الفائز في كرسي الاعتراف
 

http://www.silkroad4arab.com/vb/showthread.php?t=102930

الموضوع دا اتعمل وللآسف صاحبنا NevrLose اللى هو انا كسبت والمفروض انكم هتسألوني
دا حسب رغبتكم

يلا عايز اشوف اسئلة نااااااار

انا بقا يا عم بلبل هسالك سوال مختلف شوية
انا عارف انك بتتعب اوى وبصراحة انا مقدر حبك لينا بس السوال بقا؟
مفيش يوم من الايام قلت انا واجع دماغى لية وحسيت بان المجهود دة كلة كتير عليك واتخنقت يعنى ؟
جاوب بقا يا عم بس بصراحة

خالص والله ياتيكا انا لو اتخنقت كان زماني سيبت الاشراف من زمان ^^

عمرك فى مره الشيطان لعب فى دماغك وقلك تهكر على حد وتقلبه لانه ضايقك فى الجيم او بره الجيم؟
اكتر واحد رخم عليك بسبب كتر المساعدات ؟
وياريت متقولش مفيش

اهكر على حد عشان ضافني في الجيم او بره الجيم؟..ماظنش ان دا حصل لإني مش متعدد العلاقات عموماً ومش سكامر ومش بجيد فنون الهاكر عموماً..

مش مافيش بالعكس دا حصل لكن كان من كذا حد ووالله انا بكلمك وانا مش فاكر اي حاجة تقريباً وانت عارف المشاكل الى عندي فاياريت تعذرني لكن فعلا فيه وفيه كتير والاغلبية كانوا صحابي وسبتهم عشان كانوا مصلحجية وخلاص...

تحياتي :):)

اسمع يا سيدى

1: ما هى اكتر حاجه تزعجك فى حياتك ؟
2: من هو صديقك المفضل{بشرط صديق واحد}
3:اكتر يوم بنحبه؟
4: احسن سنه دراسيه عشتها؟
5: احسن بلد زورتها { عدا الاسكندريه اللى انت منهاْ}؟

بعد الاعتراف انتظر المزيد

اكتر حاجة هي الدوشة الكتير

صاحبي شريف في النت
صاحبي محمد في الحقيقة

يوم الخميس والجمعة

لا مافيش.. بس متوقع المنصورة بقى

برده انا المنصوره و الاسكندريه

اسمعنى تانى

1: اكتر واحد كرهته ؟
2: ارخم صديق عرفته؟
3: صديق ندمت على صداقته؟
4:صديق خاصمته و مش ناوى تصالحه؟
5: واحد انت مخاصمه و نفسك ترجعله؟

ارجو الرد

انتظروا المزيد

1-صاحب قديم عمل معايا حركة وحشة
2-كتير
3-كتير
4-إبراهيم
5-مش واحد هي واحدة..

نيجى بقى للجزء العائلى
انا مش هسال انت هتكلم عنه عيلتك وحياتك بالتفصيل الممل

اسمي بلال وعندي 13 سنة ومن اسكندرية

مشرف القسم وبلعب في جريس بقالي سنة

عيلتي زي اي عيلة بس عيشت في شوية تفكك اسري بسيط كدا بين اخواتي عشان مش من ام واحدة

حياتي كلها بتنتمي للكمبيوتر والجزء الاخر للحقيقة لكن مشكلتي انى مش بعرف اواجه مشاكلي بشكل مستمر ودا الى بيخليني عندي صحاب كتير بحكيلهم على كل حاجة وهما بيحكولي على كل حاجة يعنى اناتيم بعيد عنك

عشان اتكلم بالتفصيل الممل دا صعب جداً لكن اهو اختصرت شوية منهم

وغير كدا كمان الحمد لله دايماً بيقولوا عني ذكي وعقلي كبير

صحابي في الحقيقة هما محمد ومؤمن ومحمد وسعيد ومحمد وناس تانية
صحابي في النت هما شريف وحسام وتيكا وميزو وناس تانية كتير طبعاً

الشعار الدائم هو .. إمشي جانب الحيط يحتار عدوك فيك..للآسف طلع الحيط اكبر عدو ليك

الهوايات هي الكمبيوتر والبرمجة وتصميم المواقع والرياضة .. والموووووووز وماتسألنيش ازاي

كان ليا كذا تجربة حب قبل كدا ومنهم واحدة شكلها هتفشل وهي الى انا فيها دلوقتي

محبوب بين اهلي اولا وصحابي ثانياً والناس الى اعرفها ثالثاً
هادي بين الناس وحاجة تانية مع صحابي
وفي الدراسة كمان هادي جداً وماحدش بيسمعلي صوت

ادامك طيب وغلبان وراك طيب وغلبان تفكر تعمل معايا حاجة مش هتجيلي على سكة

حد عايز يعرف حاجة تاني ^^

اول علقه خدتها فى حياتك طبعا مش هقولك وسببها عشان اكيد نسيت
واخر علقه وايه سببها لو فاكر واوعى تقولى ابويا مش بيضربنى
بلاش ضرب اول مشكله مع ابوك واخر مشكله مع ابوك يالا ياعم

هههههههههههههههههههههه

لا الحمد لله ابويا عمره مامد ايده عليا وانا وهو صحاب دايماً عشان كدا انا مش محتاج مادياً وكمان مش بيخليني محتاج حاجة الحمد لله وهو أب فعلا بمعنى الكلمة وهو الى معلمني الكمبيوتر وهو واقف جانبي بيقرأ المشاركة دي كمان وربنا يخليه ليا دايماً ^^

اول علقة كنت عيل صغير وبخاف انام لوحدي
تاني علقة والحمد لله كانت اخر علقة مش فاكر بسبب ايه كويس عشان كانت من تلات اربع سنين تقريباً..

ايه المواقف المحرجه اللى انت فكرها وفعلا كنت عايز تدفن نفسك(بعد الشر يعنى)
ولا يحصلك الموقف ده؟

اما موبايلي اتسرق في سايبري
واما احس انى غبي اوي وانا واقف ادام اي حد ومش عارف ارد

بص بقا انا عاوز اعتراف منك صريح اية اكتر موقف اتحرجت فية من بنت وحسيت ان منظرك وحش اوى
بس بصراحة

هقولك انا..

دا كان ادام بنت خالتي كنت انا وابن خالتي التاني متفقين عليها مين الى يعلقها الاول

ابن خالتي بصراحة ماكسبش الرهان وطلع .......

وباعني ادام ولاد خالتي كلهم عشانها

بس كدا..

طب يا عم بلبل انت صريح اوى طب مين اكتر تقلة فكك كمن & حد تقولة محتاجلك اوى

فكك مني..لحد عمل معايا حركة مش كويسة

محتاجلك اوي .. لحبيبتي

1: هل مر عليك قصه حب؟
آه

2: متى كان اول حب ؟
من سنتين.

3: هل الحب من الطرفين ولا لآ ؟
الى كان اه .. وبتاع دلوقتي اكيد اه

4: كام قلم انت خاته من اللى انت بتحبها؟ {ملحوظه .. قلم على وشك}
دا على اساس ان الرجالة ماتوا في تلاتة وسبعين؟

5: هل مازلت تحب حتى الان؟
آه بس فيه شوية مشاكل...

اخر مره اتخنقت فيها وضربت
واخر مره اضربت فيها ؟
واحد نفسك تقوم تخنقوه دلوقتى او واحد مخنوق منه دلوقتى

1-كانت عركة بيني وبين صاحبي

2-نفس العركة بس اخدت قالبين طوب محترمين ..مش عايز اقولك حصل معاه ايه

3-مش مخنوق من حد خالص

اسمع ياسيدى
1: قولى مميزاتك
2: قولى عيوبك
3: نفسك تبقى ايه

انتظر المزيد

ايهة مش هترد

: قولى مميزاتك
2: قولى عيوبك
3: نفسك تبقى ايه

معلش انا تعبان اليومين دول وبدخل بالعافية..

مميزاتي.
صبور..بحب كل صحابي .. جدع وطيب مع اي حد فيه نفس الصفة...بحب الخير للناس ومش بحب اكون اناني..عندي استعداد اضيع عمري على صاحب كويس يكون معايا في الحياة كلها..وحاجات كتير جداً غير ان ناس كتير بتقول انت عقلك كبير وبتعرف تناقش مشاكل اي حد وتحلها له

عيوبي.
سريع الغضب واحياناً متسرع وبنسى كتير و و و و و وحاجات تانية كتير بردو تقدر تعرفها من خلال كلامنا مع بعض..

نفسي ابقى.
نفسي ابقى مبرمج كمبيوتر وديزاينر محترف..

ان شاء الله عتبقى مصمم جامد و محترف و مشهور

اسمع تانى و تالت و رابع
1: هل من الممكن صنع المستحيل بالنسبه لك ؟
2: ايه اخبارك مع عاد لينتقم علشان هو قالي ان هو مش راضى يخش المنتدي علشان هو مكسوف او محروج منك يا بلال بسبب الخلاف و المشاكل اللي حصلت ما بنكم
(ارجو يا بلال ان تعود لمحمد (عاد لينتقم)
علشان هو نفسه يرجعلك لو موافق قول ولو مش موافق قول

: هل من الممكن صنع المستحيل بالنسبه لك ؟
طالما عندي إرادة ايه الى يمنع؟ لكن المستحيل هو المستحيل..

2: ايه اخبارك مع عاد لينتقم علشان هو قالي ان هو مش راضى يخش المنتدي علشان هو مكسوف او محروج منك يا بلال بسبب الخلاف و المشاكل اللي حصلت ما بنكم
(ارجو يا بلال ان تعود لمحمد (عاد لينتقم)
علشان هو نفسه يرجعلك لو موافق قول ولو مش موافق قول

اظن انى جاوبتك..

اية اكتر حاجة ممكن تخنقق وتبقى حاسس انك شايط ويارب متحصلك تانى ابدا يا بلبل علشان انت حبيبى

إني الاقي الى بحبه مش معبرني...بصراحة هو اصيل ومش بيعملها :(

لكن بتعب اوي اما بستناه وبشغل وقت فراغي في اي حاجة :(

وعلى رأي مصطفي قمر

اللى بحبه عليه حركات..كمان باين عليه بحالات..بيوعدني ويبعدني..ويشتاقلي ساعات وسااعات

ماشاء الله

الصراحه انت عندك 14 سنه

بس فكر واحد عنده 54 سنه

الله يخليك ياجميل دا زوقك بس ياحبي :)

1-انا عايز اسئلك سوئال انت لما كنت فكرنى سكامر كنت ناوى تعمل ايه؟؟
2-وقبلت صحبتى تانى ليه؟

كنت ناوي اظبطك...

صاحبتك عشان انت جدع يانور وعشان انا بكسب محبة الناس

طب يا بلبل بصراحة كدة انتا صاحبتى وانت حبيبي
ومن اكتر الناس اللى تعرف اسرارى اية بقا اكتر حاجة حصلت منى خلتك تتخنق منى
::d

ماظنش ان فيه اييي حاجة حصلت خلتني اتخنق منك يا اسلام عشان انت اكتر من اخويا وانت عارف كدا :)