للحد من الافكار السلبية .. Metal & Rock
 

السلام عليكم ورحمة الله وبركاته :)

طبعاً بعد ما اصبت بإحباط شديد نتيجة مواضيع الموسيقى والفرق اللى بعملها ومابتحوزش على اعجاب .. قولت اعمل فكرة مختلفة


سؤال .. ليه كل الناس فاكرة ان اللى بيسمع ميتال دا انسان طائش او حتى انسان غبى .. ؟


لا دا الموضوع اتطور .. وبقى اللى بيسمع ميتال وبيغنى معاه .. عابد شيطان !!


وليه اللى بيسمعوا الميتال بس هما عابدين الشيطان؟ رغم ان في مزيكا الانستمينتل روك .. والسوفت روك .. بيتدمجوا مع الميتال واحياناً بتبقى مزيكا صاخبة بس على الاقل بتحوز على اعجاب .. علماً ان الميتال والراب .. هما الفن اللى يتفهم فعلا .. رغم انهم عكس بعض .. ولا مستمعي الميتال يحبوا الراب .. ولا مستمعي الراب يحبوا الميتال .. بس انا رأيي محايد صراحة .. دي مزيكا صريحة .. ودي مزيكا صريحة !! لكن تعالوا كدا قبل مانبدأ موضوعنا نبص لمستمعي البوب ؟

هنلاقي انهم بس مركزين في مايكل جاكسون وفرق البوب بتاعة التسعينات ... علماً ان البوب فن جميل .. بس بيخرج من الغرب بطريقتهم هما .. اللى هما شايفينها .. واحنا بنعمل بوب عندنا وعندكم دليل اهو.. مصطفى قمر , عمرو دياب واظن ان دول اكتر اتنين ملوك البوب عند العرب :)
تلاقي في ادمانك للبوب انك بتعمل استعرضاتهم .. بترقص رقصاتهم .. حتى قصات شعورهم !

طب ماتيجوا نبص للراب ؟ .. تلاقي انك ابتديت تلبس تشيرتات البيس بول .. تسقط البنطلون .. الراب بيعجبني انه بيأثر في شخصية الانسان نفسه .. وعشان كدا انا قولت الراب صريح ..

كلامي مش كلام واحد موهوم بالمزيكا .. انا مستمع زيي زي غيري .. بس حابب اناقش الموضوع معاكم ..

ماتيجوا ناخد فكرة شوية عن فن الروك والميتال بدل الرغى الكتير دا ؟

الروك اند رول هو فن عادي جداً زيه زي اي نوع من الموسيقى .. نشأ في امريكا في الخمسينات .. شهد الروك انتشار واسع وضخم .. وتطور لعدة انواع .. اتعرفت كلها بإسم واحد وهو ( روك )
اي المزيكا الصخرية..(جاية من المزيكا المعدنية او شئ صلب .. عشان كدا بتدمج مع الميتال)

اشهر انواع الروك المشتقة .. هو فن الــ(ميتاليكا)ــ او الــ(ميتال)ــ .. الموسيقى المعدنية !!!

آلات الروك هي الجيتار .. البص جيتار .. الدرامز .. واحياناً بيتم استخدام المفاتيح فيه..

مقصود بيها مفاتيح الآلات يعنى ..

غريبة .. دا الروك كمان ظهر في اكتر من 30 دولة !! واشهرهم هي امريكا

وطبعاً من اشهر انواعه .. السوفت روك .. الهارد روك

واكيد كله عارف السوفت روك (Linkin Park ) سبق وعملنا موضوع عليهم

طيب ما احنا اخدنا فكرة عن فن الروك .. ؟ تيجي ناخد فكرة عن فن الميتال كمان ؟

الهيفي ميتال Heavy Metal(أو فقط ميتال Metal للاختصار) لون من ألوان موسيقى الروك تطور في ستينات القرن العشرين من البلوز والروك. يمتاز الهيفي ميتال بصوت الجيتار Guitar القوي مع استعمال الدرامز drums والباس جيتار Bass Guitar. وتختلف كلمات الأغاني من من نوع إلى آخر وتتحدث في المجمل عن الموت وقصص الفنتازيا وميثولوجي والحروب والحزن والشياطين والوثنية وغيرها الكثير. جاء في موقع Allmusic في تعريف الهيفي ميتال: " من جميع أنواع الروك & رول المختلفة, الهيفي ميتال هو النوع الأكثر تطرفاً بدرجة الصوت, الرجولية ومضاهاتها للتمثيلات المسرحية."
وقد ظهر المصطلح الميتال على يد فريق ستبنولف Steppenwolf عام 1968 حينما استخدموا فقرة كتبها مارس بونفاير Heavy Metal Thunder في أغنيتهم " ولد ليكون متوحشا" Born to be wild


(منقول عن ويكيبديا)

تاريخ الميتال

بدات الموسيقى على يد فرق مثل Black Sabbath, Led Zeppelin, Uriah Heep, Deep Purple في أول الستينات الذين بنوا الأساس للموسيقى.ولكن الفرق الأولى التي اعتبرت فرق ميتال هي فرق أيرون مايدن AC/DC ،Iron Maiden و Judas Priest التي تميزت بالموسيقى السريعة والطويلة الغناء الصاخب والعزف المنفرد solos باستعمال الجيتار الكهربائي. وبعدها بدأ الميتال يتنوع ويختلف عن بعضه البعض بالغناء السرعة ونوع الآلات. تطور الثراش ميتال Thrash Metal في أمريكيا على يد فرق مثل الأربع الكبار Metallica, Megadeth، Slayer, Anthrax... في بداية الثمانينات في سنوات ال80 وال90 تطور الديث ميتال Death Metal(ميتال الموت) والذي ميزه غناء الحشرجة Growling, وتمييز هذا النوع من الغناء عند Death, At The Gates, Cannibal Corpse, Obituary. في سنوات ال90 تطور أيضا الباور ميتال Power Metal(ميتال القوة) الذي هو يجمع بين الثراش ميتال Thrash Metal والهيفي ميتال Heavy Metal لكن باستخدام البيانو بشكل أساسي ويدور أساسا حول الأساطير والسحر والشجاعة، البلاك ميتال Black Metal (الميتال الأسود) هو عبارة عن نوع ميتال متطرف يمييزه صوت الطبول Drums المرتفع والسريع ويمكن أن يدور حول معاداة الأديان ومواضيع متطرفة أخرى، والتي يخطئ الرأي العام في العالم العربي ويربطها بكل أنواع الميتال.

انواعه : -

* باور ميتال Power Metal (ميتال القوة)
* بروجريسف ميتال Progressive Metal
* بلاك ميتال Black Metal (الميتال الأسود)
* ثراش ميتال Thrash Metal
* جوثيك ميتال Gothic Metal
* دووم ميتال Doom Metal
* ديث ميتال Death Metal
* سبييد ميتال Speed Metal (ميتال السرعة)
* سيمفونيك ميتال Symphonic Metal (الميتال السيمفوني)
* فولك ميتال Folk Metal (الميتال الشعبي)


جميل جميل .. فهمنا من الكلام دا ان الميتال فن سودوى شوية ؟

فن رومانسي ؟ فن حزين ؟ فن بيتكلم عن مشاكل الحياة والانتقام والصدمات ؟

ماتيجوا نبص للمزيكا العربى ياخوانا :D

طب ماعندنا الهضبة عمرو دياب اهو .. ملك البوب العربى .. بيغني عن الحب وعن الحياة وعن كل حاجة
وانا شخصياً واحد من عشاق عمرو دياب .. طب ماكل مطربينا العرب بيغنوا عن الحب وعن صدمات العاطفية وعن الحياة بردو ..

مافرقتش كتير .. ما دي مزيكا ودي مزيكا .. هتقولولي ايه اللى انت بتقوله دا وايش خلاك تقارن الفن العربى بفنهم ..
لااااااء .. ثانية .. الفن العربى على راسنا كلنا من فوووق !! .. بس ما في ناس بتحب المزيكا العربى والاجنبى ؟ هو عيب اما اسمع عربى واسمع اجنبى ؟

طب ماعندنا ناس بتحب مزيكا الهاوس والترانس ووصلوا انهم بقوا بيعملوها كمان .. وعندنا ناس بتحب الميتال .. وبتنمى عندهم موهبة العزف على الجيتار الالكتروني .. يعنى الميتال والروك مزيكا مش وحشة ؟

اي نوع من المزيكا بيبان وحش للى مش بيحبه وبس .. سامحوني بتكلم بجرائة بس عشان اوصل لهدف واحد من الموضوع دا


عبدة الشيطان والميتال !!

يعنى ايه ؟ ... ليه كل الناس شايفة ان الشباب اللى عندنا اللى مضروب بالميتال دا عابد شيطان .. ؟

اه اه .. فهمت .. عشان احنا في مصر لكن عندهم هما بلد يعملوا فيها اللى هما عايزينه صح ؟

ايوة انا معاكم في دي .. ومعاكم كمان ان المفروض الشباب مايلبسش حلقان وخواتم عشان يغني ميتال ..

طب ماعندنا فرق ميتال محترمة اهى .. ايفنسنس .. لنكن بارك .. سكيليت .. والناس دي محترمة ولا بتلبس ضيق ولا حاجة وبتلبس زي البنى ادمين .. ولا مطولين دقونهم ولا اي بتنجان ..
ولا بيشربوا خمرا ولا بيطولوا ضوافرهم ولا بيشربوا دم القطط ولا الهبل دا ..

عايز اوصل لإيه ؟ هقولكم

عايز اقولكم ان عندنا في الوطن العربى اتسرعنا على الحكم في فن الميتال .. عبدة الشيطان اخدوه كدا عشان هي دي حياتهم .. دول مش من سلالة البشر ومش هيكونو ..

لكن احنا بنسمع فن الميتال والروك عشان نستمتع بيه وبكلماته .. مش عشان يأثر فينا !! وهو دا الجانب الايجابي في مزيكا زي دي ..

تفتكروا ممكن اختم الموضوع بإيه ؟ ماظنش ان في حاجة ممكن تتقال بعد كل دا

بجد ياجدعان انا عايز اسمع رأيكم في الموضوع دا ... انا مش بتكلم عن مزيكا انا بتكلم عن فكر بيتدمر بسبب المزيكا !!

موضوع جامد بجد
تقبل مرورى

طيب تمام .. اهم مجانين الميتال بدأوا يزيدوا اهم ..

Linkin Park <3333333333333333333333333333333333333333333333333 3333333333333333333

مافيش احلى من هى دى بتاعت تامر حسنى هههههههه
شكرا على موضوعك وتعبك

no linkin park no linkin park no linkin park no linkin park no linkin park no linkin park no linkin park no linkin park no linkin park no linkin park no linkin park no linkin park no linkin park no linkin park no linkin park no linkin park no linkin park no linkin park no linkin park

yeah 50 cent yeah akon yeah usher yeaaaaaaaaaaaaaaaaaaaaaaaaaaaaaaaaaaaaaaaaaaaaaaah Micheal Jackson

R.I.P

KING OF POP

WE ALL LOVE YOU

MJ

UR WITH BIG MIND AND BIG HEART

THANK YOU FOR YOUR MUSIC AND ART**

جــــــــــامد

الى اوى والله
تحيــاتى...

شكرا

السلام عليكم

اولا مشكور على تعبك (مش الموضوع) علشان انا معرفش اذا كنت تعرف راى الدين فى الموسيقى عامة


ومش حخش فى منضشات دينية بس هما دليلين للتبليغ


الاول :قول الله تعالى (واستفزز من استطعت منهم بصوتك)


تفسير ابن عباس حبر الامة انه قال صوت الشيطان هو الغناء على الالات (ما عدا الدف)0



ثانيا :فتوى الشيخ بن عقيمين بتحريم الغناء و ان الذى يسمع الاغانى ولم يتب يصب فى اذنه يوم القيامة رصاص مصهور بتللك الاغانى التى سمعها
يا ريت متعتبرش الموضوع اهانة بس هو تذكرة و تبليغ عن الرسول

وارجو ان تتقبل مرورى

ابن عثيمين *

موضوع جامد اوي

ممكن سؤال معظم اغانى الميتال او البلاك ميتال بترجمها و بتفهمها ؟؟؟؟؟؟؟؟؟؟؟؟؟


انا سمعت اغنيتين حسيت انى حيوان انى سمعتهم كلها شتيمة و قلة ادب


انت بتحب الميتال انت حر


انا بقى بموت فى الترانزس



شكرا يا برنس

انتا الصراحة مواضيعك حلوة و مميزة و احنا كنا طلبين منك فرق كتير بعد مجبتلنا لينكن بارك و الفرقة التانية ديه مش فاكرها

لكن الميتال جامد و أنا بحب الميتال و الراب و الأغاني الهدية و البوب و الهيب هوب

بحب كا أنواع الأغاني الهادفة

و شكرا على موضوعك مرة تانية

هنقولها باعلي اصلوت

البوب و الراب ايد واحده ضضد الميتال و الروك و الصورت العالي الي ملوش لزمه

come on allllllllllllllllll ppl who love rap and pop

who love elvis and mj

who love chris brown and 50 cent

انا بحب الراب الحر :d

منغير شتايم(ساعات :d )

تمام .. جميل .. وانا بحب الراب وسبق وقولت مزيكا صريحة !! .. ومايمنعش انى بحبه اكتر عشان مايك شينودا في لنكن بارك وانت فاهم دا من اجمد مطربين الاندر جراوند .. وعلى فكرة عندنا رابرز مصريين محترفين اندر جراوند ... ومنهم Romel B




متقبله وانا مسلم الحمدلله بس ... طالما اخترت انك تسمع مزيكا ؟ :( ربنا يهدى الجميع فعلا وانا متشكر لمرورك



مين قال انى مابحبش الترانزس ؟ انا بعشق حاجة اسمها هاوس اند ترانزس .. وبمووووووت في حاجة اسمها ايدوارد مايا وتييستو ( الدي جي الاول في العالم ) .. انا بسمع كل حاجة .. بوب .. راب .. ميتال .. جاز وهيب هوب كمان


شباب .. مش عايز فكرتكم عن الميتال تتغير .. الميتال هو فن تذوق الموسيقى

بس عارفين امتى تسمع اغنية الميتال ؟ اما تلاقي ان كلمتها بتناسبك !!

مش عايز اتكلم اكتر في الموضوع دا عشان هتقولوا عليا بخبط .. انا بسمع اغانى الميتال اللى بتعجبنى

يعنى انا مش بسمع ميتال غير للناس دي

LP
Evanescence
Skillet
Bullet
Breaking Benjamin

ولو بكتشف حد تانى بسمعه بس تكون كلماته والموسيقى مؤثرة ...

حضرتك لاحظ انى بدأت الموضوع واحترمت كل انواع الفن الاجنبى .. مالوش داعى الكلام دا

البوب فن والراب فن والميتال فن تانى خالص .. ولا هو عشان احياناً مطربين البوب بيطلعوا مع بتوع الهيب هوب في الكليبات يعنى يبقى الميتال مالوش لزمة ؟

امال Busta Ryhmes اما طلع وعمل دويتو مع Linkin Park ..
قولي بقا عشان مايك شينودا من اشهر مطربين الاندر جراوند



جميل ... استمر

عمتا .. كل اللى بتسمعو انتا ده Progressive Metal

Skillet

Linkin park

Bullet For My Valentine << تقريبا بتسمع Tears Dont Fall بس



انما لو بتتكلم فى الميتال بجد

عندك مثلا Epica

Marilyn Manson

Sirenia

Black Sabbath

Cradle Of Filth

Metallica

Led Zepplin

Red << ده Hard Rock - Progressive Metal

Korn



حاجات زى كده

و الميتال مش بينقسم للانواع ديه بس

دوول اكتر من 60 نوع



ҳ̸Ҳ̸ҳҳ̸Ҳ̸ҳҳ̸Ҳ̸ҳҳ̸Ҳ̸ҳҳ̸Ҳ̸ҳҳ̸Ҳ̸ҳҳ̸Ҳ̸ҳҳ̸Ҳ̸ҳҳ̸Ҳ̸ҳҳ̸Ҳ̸ҳ ҳ̸Ҳ̸ҳҳ̸Ҳ̸ҳҳ̸Ҳ̸ҳҳ̸Ҳ̸ҳ
►Blues
►Blues rock
►Rock and roll
►psychedelic rock
►hard rock
►Stoner rock
►New Wave of British Heavy Metal
►heavy metal

►Glam metal
►Sludge metal
►Doom metal :
▄ Epic doom
▄ doom Death
▄ Funeral doom
▄ Black doom
▄ folk Doom

► Avant-garde metal

►Power metal
►Speed metal
►Progressive :
▄ Progressive death
▄ Progressive black

( extreme )
► Thrash metal

► Death metal :
▄ Brutal death metal
▄ Melodic death metal
▄ Technical/Progressive death metal
▄ Blackened death metal
▄ Symphonic Death metal
▄ Death/doom
▄ Industrial Death metal
▄ Deathcore
▄ Viking Death

► Black metal :
▄ Melodic black metal
▄ Symphonic black metal
▄ Viking black metal
▄ Black ambient
▄ Blackened death metal
▄ Industrial black metal
▄ Black doom
▄ Avant-garde black

► Groove metal
▄ Metalcore

►Gothic metal :
▄ Gothic rock
▄ Symphonic metal
▄ Folk metal
▄ oriental metal
▄ Viking metal

► Fusion genres ( Nu ) :
▄ Alternative metal
▄ Funk metal
▄ Grindcore
▄ Grunge
▄ Industrial metal
▄ Metalcore
▄ Neo-classical metal
▄ Nu metal
▄ Post-metal



ScissorX

على فكرة انا كنت هكتب كل دا :D

بس اختصرت وكتبت الانواع الاساسية للميتال :)

ودا مش بس Progressive metal

دا في منه Instrumental كمان :) لإنها بتدخل كتير في الاغانى دي زي Skillet - Whispers In The Dark

بس كنت حابب اسمع رأيك في الميتال عامة مش عشان تقولى ان انا مش كاتب الانواع كلها :)


ولينكين بارك بيدخلوا الـ Soft Rock في الmetal :)

وهدفى هنا مش ان انا اشرح للناس مزيكا الميتال وروادها .. بس حبيت اشارك معجبي الميتال اننا نوصل للناس انهم مش عشان عبدة الشيطان بيسمعوا ميتال يبقى الميتال دا وحش ومالهوش لزمة

تحياتي

اها عشان حوار وائل الابراشى؟


اصلن ده جايب عينه زباله

طب مهو انا ميتالهيد اهو


و بلبس عادى زى الخلق

classic


و جايب واحد مدمن مخدرات و يتيريق عليه؟؟


عاوزين يطلعو الشباب غلط و خلاص

جربو الايمو

و بعديهوم الميتال

خلو بالكو يا بتوع الراب بقى

سيبك من وائل الابراشى انا اصلا مش بحبه كأعلامى وشخصيته مش بتيجي على هوايا دا كييف يشعللها وخلاص

الميتال هو الفن الاجمد على الاطلاق :)

موضوع جامد بجد