|
مصر بجد حلوه (مفتوح للمناقشه)
بسم الله الرحمن الرحيم دلوقتي هينوضح نسبة من الحاجات الحلوه في مصر ونبتدي علي بركة الله ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~~~~~~ 1-كل دولة فيها اطفال متشردين وكل دولة فيها اطفال متعلمين لكن مش كل دولة فيها اذكي طفل في العالم http://www.youtube.com/watch?v=q_ozUaAtp08 ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~~~~~~ 2-كل دولة فيها رجال اقوياء كل دولة فيها رافعي اثقال لكن ليس كل دولة فيها رجل بقوة 360 حصان اقوي رجل في العالم http://www.youtube.com/watch?v=QuQK_...eature=related ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~~~~ 3-كل دولة عندها معمار بيفضل عقود وقرون بس مش كل دوله عندها معمار زي ما هوه بقالو 7 اللاف سنه ومتجددش وزي ما هوه صامد زي الجبل http://www.youtube.com/watch?v=l-CZbzDux_w ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~~~~ 4-كل دولة فيها اثار وممكن تكون كتيره بس مش كل دولة فيها محافظة بس فيها ثلث اثار العالم http://www.youtube.com/watch?v=Pf_zuuVwX8M ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~~~~ كده انا خلصت الحاجات ده وده طبعا متجيش 1% من الي في مصر..حبيت ابين ان مصر زي ما فيها عيوب في مميزات اكتر من العيوب فا بقول لي كل المصريين افخروا بي بلدكم عشان ده بلد مفيش منها 2 ..ولكي يا مصر السلامه وسلاما يا بلادي انا عارف ان الموضوع مش معموله اشكال وكده عشان انا مليش فيها مش بعمل مواضيع انا عملت ده عشان المواضيع الكتير الي بتوضح عيوب مصر واجي انا واوضح مميزات مصر تم بحمد الله |
يا صحبى العيب مش فى البلد العيب فى الى مسكنها و مطلعين عنينا و عين الجابونا بكرة لما تخلص جامعة و تنزل تشتغل هتعرف معنى كلأمى و هتشوف الكوسة الى على حق |
اجمل بلاد الدنيا بلدي .. وربنا يخليلنا الريس .... وزي ما قلت قبل كده.... انا احبه:queenie::queenie:
وانكل جمال مبارك هوا مثلي الاعلي:ill_h4h::ill_h4h: واكبر نموذج للشاب المكافح وكلنا بنتعلم منه :ghost1::ghost1: وبحب ماما سوزان و انكل علاء ....:yeahright::yeahright::yeahright: وكل حاجة في البلد زي الفل ..والمواصلات فاضيييييييية .. ورغيف العيش جميل وزي البسكويت وبيجي لغاية البيت عند كل مواطن دليفري ..... و كلو بيشتغل والحياة زبادي في الخلاط :queenie::queenie::queenie: بس بجد موضوع جميل وتسلم اديك ... وربنا يجعل البلد دي احسن بلد في الدنيا علي ادينا انشاء الله مع تحياتي .... وشكرا |
انت كاتب الموضوع مفترح للنقاش اذا كان انت مش بتقبل مناقشه اصلا ده انا ردت عليه ف موضوع كنت عايز اناقش مشكله ونحاول نصلحها شوف دريت انت قلتلى ايه (ولو مصر مش عجباك روح شفلك وطن غير مصر روح شوف حاجه احسن من مصر ولو لقيت ابقا قولي عشان مش هتلاقي) ده كان درك
وعلى العموم شكرا |
اقتباس:
حاجه تكسف وحاجه عار :badmood::badmood::badmood: |
الحاجة الوحيدة الوحشة فى مصر فئة صغيرة من الشعب
لاكن مصر كلها حلوة |
مصر ام الدنيا و بلد الحضاره بس الي فيها مش ليها
و بجد البلد دي عايزه شويه ضميير و ناس امينه |
عجبتنى جدا بتاعت الراجل القوى
يخربيته أتجوز 29 واحدة ؟ |
العيب مش فى البلد ولا العيب فينا احنا العيب فى اللى اكلين خير البلد و مبوظينها
|
اللي عايز يعرف قيمت البلد دي يسافر بره مصر كده اسبوع و انتا بجد هتعرف قيمتها الحقيقيه سيبك بقي
من الاهرامات و ال 360 حصان و الحجات دي خلينا واقعيين شويه ..تلاقي واحد يقول مام سوزان و مش عارف بابا حسني ايه ده ... هو كل واحد بيقول كده ولله علي اقاويل مش الي مجرب بجد عايز تسأل بجد واحد تعبان في حياته روح لواحد عدي سن ال 30 و مش عارف يعمل ايه ولا واحدة ست كبيرة مش عارفة تصرف معاشها و ... و ... و الخ,,,,, حجات مأساويه ولله لكن متجيش لواحد مش عارف حاجه غير الاغاني و الكليبات و الهيافة و تسأله ايه عجبك في مصر عمرها ما تقاس ب الشكل ده نهائي انا قصدي التوضيح :strongsad:و ليس التوبيخ :mad3: اســـــــــــــف علي الاطالة و شكراً |
يا رجاله انت شكلكم هتحبسونه والله مالها مصر زى الفل المصرين ازبل وارخش ناس فى الدنيه وعادى احنا بنتباع زى الحمير فى الدول التنايه وعادى ازا كان المصرى متهان جوه بلده عاوزه يتحفظ كرامته بره..........^^^^
|
اقتباس:
قول رضا لو الدنيا حتي مش حلوه وقول اللهم احفظها نعمه عشان احنا في نعمة بجد |
اقتباس:
|
اقتباس:
حاجه و هاتلي واحد مصري كرامته مش محفوظه ولا متهان و انتا بتقول بنتباع... بنتباع فين سيدك قولي كده ناقشني احنا احسن من غيرنا اووووي علي فكره و احمد ربنا علي اللي انتا فيه( و علي فكره اللي يكره بلده ميستهلش يتحط علي بطاقته ) مصـــــــــــــــــــري |
اي يا عم نيرو .. الراجل كلامة صحيح
مثلا لو انت اتخانقت مع واحد ابوة امين شرطة.. مش هقولك عقيد يا عم شوف امين الشرطة دة هيعمل معاك اي لو انت ملكش ظهر... و مفيش بلد بتمشي بالوسايط الاا مصر الحبيبة... و مع ذلك محدش يقدر يستغني عن بلدة |
طبعا انا مالياش انى اشارك معاكم لانى طبعا من بلد تانيه لكن اسمحولى فعلا بلدكم احسن بلد في الدنيا انا سافرت كتير وروحت اماكن كتير لفيت تقريبا 75 % من بلاد العالم مشفتش بالصراحة زي مصر وناس مصر هتقولى اصلك مش من البلد هرد عليك واقولك شفت كل البلاد وعاشرت كل الناس لكن انتوا ليكم ميزة حبوبين حتى ولو في احلك الظروف وبسطاء لابعد الحدود انا معاك فيه فئة معينه هي اللى استولت على البلد لكن الخير في الشعب وفي البلد نفسها يا ما مر عليكم ايام اسود من الايام دي لكن قدرتوا انكم تعدوها وقدرتوا انكم تنتصروا على الظروف وكما قيل قديما ( كل ليل وله اخر ) فصدقونى انا لفيت بلاد كتير وكل بلد فيها عيوب اخطر من عندكم لكن الاعلام مش بيبين حاجه الا لو سافرت ولفيت وشفت بنفسك هتلاقى في كل دول العالم مناطق عشوائية فيه جريمة فيه مخدرات فيه جرائم مخلة فيه كل حاجه موجوده لكن الاعلام بيخفيها علشان يبين انهم احسن بلد في الدنا فعيب اللى انتوا بتقولوه على مصر ده مصر فعلا ام الدنيا |
اقتباس:
|
اقتباس:
|
وفي كلمة جميله جدا جدا كانت في توقيع المشرف BiDO كانت صورة متحركة مكتوب عليها
لو مصر حرقاكم طبيعي عشان طول عمرها مدياكم علي قفاكم |
البلد مش وحشه وفيها خير محدش قال حاجه بس العيب فينا كلنا
فى الى ماسكين البلد من ناحيه وفينا احنا من ناحيه تانيه بس الى ماسكينها العيب عليهم اكتر او هما الى وصلونا لكده هما سارقينا وناهبينا وبيعملو البدع علشان يطلعو القرش من جيبك لجيبهم ومفيش اى تطور فى اى حاجه وكل حاجه ماشيه لورا من ادام وقانون طوارئ مطلع عين الى خلفونا مخلى الشحات بقى باشا ومخلى امين الشرطه بقى ظابط غير الكوسه والمحسوبيه الى مفيش حد فبلدك اشتغل من غيرها من غفير لوزير الا نادرا اوى يعنى ولما الواحد يعد نص عمره فى التعليم وفى الاخر يتخرج ويتفاجئ ان متطلبات الشغل غير الى درسه نهااااااائى مع ان فى اى دوله تانيه اى شهاده بتحصل عليها ليها تقدرها واحترامها وكل ما تعلى فى شهادتك تبقى محترم اكتر انما هنا كل ما يبقى ليك واسطه اكبر تبقى محترم اكتر وغير وغير وغير ... واحنا برده معلش لينا عيوب مش ملايكه والحكومه هيا بس الى وحشه منها الفهلوه الى احنا فيها فى كل حاجه ولو كل واحد فكر وبص على الناس فى الشارع هيعرف قصدى مصر بالظبط عامله زى التورته الجميله والحكومه حاطه عليها تراب لا الشعب عارف يدوق منها حاجه ولا حتى شايفها تورته فكل واحد بالفهلوه بياخد حته والى يلحق معلش طولت عليكو بس دا رائى من وجهه نظرى وتحتمل الخطأ او الصواب فى كلها او جزئ منها :stretcher: وشكرا لصاحب الموضوع |
متخفش
انا لما لقيت مواضيع اساءه لمصر اتناقشت و عملنا قرار مسح اى موضوع يسئ لمصر و اى توقيع و اى صوره و بجد والله مصر احسن بلد فى الدنيا و مفيش زيها اصلا |
يا جماعه كل بلد فيها عيوب و مميزات
بس البلد الوحشه هيا الي تكتر عيوبها عن مميزاتها و الحمد لهل احنا مش كده و مافيش اي حد من الي قاعدين هنا ليه انه يتكلم عن الفقر اصلا عارفين ليه ممكن بس اسئلك سؤال انت شاركت معانا في الموضوع ده ازاي هتقولي عن طريق النت طبعا طب ماشي اقل اشتراك نت دلوقتي 90 جنيه و اكيد النت دهخ هتخشله من كومبيتور و برده اقل كومبيوتر دلوقتي مش اقل من 2000 جنيه و مش هتقعد بالكومبيوتر في الشارع اكيد عندك بيت و ممكن غرفه خاصه تحطه فيه يعني من الاخر انت اخر واحد تتكلم عن الفقر و التعب يعني مش كفايه الفقير بس هوه الي بيشتكي لكن الغني كمان هوه الي بيشتكي لو عايز تعرف عظمه رئيسك اعرف بس انك عايز لمده 30 سنه من غير نقطه دم من حرب فاهم |
اقتباس:
اقتباس:
وكلامك سليم يا سوبر مان وشكرا لمروركم وفعلا 30 سنه من غير نقطة دم في حرب ..يبقا الرئيس ده مهما كانت عيوبه فهوه فعلا رئيس جيد امريكا مفيش رئيس عدي عليها غير اما عملت حرب في عهد بوش الابن مات اكتر من 600 الف جندي خارج اراضي بلادهم..اكتر من 79 الف معاق بسبب الحروب بس ايه هقول ايه للناس الي مش فاهمة قيمة مصر ولا حياة لمن تنادي |
شفت يا عم ... طلع كلامك صح وكلوا بيقول ان مصر احسن بلد في الدنيا : وبصراحة انا رأي كده كمان انا كنت عايش في الامارات وايه .. في دبي اللي هيا عاملة زي اوروبا بالظبط مكنش في متعة بجد .... وتكون فين متعة الحياه لو مفيش فيها صعوبات وضرب علي القفا ؟؟:specool: بس علي فكرة بجد شهادة لله ربنا هيحاسبني عليها الراجل محمد حسني مبارك ده راجل تمام جدا و مش هوا اللي مبوظ البلد ... اللي مبوظها هما الناس اللي تحته والتقارير اللي بتروح للريس عن الشعب بتكون كدب x كدب ...... بس بجد والله مفيش احسن من مصر واهلها دول يا راجل بيطلعوا نكت علي اي حاجة تقابلهم والله لو بيحاربوا هيطلعوا نكت علي الحرب وتقبل مروري ولك مني كل الاحترام و التقدير ...وشكرا ..:cap::cap: |
والمثل بيقول .. اللي مصر حرقاه تبقي مدياه علي قفاه :serenade:
|
| الساعة الآن 01:08 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.