|
حافظين مش فاهمين !!!
فعلا كل مدى بيثبتولنا اننا حافظين مش فاهمين لما كنا احنا الضعفاء وبنقول( لا مبارك ) الحكومه القويه بتضربنا واحنا نصرخ ونعيط ونقول مافيش حريه راى الوضع اتعكس بقينا احنا الاقوياء واللى يقول (نعم مبارك ) هو الضعيف احنا بقينا نضربهم قمه الجهل ربنا يستر علينا على فين يا بلد |
على فكره مبارك عيشنا فى امن 30 سنه
احنا دلوقتى لما بنسمع صوت خب بنرجى على بيوتنا ماصولناش لحرب 30 سنه وكل واحد يسئل اللى اكبر منه شاف الحرب ويومهم كان عامل ازاى ايام الحرب لو قطه عدت قلبه بيقع فى رجله احنا دلوقتى ممكن نصيع فى الشارع لتانى يوم ماحدش يقدر يكلمنا فى اى بلد اوروبى ممكن تتثبت واماتقدرش تعمل حاجه شوفوا المعارضه والداخليه بنت التيت هى اللى بوظتها مش هو هو اه ماينفعش يمسك تانى بس ماينفعش يمشى ب الطريقه الهمجيه دى ده جهل وربنا كرامه الرئيس من كرامه الشعب احنا بنبهدل نفسنا بنفسنا حركه يوم الغضب 25 يناير مايكنتش عايزه رحيل الرئيس على فكره دلوقتى ميدان التحرير اقسم ب الله مافيه حد من شباب الفيس بوك اللى عمله يوم الغضب شباب يوم الغضب راضى عن الريس دلوقتى بعد تنفيذ مطالبهم مانعرفش بقى مين اللى عمل جمعه الرحيل وجمعه المليونيه دى ده كان رائى نعم مبارك نعم مبارك حتى يوم الانتخابات فقط |
انت عرف هما فى ميدان التحرير ليه؟ علشان ياكلو كنتاكى ههههههه هم يضحك والله انا عرفت كدا من واحد كان فى المظاهرة فى قناة المحور
شكرا يا عمر |
كلام تمام الناس زادت فى المطالب مش عارف ليه اكيد فى جماعات منظمه شغاله على موضوع حتى وصلو انهم عاوزين يشلو الراجل انمبارح قال مفيش توريث ودى اخر فترة ليه عاوزين ايه بقى حسبنا الله ونعم الوكيل فيهم يا جماعه والله فى ضرب فى ميدان التحرير والجيش مش عارف يعمل ايه ربنا يستر
|
كلام زى العسل وربنا معاكـ يا مباركـ
:mf_laurelandhardy: |
والله كلامك مزبوط
بس عن نفسى انا بايد مبارك بس هوا مش هيرشح نفسوا تانى بس لو حد تانى ممكن تقوم مجازر لو واحد غيروا مسك الحكم وربنا يستر:worthy: |
والله لو سألت حد من اللى قاعدين هناك دول وتقولهم عاوزين ايه ......... مفيش حد هيعرف يرد عليك اصلا
المطالب اللى كانت يوم الغضب هتتنفذ وهتبقى تمام والله والله والله والله والله والله احنا ماشين تبع الهيصه والله والله كمان مره احنا ماشين تبع الهيصه من اول الموضوع واحنا ماشين تبع الهيصه بس بقولكم اهوا والله ما فى حد هيجى زى مبارك ابدا |
اللى موجودين حالياا مش فاهمين والله بجد
لو فاهمين مش هيضربوا فى بعض لاكن يوم الغضب كانو شباب مثقفين والله |
30 سنه فى زل و نهب و خراب و خوف و عدم تعبير عن الرأى حد كان يقدر يقول يا مبارك انا مش عايزاك ؟ كانو بيعتاقلو دا حنا كنا بنخاف من الأمن الى المفروض بيحمينا و انو يسحب الأمن دا المفروض يتحاكم ..... الشعب مش عايزو يا جماعه امبارح طلع فى اسكندريه اكتر من 4 مليون و القاهره اكتر من 2 مليون مش عايزيين مبارك تنحى مبارك بكرامتو هوا الحل |
اقتباس:
ثانيا وفوق كل ده لو مشى دلوقتى مش هيبقى بكرمته كرامه ايه ده الهتافات ابيحه اوى يبقى فين الكرامه |
اقتباس:
هما سحبو الأمن يبقى اكيد هيخرج المسجونين و هما عندهم بلطجيه سيبوها عشان يروعو الشعب و محدش ينزل مظاهرات عشان تقول كفايه انك كنت بتنام وانت ضامن ان ماحدش هيدخل كل دا عشان يغصبك على مبارك و هوا مبارك قالها الشعب عليه ان يختار بين الاستقرار (يعنى تختار مبارك) غصب عنك او ...... و البلطجيه دى والله 100% من عندهم و سيبوها ابل كدا علينا فى المنطقه دى او حاجه بس عشان افهمك الحوار دا ماشى ازاى دا مش اسلوب تعامل مع الشباب ؟ انو يقتل الشباب و يضربهم و يستعمل قنابل مسيله للدموع و طلق مطاطى ويحاربهم اثناء الصلاه ( دا اليهود الى هما يهود استنو الفلسطنين بعد ما خرجو من القدس و بعدين اعتقلوهم ) و يقتع كل وسائل الأتصال و الأنتر نت دا اسلوب تعامل مع الشباب اولاً دا حاكم يرضى ربنا ؟ ربنا يحسبو على كل الى عملو و الشباب الى قتلو دول دمهم فى رقبتو و لا الاعلام المصرى الى كان جايب النيل اول كام يوم هما هيتظهرو فى النيل ؟.. دى عدم امانه اعلاميه ههههههههههههه والله العظيم القنوات المصريه دي فاكرانا هبل أنا جالي هستريا من الضحك والله العظيم كلكم هتتحاسبوا يا خونه واذا كنتم مش خايفين من شعبكم ربنا موجود و دلوقتى جايب الناس بتوع الحسب و الشرطه و البلطجيه بتوع وزاره الداخليه و العمال بتوع الأزاعه و التلفزيون و هما بيقولو نعم مبارك دول شويه بلطجيه ميكملوش 5 ~6 الف واحد هوا دا الأعلام بتعنا ..... و الجزيره الى بيتكلمو عليها وعملين يقفلوها دى بتجيب الرأى و الرأى الأخر هما يكرهو كل ما يقول الحقيقه امبارح كان 5 او 6 مليون واحد فى مصر يقول ارحل ارحل دا غير اسرة الناس دى فى منهم معاه اسرته و فى لوحده ياعنى مصر كلها بستثناء الحزب الوطنى و الشرطه و بعض الناس القليله تريد تنحى مبارك و قال المتظاهريين " مش هنمشى هوا يمشى" و دى بلدهم و دا حقهم وقالو انهردا على البلطجيه الى جيبنهم احنا هنموت شهداء فى بلدنا بس مش هنمشى الى قتل و سيب البلطجيه على الشعب :nono2: دا مينفعش يمسك مصر فين الديموقراطيه الى بيقول عليها ؟ و مطالب الشعب واضحه من اول يوم من يوم الثلاثاء الى الأن "الشعب يريد اسقات النظام" يعنى الشعب يريد اسقات النظام العسكرى الفاشل و على رأسه مبارك هوا لو طلع دلوقتى وقال بناء على طلب الشعب المصرى و منع لمذيد من الدماء انا هتنحى عن الحكم يبقى عمل احلى موقف فى حياته و عمرنا مهننساه و يبقى خرج بكرامته ربنا هيحاسبو انشأالله على كل نفس قتلت و كل جنيه نهب و انا مش هكمل ................. كل حاجه فى البلد واضحه مصر فيها خير كتير بس منهوب للأسف |
بـــص يا عمـــر . . يـــا ريــــت تكــون فى المظــاهرة والله النـــاس بال 10 بيــقعو فى العشـــر دقائق محــروقين دول همج و مجرمين و رئيس مجرم اكتـــر لما يخــرج بلطجية من السجون و يدفع فلوس لناس فقراء علشـــان يســـاعدوه ولما الامن و الضباط يتنكرو و يدخـــلو بلبس مدنى و يضــروبو فيـــنا يبقـــى تمــام ؟ و الجيـــش واقــف يتفــرج عليـــنا و مــش بيحمونا احنــا كل الى بيحموه الستــات يعــنى انا و اصـــحابى مرضيوش يخــرجونى انا و اصحـــابى الا لما بدأو يحــدفو بالقنـــابل لا لمبـــارك كـــل شخــص ليه وجهة نظـــر احــلى مســـى يابة عمـــر :) |
والله انت صح
|
مين قال ان مبارك هو اللى بيضرب فى شعبه اتفرج على برامج وانت هتعرف مين السبب فى ان النار تولع فى التحرير
|
سؤال ومعلش مزنوق فيه .... ويا ريت اجابه
هو الراجل ده عملك ايه في حياتك عشان تقول عليه داا راجل كويس وعظيم انا عن نفسي حجاوب 1 احسن تعليم اساسي(ابتدائي و اعدادي) في الدنيا ((( ده طبعا من غير الحديث عن تكدس الفصول وطبعاا هروب المدرسين مش التلاميذ من فوق السور واااكيد اكيد مش حتكلم عن مجانيه التعليم المتمثله (( الدروس الخصوصيه )) 2 احسن تعليم جامعي في الدنيا (( وده طبعاا من غير الحديث عن تكدس قاعه المحاضرات وطبعا الحرس الجامعي والمعامله المثاليه المتحضره للطالب الجامعي 3احسن مستقبل ليك ممكن تتوقعه حتكون الحكومه محضرهولك بعد التخرج وده طبعااااا كلنا عرفينه البطاله والقاعده علي الكافيه وتفضل تشد في تفاحه لما نفسك يتقطع وفي الاخر يقولك اصل انت شاب بايظ ماوركش غير القاعده علي الاهاوي ومعاكسه البنات بس كده ديه قصه كل شاب مع حسني مبارك الرجل العظيم بالله عليك .... بالله عليك , انت راضي عن حالك وحال بلدك قبل 25 يناير انا حسيبك انت وضميرك تجاوب عن السؤال ده طلب اخير من الاداره والمشرفين .... لو مش عاجبك كلامي . لو سمحت متمسحش الموضوع بس ممكن تقفلواا لان في الاول والاخر انا بعبر عن راي .. واعتقد ان ديه حريه مكفوله لكل بني ادم في الدنيا لا اله الا الله ضرب نار وقنابل مولوتوف علي المتظاهرين اللي مش معاهم سلاح , هو ده الرئيس ، هو ده رجل الوطن هو ده الاب الروحي للمصريين منك لله .... منك لله .... منك لله ....... حسبي الله ونعم الوكيل فيك |
انا سبء وقلت انه مش بعد 30 سنه يمشى كده مش هتفرق على كام شهر
ماينفعش نسيب البلد بنائب الرئيس هو اللى يمسكها اللى لسه متعين نائب من 4 ايام فقط انا قلت انا معاه حتى شهر 9 |
انت تمام يا عمر وكلامك مظبوط هما كام شهر و يمشى مش هاتفرق على ال8شهور دول مش كوسه مهلبيه رز بالشعريه لازم نظام وباعدين الاخ اللى بيتكلم على التعليم تكدس الفصول اصل الوزراء اتعملوا عشان سواد عينهم فى وزراء المفروض انها تتابع بس هما بياكلو و بس كل واحد كرشو ادامو مترين و يجى فى التلفزيون يعد يبص بقرف
|
يا جماعة ماينفعش مبارك يسيب الحكم دلوقتى لأسبااااااااااب كتيره 1- لو الرئيس مشي من هايغير الدستور اللى إحنا بنعترض عليه ؟؟؟؟؟ 2- من هايحل مجلس الشعب اللى بنعترض عليه وانه مجلس مزور ؟؟؟؟؟ 3- لو مشي دلوقتى ده معناه إن الرئيس الجديد اللى هايجي هايفضل 30 سنه كمان أو أكتر لإن الدسوتر بيديلو الحق ده !! ودي حاجه كلنا بنعترض عليها 4- الرئيس ده إنسااااااااااااااااااااان مش معصوم من الخطأ زي ما حصلت حاجات سلبيه كتير فى عهده حصلت حاجات حلوه كتير برضه فى عهده ماينفعش يمشي بالطريقه دي وبعدين ده خلاص فاضل 6 شهور يعنى صبرنا 30 سنه غصب عننا مش هانقدر نصبر 6 شهور بمزاجنا خصوصا إن الـ 6 شهور دوول وسيله لتحقيق أهدافنا وحماية لمصر اللى هيا اهم منى ومنك !!!!!!! |
ماتنساش ان القاهره فيها يجى بتاع 20 مليون مواطن
يعنى اكبر من دوله تونس بحاله وكابر من قطر واكبر من اى دوله خليجيه فى التعداد السكانى القاهره بيها انفجار سكانى اصلا |
فيين الناس بقى الى كانت معارضه دلوقتى و بتقول دا المتظاهريين بيضربو و بيولعو و بيوزعو كنتاكى و فلوس و بـ ........ و امريكا و اسرائيل و قطر و افغانستان على الحدود و امنا الغوله فى الأسكندريه و ابو رجل مسلوخه فى التحرير و النداهه فى الجيزه و الحجات بتاعت التلفزيون المصرى الى كان ناقص يقول مبارك شارك فى غزوه احد ماهو مشى اهو و الدستور اتعدل و المجاس اتحلت و العلماء الى كانو ممنوعين رجعو يظبطو بلدهم و البلد هتنهض انشاءالله بس انا عازر الناس دى عشان التلفزيون المصرى كان مسيطر عليهم بس الأيام اثبتت ولسه الأيام جايه و ياريت بعد كدا نفكر بعقلنا شويه |
اقتباس:
|
تصدق انت جبت المفييييد
والله عندك حق مؤشر يخوف |
شكرا علي الكلاد ده عندك حق والله
|
اقتباس:
|
اقتباس:
|
اولا الاستاذ اللي بيقول 30 سنة امن ءو عايش و مش خايف لتتسرق
حقولو طب ما انتا اصلن بتتسرق من نظام مبارك ثانيا : اللي بيقول ان نائب الرئيس مينفعش يمسكها لوحدو ال 8 اشهر الجايين حقولو طب ما مبارك ماسكها لوحدو من 30 سنة ي ثالثا: اللي بيقول ان ال 8 اشهر الجاية مش مهمين و مش حتفرق طب و ليه منستفيدش من ال 8 اشهر دول ؟؟؟ هما دول مش جزء من حايتنا و لا ايه و ياريت محدش يزعل بس بصراحة انتا اسوء رائ شوفتو علي الثورة دي بصراحة !!! |
اقتباس:
يا عم معظم الى بيقيدو مبارك مبيفهموش فى السياسه فمحدش هيعرف يرد :queenie: |
اقتباس:
مش فاهم تقصد ايه ..... ؟ |
كلامكـ فعلا صح
:) :icecream::icecream: |
اقتباس:
|
اقتباس:
الكلام دا انا قايلو من زمـان من قبل التنحى و اى واحد عاقل بيفهم هيقول كده انا عازرهم اغلبهم مبيفهموش سياسه و كانو متأثرين بالتلفزيون المصرى |
| الساعة الآن 08:00 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.