|
◄███▓▒░ يوميات: حنفى يا حنفى (ارجوا التثبيت ) ░▒▓███►
http://www.al-qatarya.org/qtr/qatarya_L0iFJU059z.gif
حنفى:مواطن طهقان فى عشتو و مخنوق من الناس و ظريف و رخم :D هوة المضوع حيبقى زى الحلقات(متجدد) بس على حسب رغبت الأعضاء;) الحلقة الاولى حنفى نازل الشغل الزوجة : انت نازل الشغل ياحنفى ؟ حنفى : لا نازل ألعب كوره ياولية بطلى الاسئلة المتخلفة دى الزوجة : طب بس براحة عليا شوية ده احنا لسة على الصبح يعنى حنفى : هو انتى اللى شافك يبقى شاف صبح مش عارف أنا كل يوم الواحد يصطبح بالخلقة دى الزوجة :استغفر الله العظيم يارب ايه ياراجل انت هو انت راكبك عفريت ولا ايه؟ حنفى : وهو برضه فى عفريت يطيق يقعد فى شقة انتى قاعدة فيها؟ الزوجة : طيب ياسيدى أنا مش هرد عليك هات مصروف الشهر عشان أنا نازلة السوق كمان شوية حنفى : ليه ؟ هو النهاردة كام فى الشهر؟ الزوجة :النهاردة أول يوم فى الشهر ياحنفى و مافيش ولا مليم فى البيت حنفى : ياولية هو انتى منبه بيضرب أول كل شهر ؟ مافيش مرة كده تحصل معجزة وتنسى موضوع المصروف ده؟ الزوجة : قصر ياحنفى وهات الفلوس عشان اشوف اللى ورايا حنفى : والله ياختى مهمة أوى سيادتك والحاجات اللى وراكى مقطعة بعضها ومش لاقية وقت ياعينى الزوجة : اللهم طولك ياروح ياراجل انت هو انت مافيش يوم تعديه كده من غير خناقة حنفى : وهو انت حد يشوف وشك ومايتخانقش طب ايه رأيك بقى مافيش فلوس النهاردة ويبقى اتصرفى انتى بقى ان شا الله تعملى الاكل زيت وملح الزوجة :حنفى حنفى : ياست بقى بلا حنفى بلا زفت أنا خافى فى داهية الهى يارب أرجع الاقى الانبوبة فرقعت فى وشك. http://img452.imageshack.us/img452/6...20701009sd.gif |
الحلقة الثانية : فى الشارع
حنفى ماشى فى الشارع بسرعة فخبط ست معدية بكتفه الست : حاسب ياحمار :eek: حنفى : ايه قلة الادب دى ؟ ايه حاسب دى ؟ :mad: الست : مش تفتح وانت ماشى بدل ما تخبط فى خلق الله كده :mad: حنفى : ياست أنا حر أفتح أقفل عينى وانا حر فيها وبعدين هو حد قالك تمشى فى الشارع مالتاكسيات مالية البلد أهى و لا هى طولة لسان على الفاضى وبعدين ايه اللى حصل يعنى ؟ كسرتلك ايد خلعلتلك رجل فقعتلك عين و لا هو دلع ومياصة وخلاص ؟ :mad: الست :على فكرة انت قليل الادب ومش محترم :( حنفى : ياسلام ياختى محسسانى انك انتى اكتشفتى حاجة جديدة يعنى :p الست : يعنى انت ترضى تعمل كده مع أختك :confused: حنفى : لا طبعا مارضاش ده لو أختى أنا كان زمانى رميتها تحت الاتوبيس اللى جاى هناك ده :eek: الست: لا , واضح انك مش عايز تجيبها لبر :mad: حنفى : أجيبها لبر ليه ؟ هو انتى شايفانى فى البحر وعمال أغرق ولا حاجة :p الست : أنا مش هارد عليك لان مستواى وأخلاقى مايسمحوليش انى ارد على واحد زبالة كده زيك حنفى : قولتلك بلاش قلة أدب ؟ ايه زيك دى ؟ الست : روح ياعم الله يهديك :mad: حنفى : ماشى ياختى الله يسهلك الهى يارب وانتى ماشية فى الشارع تعدى من تحت بيتنا تقوم الانبوبة اللى هى هتفرقع فى مراتى تفرقع فيكى انتى كمان ستات آخر زمن :p |
الحلقة الثالثة
(فى الموصلات) حنفى : رايح مدينة نصر يا اسطى ؟ :confused: الكمسرى : ايوه يا أستاذ تعالى . :rolleyes: حنفى : لا ده أنا رايح الهرم , روح انت :p الكمسرى : امال بتقول ليه مدينة نصر ياعم انت , ولاهى عطلة وخلاص :mad: حنفى : ياجدع باطمن ان فيه مواصلات لمدينة نصر , يمكن أفكر أروحها فى يوم ولا حاجة , وبعدين أنا حر أسال السؤال اللى أنا عايزه و لا هى الاسئلة بقت بفلوس اليومين دول ولا ايه ؟ :p (سواق الميكروباص مشى بالعربية بسرعة قبل ماخناقة تحصل بين الكمسرى و حنفى , حنفى لقى ميكروباص تانى جاى فشاورله والميكروباص وقف ) :rolleyes: حنفى : رايح الهرم يااسطى ؟ :confused: الكمسرى : ايوه يااستاذ تعالى. :) حنفى : طيب معاك مكانين فاضيين ؟ :confused: الكمسرى : لا والله معلش يابيه , مافيش غير مكان واحد :rolleyes: حنفى : طيب كويس أنا عايز مكان واحد بس , اصل انت لو كان معاك مكانين ماكنتش هاركب . :eek: الكمسرى (عمل انه ماسمعش حاجة ): انت نازل فين ياأستاذ؟ :confused: حنفى : نازل الهرم ان شاء الله. :o الكمسرى (مبتسما ): خوفو ولا خفرع ولا منقرع. :D (بعد كده أدرك الكمسرى انه ارتكب غلطة فادحة لما فكر انه يهرج مع حنفى ) :eek: حنفى : لا رايح عند أبو الهول ياخفيف , سمعت انه تعبان فقلت لما أروح اطمن عليه يمكن محتاج حاجة منى كده ولا كده و أو يكمن ابنه الهول محتاج حد يوديه المدرسة أهو زى مابيقولك اعمل الخير وارميه فى وش السواقين ياخفيف. :eek: الكمسرى (مكشر) : الاجرة يا بيه. :mad: حنفى : عمال أقولك رايح أزور ابو الهول وباكلمك عن عمل الخير و وانت تقولى الاجرة الدنيا بقت وحشه أوى ياجدعان. :D الكمسرى : يابيه الاجرة لو سمحت عشان أشوف اللى ورايا. :( حنفى : هو فيه ايه يا رجالة هى مصر كلها بقت مهمة ولا ايه , كل ما أكلم واحد يقولى خلص عشان أشوف اللى ورايا , حاجة تفقع المرارة , ماتكونش انت والولية مراتى فاتحين شركة مع بعض ولا حاجة. ;) الكمسرى : يابيه الاجرة عشان اليوم يعدى , مش عايزين نضايق على حد. :mad: حنفى : ياماما , تصدق اترعبت يا أخى , طب ايه رأيك بقى ان أنا مش دافع الاجرة الا لما أنزل , وكله بالقانون. :p (حنفى طلع رجل بتاع قانون اهو) ;) الكمسرى : يعنى انت فارقة معاك أوى انك تدفع لما تنزل عن انك تدفع دلوقتى. :mad: حنفى : يا جدع أنا حر أدفع دلوقتى , أدفع كمان ثانيتين , أدفع لما أنزل , أدفع المرة جاية , فلوسى و أنا حر فيها . ;) الكمسرى : وقف يا أسطى لما نشوف أخرتها مع الجدع ده ايه . :D حنفى : آه وماله , وقف يااسطى لما نشوف أخرتها معاكو ايه. :D ( الكمسرى يدخل ايده فى بقه ويطلع موس ويحطه على رقبة حنفى ) :eek: الكمسرى : هتدفع ولا تتشاهد على روحك. :cool: حنفى : هو حضرتك صدقت ولا ايه , ده أنا كنت بهزر معاك يا أخى يااه , ماكنتش أعرف انك عصبى أوى كده , هى الاجرة كام ؟ :( الكمسرى : جنيه ونص. ;) حنفى : خد اتنين جنيه اهمة , ياراجل اخزى الشيطان وشيل البتاع ده من على رقبتى أبوس ايدك , ده أنا كنت بهزر والله و وآدى ياعم راسك أبوسها. :( ( الميكروباص كمل طريقه وحنفى قاعد جواه زى الكرسى اللى هو قاعد عليه وحاطط عينيه فى الارض لحد ماوصل لمحطته , حنفى نزل زى الصاروخ وطلع يجرى ناحية أقرب .......حمام ) :D انتظروا الحلقة القادمة |
الحلقة الرابعة: (حنفى والفطار)
(حنفى بعد ماخرج من الحمام وحس انه هدى شوية بعد لحظات الرعب اللى عاشها قرر انه يروح يشترى فطار عشان يروح الشغل و بما ان حنفى مصرى فهو أصلا ماعندوش اختيارات فى فطاره , هو فول وبس , حنفى راح على الراجل بتاع عربية الفول اللى بيجيب منه كل يوم ) بتاع الفول (بيكلم نفسه ) : ياساتر هو الراجل الرخم ده هييجى كل يوم ولا ايه , ياساتر على الرخامة. :( حنفى : ايه ياجدع انت شكلك مش طايق نفسك ليه كده؟ ووشك اتغير ساعة ماشفتنى كده ليه؟ ماتكنش شفت عفريت ولا حاجة. :rolleyes: بتاع الفول : ياريت ياسى حنفى كان عفريت , أصل انا من غير ماخبى عليك ساعة مابشوفك بحس بانتعاشة كده فى قلبى. :D حنفى : ليه ان شاء الله , عبيط انت ولا ايه ؟ايه اللى بيخليك تنتعش ياخويا؟ :mad: بتاع الفول : أبدا ياسى حنفى أصلهم دايما كان بيقولولى ان أنا مافيش حد فى رخامتى لحد ماعرفتك و اكتشفت ان أنا مجرد تلميذ فى مدرستك. :p حنفى : طيب ياابو لسان طويل , بطل رغى بقى و اعملى شقتين فول و شقتين طعمية. :mad: بتاع الفول : اشمعنى غيرت طلبك النهاردة يا سى حنفى , مانت طول عمرك بتاكل 3 سندوتشات بس. :confused: حنفى : الهى ياشيخ تنطس فى نظرك , الهى وانت ماشى تخبط فى شجرة , الهى عصفورة تعمل على دماغك و ماتلاقيش منديل تمسح بيه . هو أنا كنت باكل من جيب أبوك يابنى ولا انا كنت باجى أطفح عندك ببلاش . انت مالك انت , حاجة غريبة والله , هو انت شغال بياع فول ولا مخبر فى أمن الدولة. :eek: بتاع الفول : خلاص ياعم حقك عليا , ياساتر ماكانتش كلمة يعنى , باسألك سؤال عادى , أعوذ بالله , طيب ياسيدى هاعملك طلبك وتاكله بالسم الهارى ان شاء الله ( بصوت واطى) :mad: حنفى : بترطم بتقول ايه ياابو لسان طويل. :confused: بتاع الفول : ولا حاجة , بقول ربنا يكرمك زى ماكرم غيرك قبل كده. :( حنفى : طب خلص عشان أنا اتخنقت منك. :mad: بتاع الفول : امال انا أعمل ايه , ممكن أسالك سؤال ياسى حنفى ؟ :rolleyes: حنفى : اتنيل اسأل. :D بتاع الفول : هو انت ناوى كل يوم تيجى عندى ان شاء الله يعنى. :confused: حنفى : مضطر يااخويا , أصلك أقرب واحد للشغل , وهو لو كان فى حد غيرك كنت فكرت أقرب منك أصلا و وهو انت الاكل اللى بتعمله ده يبقى أكل بنى آدمين ده أكل بهايم يابنى بس هنعمل ايه بقى , أدينا صابرين. :D بتاع الفول : لا , على فكرة يا سى حنفى فى مطعم فتح جديد على أول الشارع , يعنى قريب أوى أوى من هنا والاكل اللى بيبيعه أكل بنى آدمين فياريت تجربه , ويارب تبقى زبون دايم عنده , وربنا يرحمه بقى. :D حنفى : ماشى يازبالة , هات الاكل اللى هاطفحه عشان أمشى. :eek: بتاع الفول : اتفضل أهو يا حنفى بيه شرفتنا ونورتنا و هتوحشنا والله انت ورخامتك. :D حنفى : نور لما يكهربك , ووحش لما ياكلك , يابعيد :eek: بتاع الفول : ده من ذوقك ياحنفى بيه , ومش بعيد عليك الكلام اللى انت بتقوله ده , و أهو الحاجة اللى مخليانى ماردش عليك , انك ماعدتش هاتيجى التانى. :p حنفى : ترد عليا , الهى ترد المية فى زورك ياشيخ , يلا فى ستين داهية أنا خافى يابتاع أكل البهايم . :D ( ومشى حنفى بعد ماحرق دم الراجل اللى ساب شغلانته وباع عربية الفول بتاعته واشتغل لميع جزم , واهو كله من تحت راس حنفى ) :eek::eek: |
موضوع جامد
هوه كان مكرتر قبل كده بس بدام عتنزل بقيت الحلقات يبجي جشطه اوي |
اقتباس:
|
مع الشكر
|
فين الردود يا جماعة والله حجيب حلقات كتير و جامدة وكمان لو الموضوع عجبكم حجبلكم موضوع مفاجئة :d
|
لا جامد بس يا ريت تطول الحلقه علشان الناس تفهم الموضوع
تقبل مروري |
شكرا يا جميل
|
اقتباس:
اقتباس:
اقتباس:
تم اضافة الحلقة الثانية |
شكرااااااااا
|
شكراا
|
مشكوررر
|
شكرا وي عايزينكل الحلقات تنزل لو سمححححت
دي جامده |
شكرااااااا
|
مشكور
|
ههههههههههههههههه
والله زى العسل ضحكتنى |
اقتباس:
اقتباس:
اقتباس:
اقتباس:
|
اقتباس:
اقتباس:
اقتباس:
|
سيتم اضافة الحلقة الرابعة بكره
|
مشكوووووووووووووووور
و الله جاااااااامد |
اقتباس:
بس انا عاوز ردووود ردوووووووووووود هههههههه |
مشكور
|
اقتباس:
تم اضافة الحلقة الرابعة |
مشكور
|
ههههههههههههه
حلو حنفى ده اهو ادينا بنتعلم الغلاسه شكرا على الموضوع |
اقتباس:
اقتباس:
|
فييييييين الردوووووووووووووود
|
شكراا ليك يا بوب و مستني الباقي
|
ههههههههههههههههههههههههههه جامد اوى والله ^^
|
thx^^
|
هات الحلقة الخامسة انا عاوز اتعلم الرخامة ياض
|
هههههههههههههههههههههههههههههههههههههههههههههههههه ههه
|
شكرا يا جميل أنا شوفت أول أربع حلقات
|
شكراااااااااااا
|
شكرا على الردود بس الموضوع دا منقول
شكرا على مجهودك |
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
ماشى يا ابو الهواويك هههههههههه |
الحلقة الخامسة : فى الشغل
(طبعا زى مانتو مش عارفين , حنفى شغال مدرس فى مدرسة اعدادية , وبما إن اليومين دول فى امتحانات فحنفى كان عنده مراقبة على لجنة . حنفى دخل اللجنة وبدأ يعمل شوية حركات من بتوعه) حنفى : اسمع يافاشل انت وهو , حسك عينك أى واحد فيكم يفكر , مجرد انه يفكر بس فى إنه يغش حرف من اللى جنبه , والحمام ممنوع , لو العملية قفلت معاك أوى , اعملها على نفسك واحنا هنبقى نتصرفلك فى هدوم , وممنوع حد ياخد أدوات من غيره , انتو جايين امتحان مش محل بلاى ستيشن , سامع يافاشل منك له . (العيال قعدت تبص لحنفى وهو بيكلم , وكأنها بتبص لمخلوق فضائى جاى من المريخ ومستغربين انه داخل عليهم سخن أوى , المهم ورق الاجابة جه , وحنفى بدأ يوزع الورق ) حنفى : كل جحش فيكم يكتب اسمه ورقم جلوسه على الورقة من برة ويحط أى حاجة تحت الورقة عشان الكلام مايطبعش وتكتب اسم المادة فى الخانة اللى فوق دى . أحد التلاميذ : أستاذ , أستاذ حنفى : هو احنا هنبتدى أسئلة من دلوقتى , عايز ايه يا منيل التلميذ : هو احنا هنمتحن مادة ايه النهاردة؟ حنفى : نعم ياخويا, هتمتحن مادة ايه النهاردة , ده انت هتتعلق حالا التلميذ : لا والنبى ياأستاذ , كله الا التعليق ده أنا كنت بهزر معاك والله حنفى : بتهزر , طيب ,, أنا هاعرفك ازاى تهزر تانى معايا أحد التلاميذ : أستاذ , أستاذ حنفى : اللهم طولك ياروح , فيه ايه يابنى ,عايز تهزر انت كمان ولا حاجة؟ التلميذ : لا ياأستاذ , أصل أنا كنت بكتب وأنا سرحان فكتبت اسم اللى جنبى فى ورقتى بدل مااكتب اسمى حنفى : الله يخربيتك , هو انت هتبدأ الغش من دلوقتى , يعنى أعملك محضر غش دلوقتى التلميذ : محضر غش ازاى ياأستاذ , هو ورق الاسئلة اتوزع لسة ؟؟ حنفى: ده انت بتتلامض كمان , ده انا هبهدلكم النهاردة , اعمل خط صغير على الاسم اللى انت كتبته واكتب اسمك فوقيه التلميذ : بس فى حاجة تانية ياأستاذ حنفى : قول ياخويا , ماهو أصلا اليوم باين من أول ماشوفت مراتى الصبح التلميذ : الواد اللى جنبى برضه كان سرحان وهو بيكتب اسمه ,فكتب اسمى فى ورقته بدل مايكتب اسمه. حنفى : الله يخربيتكم انتو الاتنين , خلاص يا ساقط انت وهو بدلو ورقكم مع بعض التلميذ : نبدل الورق ؟! بس ده كده يبقى غش ياأستاذ حنفى : ده انت يومك مش هيعدى النهاردة . غش ايه يا أبو جهل ,هوانتو خدتوا ورقة الاسئلة لسة التلميذ : هو مش انت كنت عايز تعملى محضر غش من شوية ؟؟ حنفى: مستعجل أوى على المحضر , ماتقلقش نفسك , المحضر هيتعملك النهاردة لو فضلت تتلامض كتير كده التلميذ : لا خلاص , انا اسف ياأستاذ ( ورق الاسئلة جه , وحنفى وزع الورق على التلاميذ) نكمل الحلقة الجاية |
تم اضافة الحلقةالخامسة يا رب تعجبكم
|
| الساعة الآن 12:46 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.