الجيــم زى >-----> المدرســـه
 

السلام عليكم
احب ابدا كلامى بإن يارب الناس كلهــآ تكـون بخيــر


اولا انا عايز اتكلم على موضوع بخصوص اغلبـية الشباب اللى ف الجيــم انا ملاحظ ان الاغلبيــه العظمى سنهم 15:16 سنه ونادر اوى لما بشوف واحد مثلا سنه فوق الـ20 مش معنى كده انى بقلل من شأن الشباب الصغير لا العكس الشباب الصغير دول هما الجيل القادم بإذن الله بس انا حابب اتكلم على السيطـره الفكريــه اللى ف الجيـم على عقول الشباب الصغير يعنى انا بشوف ناس ف الجيـم معاها اكونتات ليفل عالى ومش فاهميــن حاجه غير انو يلعب Pvp ويتنطط على الاكونتات الصغيره والواحد يكلمه واحاول افهمــه اطلع انا ف الاخر Noop ومش فاهــم حاجــه وهو اللى فاهـم كل حاجــه عشان معاه اكونــت ليفل عالى واكيــد بيكــون مشتريــه مش هو اللى طالع بيــه من تحــت مش كل النــآس كده طبعـآ غير كمــآن ادمـآنه للجيــم بطريقـه غريبــه اوى بيكـرهـو المدارس عشــآن هتاخدهــم من الجيـم لمدة كام ســآعه ...

يعنى موقف حصل معايا ف الجيــم واحد كان معايا ف البارتى وانا كنت بعمل فارم لاكونت خاص بيـه بيقولى اعملى فارم معاك قولتله حاضر بعدها بشويه بيقولى ممكن طلب قولتله اتفضل قالى اعملى دى ليفل قولتله حاضر بعدها بشويه بيقولى انت عامل اكاديمى قولتله لا قالى اعملها ودخلنى معاك قولتله ربنا يسهل وبعدها وهو ف البارتى كل ده ف خمس دقايق بس يقولى طلع ده من البارتى ودخل ده عشان واحد صاحبى اخر ما اتخنقت قولتله ييابنى مش كده انت بتطلب حاجات كتير اوى خد عندك بقى شتيمـه وقلت ادب طول اليوم بيشتم فيــه ما علينـآ المهم ارجع لموضوعى وهو الاساسى السيطره الفكريه على الشباب الصغير اللى ف الجيم بجد بيضيعو مستقبلهم بسبب جيـم غير طبعا الفلوس اللى بيصرفوها على الجيم حاجات بالهبل ... بجد لازم الناس تكون على وعى اكتر ... وفعلا الجيـم دى حرب فكري يهـودى... اعتذر انى طولت بس الموضوع ده كان شاغلنى اوى


شكـــــرآآ

كلام صح اخر حاجه بجد

تمام وده الى انا كنت عايز اقوله لان من غير ادب هتبقى قلت ادب واكيد هو لو كان طلع بالاكونت للفل عالى كان فهم لكن هو شاريه اكيد هيكون مش فاهم حاجة فى البتنجان

تحياتى

فعلا - عندك حق بس ده مش من سن
15 ل 16 ده من 14 ل 18 أو أكتر
أصلن لو كل واحد هحط في مخه أنه لوشتم واحد في الجيم ربنا هيحاسبه زي بره الجيم -مكانش هيعمل كده ويقعد يشتم في الناس

والله كلامه مظبوط

مش كل الناس يعنى انا عندى 17 سنه عنلت اكونت دلوقتى لفل 106 انا الى عملو بقالو بالظبط 8 شهور معايا و مطلعوا من الاونج معاه 20k sp عادى مش كل الناس الى فى الجيم حلوه و مش كل الناس وحشه

تقبل مرورى

والله اكتر حاجة عصبتنى هوا الواد اللى شتمك دة , بعد ما عملتلوا كل دة يرجع يشتم؟ بجد حاجة تغيظ

اسف لو فى حاجة غلط فى الحروف عشان مليش فى العربى زى الفرانكو:icecream:

شكرا لمرورك ياجميل

هنعمل ايه بقى غير اننا نقول الله يسامحه والمسامح كريم شكرا على مرورك

تسلم وشكرا على مرورك


مرورك على راســى



هو فعلا مش بالســن فى ناس كبيره عقلها صغير وفى ناس صغيره عقلها اكبر منها بس الاغلبيـه ف الجيـم شباب صغير وعقلهم على قدهـم وكل تفكيرهم ان انت لو مخدمتوش ف الجيم يبقى انت عدو بالنسباله ... شكرا على مرورك



شكرا ياباشا على مرورك


ولا يهمك ياجميل كلنا فاهميـن بعض وبالنسبه لموضوع الشتيمه ده انا متعود عليه :angel_not: وشكرا على مرورك الجميل

تمام معاك جداً
بس اعذرني مش معنى كدة إن كل الناس معندهاش زوء

وأنا من رأي ده على حسب التربية

احترم كلامك ده قوي كلام مظبوط و صح الصح ^^

بذات الحته دي :: اما الشتايم فده مش بي السن ده بالبيئه والتربيه

وانا اهو يا اخ xXx_MaN_xXx .. عندي 17 سنه والحمد الله اللعبه

مش وخداني عن مصالح الدنيا و مذكرتي

وفعلآ كلامك صح ان العيال الصغيره بتبقا مليا السيبرات

يعد نص ساعه ولا ساعه ال Time خلص يقولو زود تاني

فلوسو بضيع بطريقه فظيعه وتلاقي فعلآ ميروحش المدرسه

ويقولك لا يا عم انا هكت والعب سيلك رود أوله ^^

حقيقي لعبة حرب زي مبتقول

ربنا يسترها علينا

وتقبل مروري وموضوع مستهدف فعلآ

هو ده الكلام و الله

تسلم

هو فعلا مش كله طبعا بس اللى عنده زوق اكيد متربى لكن اللى معندوش يتربى ... شكرا ياجميل على مرورك



مع احترامى الكامل لشخصك ولسنك مش كل الناس كده.. وكمان ياباشا مش كل من صغر سنه خف عقله ... يعنى ف كتير اوى ناس عاقله ومتزنــه



تسلم على كلامك ومرورك الجميل

جميل والله

ممكن حد يقولي ازاي اللعبة حرب فكرية يهودية و هي صينية اصلا؟؟؟
مشكووووووووووووور علي الموضوع.

عشان معاه اكونــت ليفل عالى واكيــد بيكــون مشتريــه مش هو اللى طالع بيــه من تحــت مش كل النــآس كده طبعـآ
غير كمــآن ادمـآنه للجيــم بطريقـه غريبــه اوى بيكـرهـو المدارس عشــآن هتاخدهــم من الجيـم لمدة كام ســآعه ...



اولا انا اقولك على حاجه انا عندى 16 سنه و بلعب الجيم متعه و اللى بصرفوه على الجيم حاجه بسيطه يعنى الفلوس اللى بقعد بيها فالسيبر و كمان حكايه لفل عالى و لفل قليل دى مش بتفرق مع ناس انا الحمدلله بلعب الجيم ده من 5 سنين ولحد دالوقتى انا علمت ناس كتير و دالوقتى 110 بس عادى اهم حاجه انى اتمتع مش اكون لفل عالى و خلاص


و كمان المدرسه اصلن فى تعليم فى مصر ؟؟؟ اكيد كله يقول كده علشان هوه فاشل او كده يعنى انته تعمل ايه لو مدرس دخل الفصل بقولك هتاخد درس تنجح و مش هتأخد هتسقط ؟؟؟؟

و كمان اللى بلعب سلك رود احسن من اللى بشرب سيجار او اى حاجه تانيه انا عندى واحد صاحبى بتل يلعب سلك رود 2 اسبوعين بس والله والله كان بشرب سيجار و شيشيه و كده

و انا عارف انى سلك رود بتتحكم فى حياه الناس اسأل مجرب هههه انا كان لما ارفع لفل او كده كنت ابقى فرحان ولما يحصل حاجه ازعل هههههه

و كمان انا بنزل الجيم علشان اكلم الناس اللى جوا الجيم و اصحاب و كده و كمان ال pvp

و انا شوفت ناس كتير بتسرق علشان سلك رود و يجيبو اكونتات عاليه وكده

يعنى لفل 110 هفرق اوى عن لفل 1 ماهوا كده كده فى جيم واحد و متعه واحده

هيا حاجه اللى بتخنق ان واحد يشترى اكونت 90 او 100 و يقعد يتلفل على طول طب كده مستفيد ايه ؟؟؟؟

و كمان اللعبه دى فى ناس كتير مش بتعرف تقرأ و تكتب اذا كان فرنكو او انجلش

و كمان ميزه االلعبه دى الشات


اللهم احفظ مصر من كل مكروه انك على كل شئ قدير

تسلم ويسلم لسانك وشكرا على مرورك

السيطره الفكريه مالهاش دعوة بصينى ولا يابانى وبطريقه اسهل عشان يوصلك المعنى زى الادمان على شرب نوع من انواع المخدر لما واحد يديك حاجه تشربها تعجبك يديك منها تانى ومره ورا مره تقولو انا محتاج يقولك مافيش بعد كده تبدا تدور عليها بفلوس لحد ما تشتريها انت وكده يكون بدات السيطره على التفكير هو ان يبقى كل تفكيرك ازاى تجيب فلوس عشان تشترى الحاجه دى زى سلك رود ازاى يقدروا يخلو تفكيرك انا عايز اوصل ليفل 110 يبقى اشترى بريميم بلس ييبقى هدفع فلوس ده غير طبعا هدر الوقت ... يعنى شباب الثانويه العامه اللى نفسه يدخل هندسه او طب يبقى مع سيلك رود مستقبل افضل معهد افضل ياريت يكون وصلك كلامى... اسف للاطاله وشكرا على مرورك



مش كل الناس بتفكر كده وزى ما سبق كلامى وقولت ان مش كل من صغر سنه خف عقله وبالنسبه للتعليم المدرس اللى يقولك درس هتنجح من غير درس هتسقط يبقى انت تستاهل اللى يحصلك لو سكت لكن ف حاله زى كده بالجــز.. واديلــه وليك حق طبعا ... وانت بتقول ( و اللى بصرفوه على الجيم حاجه بسيطه يعنى الفلوس اللى بقعد بيها فالسيبر ) (انا كان لما ارفع لفل او كده كنت ابقى فرحان ولما يحصل حاجه ازعل) يبقى فى نسبه استحواز على تفكيرك انك بتنزل السيبر عشان تلعب سيلك رود وتدفع فلوس بس مش مضره بالنسبه لناس نسبة السيطره على تفكيرهم 110% ومع الديجرى الجديد الله واعلم نسبة السيطره هتزيد ولا لا ...

واهم حاجه انك تعمل كنترول على نفسك وبلاش تسلم نفسك لسيطره انت مش قدها والناس تقول عواد باع ارضه عشان يشترى بريميم بلس ...

شكرا على مرورك

مش الناس كلها كده

عندك حق و احسن حاجة ملكش دعوة بأي حد في الجيم خليك في نفسك و خلاص

والله حكايت الشتيمه دى انتا بتلاقى نفسك اعد فى امان الله وبتلاقى واحد بيطنطط وعمال يشتم

المشكله انو مش بيشتم كدا

هو اصلا انتا لو شوفتو هتلاقيه واد اهبل وعبيط واخرو يتكلم فى لعبه

ولو على اللعبه انها ادمان فا انا عاوز ابطلها


والله انتا كلامك فى محلو

تقبل مرورى

لووول

عايزين نحو الاميه :))

اكيد طبعا ... شكراعلى مرورك
هحاول اعمل كده بس انا عارف نفسى بحاول اخدم ... بس بتشتم ف الاخر ادمان
ماهو كل من قعد ورا شاشه قوى قلبه

موقف بسيط اوى حصل معايا بالمناسبه عشان كلامك ... واحد دخل معايا تاكسى وحب ينصب عليه وعمل التبادل وفى الاخر بيلغى العمليه ويقولى انت اخدت الجولد روحت طارده طبعا قالى انا هبعت جلوبال قولتله امشى يابنى العب بعيد انت عيل صغير اصلا لقيته بيشتم وبيقولى انا عندى 30 سنه انا لو عرفت مكانك هــ ... روحت كاتبله مش بتقول انك هــآ ... طيب ورينى شطارتك وخد رقم تلفونى كلمنى وانا هنزلك المكان اللى انت فيه وفعلا بعتله رقم تلفونى .. بس للاسف سافر ولا سمعت عنه خبر ده الطبيعى بالنسبه لعقول الاطفال ... اسف على الاطالــه ... وميرســى على مرورك


اكيد نحـو هو احنا اخدنا ايه من محـو غير القراءه للجميع خلينا نحو احســن

هههههههههههههه والله انت بتنفخ فى قربة مخرومة سورى سورى فى اللفظ يعنى بس هاسالك سؤال صغير انت

بتقول الكلام دة لمين محدش هايسمع ومحدش هايعمل حاجة اة ماحدش هايعمل حاجة ولا حد هايفهم ودة رايى طبعا

الناس هاتقول مين العبيط الى بيتكلم دة يايقول كلمة حلوة يابلاش منو بس والله دى الحقيقة حضرتك بتتكلم على

السيطرة على فكر الشباب الصغير الى هما مستقبل الدولة وامانيها يعنى من الاخر كفاية كدة دة فكر يهود طب ركز

كدة شوية شوف معظم الى دخلو اتكلمو فى اية ان الشتايم فى الجيم غلط ودى تربية ومش عارف اية والى اعلى

والى اقل طب بالله عليكو هى دى المشكلة شوفو الراجل بيتكلم فى اية وانتو بتتنقشو فى اية اسف للاطالة بس احنا

راحت علينا خلاص ومافيش امل بجد انا نفسى اسيب الجيم دى بس انا فعلا ادمنتها

انا اى حد يشتمنى اى شتيمة واتعامل معاه بكل احترام مفيش مشاكل وبخليه يتاسفلى كمان

بس اللى بيغظنى وهيخلينى ارمى الجهاز فى الشارع :blowup:


ان حد يسبلى دين

والله العظيم برستر الجهاز من كتر غيظى :ranting:

مع العلم انا عندى 18 سنة

بس والله موضوع جميل

سب الدين حاجه ف حد ذاتها حرام اوى .. فى ناس كتير سب الدين عندها شتيمه يفتخر انه بيشتم بيها ده الجاهل بدينه ...

لكن خنقتك بسبب غيرتك على دينك وده شئ جميل وربنا يقـوى ايمـآنك .. وايمان الناس كلها..

مشكور على مرورك الجميل

كلامك صح ويمكن الناس خرجت عن الاطار الاساسى للموضوع بس لازم نساير الامور واناقش كل واحد ف كلامه اكيد كل واحد دخل الموضوع قرأ الموضوع واكيد عرف انا قصدى ايه هو اخد جزء من الموضوع واتكلم فيــه اهلا بيـه وهرد عليــه لكــن فعلا انا اساس مناقشتى على السيطره الفكريــه ... انا مش بنفـخ ف اربـه مخـرومه ولا حاجه .. فكر شويـه شوف الاثار الجانبيه اللى ترتبت على ادمانك للجيــم ..

* مش قادر تبعد لحظه عن الجيـم
*مضيع مذاكرتك
*كاره مدرستك وفى ناس بتهرب عشان تروح تلعب سيلك رود ف السيبرات
*صحتك
* عندك لامبالاه باللى حوليك
*ولو كنت بتصلى قبل الجيم بعد ادمانها تركت صلاتك
*بتهدر فلوسك
*اوقفت مستقبلك عشان جيم بيتحكمو فيه بشر زى وزيك
والاثار دى بتختلف من شخص لشخص الكلام ده لمدمنين الجيم بس ..مش كل الناس اللى بتلعبها لان في ناس بتضيع وقت فراغها بس فيها لكن وقت الجد ارمى سيلك رود على جنب ...

وشكرا على مرورك

صح وعرفناها

طيب ودى معناها ايه هههههههههههههه

u are right

لا ياباشا ده مش قصدى طبعا انا بتكلم وعارف ان الناس مش هتسيب الجيم بس انا اللى عاوز اوصله للناس انها تعمل موازنه ف حياتها عشان تعرف تماشى الايام وتشوف ماصالحها ويعرفو ان دىمجرد جيــم ومستقبلك اهم من اى حاجه ... انا بلعب سيلك رود بس مش معنى كده انى اسيب الجيم لمجرد انى بقول الكلام ده لا .. كل اللى عاوز اقوله ان بلاش نخلى جيم يستحوذ على نسبة تفكير عاليـه .. ومعلش فى ناس زى العفاريت ف الجيم بس بجد ما يعرفوش اى حاجه عن دنيتهم ... وانا متاكد ان اللى بيهرب عشان الجيم اكيد لو الجيم اتقفل لا قدر الله عشان الناس متزعلش منى مش هتهرب ... دى سيطره فكريه ... شكرا على مرورك

تسلم على مرورك الجميل

تمام

ماشى اهلا بكلمة نساير الامور واهلا بالناس الى ادمنت الجيم واهلا بيك وانت بتقول خلى سلك رود على جنب مش

تبئا كل حاجة بنسبلنا واهلا واهلا واهلا سؤال صغير لحضرتك انت عارف اية الى هايحصل بعد كل دة ؟؟ ممكن ارد بعد

اذنك موضوع زى الى قبلة والى قبلة والى قبلة ونهايتو الحذف تفتكر حد هايمسع حاجة تفتكر حد هايعمل حاجة لو انت

تفتكر وجهة نظرى انك غلطان يارب اموت انا مش بكسر مئاديفك ولا حاجة بس بجبلك من الاخر لا يغير الله من قوم حتى

يغيرو ما بانفسهم هاتعد تؤل ابعدو عن سلك رود محدش هايعمل حاجة لاننا لازم نتصلح من جوانا الاول نبتدى نصلى

ونعرف ربنا ونحضر خطب فى الجوامع ونهتم بدروسنا ومستقبلنا شباب مصر حقق ثورة برة مش من جوة اعتقد ان

الى اهم من جوة ثم من برة اسف على الاطالة بس دى وجهة نظر وارجو قبول النقد باحترام

يااااااااااااه الموضوع دا انا اتكلمت فيه من زمان ومحدش عبرو يا استاذ مان اول حاجه دول اطفال من سن 8 \ 12 سنه مش فامين حاجه وكمان اسامى الاكونتات والله حاجه مقرفه وكمان دول عاملين زحمه وبس وصعب جدان التفاهم معاهم و النجليزى بتاعهم زى الفل مش بيتكلمو غير ب كلمة Me no ,, Me dont need this ,, هههههه وغيره كمان و كمان انا نفسى الجى ام يعمل حاجه تخلى الى اقل من 14 سنه ميلعبش الجيم و اسف طولت عليكم والسلام ختام .