|
·´´¯`· ادينى فى الهايف وانا احبك يا فننس ·´´¯`·
http://www.yabdoo.com/users/55389/ga...51_p126212.gif موضوع النهاردة :- http://www.s3udy.net/pic/decoration002_files/26.gif بالنسبة للهيافه اللى احنا فيها ..... !!!! أما شفت امبارح حته فيلم جامد مووت ملوش قصة بس ضحكنى اوى سمعت أغنية نوسه ؟اسكت امبارح حرقت دم الواد احمد فى البلاى ستيشن أنا روحت أعمل نفس اللوك بتاع هيفا الجديد كلفنى كتير اووووى بتقرا ايه يا عم هتعملنا فيها مثقف اعملى account على جروب " محبى التشيز كيك " الجروب ده روش طحن يلا نفتح البلوتوث نتسلى شويه جبتلك سى دى عليه شوية العاب من الأخر هتلعبها وهتدعيلى أما التليفزيون بقى ممل بشكل كل ما أمسك الريموت الاقى برامج حوارية ونشرات أخبار مفيش فيلم جديد ولا اغنيه جديده .... ؟ باليه أيه... ما تيجى نروح ديسكو او اى سايبر نعمل شات ..... اللى فات ده حوارات بتدور بين اغلبنا ومن هنا هنتكلم عن التفاهه لكن مش بتفاهه ! http://www.s3udy.net/pic/decoration005_files/86.gif إدينى فى الهايف وأنا أحبك يا فننس ... !!! فاكرين الجمله دى ؟ ... لما قالها محمود عبد العزيز فى فيلم الكيف ، واللى المفروض كان حشاش ومهنته مطرب هابط . بس اظاهر انها بقت مبدأ عند كتير من فنانينا الأجلاء أصحاب روائع " العنب والبلح والباذنجان " أطلال ايه ورق الحبيب أيه ؟! ييجوا ايه جمب قوم اقف وانت بتكلمنى وبوس الواوا ؟ وييجى واحد زى يوسف شاهين يعمل أفلام مالهاش معنى زى " المهاجر والمصير " هى الناس ناقصه ؟ !! يروح يتعلم من الاستاذ محمد سعد وروائعه بوشكاش و كركر . للاسف أصبحت التفاهه هى اقرب طرق النجاح والوصول للناس وأصبح للغناء مبدأ واحد " اللى يقع أكتر ينجح أكتر " والإسفاف فى الافلام علامة مسجله . http://www.s3udy.net/pic/decoration005_files/86.gif الجمهور عايز كده !! والحجة الاساسية فى كل ده ( الجمهور عايز كده:surrender: ) .. هل فعلا الجمهور عايز كده ؟ الجمهور اللى قابلته واللى دايما بيعلقوا عليه اسفافهم قال إنه بيدخل الافلام دى مضطر لأنه مفيش غيرها ، لأ الجمهور مش عايز كده الجمهور عايز حاجه يأمن على أولاده وهم بيشاهدونها .. وتذكرت كلمة أم : إن نوعية الافلام زى اللى بيقدمهااحمد حلمى بتريحها مش طول الوقت تفضل قلقانه على طفلتها من أى مشهد أو لفظ جارح . http://www.s3udy.net/pic/decoration005_files/86.gif قال ايه سياق درامى ؟ ! وبالنسبه للمشاهد والالفاظ الخارجة زهقنا من جملة الاطار الدرامى عايز كده ، الاطار الدرامى اللى بيتكلموا عنه مش موجود أصلا فى أفلامهم عشان يثقلوه بمشهد جنسى يخد الحبكة الدراميه . ولا نعرف ما هى الدراما فى جملة زى دى للفيلسوفه الكبيره مروه ( الصراحه راحه يا حاحا وأنت مبتعرفش ) فى فيلم زى حاحا وتفاحه !! أما قنوات الاغانى فحدث ولا حرج فعلا أصحاب القنوات دى محتاجين يحطوا النقط على الحروف ويحطوا ملابس أكتر على أجساد مطرباتهم وموديلز الاغانى . http://www.s3udy.net/pic/decoration005_files/86.gif أم مريم ... !! ناهيك عن قنوات مسابقات الربح السريع وأسئلتها من نوعية : "" أم مريم عندها 3 بنات خوخه وتفاحه فما اسم البنت التالتة "" وتفضل الرقاصة .. قصدى المذيعه تسهل السؤال المستحيل ده .. نفسى أعرف بس مين العبقرى صاحب الفكره دى ؟ فعلا عبقرى وأستاذ والدليل إنه فيه ناس بتتصل سعياً وراء حلم مليون دولار ونلاقى واحد بيتصل يجيب وهو كلة ثقة ويقولك ( مانجهGrrrrGrrrr) ببقى هاين علية اشتم!!! مفيش أكتر من كده تفاهه ولا تسطيح منتهى الاستهانه بعقول وأعصاب المشاهدين اللى اتحرقت من كتر التخلف . http://www.s3udy.net/pic/decoration005_files/86.gif جاى ستميشن ؟! والاسفاف ةالتفاهه مش حاجة حديثة زمان برضه أيام أم كلثوم وعبد الوهاب كان فيه ( ارخى الستاره اللى ف ريحنا أحسن جيرانك تجرحنا ) و ( هات القزازه واقعد لاعبنى ) عبد الوهاب نفسه غنى ( فيك عشرة كوتشينه فى البلكونه ) .. لكنها تظل مجرد محاولات فاشله للانحدار بالذوق العام دلوقتى أى محاولة للاسفاف فهى محاوله ناجحه جداااااا والأعمال القيمة قليلة جداا لدرجة الندره ... ليه ؟ ويأتينا سؤال لماذا لا ينجح كل ما هو هادف ويحاول الارتقاء بفكر الناس ؟ .. هل افتقاده اللغه التى يصل بها اليهم وإحساسهم بغرابة ما يقدم عن ثقافتهم واهتماماتهم ، فليس من الضرورى أن تعرض حفلات الباليه يومياً على شعب لم يكن له يوماً اهتماماً بالباليه. فعليك أن تخاطب الثقافة السائده فنرى أم كلثوم لم تغن يوماً لحناً او كلامنا غريبا عن ثققافة المصريين .. إذن هناك حل يكمن فى احترام قيم المشاهد ةمخاطبته بلغته التى يعرفها وتقديم مضامين تأخذ من تراثه وتخلطها بالثقافة المعاصرة بعيداً عن ثقافة الاستسهال ومبدأ إدينى فى الهايف وأنا أحبك يا فننس http://www.s3udy.net/pic/decoration002_files/31.gif تحيات 007 |
والله معاك حق ....اصبحنا في مجتمع هايف.....
|
مشكور على الموضوع الجميل
بس فى حجات مش فهمها فى اول الموضوع |
هيفا السبب ههههههه
|
عندك حق بس برضو مينفعشي بقى كله جد بس بردو احنا مزودين الهيافة ^^
ملحوظة اسمها يا ننس يا عمر مش فننس ^^ اعمل غسيل لودنك ياعم |
لا تعليق
مجتمع التفاهات :( |
اعمل انت يا امجد غسيل لانه كان بيدلع الفن وبيقول فننس
|
والله عندك حق مجتمع هايف كله فى الأغانى عاوز يقلد الغرب بطريقته
|
يا جماعة معلش متغلطوش فل المجتمع يعنى انتوا اجانب ولا ايه انتوا مش مصريين يعنى و مل مجتمع ده نص الشعب يقولك دول المصريين دول ** على اساس المصريين كلهم و حشين و هوا مش مصرى او هوا الفيهم عدل يعنى و الناس هتفكر فى ايه فبتدور على اى حاجة تنعنشها تشرب سفن اب يعنى كدة و تخليها مستكنيسة و مفيش غير الافلام الساقطة هى البتتعرض كتير فالناس مش اودماهم غيرها فبتنتشر اه و البنت التالتة اسمها بنت ام مريم لول:d
|
تعليث ضغير على الجملة اللى انت كتبتها فى الموضوع
وأصبح للغناء مبدأ واحد " اللى يقع أكتر ينجح أكتر دية اللى يقلع اكتر هو اللى ينجح اكتر مش فى الافلام بس ده فى الاغانى خلاص هنعمل اية :( هيا ديه علامات يوم القيامة مش هنقدر نوقفها و ادينا قاعدين نايمين ولا كأن فيه حاجة اسمها ربنا رينا يتوب علينا و يرحمنا |
برنس والله معلم يا بني جبت الحاجات ديه منين
|
اتش كتش فى الالولو كمننا
|
هيااااااااااااااااااااااااااااااااااافه كتيييييييييييييير اوى منتشره
|
بالرغم من ان الموضوع هادف
بس يا راجل دا انتا مشرف Billamose عمل نفس الموضوع دا من فترة |
هههههههههههههههههههههههههه
|
Thxxxxxxxxxxxxxxxx
|
السلام عليكم ورحمة الله
كلام حقيقى وموجود بالفعل بس عندى سؤال معظم الردود اللى فى الموضوع كلها قالت نفس جملتى او فى سياق جملتى مثلا:(الكلام دة موجود.... أو أصبحنا فى مجتمع هايف) السؤال هنا أنتا شفت الموضوع وأبسط من الكلام ورديت كمان بس حضرتك لما تكتب الرد المقنع اللى فى وجهت نظرك للأعضاء مثلا(أصبحنا فى مجتمع هايف) انا معاك فى كل دة بس حضرتك بدأت انك تتغير ولا معاهم معاهم عليهم عليهم الاول لازم احنا اللى نتغير مش ننتقد بس احنا على طول بننتقد الافعال او الاساليب السلبية فى المجتمع وأحنا بنعملها طب ولية نتكلم بالسلب وانتا أصلن بتعمل الاساليب دى فابلاش نتكلم يا جماعة وننتقد واحنا أصحاب الاساليب دى كأحترام لذاتك ونفسك شكرا |
انا لسه صاحى وطلباها معايا تهيييس :)
اشكرك على الموضوع اللى انا مش فاهم منه حاجة :) وبالزات السطر التاالت اللى فى الموضوع اللى انا مش فاهم منه حاجه :) كلنا بقينا محششيين يابا :) |
اتش كتش فى الالولو
|
قبل اى كلام ممكن سؤال
هوه اى حد يقولنا يمين نروح يمين و اى حد يقول شمال نروح شمال ؟؟ طيب ايه رايكم نبص للموضوع ده بطريقه علميه؟؟ ضغوط الحياه بقت كتيره الناس زهقت من كتر القرف و المشاكل الناس بقت بتعد الاوقات اللى ضحكت فيها على صوابعها علشان كده بيدورا على الافلام دى علشان يضحكوا شويه و ينسوا الهموم و الفنان محمد سعد اللى انتا بتتكلم عنه انا اتحداك لو انك متفرجتش على افلامه واحد واحد و بدل المره عشره تقبل مرورى |
اقتباس:
انا معاكي في كل الي انت قولتي ومحمد سعد من احسن ممثلين الكومديا هو واحمد حلمي ومحمد هنيدي بصراحه الواحد يتفرج علي افلامهم وهو مطمن لاكن مش الافلام اللي نازله في جديده كلها مسخــــــــره وقلت ادب والله الافلام الاجنبي محترمه عن دي شويه يا عني ان اتفرح علي mbc2 ومتفرجش علي اعلانات الافلام القذره دي بصراحه بقيت الافلام تجاره فقط لا غير لاكن منقولش المجتمع تافه دي بصراحه مش موافق حد فيها خالص لان مجتمعنا مش تافه اللي تافه في مجتمعنا قنوات الاغاني اللي كلها رقص والبنات والولاد برضو تلاقي البنت متحجبه ومش عارف ايه ولابسه لبس معليش في الكلمه مش محترم والولد لابسلك حظاظا وسلسله و15 خاتم في ايده وبنطلون ساقط بصراحه بقت حاجه مهزله والمفرود تكون في رقابه من الاباء والامهات ياعني ملئيش واحده محجبه ولبسا لبس مش محترم (الكاسيات العاريات) :( كل ده وبرضو بنحاول نقلد الغرب طب ليه :confused: دا حنا الافلام بتاعتنا بقت افزع وفيها لقطات ياعني الواحد مش عارف يقول ايه علي رائيك خالد يوسف ده كل افلامو مسخره وقلت ادب هاتلي فيلم عمله ومكنش بالمواصفات ديه :mad:بس برضو مجتمعنا مش تافه والله وتقبل مـــــــــــــــروري :D |
انتا فنااااااااااان مواضيعك ملهاش حل
|
هـــذا هو حــــال الـشـارع الـمـصـرى مــن زمــان اووى
هتقولى ليه كده هقولك علشان الناس زهقانه من الفساد المتنشر و بتحاول تفرج عن نفسها او عندهم بديل يستنوا الموت |
هههههههههههه
|
شكرا على الموضوع يا Omar
|
بموت فى الهيافة هيهيهيهيهيهي
|
و الله يا عمر فاهمنى ^___^
|
للاسف انا معنديش وقت ارد على كل ده علشان انا خارج حالا
بسهرد على واحد بس اقتباس:
|
احنا في مجتمع اديني في الذيذ يا عبد العزيز
|
مشكورررررررررررر
|
طبعا الجزء الكبير من مجتمعنا هايف
بس المفروض ندور على الجزء المفيد وليس التركيز على الهيافه |
الناس تعمل اة يا عمر لما يتحرق دمة و الشغل و الموصلا و من البيت
الشباب يتحرق دمها في الجامعات من المناظر بتشوفها و من الموصلات الناس عاوزة تفرح وتتضحك علي اي حاجة اي حاجة اي حاجة حتي لو في واحد بيعيط الناس مش نقصة نجد الناس لو عاوزة نجد ينزل الشغل او يركب الموصلات او يتكلم مع اي حد في الشارع كام حتي الحاجات دة عاوزين ينجدة عليها انا معاك انا الموضوع زاد عن حدة بس دة مش ذنب الناس لا دة ذنب الناس بتلعب علي الوتر الحاساس دة وتر التعب و الخنقة و الزق علشان يكسبوا قلوس بس بجد الموضوع يضايق اوي الافلام الاخير النزلة و المناظر الزبالة لي فيها اة دة اة دة انا اسف لو انفعلت تقبل مروري موضيعك كلها ممتازة |
معك حق يا عمر والله :p
|
عندك حق يا عمرو أحنا عايشين فى مجتمع أهيف من الهيافة بس نعمل مضطريين غصب عننا
و دلوقتى الأفلام كلها طلعة نار:أحاسيس,كلمنى شكرا....ألخ فين الرقابة بتاعت الأفلام دلوقتى الأفلام كلها مليانة كلام *** مش حرام كدة ... دة أنا أخوية الصغير(9سنوات) بقى بيفهم فى الشكس.. من كتر الأفلام المفيش غيرها... دة كفاية الأسفذاذ بتاع البرامج بتاعت الفوازير الب..ب..بطيئة ذى: "مدينة حمراء أسوارها خضراء سكانها سود و مفتاحها الحديد" المفروض نجاوب و نقول مانجة؟ و المهم مهما مرت السنين و عديت على القناة دى تانى ألقيها نفس الفزورة و شكرا يا عمرو على الموضوع الجميل دة |
كلامك صح و الله و تسلم ايدك يا معلم
|
هياااااااااااافة
هوهوهو نياهاهاها |
والله عندك حق هما بيعملو افلام و حاجات زى كدة و خلاص علشان الفلوس انا لحد دلوقتى نفسى الاقى فيلم محترم و لية معنى علشان نعرف نشاهدة كلة بقى بيدور على الفلوس و خلاص و الحجة المشاهدين عايزين كدة طب هو انتو سئلتونا علشان تقولو كدة ؟ على العموم ربنا يهدى
|
و ادينى حبه حبه و ازنقنى فى أى علبه
بصراحة موضوع رائع |
| الساعة الآن 01:21 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.