|
انا مخنوق اوى بجد
مش عارف ابتدى الموضوع دة ازاى
بس دة احساس مش عارف بردو الموضوع دة هينتهى ازاى بس اهوو بفكر بصوت عالى و خلاااص و لازم تسمعونى و تشاركونى كمان **** اوقات بحس انى مخنوق اوى بس اكتر حاجة بتضايقنى اووووووووى لما احس انى مخنوق و بس يعنى مخنوق و خلاص كدة مش عارف مخنوق من اية بس احساس الخنقة دة مخلينى زعلان اوى و مش عارف افكر و لا اعمل اي حاجة الاحساس دة بيجيلى اوقات مش ديما بس بيجى تفتكرو اية سبب خنقة الواحد من غير سبب ؟؟ و اية حلها ؟؟ اكيد كل واحد مننا لما بيتخنق ..بيعمل حاجة مختلفة عن التانى و اكيد بردو فى ناس بتتغلب على الخنقة دى بحاجة و ناس تانية بتتغلب على الاحساس دة بحاجة تانية خالص اكيد لان كل الناس مش زى بعضها حاول تفكر معايا بصوت عالى شويا و تكتب هنا و تقول انتة بتتخنق من اية ؟؟ و بتخرج من الحالة الصعبة دى ازاى ؟؟ :dunno::dunno::dunno: |
بتدرس طيب ؟
|
لو فى ثانـــوى عام لازم تتخنق
|
عادي حاول تخرج علشان متخرجش من الخنقة تلاقي ملل والافضل تصلي .
|
انا 2 فى ثانـــوى عام
|
يا باشا لما تبقا مخنوق صلى الفجر و الصلوات التانية
و جرب على ضمنتى 100% :mf_ymca: |
بص ثانويه عامة لازم لازم لازم تتخنق و لو متخنقتش تبقى مش طبيعى انا واحد اهو لما كنت فالثانوية العامة مع انى كنت ادبى بس حصلى مغامرات بس الحمد لله عدت الثانوية العامة على خير كانت سنين مش حنساها احسن حل ليك لما تتخنق صلى و لو بتصلى و لسه مخنوق برضه شوف انت بتحب تعمل ايه وقت متلاقى نفسك مخنوق اعمله انسى بيه شوية اصل انا عديت باللى انت فيه ده و اكيد مش انا بس ناس كتير |
Thx
|
سبب الخنقه ممكن يكون الروتين و ممكن يكون لو انت فى ثانوى و احنا داخلين على امتحانات بيحصل نوع من انواع التوتر بيخليك زعلان و شايل الهم بسبب الامتحانات و الكلام اللى بيتقال فى البيت و اللى حواليك بيبقوا منتظرين منك اكبر مجهود فى المذاكره دا كلوا بيولد ضغط لو كل يوم بعد ما تخلص مذاكره تطلع تتمشى لوحدك لمدة نص ساعه او تقعد فى مكان هادى لو فى جنبك حديقه - نادى -جنينه - كوبرى - مكان بيطل على النيل ؛ اى حاجه يكون فيها لون اخضر هتلاقى الشعور دا راح تماما و قدرت على المذاكره بصوره افضل و التحصيل يزيد |
بص هو ف اسباب كتير للخانقه دى اول حاجه و اولها و اهمها انك ممكن تكون بعيد عن ربنا ... و نجى بعد كده على :
1- انك عملت حاجه و ندمان عليها اوى و نفسك تتصلح تانى بس مش قاادر 2- ان معندكش صحاااب و ماتقدرش تصاحب حد لان حصلك مشكله معاهم قبل كده 3- ممكن تفكر و الامتحانات قربت انك مش عارف ف اى حاجه 4-انك بتقعد كتير تفكر مع نفسك و تفكر كل مشكله حصلتلك و تكون متضاايق اوى فيها .. ودايما بتقعد لوحدك 5- وسائل الاتصال الى بينك و بين النس قليله او مش بتعرف تتعامل معاهم .. و كده لاى موقف بتتخنق منه بسرعه ... 6- انك معندكش صبى على اى حاجه يعنى دى بعض الحاجات حلها بقى ... مش هاقولك الصبر على كل موقف بس ادى لنفسك فرصه تحاول تحل اى مشكله تقابلك بكل صدر رحب و دايما اتقبل الى ممكن يحصلك ...تتقرب ل ربنا الاول طبعا و تحاول تعرف قصص الانبياء و النبى محمد "صلى الله عليه وسلم " و اتعلم منها ازاى كانو بيحلو المشاكل بالصبر و حاول بقدر الامكان تتعامل مع الناس و افهم كل واحد و طابعه علشان ماتتخانقش منه بسرعه و اتكيف معاهم :saddest: |
أقولك انا تتغلب على الخنقة دى إزاى , إدخل ذاكر أ*** مادة بتكرها فى حياتك , وصدقنى , الخنقة هتروح تماماً , لأنك هتنتحر . :giljotiini:
|
نصيحة اسباب الخنقة انك فية حاجة انتة مزكرتهاش او مواد متلااكمة او حاسس انك مش 100 % فى بعض المواد كانت بتجيلى لما كنت فى ثانوى:v: |
نصيحة : في وقت الضحك او الراحة حاول لو بتضحك مع حد او بتفرفش
انك تاخد اكبر قد علشان يبقي عنك مخزون تطلعة في الايام السودة :smilie_tux: |
قرب من ربنا.
|
سيب همك ع ربنا وادعي وصلى وان شاء الله مش هيكون عندك هم وحاول انك تعمل اصدقاء جدد عشان مش تبقى لوحدك :icon3: |
ينقل قسم بعيدا
|
انا عن نفسي لما بتخنق من غير سبب كده بخش استحمي واطلع اصلي ركعتين والله الخنقه اللي انا فيها دي بتروح جربها وقولي طريق
ه 100%100% |
|
اقتباس:
|
اقتباس:
|
والله نفس الشعور اللي عندي بس ده مش سبب الثانويه العامه ده عشان انا في تجاره تعليم مفتوح و مش عارف مستقبلي عامل ازاي ولا عارف هشتغل ولا مش هشتغل و لا عارف هجوز ازاي ولا اكونن نفسي ازاي في القرف اللي احنا فيه ده و الأكتر اني شغال صانعه مقرفه و مش عاوز اكمل فيه
انا والله بجيلي افكار يعني انا لو موت حد هيتأثر بيه او هأثر علي حد يمكن هيزعلو عليه شويه و ينسوني و :ان مفيش حاجه حصلت و مخنوق مش عارف اعمل اللي في نفسي و لا ادرس اللي في نفسي و الشغل حكمني واخد حياتي كلها مش عارف اتحرك و مينفعش اسيبو عشان انا ألي بصرف علي نفسي و االله حجات كتير خنقاني و ربنا يستر |
امال انا اعمل اية رايح الامتحان في شهر 6 وي مش عارف اي بتنجان السنة دي خليها علي الله |
أوعــــي تفكر في حاجه عدت وخدها نصيحه من أخ لاخوه مهمــا كـــان متبصش وراك ولا تندوم عليه ولا تفكر فيه لانو خلاص راح احلم ببكره... اه زي مبقولك كده متضحكش... حــا ول الي فات ده تنساه في مثل بيقولك الي فــات مـــات ياعني انت تبص للجاي واكيد انت مخنوق زي مقال احد الاعضاء بعيد عن ربنا او عملت حاجه وندمان عليها ومش عارف تصلحها ليك اصحاب مطلعين عينك في الحورات والسن ده كله حورات ومشاكل بتحب واحده وقرفاك في عيشتك الهم والله بص لقدام وحاول تصلح من نفسك وفكك من الي عاوزين يشوشروا عليك دول مش عاوزينك تبقي احسن منهم معلش الكلام جاب بعدوا ارجو اني اكون أفـادتـك اسف ع الاطاله.. |
طــــــــــــب ما تكــــــــــــشـــــــــــف
:111 (10)::111 (10)::111 (10)::111 (10)::111 (10): |
عيط
اعيط ! اه انا بقولك عيط و جرب و لو ليك صاحب او صاحبه قريبين منك اوى احكيلهم كل الى جواك هتستريح |
مش لوحدك انا في ثانوي عام زيك و نفس الكلام يعني بجيلي اوقات الاقي عندي mood وحش اوي من غير سبب ان شاء الله سنتين و هيعدوا بس الحل الامثل انك تنزل تصلي الفجر في الجامع...و تتمشي شوية لحد شروق الشمس كدة انا مجرب |
بوص انا كنت قرأت قبل كدا ان الخنقة دية بسبب ان انت مش بتقوم بنشاط يفرغ الطاقة اللى فى جسمك
يعنى انزل مع صحابك العب كورة من وقت للتانى كدا العب رياضة و الدليل على كدة هتلاقى الحكاية دية بتحصل مع البنات اكتر لانهم مش مسموح لهم الخروج او تفريغ الطاقة دية |
الشرط مش فى الدراسه
بس انا ساعات بيجيني نفس الاحساس ده مره واحده بتخنق و بتقفل معايا و مش باكون طايق اى حد و ناس تسئلنى عن السبب و اكون انا مش عارفه :s فعلاْ حاجه تخنفق |
مــخــنــوق فــضــاـئي |
| الساعة الآن 09:17 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.