فضيحة سيلك رود والله الكلام ده بجد (ارجو التثبيت)
 

السلام عليكم ورحمة الله وبركاته
انهارده هحاول اقدم موضوع جامد اوى ويخص اللى بيلعبوا سيلك رود كلها ومهتمين باللعبه
قبل اى شىء وقبل ما ادخل فى الموضوع حسبى الله فى كل من دخل وسمع النصيحه وما عمل بيها ولا كمل الموضوع لنهايته مش لازم تسيب رد بس عشان خاطرى كمل الموضوع للنهايه ولو اقتنعت بكلامى ابعد وامشى فى الطريق الصحيح ولو مش اقتنعت يبقى اغفرلى الدقايق اللى هتقرا فيه يمكن هتتعب انك تقرا حاجه صح وياريت المشرفين يقراو الموضوع للاهميه
مش هحط استفتاء بس هحط سؤال مهم جدا اخر الموضوع وياريت كل واحد يجاوب عليه
اولا كل سنه وانتو طيبين
الموضوع ببساطه انو بعد ما شفنا اللى حصل فى الدنمارك واهانتهم لرسولنا الكريم وازاى العالم الاسلامى كان عاجز عن الرد دلوقتى بنشوف الاهانات بتوصل لحد بيوتنا ومش بنقدر نتكلم الشباب بيفكر فى متعته وبس محدش بيفكر فى ثواب ولا عقاب محدش بيقول انو فى يوم الانسان هيقف قدام ربنا ويحاسبه حساب عسير على اللى عمله
كلنا عارفين قصة الكتابات اللى فى سيلك رود اللى بتهين الله عز وجل ياااااااه يا جماعه متخيلين الذنب متخيلين الناس دى بتغلط فى مين دى بتغلط فى ربك عارف يعنى ايه بيغلطوا فى رب العزه استغفر الله العظيم واتوب اليك يا جماعه ده ذنب عظيم انتوا متخيلين مش بيغلطوا فى شخص ولا انسان دول بيمثلوا الذات العليا يا جماعه انا دمى واعصابى محروقه حد يجابونى ليه كلنا عارفين الموضوع وساكتين لا ووصلت الدرجه انو عضو عامل موضوع باسم سيلك رود تهين الاسلام الناس داخله اكتر من 112 زائر ومش لقيت غير 4 ردود فقط يا الله على برود الاعصاب والامبالااه اللى بقيت عندنا واللى استفزنى اكتر ان اللى ردوا محدش قال كلمه تنصف ربه محدش دافع عن ربه وقال انا مش هلعبها تانى الرودو قمه فى الامباله مش عايز اهين الزوار اللى زارت الموضوع بس دى حكايه مينفعش يتسكت عليها لا منى ولا منك يالى بتقرى كلامى دلوقتى فوق واصحى وشوف دينك بيقول ايه شوف رسولك الكريم صلى الله عليه وسلم بيقول ايه


حدثنا عبيد الله بن موسى قال أخبرنا حنظلة بن أبي سفيان عن عكرمة بن خالد عن بن عمر رضي الله عنهما قال قال رسول الله صلى الله عليه وسلم : (بني الإسلام على خمس شهادة أن لا إله إلا الله وأن محمدا رسول الله وإقام الصلاة وإيتاء الزكاة والحج وصوم رمضان).

رواه البخاري

الكلام من صحيح البخارى يعنى مفيش حجه انو يكون الحديث كاذب شايف بيقول ايه الحديث شهادة (أن لا اله الا الله وأن محمدا رسول الله ) يعنى من غير الشهاده دى انت مش مسلم ولا تعرف عن الاسلام شىء واحد بيلعب لعبه بتقول ان غافر الذنب شخصيه داخل اللعبه مالهاش اى قيمه او سيبك مش هنقول ان اللعبه بتقول ان الشخصيه دى كده اللعبه مسة بمعتقداتنا الدينيه وياريت لمست شىء صغير دى لمست الذات العليا يا جماااااااعه ده ربنا انتوا مش عارفين حق ربنا حرام عليكو اللى بتعملوه فى نفسكوا ده حديث تانى يمكن لسه مش اقتنعت بكلامى


حدثنا سليمان بن حرب قال حدثنا شعبة عن قتادة عن أنس رضي الله عنه عن النبي صلى الله عليه وسلم قال : (ثلاث من كن فيه وجد حلاوة الإيمان من كان الله ورسوله أحب إليه مما سواهما ومن أحب عبدا لا يحبه إلا لله ومن يكره أن يعود في الكفر بعد إذ أنقذه الله كما يكره أن يلقى في النار).
رواه البخاري

من كان الله ورسوله احب اليه مما سواهما تخيل مما سواهما دى بتساوى ايه امك وابوك ونفسك وعائلتك وزوجتك او بنتك او ابنك او اى كائن كان بتربطك بيه علاقة حب وموده تخيل يوم ما تقف بين يدى الرحمن ويسألك عملت بالحديث ده هتقولو ايه ياترى هتقولو اصلى سيلك رود لعبه مالهاش قيمه واحنا مش بنعمل باللى مكتوب فيها احنا مجرد بنلعب بس
اه بتلعب بس وبتشترى سيلك وبتدفع للموقع وبتزود من رصيد اللعبه ومن شعبيتها تخيل هتقولى انت مش بتعمل باللى بتقوله اللعبه بس انت بتشارك فيه لو انت خرجت من اللعبه وانا خرجت والكل خرج والشركه شافت ان اللعبه شعبيتها نزلت اكيد هتقف اكيد هتراجع نفسها لان كلنا عارفين ان المصريين والعرب من اكتر الناس اللى بتلعب اللعبه دى متقولش ما انا لو خرجت غيرى مش هيخرج خليك فى نفسك غيرك يوم القيامه مش هيتحاسب مكانك

تخيل اخى لو حد اجنبى او اى واحد بيعرف يتكلم عربى هنقول اسرائيلى مثلا وشاف الكلمه دى وبعد شويه شاف واحد عربى مسلم بيقول لا اله الا الله محمد رسول الله بيلعب اللعبه ياترى وقتها هيحترمك ولا هيحترم الدين اللى انت منه اذا كنت انت مش بدافع عن دينك هو هيفكر انو يدخل فيه انا عارف ان كلامى صعب عليكم معلش استحملونى وبلاش يا جماعه تهيننوى ولا تكتبوا ردود زى اللى اتكتبت فى الموضوع السابق واحد يقولى احنا بعتنا رسايل للموقع عشان يوقف الموضوع ده والموقع الرسمى تجاهلنا وبدل ما يترك اللعبه لا لسه بيلعب وحاطط فى التوقيع بتاعه صوره لشخصيته داخل اللعبه واسمه ومواصفاته كمان بيعمل اعلان للعبه مش كفايه اللى بيحصل فيها لا اله الا الله محمد رسول الله للدرجه دى الاستهانه للدين للدرجه دى بنهين نفسنا ايه اللى يجبرك على انك تلعب حاجه بتهينك ياخى حرام عليك دى بتهين ربنا بزمتك لو حد شتمك فى الشارع بتسكتله بتقولو الله يسامحك جاوبنى وجاوب نفسك هتسيبه لو شتمك هتروح تقول والده انو شتمك وبعد ما هتقول لوالده ووالده مش عمل حاجه وسكت وشتمك تانى وتالت ورابع هتعمل ايه هتضربوا ولا هتشتمه وتدافع عن نفسك مش هو ده اللى بيحصل تخيل بقى دى مش بتهينك انت دى بتهين ربك اللى انت بتسجد ليه فى كل صلاه لو كنت بتصلى ياخى استفتى قلبك وشوف قلبك بيقول ايه حرام عليكم نفسكم حرام عليكم دينكم حرام حرام حرام ارجوكم ارجوكم خدوا موقف واحد فى حياتكم قوى بلاش نبقى سلبيين بالشكل ده ارجوك يالى بتقرى خد موقف واحد صح قول لا قول ربنا اعلى من اى شىء قول رسولى اعلى من اى شىء قول لا اله الا الله محمد رسول الله ارجوك قولها من قلبك وشوف هتلعب اللعبه ولا لا متقولش زى التافهين واللى معندهمش ايمان ولا دين ياعم نفض يا عم كبر دماغك هو احنا اللى كتبنا كده ياعم احنا بنتسلى وبس ياعم ياعم ياعم طيب وبعدين هتفضل لامتى كده اتقى الله فى اعمالك ده احنا فى شهر كريم حتى عشان خاطر صيامك اللى بتصيمه لربنا اللى اللعبه بتهينه شوف سيد الخلق بيقول ايه فى حديث شريف
حدثنا آدم بن أبي إياس حدثنا بن أبي ذئب حدثنا سعيد المقبري عن أبيه عن أبي هريرة رضي الله عنه قال قال رسول الله صلى الله عليه وسلم : (من لم يدع قول الزور والعمل به فليس لله حاجة في أن يدع طعامه وشرابه).
رواه البخاري

قول الزور بس متخيل قول الزور بيفقدك صيامك ما بالك بالى بيهين ربنا قولى جاوبنى يا صاحبى لو انا غلطان قولى انا غلطان انا عارف انى بتكلم بانفعال بس وربنا المعبود انا بتكلم وجسمى بيرتعش من اللى شايفه منكم ومن ردودكم على االمواضيع اللى ذكرت القصه دى واحد بيقول انو شاف الموضوع فى اكتر من مكان تانى وان الموضوع متكرر وياريت محدش يكرره زعلان اوى حضرتك عشان الموضوع متكرر ياخى لو انت مش حابب الايمان ولا حابب انك تركع لربنا ونيتك صافيه سيب غيرك يدعوا ليه وخليك انت فى لعبتك ولهوك اتقوا الله الذى اليه تبعثون حرام عليكم ده رسولنا بيقول فى حديث شريف انصر اخاك ظالما او مظلوما
متخيل انصر اخاك تخيل بقى انت مش قادر تنصر ربك اللى هو اغلى عندنا من كل شىء فى الدنيا
سيبونا بقى من التفاهات وسيبونا من السطحيه اللى كلنا عايشين فيها حرام عليكم ده ربكم مش حد تانى يا جماعه ده ربنا وربنا عزيز عزيز اوى يا جماعه عزيز ذو انتقام ربنا مش بيسيب حق المؤمن ما بالك بحقه هو تخيل ربنا لما يكلمك ويقولك حقى عليك راح فين يااااااااااااااااه اعقلها فى
دماغك وقولى اللى بنعمله ده صح انا بعترف انى كنت بلعب اللعبه وكنت شبه محترف فى اللعبه ومش هذكر اسمى انا مين فى اللعبه ممكن يكون حد صادفنى فى يوم بس يا جماعه صدقونى اللعبه كلها تافه دى مفيهاش شىء صح غير سرقه ونصب لعبه بتعلمك السرقه بتعلمك اخذ حق الغير عايز ايه اكتر من كده عشان تقتنع حرام عليك نفسك وحرام عليك دينك وحرام عليك قبل كل ده ربك اللى انت بتسجدله بتنزل بدماغك للارض وبتحطه جبهتك وانفك على الارض خشوع لله وزل لله وفى الاخر بتقوم من الصلاه تروح تلعب وتساعد على اهانة ربنا حسبى الله ونعم الوكيل فيك ياخى لو ما بطلت اللعبه ودافعت عن دينك وربك حسبى الله ونعم الوكيل فيك حسبى الله فيك منى ومن كل مسلم بيغير عن دينه وربه من كل انسان بيقول لا اله الا الله محمد رسول الله حقا وصدقا وايمانا منه بذلك اتقى الله واتقى نفسك حرام عليك نفسك اتقى الله ارجو من المشرفين وضع قوانين بمنع اللعبه من المنتدى يا جماعه ده منتدى كبير مش هو اللى يقف على لعبه تافه زى دى يا جماعه لو وقفنا لاموضوع فى المنتدى هنا كتير هتمنع نفسها من اللعبه لان اللعبه بكده احنا بنزيد شعبيتها اكتر واكتر ارجو من المشرفين التثبيت للموضوع دى اول مره اطلب طلب للتثبيت اى مشرف يشوف الموضوع ارجو منه التثبيت King, WOLF, Muhammed 2005, HeRo والثواب لله
وادى الصور يا جماعه للى حتى الان مش مصدق وقولى شكلك ايه واحساسك ايه وانت بتشوف اهانة ربك بالشكل ده عينى عينك قدام العالم كله (يا مسلم ) اكتفيت بيها بين قوسين لانه حتى الان محدش عنده القوه انو يبقى مسلم بجد
انا مش هحط استفتاء زى ما قولتلكم بس هقولك سؤال واحد بس وجاوبه مع نفسك عشان مش تحرج نفسك قدام الزوار والاعضاء انت بتحب ربنا ولا لا طيب لوبتحبه بتحبه اوى ولا نص نص
اسأل نفسك ورد عليها وشوف ردك هيكون ايه
دولت صورتين فى مكان واحد وفى اماكن تانيه كتيره بيحصل فيها نفس الاهانه

FPRIVATE "TYPE=PICT;ALT=" هو منقول بس لقيته حقا مهم

عندك حق و انا بدات اسيب اللعبة شكرا

ربنا يبارك فيك و انا من كلامك ده هسيب اللعبه و هلعب Rohan و مشكور عال كلام الجميل ده:o

انا أسف انا مشفتش الموضوع ألي فات انا سبت العبة من ذمااااااااااااان

موضعك جميل وللهى يا اخى

يا جماعه والله انا لو بعرف انزل الصور على المنتدى كنت نزلت بس لو عرفت انزلها هيكون انشاء الله فى اقرب فرصه ممكنه

والله بع الكلمتين دول الواحد مش عارف يقول ايه بس ربنا يوفقك وانا انشاء الله هتسمع خبرى ان انا سبت اللعبة

جزاك الله كل خير

,

جمييييييييل و ارجو التثبيت

جزاك الله خير

miro_07 انت يا ابنى الى نصفنى

يا جماعه بلاش تدو الحاجه اكتر من حقها و تكبروا الحكايه زياده عن اللزوم
و انا مش شايف اى حاجا فى اللعبه تسئ للدين و ان كنت انا مش واخد بالى يا ريت لو حد يوضحلى فين الاسائه دى بالضبط

يابنى انت اللى دخلت رب العالمين فى اللعبه ميش سيلك روود معلهش اننت بتخرف الكلام ده ملهوش دخل باللعبه واللى مكتوب فى سيللك رود ملهوش دخل برب العالمين غافر الذنوب اه بس اللى بتتكلم عليه

اللهم بلغت اللهم فاشهد

يا عم والله ما اعرف انت بتتكلم عن ايه ايه الاهانات اللي انت بتقول عليها والله ما اعرف ممكن توضح ايه هي الاهانات

مستني ردك
وشكرا ليك على تفكيرك بدينك واسال الله يبعد عنك الرياء

بسم الله الرحمن الرحيم

اولا يا جماعة بالنسبة للاهانات والكلام دا انا عارف الصور كلها وعارف الاخ مشكور كان بيتكلم عن ايه

هو الاخ مشكور انه بيوضح انه لو فى اهانة يبقى لازم تكون المقاطعة مننا احنا اول ناس

انا عاوز اوضح شوية حاجات

اول حاجة الكلام اللى مكتوب فى سيلك رود يخص الذات الالهية عبارة عن

اول حاجة اللى مكتوب على بطن الراجل القصيؤ بتاع المراكب اللى بين hotan ومدينة donwhang

تانى حاجة اللى مكتوب على الصندوق بتاع storage فى hotan

بالنسبة للرد
ياعم الحج الحاجات دى مافيهاش اى اهانة الا اذا قصد بيها الاهانة فعلا
بمعنى ان عندك اللى مكتوب على هدومة غافر الذنب دا ولا هو بيغفر الذنب ولا مهمتة حتى فى اللعبة ليها علاقة بالذنب وغفرانة وتزويده
يعنى لو انت مثلا عندك تيشرت مكتوب عليه لفظ الجلالة (الله ) هل دا معناه ان انت ربنا والعياذ بالله
ياجماعة بلاش لبس وبلاش ندخل ربنا معانا فى اللعبة

وبالنسبة للجزء التانى اللى هوا بتاع البت بتاعت الاستوريج
دا مجرد صندوق ومكتوب عليه كلام وعلى فكرة المدينة كلها معمولة على الطريقة الاسلامية
هما عاملينها انها مدينة اسلامية
بص على الخيم وبص على كل حاجة فى اللعبة وstrage لو لاحظت هتلاقيه خشب ارابيسك ولو حد عنده صندوق من بتاع جدو ولا اى حد من الناس القدام هيلاقى عليه ايات قرانية زى اللى على الstorage بالظبط
المهم يعنى انا مش شايف ان الموضوع فيه اى حاجة
على العموم اللى شايف اى حاجة يقولى عليها انا مش بدافع عن اللعبة على فكرة دا مجرد راى واللى شايف ان انا غلط فيه يراجعنى

شكرا ليكو جميعا

انا حتي الان في سرفر هير قليز ما شوفت وله واحد يضتم في ديني وله في رسولي
وشمكرااااا

thnx man

والله بع الكلمتين دول الواحد مش عارف يقول ايه بس ربنا يوفقك وانا انشاء الله هتسمع خبرى ان انا سبت اللعبة

جذاك الله كل خير والله انا هبلغ كل المسلمين اللى بيلعبو سلك رود ونا هسيب اللعبه من دلوقتو

*=== (( ما يلفظ من قول إلا لديه رقيب عتيد )) ===*

كلمنى

كلمنى على الياهو ياelhmen
Abd

جزاك الله كل خير على الافاده و انا ححاول اسيب اللعبة


شكرااااااااااا

gzak allah 5ayran we ya gma3a lazem n3ml 7aga 3`ir en e7na nseb el l3ba
ya3ny 7ad maslan law yekt Glopal chat nerod 3lih men 3`er shtima
aw be ehana
nerod 3lih man5lhosh yeshtem 7ad wla ye3`lat fe 7ad we n2ol lel bikteb keda de mogard le3ba mayd5lesh feha el adyan
ya3ny 3shan hwa bil3b le3ba ye5lina netla3 men sho3rna we n2ol klam............
ya gm3a lazem n3ml 7aga tanya ..

we gzak allah 5er 3la el mawdo3 dah
el slam 3likom

enta andk hak laken nan msh aref asib eleba .......................... bas wallahy ana grabt kasa mra laken msh aref moken toaly hal lklam da rod alia fe asr wat moken plz man ana mabnmsh bsab silkroad deh ............ plz shofly hal o olholy ok ? argo elard elsarie?

ياجماعة حتى بردوا البلاك سميث بتاى الأسلحة اللى فى هوتن مكتوب على البنطلون بتاعه من الجن أشهد أن لا إله إلا الله

ya 7abeb 2albe ya 3'ale al mawdo3 dah 2adem geda we atna2esh akter mn mra we fe nas kter raslet al joymax we ashtket mn al sora de we kan al rad an fe nas kano mohndsen graphic kano mn al a3da2 alle rado 3ala al mawdo3 msh mn beto3 al sherka 2alo an kol al pics alle bteb2a mawgoda fe al le3ba we kol al graphic byeb21o wa5deno mn 7agat tanya ya3ne msla sewar 2w 2y 7aga keda fa zy ma kanet mawgoda howa 5adha we 7ataha 3malah copy we paste 7ta mshafsh feha 2y 7aga we anna msh ba2ol keda 3shan adafe3 3an al la3ba 2w 2y 7aga anna bas ba2ol keda 3shan afahemak alle feha bas 3shan mmtso2sh al zan fe 2y 7ad we law fe 2y 7aga 2b2a klmne we anna hardo 3alek

مشكوور اخى لحديثك المقنع وارجو الجميع يتحد ويسيب سيلك

بارك الله فيك و ان شاء الله ناوي وادعيلي ان ربنا يساعدني

مشكورر

الكلام ده جامد

انا بالعب اللعبه من وقت قريب و لم ارى اى اهانات

شكرا على موضوعك بس انا بلعب من اكتر من سنة ومش شايف اى اهانة للة فى العبة
كمان كل واحد عارف اية الصح والغلط
وكمان مع احترامى ليك مفيش واحد هيكون لفل 90 وطلع عينة علشان يوصل 90 هيسيب العبة علشان كلامك دة هوة دة الواقع
بص فى حجات كتير غلط الانسان بيعملها مش هتجى على العبة
انا عارف المقروض الواحد يحاول يبعد عن اى حاجة غلط او حرام
بس دى لعية ورينا يغفر لكل مسلم