رأيك في المشرفين نداء الي الاداره
 

ياجماعه انا عاوز الكل يقول رأيه في مشرفين القسم بمنتهي الحياديه ويكون ده نداء الي اداره المنتدي ببقأهم
أو تغيرهم المشاركه ياريت تكون بكلمه (يصلحوا -أو لا يصلحوا )

البعض و البعض

اجابه ليس لها معني

مهم ومنهم باس مفيش غير 3 يصلحو والباقي لأ

مشرفين السيرفرات الخاصــه لا يصلحـه من وجـه نظرى



على ابسط استفسار بيتم خذف موضوعك ولو رد عليك يقولك فـ جمله بسيطـه جدآ

الموضوع متكرر

فى موضوع مثبت :D

طيب مهو الموضوع المثبت مش مكتمل


انا كنت عامل موضوع بقولهم محتاج تحميل سيرفير صن ورد وجميع الابديت بتاعه

وبطلب منهم عمل كل ده فـ موضوع وآحد ويكون متجدد بـ استمرار ببص لقيت موضوعى اتخذف

بدون رد وقتها حسيت آنـى بصغر نفسى والله وسط سورى لو قولت ناس سنهـا صغير


وياريت لو تــم آلغــا عضويتــى آو خذف مشاركتــى

آعرف آلسبب :eek:

أخصائيين في مسح المواضيع والرد على الاعضاء بالعافية
ودي بجد حاجة خنقاني من المنتدى جدا ومخلية تعاملي مع المنتدى في اضيق الحدود
والناس اللي تعرفني انا كنت دايما فاتح المنتدى طول ما انا قاعد على الجهاز
لكن دلوقتي بخش فقط اشوف اية اخر الاخبار بالنسبة للناس مش للعبة لاني بطلت اتعامل هنا خالص وكل تعاملي واخبار وتحميلات اللعبة من المنتديات الاجنبية
ياريت محدش يزعل مني
انا بقول الكلام دة لاني بحترم المنتدى دة وكان نفسي ومازلت انة يبقى من احسن المواقع العربية الداعمة لسلكرود
ارجو تقبل مروري

فى ناس يصلحوا وناس لا ولو كانت الاداره شايفه انهم مش قد كده كانت مختارتهمش مشرفين يا مان
بس هوه فى عتاب على بعض المشرفين اللى بيشيلو المواضيع معرفش مضيقاهم فى ايه

بسم الله الرحمن الرحيم
انا لما كنت عضو عادى مش مشرف كنت اكتر واحد بزعل لما مشرف يدخل ويمسح موضوع اكون رادد فيه
وكل مره كنت اقول ايه الكوسه دى وقعد اخبط فى المشرفين
واقول مش رادد على حد تانى

لحد ما بقيت مشرف
الاداره بتكون حطه قوانين لازم تتنفذ
وانا شايف ان انا وزميلى المشرفين بنفذها بشكل جيد لحد دلوقتى
وفى مدير ومراقبين بيفتشوا وارك
يعنى لو حد مراقب دخل القسم ولقى موضوع مخالف للقوانين احنا الى بنتظبط
والحمد لله انا عارف انا بعمل ايه وعمرى ما مسحت موضوع مكنش المفروض يتساب
وياريت اى حد يجبلى اسم موضوع انا مسحته ظلم وان شاء الله انا هقنعه بسبب المسح
واحنا مش اطفال وعارفين شغلنا كويس
وياريت قبل ما حد ينزل موضوع يقرى قوانين القسم ويلتزم بيها كويس
علشان ميزعلش ان تعبه راح على الفاضى

وبالنسبه لمواضيع المشاكل والطلبات
الى بقول تحطوها فى الموضوع المثبت
والاخ الى بيقول الموضوع المثبت مش مكتمل معرفش يعنى ايه
انا الحمد لله مفيش ولا طلب او مشكله متردش عليها من ساعه لما الموضوع نزل
ومتابعه الموضوع اول بى اول

ارجو انى مكنش طولت عليكم
وان شاء الله هيبقى فى موضوع للمواضيع المحذوفه وسبب الحذف
علشان الكل يبقى عارف الموضوع اتحذف ليه
وان شاء الله هيكون فيه نظام الموافقه يعنى المواضيع متنزلش غير لما نوافق عليها
واى حد عنده استفسار يتفضل يكتبه وانا هجوبه باذن الله.

يا مان ناس كتير قالو منهم ينفع ومنهم مينفعش وكول واحد عارف نافسو ولا ايه

على فكرة مش كلهم مش علشان فى خلاف بس دى الحقيقة انا معرفش غير اسلام المشرف مشوفتش حجا وحشة من الباقى بصراحة

كل واحد عارف نفسو

http://www.silkroad4arab.com/vb/show...=152467&page=4 تحميل السيرفير من رابط وآحد من المشرف Just4me


http://www.silkroad4arab.com/vb/showthread.php?t=161986 وده الابديت من المشرف x_islam_x

http://www.silkroad4arab.com/vb/showthread.php?t=175256 ودى الميديا من المشرف x_islam_x



كنت محتاج احمل السيرفير وجميع الابديت بتاعه حملت كل ده والجيم مشتغلش عرفت ان فى ابديت ناقص

عملت موضوع وبقول ياجماعه محتاجين نعمل موضوع مثبت

لـ تحميل السيرفير وجميع الابديت ويكون متجدد بـ استمرار

بلظبط الموضوع مقعدش 5 دقايق وتم حذفـه

آكيد مش حاجه حلوه خالص لما اقعد انزل السيرفر والابديت والميديا الجديده فـ وقت ميقلش عن 4أو 5 سعات
ومتشتغلش ولما اعمل موضوع اطلب فـى مساعده من مشرف المفروض انـه موجود لمساعدتنا يتم حذف موضوعى


اسف جدآ للاطالــه

يااستاذى الفاضل الروابط شغاله وانا حملت كل ده بس ناقص ابضيت علشان كده طلبت فـ موضوعى اللى تم خذفه بقول نعمل موضوع نجمع فى تحميل السيرفير +الابديت +اخر ميديا نازله


واكون مشكور لو تم تنفيذ كده

كلهم لا يصلحوا انهم اصلن يبئو مشرفين معدا Islam الا بس يحسن معاملته شوية

thanks

الى يئول حاجا غلط على مشرفنا أسلام يبقى العيب فيه هوا

المشرفين دول 100%

:d:d:d:d

÷ههههههههههههههههههه:d:d:dd

يا كابتن مهو المشرف ده انسان عادى وبيغلط عادى يعنى

الموضوع ده علشان نشوف اخطئنا واخطاء المشرفين ونقدر نحلهـا مش اكتر


وآسلام زاى الفـل :d

آكيد 100% لانــك منهــم :)

السلام عليكم ورحمة الله
اولا الاخ ابو زكري احب اهنيك على فكرة الموضوع
لآنة موضوع جامد وكان لازم يتعمل من زمان وكل واحد
يعرف لية اية وعلية اية
اولا كلمة للمشرفين .انا مش بقول ان المشرفيين مش
ينفعو اولا الناس بتتعب تمام فى متابعة أكتر من موضوع فى اليوم
بس فية ناس تانية بتتعب زيكم فى عمل موضوع
يمكن اللى بيعمل الموضوع دة مبتدئ وميعرفش حاجة
او عاملة مكرر بس لو بصيت فى موضوع هتلاقى حاجة جديد
مش معمولة فى موضوعك المثبت
او مشكلة مش مذكورة او حصلت وانتا متعرفش عنها حاجة
والناس بتشاركة وفرحان ان عمل حاجة والناس بصتلة
الموضوع المكرر اللى هوا عملة دة هانشطة
ويخلية يعمل موضوع حصري انتا متعرفش تعملة ((عذرا))
تعرف انتا لو مسحت موضوعة ورديت علية رد جميل كدة
والله هايقولك عاوزك تمسحلى مواضيعى كلها
انما تكلمة بكلام القوانين بالذات المصريين اخى
ميحبوش حد يتأمر عليهم انا مش بعاتبكو دى نصيحة
وقال رسول الله (( الكلمة الطيبة صدقة ))
وفى الأخر احب اقولكم ياريت تراجعو نفسكم فى التعامل مع الناس
لآن احنا كنا ادارة قبل كدة مش هاقولك فى منتديات
لآ انا كان عندى سيرفر فى برنامج الكام فروج لو تعرفة
بس كلمة بتخلى اللى قدامك عبد ليك
وكلمة تخلية تنمرد عليك
وردى على الموضوع رغم اللى عملوة فيا المشرفيين
يصلحوووووووووو بس بشرط ................................-

وعليكم السلام
احب ارد على بعض النقاط الى انت قلتها


انا عمرى ما مسحت موضوع مهم او هيفيد الناس
كل المواضيع ال بمسحها مخالفه
سواء كانت اسئله او موضوع مكرر او سبام او ما شابه
ولو حد جاب فكره جديده او اى حاجه انا اول واحد بردك وبشكره عليها

لسه حاصله واحد سالنى فى موضوع الاسئله عن اللعبه
قلتله كل حاجه وبردك مش شغاله قلتله خلاص اعمل موضوع يمكن غيرى يعرف يساعدك
:)

صعب اوى كل ما امسح موضوع قعد ابعت فى رسايل
وانا بحاول ابعت رسايل على قد ما اقدر فيها سبب حذف الموضوع
وكنت عامل تنبيه بالمواضيع الى هتتحذف
وفى قوانين قسم لازم كل واحد يلتزم بيها ويقراها قبل ما ينزل الموضوع

الحمد لله انا محترم من يومى
قبل الاشراف ولما بقيت مشرف ومفيش كلمه طلعت منى فيها اساءه لحد
وانا بعامل كل الى فى القسم زى اخواتى واكتر


وبالنسبه لموضوع حضرتك الى تم مسحه انا بعتلك انا مسحته ليه
وياريت تكون عرفت السبب واقتنعت بيه :rolleyes:

الحقيقى تتقال صح:d

السلام عليكم ثانيا
الرد على الاخ اسلام فى بعد النقط اللى حضرتة قالها
انا مكتبتش ردى بدافع الأنانية يعنى انا مش كاتبة ليا انا لوحدى
انا كاتبة عامة ومش بتهمك انتا شخصيا
والبنسبة للجملة دى
------------------------------------------
تعرف انتا لو مسحت موضوعة ورديت علية رد جميل كدة
والله هايقولك عاوزك تمسحلى مواضيعى كلها
------------------------------------------
انا قايلها بمعنى انك لوكلمتة حلو او انتا او غيرك من المشرفيين
هايقولك امسح مواضيعى من نفسة وميكونش زعلان انها اتمسحت
بس حضرتك اخدتها بمعنى تانى
وبرضة الجملة دى
_______________________________
انما تكلمة بكلام القوانين بالذات المصريين اخى
ميحبوش حد يتأمر عليهم انا مش بعاتبكو دى نصيحة
وقال رسول الله (( الكلمة الطيبة صدقة ))
_______________________________
حبيب قلبى انا مش بقولك انك مش محترم
وربنا محترم وفوق راسى من فوق
وبحبك زى اخويا بقولك
يعنى متاخدوتش الكلام افش كدة
يعنى كلمة بهزار تراضى اجدع واحد متنرفز
_______________________________
والبنسبة لموضوعى انا مش كاتب مواضيع تانية
وبأذن هاكتفى بكلمة _ شكرا _ تسلم ايدك _ ومشكووور
والكلام الى انتا عارفة دة
وارجو ان تكون فهمت قصدى يااسلام
لآنى والله بحبك زى اخويا وانتا عارف كدة :p
والسلام ختام فى حكاية المواضيع
ســـــــــــــــــــــــــلام

اولا بغض النظر عن المواضيع اللى بتتمسح
تعالى انت كده و بصلها انت على انك زائر لسه داخل ما يعرفش حاجه عن الموضوع اللى انت منزلو و ادخل و شوف (اعتبر انك مجرد زائر) و بص للموضوع هتعرف الموضوع اللى انت منزلو ده ليه قيمه ولا لا
يعنى من المواضيع اللى مالهاش لزمه
1- تلاقى واحد منزل موضوع عشان السيرفر عمل تشيك لمدة نص ساعه و المفروض ان انتو تكونو اتعودتو على التشيك ده
2- واحد تانى يجى يقولك الاكونت بتاعى اتسرق (ربنا معاه) و تيجى تلاقى الغلط منو هو هتلاقيه الباسورد بتاعو مع حد من اصحابو و حب يعمل فيه مقلب او حركه مش تمام
3- من كام يوم لما كان السيرفر الاختبارى مفتوح لقيت واحد كاتب موضوع ومسميه تيست سيرفر دخلت الموضوع لاقيتو كاتب فيه i love test server انت لو مشرف هتعمل ايه
4-واحد تانى تلاقيه داخل الموضوع بدل ما يرد يقول كلمه حلوه او يتكلم ب ادب شويه او ما يردش خالص نلاقيه داخل يشتم
5- الاسبام و تحويل المواضيع لشات و تبعدو عن جوهر الموضوع
فى اسباب كتير جدا لو بصيتو ليها هتلقوها مالهاش نهايه
و انا عن نفسى مش شايف اى مشاكل من المشرفين دلوقتى بعيدا عن انهم اصحابى

اولا انا بحترم كلامك من أ_ ى
بس ليا تعليق على كلام حضرتك
انا عملت موضوع امبارح عن اول ماتفتح اللعبة
وتجيلك رسالة واكلام دة انا صورت الرسالة ورفعتها هنا
وشرحتها للناس اللى مش فاهمة جوهر الرسالة بيقول اية
ومش يحسب فية حاجة عندة فى الجهاز من مشكلة او خلافة
يعنى لو كان اتساب مكنش واحد دخل عمل موضوع تانى
وقال ساعدونى ياشباب فية رسالى بتطلعى ومكتوب فيها كدة
والله الموضوع ماكمل 10 دقائق واتمسح
وبغض النظر عن موضوعى فى داهية مواضيعى علشان خاطر عيون المشرفين
شاكر لحضرتك ولتوضيحك وتقبل تعليقى

الموضوع اتمسح عشان الحكايه دى بتحصل كل شهر فى تحديثات السيرفر الشهريه
بس هى الشهر ده جت متاخر شويه منهم
انت بس لو جيت على نفسك و دخلت فى الصفحات الاخيره هتلاقى الموضوع ده
و فى حاجه تانيه ممكن تعرفك اذا كانت اللعبه سليمه عندك ولا لا
الاول شوف السيرفر مفتوح ولا لا من برنامج السيرفر ستيتس(زى ما كنت بتشوف فى rev6 لما كانت isro تشيك) و البرنامج ده نازل فى القسم هنا برضو
لاقيت السيرفر شغال تمام لقيتو مقفول يبقى تستنى لحد ما يفتح وو لو ما اشتغلتش عندك ابقى تعالى و اسال فى قسم الاستفسارات و ان شاء الله هتلاقى الرد المفيد من اى حد فينا كاعضاء او المشرفين

اولا احب اشكر كل الي رد علي المواضيع
انا شايف فيه ناس كتير ردت ومفيش غير الاخ اسلام هو اللي بيدافع عن نفسه وعن زميله هو مفيش غيرك يا اسلام فين
ثانيا ياجماعه انا كان قصدي من الموضوع ان الناس تشارك برساله نعم أو لا للمشرفين علشان الاداره تعرف رأي رواد القسم في الاشراف ولو ليها رأي توضحه
فيه ناس كتير جدا مستأه وفيه ناس ليها تحفظات انا بحب الموقع ده وبحب القسم ده بس حرام يجي حد يزهقني ويخلني اسيب المنتدي كله أو امر مرور الكرام اخد مصلحتي وشكرا انا عاوز يبقي ليا كلمه الناس تعرفني بيها بس كده علي ما اعتقد صعب
لأخي اسلام انت بتقول انت زميلك عملين شغل كويس في باقي السيرفرات الي هي في قسم السيرفر الخاص لو انا عارف ان الموضوع ده كان هينزل انا كنت كتبته في قسم السرفرالخاص اللي طبعا بيستني موافقه حضرتكم وطبعا مكنش هينزل جرب انت وخليها لكل السيرفرات وانت تعرف الشغل اللي معمول واعرف باقي رأي الناس

طيب انتة يا اسلام شلت موضوعى لية مش قادر حتة تصبر يوم وبعدين تشيلو طيب انا عامل الموضوع وبنبارك ل تيجر مفيش خمس دقايق وتشيلو والله انا كنت بحترمك بس انا دمى اتحرق منك دلوقتى عشان حتة دة راجل صحبنا فى اللعبة مش عارف بس انتة كدة مش تمام ويا ريت ترود

ماشى يا اسلام خلاص حصل خير وانا معرفش ان فية موضويع اتعمل بخصوص تيجر قبل كدة والله لانى مش بخوش المنتدى كتيرر وحصل خير

معلش اعزرنى...كلامى ممكن يدقيك منى..بس متزعلش

اولا انت مش فاهم يعنى ايه مشرف..

مشرف يعنى شخص ادارى وغير مشارك....بمعنى ادق الاشراف مهمة الاولة والاخيرة..تنظيم المنتدى..ليه؟

لانه شخص ذو ضراية بالمنتدى من بدأه او مشترك قديم...

والمشرف لا يجب ايضاح كل خطوة يخطوها لانه هو المراقب مش انت

المشرف موظف قانونى بمعنى تنفيذ القانون فى المنتدى مهمته وليس النقاش فيه , النقاش وظيفة الادارة الام

المشرف من حقه حذف او تعديل الموضوع حسب القانون ان لازم الامر..لان توجد اسباب كتير اوى غير ان الموضوع مكرر

ممكن الموضوع يكون فيه اسائة ادب من المعلقين عليه ...او الموضوع غير واضح..او موضوع غير مناسب فى القسم

معلش انا اسف ان اطلت عليكم

و وفقكم الله والسلام عليكم ورحمة الله وبركاته

على فكرة بصراحة المفروض من اسلام انه يكون عندوة شوية رافة للناس الى بتعمل مواضيع سواء بتسال او بتفيدنا وفى كل الحلات الناس دى بتتعب وبتضيع وقتها علشانا