قرار اعتزال نهائى من لعبة سيلكرود + السبب حصريا !!
 

السلام عليكم ورحمة الله وبركاته

انا اخوكم محمود .. الماجيك فى الجيم
انا خلاص قررت اسيب اللعبة نهائيا لأنى وصلت للى كان نفسى فيه ,, انا زمان كنت بلعب Isro ومكنتش فاهم اى حاجة وكنت ببوظ كل السكيلات ولا فاهم اى حاجة كنت نوووب تحت الصفر .. وكنت من اول الناس اللى لعبو Ecsro ايام ما كانت بتدخل من اول مرة.. ما علينا ,, المهم عملت كل اللى كنت بتمناه بقيت لفل 58 فى Ecsro و لفل 63 فى Sjsro برضك كان كل اللى بتمناه ان يكون معايا Wolf ووصلتنى رجلى لحد سيلكرود الكورى كانت عجبنى مووز ومكنش فى اى مشاكل وعرفت ناس جدعين كيييييك وافتكرت لما كنت بلعب Isro زمان وكنت نوووب وكنت بشوف ناس ماشية بالافاتر بتاع الوينج كنت بقول ان استحالة يكون معايا واحدة لحد ما ربنا قدرنى واشتريت واحد وبقى معايا ولف لفل 41 .. ديه نهايتى فى الجيم


الاسباب !!

1- لاحظت ان فى شوية مشاكل بدأت تحصلى بسبب اللعبة وبدأت افقد اعصابى بهبل اوىىىىى .. ده اول حاجة

2- جربت معنى الذل لما يكون جهازك بايظ ومش قادر تلعب و شغال على جهاز P3 مش مبين حتى اسمك فى الجيم بيعمل شات بس ,,, 2 ,,

3- جت بظروفها انى جددت الجهاز كله قطعة قطعة واظن ان اى حد فاكر التوقيع بتاعى اللى كان

Gta IV حلم صعب المنال >>>

بعد نظام ضعف سرعة النت لحقت اجيبها فى 4 ايام نزلت فيهم 15 جيجا
وجبت معاها Prince Of Persia 4
ولما الجهاز بتاعى باظ طبعا مينفعش اجيب برضك حاجة قديمة غيرت الجهاز كله

صورة !!

http://a9uquq.bay.livefilestore.com/...%20Requrie.JPG

عندى ال Pixel Shader وال Vertex Shader = 3 لكن على ويندوز فيستا بيكونوا 4 علشان الفيستا بتستفيد من كارت الشاشة جامد اوى

لكن دلوقتى لقيت بديل احسن من سيلكرود ب999999 مليون مرة

ودى شوية صور للعبتين اللى انا عايش بيهم ديلوقتى

http://pcmedia.ign.com/pc/image/arti...37695_640w.jpg

http://insidermedia.ign.com/insider/...35326_640w.jpg

http://xbox360media.ign.com/xbox360/...01995_640w.jpg

http://xbox360media.ign.com/xbox360/...20386_640w.jpg

الحياة دلوقتى بقى لونها بامبى بلا سكامرز بلا قرف ولا خناقات مع مصريين بس انا كل اللى مزعلنى انى هسيب اعز اصحابى وكمان همشى من الجيم و انا مديون لأتنين من اصحابى لكن للأسف مش هقدر ارجع خلاص .. انا اسف جدا يا xBowGirll و XxbestalixX

اتمنى انكوا تكونوا مسامحينى والله لو قدرت مكنتش اتأخرت

وهتوحشونى كلكوا يا TaKeSeY و EGY_FoX و elmagik و _FullWizard_ و Mr.Taxi و ONE_BOW و gigi_2010 و _DAIGEN و Cleopatra4m و geo_shm و Dead_Code و xBowGirll و XxbestalixX وطبعا مش هنسى صديق غالى عليا بس مش فاكر اسمه اوى Cairo190 وكل الناس اللى فى السيرفر ..

انا عملت الموضوع بس علشان حبيت اودعكم يا اعز اصدقائى ... ربنا يوفقكم :)

اخوكم محمود ،،،

انا بلعب gta iv و prince و silkroad يلا ربنا معاك

عقبالنا

Just4Me
انا لو مكانك اسيبنى من سيلكرود والله انا مش ناقص وجع دماغ والله اصعب ايام عشتها فى حياتى لما كنت بلعب اللعبة دى انا مش هعتزل علشان مشاكل الدخول ولا علشان حاجة انا ماشى بمزاجى مش مغصوب عليا بس الانسان دايما بيدور على الاحسن

عاشق أدهم صبرى
عقبالك يارب :) وميرسى على مرورك المشرف لى فى موضوعى :)

وكل سنة وانتم طيبين

والله العظيم انت بتسطعبط بعد مبقينا كولنا ايد واحدا زى مكونا بنتمنى فى isro انا كدا زعلت بجد يا حودا يا مان اى حاجة تتعوض الا الصاحب بالله عليك ارجع تانى بالله عليك يا شيخ لو ليا عندك معزة ارجع تانى معانا one_bow

ㅎㅇㅇㅇㅇㅇㅇㅇㅇㅇㅇㅇㅇㅇㅇㅇㅇ
بص من الاخر كدة انتا هتعرف انا مين ماشى وكدة عيب اوى

لما تقول انك عشت اصعب ايام فى حياتك يبقى انتا الى عملت كدة فى نفسك خد اللعبة لمجرد التسلية مش انك تحرق اعصابك على حاجة مش مستهلة بص دة مش قرارك النهائى بس انا حبيت
اعرفك انك ممكن تسيب اللعبة او 50لعبة زى دى بس انا بجد ما كنتش اتصور اى فى اللعبة دى هاعرف ناس جدعة انا حبيت اللعبة دى علشان الناس الجدعةالى فيها وبالاخص انتا شوف انتا ليك معاى امانة عاوز خدها واحنا الاتنين ليفل 80 اوك ابتدينا مع بعض هنخلص مع بعض يالا سلام
مستنى ردك هنا وفى الجيم سلام

والله انت من غير ما تقول انت ليك معزة غالية اوى عندى بس والله انا مش هقدر ارجع بس اقدر اكلمكم من اكاونت ابن عمى اسمه يوسف بس بالكورى

والله العظيم انا مش لاقى رد على كلامك .. مش عارف اقول ايه بس بجد انا جالى احباط بشكل كبير منها زيى ما يكون نفسك فى حاجة وخلاص بقت معاك ومش محتاجها ... وبالنسبة للأمانة دى بتاعتك اعتبرها هدية منى :)

وإن شاء الله هكلمكم من الجيم عند جهاز ابن عمى لأنى فرمت جهازى خالص ومعدتش عاوز احط اللعبة عليه تانى ..

والله الموفق ,,

بــــجـــد انـــتــم اعـــز اصـــحابـــى

بليييز يا ماستر متعاملنيش على انى خاين انا مجرد انى سبت لعبة زيى اى لعبة بتلعبها وبتزهق منها بس برضك مقدرتش اسيب صحابى علشان كدة انا دايما معاكوا هنا ومش هامشى ان شاء الله لو كان لينا عمر

هيا إيه هيا أسامي اللعب إلي إنت حتط صورها

Grand Theft Auto IV

Prince Of Persia 2008

وكمان فى واحدة حلوة اسمها

Devil May Cry 4

اللعب ديه أون لاين ؟
أصلي بفكر أسيب سيلك رود زيك

لأ كلهم من غير نت بس grand Theft auto IV ممكن تتلعب بالنت لو عاوز

بس كل اللعب دى محتاجة مكانيات جهاز عالية جدا !!

بتتلعب إزاي بالنت بتبقى عامله زي midel of honor مثلا ؟

وصحيح أما تتلعب على النت بيطلب منك يوزر نيم و باسورد يعني لازم تكون نسخة اللعبه أصليه ولا عادي

بتطلب يوزر وباسورد بس طبعا مش سيرفرات عادى خالص وطبعا هتحتاج لكراك علشان تعرف تلعبها اونلاين .. فى الاونلاين بتدخل تلاقى ناس من كل مكان ولاد و بنات ممكن تنضم لجروب وتكون عصابة وحاجات كدة :)

بس اللعبة حجمها كبير اوى حجمها 15 جيجا نزلتها فى 4 ايام بسرعة نت 512

و Prince Of Persia 8 جيجا نزلتها فى يومين

و Devil May Cry 4 برضك 8 جيجا ونزلتها فى يومين

بس اهم حاجة يكون كارت الشاشة بتاعك فى Pixel Shader 3 وتنزل احدث ابديت لكرت الشاشة علشان رسالة ال VPU بتاعت Ati

إن شاء الله كل ما هنزل لعبة هقولكوا عليها وهحط ليها صور انا خلاص نزلت ديلوقتى Need For Speed Undercover

GTa ديه شكلها جامد بس لو بفلوس هتبقى سخيفه قوي :P

ربنا يسهل أنا هحاول أنزلها بس يا رب تشتغل عندي

لالالا دى فرىى بس انا بفضل انى العب اوفلاين احسن علعموم لازم تتأكد ان جهازك هيشغلها ولا لأ

ادخل هنا

www.systemrequirementslab.com/referrer/srtest

طيب هات ال 10 مليون الي عليك بعدين امشي ^^

معلش يعني انت اعطيت الافتار فري لـ EGY-FoX
وهو انا مليش دعوة تعطيه اياه ولا لاء لأني انا داينتك مش داينته

بس انا عتبان عليك لأنه كدا عيب انك تشتري الافتار ب 30 مليون وتعطيه لصاحبك فري
وانا مداينك 10 مليون عشان تشتريه
كان المفروض انك تعطيني ال 10 مليون قبل ما تمشي او تعطيني الافتار ابيعه و حاخد ال 10 مليون وارجع الباقي لصاحبك لو عايز وكدا كل واحد بياخد حقه

لو تعرف انا لما دينتك مفضلش معايا غير 200 k بس انا قلت مفش حاجة تغلى على الناس الطيبة بس الي انت عملته فيا يبقى غلط لأني فلست بعديها وانت عارف دفعنا كام عشان نلفل الجيلد كمان ..

على العموم لو مش حتقدر تسوي حاجة انا مسامحك

بس كان المفروض تحكيلي لو حتى انك حتسيب الجيم ومش حتقدر ترجع الدين


بس على فكرة انت غلطان في حكاية أنك حتسيب الجيم لأنه احنا اعملنا الي كل الناس كانت تتمناه في isro وانت عارف الكلام ده مية المية
كل واحد بطلب جولد اي حد يكون معاه نساعده على طول
وكلنا صحاب والحياة حلوة بس يعني في شوية مشاكل مع الناس النوبات زي *********
ممكن منعبرهمش عادي جداً وكفايا انا قدرنا نكون جيلد كله ناس محترمه

بص انا مش لاقى كلام اقوله

اولا ,, شكرا على نشر الموضوع :( بس طبعا ده حقك

ثانيا انت كدة فعلا اجبرتنى انى ارجع للعبة تانى وان شاء الله حقك كله هيرجعلك تانى :s

انا هرجع لمدة اسبوع واحد بس هرجعلك ال10 مليون بتوعك وادى ال 6 مليون بتوع XxbestalixX واحب افكرك ان الافاتار كان ب 35 مليون وانا كان معايا 19 مليون بس وانتوا ساعدتونى ، ان شاء الله هرجعلك فلوسك

سلام يا.. يا صاحبى :(

انا عاوز اسيبها بس مش قادر ممكن حل
بسرعة انا داخل على 2 ثانوى

العب Gta IV

انا بحاول اسيب silkroad
و دلوقتي بلعب
company of heros
call of duty 4
meadel airborn

mdeal of honor airborn***

الله مفيش احسن من Gta 4 وكمان انا بلعبها اونلاين وكمان بلعبها شبكة مع اصحابى لعبة جمدة كيييك ده كفاية الجرافيك :)

هانت يا xbow فاضل ل XbestaliX 1.5 مليون وهجيبلك فلوسك بعديها

أنا قلتلك إن هدفعهملك
مكنش لازم تنشر

لا لا ربنا يخليك يارب بس ده دين عليا انا ومش هينفع حد يسده غيرى وان شاء الله هسده قريب

عبالنا

السيرفر نايم خالص فين egy_fox و فين xbowgirll انا مش لاقى حد منهم خالص