لا يتعدى 9 ثوانى !!!!! ........... بس فى ملحوظة :-

انك انت بداخل الحلم لا تشعر انهم 9 ثوانى !!!! بل بالعكس تشعر انها حياة كاملة !!!!!

مليئة بالاحداث انا كانت مشوقة ام مرعبة ,,, محزنة ام مفرحة ,,,, محيرة ,,,ام مطمئنة !!!!!

وان كان هذا البحث العلمى صحيح ام خطا ..... فهذا لا يهم فالاحداث تحدث على اكمل وجه !!

فى حاجة كمان عاوز اوصلها ان الواحد سعات ممكن يحلم انه بيحلم ( انت فهمنى ) .

اسف على الحيرة والغموض ^_^ ( وكمان الازعاج ) .

بس انا عامل الموضوع ده لتشغيل العقل وليس للكفر (استفر الله العلى اعظيم ) وليس هناك مجال

للشيطان للوسوسة فى عقلى او عقل اى عضو فى هذا المنتدى .

فهذا الموضوع كالفزورة واحسن اجابة هى المطلوبة .

انا بقول واكرر ان هذا الوضوع لتشغيل العقل فقط ( اعتبرو فزورة يعنى ) .

ولا مجال للشيطان للوسوسة فى عقولنا ( نحن لسنا بضعفاء ) .

انا قصدى انك ليه متكنش بتحلم دلوقتى !!!! ما انت بتشعر فى الحلم

انك فى حياة حقيقية بحلوها ومرها !!! ( فهمت قصدى )

اريد فقط اجابة منطقية !! .

انا اقولك ........بس يا سيدى شوفت الموضوع سهل ازاى ..ّّ!!!!هههه
بس بجد انتا دماغك عليا و تفكير راقى ..احييك علية ...انا بصراحة مش هاعرف اعلق بعد only her لان بصراحة كلام جميل ...بس فعلا عايزين واحد (بيفهم و مخة كبير )..مع الاعتذار .....>>>>بهزر طبعا <<<<
بس هيا حاجة اخيرة ..... لو عايز تعرف انتا بتحلم و لا لأ .....خلى حد يرنك علقة ...لا كبيرة دى ...خلى حد يقرصك ^____^
و فى الختام ....السلااااام

مشاركة لذيذة من عضو جميل ( بس اكيد فى تعليقات تانية )

وناس بتحب تفكر .

الموضوع لسه محتاج مناقشة يا جماعة !!!

صح يا مان احنا مش ضعاف بس التحطيات واجب صح برضوا ولا ايه

الاحتياط ليس معناه الابتعاد ولا الضعف !!

انت متقدرش تعمل احتياط لكل شى ولكن فى عقل بيميز !!

للاسف محدش وصل لاجابة سليمة !!