|
لغز محتاج واد ناصح يحله (يا ترى مين؟)
السلام عليكم و رحمة الله و بركاته
أما بعد بصوا يا شباب اللغز ده ممكن يكون في ناس سمعته أنا عاوز اللي سمعه يحله بس بطريقة الصادر و الوارد أكررها مرة أخرى أريد حلا للغز بطريقة الصادر و الوارد اللغز محمد و أحمد و علي راكبين موتوسيكل و هما في الطريق الموتوسيكل حصله عطل بسيط راحو للميكانيكي الواد الصبي قام بالواجب محمد قالوا عاوز كام يا برنس؟ الصبي قاله 30 جنيه محمد قالهم يا جماعة ممعيش غير عشرة جنية راح أحمد مطلع عشرة جنية و علي طلع عشرة جنيه محمد خدهم و عطى 30 جنيه للصبي و قبل ما يخرجوا دخل الأسطى قال للصبي في إيه يا بيلية؟ قاله حاجة بسيطة و أخدت منهم 30 جنيه الأسطى مش بياكل حرام قال للصبي لا خد منهم 25 بس ورجعلهم الخمسة جنية الصبي قاله ماشي يا أسطى الصبي رجع 5 جنيه لمحمد محمد قاله استنى يا بيلية خد منها 2 جنيه بقشيش ليك و هات 3 جنيه محمد أخد ال 3 جنيه رجع جنيه لأحمد و رجع جنيه لعلي و خد جنيه لنفسه (قسمها بالعدل) كده اللغز خلص نركز بقى بطريقة الصادر و الوارد في الشركات و عمليات الجرد اللي ممكن تطلعك مغتلس و حرامي محمد دفع عشرة جنية بس رجعله منهم جنيه يبقى دفع 9 جنيه صدر منه عشرة و ورد إليه جنيه إذا قد دفع تسع جنيهات بفواتير يا برنس أحمد نفس الكلام علي زيهم بالظبط يبقى الخلاصة محمد دفع 9 و أحمد دفع 9 و علي دفع 9 9×3=27 جنيه الواد أخد بقشيش 2 جنيه لازم نضيفهم للمجموع 27+2 = 29 طيب السؤال إزاي محمد دفع 30 جنيه للصبي (بيلية) و لما حسبناها بالصادر و الوارد طلع 29 جنيه حد يقولي فين الجنيه رقم 30 بس بطريقة الصادر و الوارد (يعني بطريقة بما أنه قد دفع كذا و عاد إليه كذا إذا فقد دفع كذا ) تنبيه / محدش يحلها بالطريقة دي ميقولش هما دفعوا 30 الواد الصبي خد منهم 2 يبقى هما دفعوا 28 28 نقسمها على الثلاثة يبقى كل واحد 9.3333333333333333 ده حل مش مطلوب أنا عاوز حل بطريقة الفواتير الصادر و الوارد اللي عنده حل يتفضل يقوله |
ثانية اسال بابا هع هع هع مدير مبعات
|
بص يا سيدي
دلوقتي لما الراجل ادالوا 5 جنية عشان يرجعها المفروض نحسب ساعتها كل واحد دفع كام هيطلع 8.3 ..... 25 علي ال 3 مش نحسب علي الحسبة القديمة ... بعد كدة 8.3 × 3 = 25 +3 = 28 + 2 = 30 و دة الحل بتعها :) عيب عليك ياعم ^^ بس لذيذة الحزورة دي شوف واحدة تانية :kid: |
اقتباس:
أنا قلت بطريقة الصادر و الوارد بعد انتهاء المسألة مش صعبة دي متحلهاش من النص حل غير مطلوب و غير صحيح إثبت كلامك بالصادر و الوارد بطريقة الفواتير يا برنس |
صادر و وارد اية ياعم
ما دي كدة حلها ؟؟؟ ,,,, بدل ما نجمع ال3 جنية علي كل واحد هنحسب الاول كل واحد دفع كام بعد اما الراجل رجع ال5 جنية 3÷25=8.3 كل واحد هيطلع دفع 8.3 8.3 × 3 = 25 25 + 3 ( اللي رجعهم الصبي للعيال )= 28 2 ( اللي خادهم الصبي )+ 28 = 30 مش فاهم عايز اية تاني ؟!! |
اقتباس:
يعني بص أحمد لما عطى عشرة جنيه أخد فاتورة من محمد إنه دفع عشرة و لما محمد رجعله جنيه محمد أخد منه إيصال بجنيه لما أحط الورقتين جنب بعض الورقتين يثبتوا إن احمد دفع 9 و نفس الكلام مع الباقيين إذا أنا معايا أوراق رسمية تثبت أن كل شخص دفع 9 جنيهات لو قدمت الورق ده لأي حد مش هيقدر يكدبني فاهمني و لا لسة؟؟؟؟؟ |
ابوى قلى حجلات غريبة مش كتابها ع بوكو كلكو
:tongue2: |
لا والله معلش مش فاهمك
بس دة حلها ع العموم :lulu15: |
اقتباس:
لأتك مش هتقدر تثبت على أرض الواقع و لا بأوراق رسمية إن كل فرد على حدة دفع ثلث القرش |
انا هحاول معاك بس المشكلة انها
بتطلع معايا 29 بطريقة الصادر و الوارد مش فاهم لية؟؟؟؟؟ |
انت حرامي ياد انت كاتبها غلط لو ركزنا شوية حنلأيك دحك علينا
بص يا معلم اول هام انت بتقول ان كل واحد دفع عشرة جنيه اذن 3*10=30 اذن وصل الولا 30 جنيه بم ان الاسطى قال لولى رجعلهم 5 جنيه اذن وصلهم 5 يعني دفعوا 25 جنيه فعشان يراضوا الولا اموا دفعين 2 جنيه يعني بقا دفعوا 27 جنيه مش 29 ويبقى معاهم 5-2=3 ويبقى كل واحد دفع 27/3=9 جنيه يبقى الحساب مظبوط و فل الفل:alucard: ويبفى كدا فضل 3 جنيه يعني كل واحد فيهم معاه جنيه:111 (10): يحطوهم على بعض ويجيبوا شوية لب |
دي حظورة ايوة حظورة ^^
|
اقتباس:
انت مش لاقي كلام تقوله؟ يا عم اقرأ الموضوع كويس و طلعلي الحل بطريقة الصادر و الوارد زي ما أنا ذكرت في الموضوع مش عاوز أقول الكلمة دي لكل واحد و شكرا على مرورك يا عسل |
أعتقد ان ملهاش حل :welcome:
|
بص يا كبير لو هتتكلم على ال 30 جنيه يبقى هما 27 الى هما طلعم من جيب الاشخاص لان ال3 اللى رجعم بيتحسبوا انهم متصرفوش وبكده يكون اصلاً انت بتقول 3*9 = 27 ... ال 27 اصلاً شاملين ال 2 جنيه ونقصهم ال3 جنيه ويرجعوا 30 (بس مش بنحسب ال3 لان اصل المبلغ نزل 27 ) مش ال 2 جنيه ... وبكده انت بتضيف 2 جنيه مرتين العمليه كلها انك تصنف ايه صادر وايه وارد 25 ثمن سلعه او هنا هتبقى خدمه ( تصليح العجله) صادر من الاشخاص ووارد لصاحب الورشه 2 جنيه هما ميعرفوش عنها حاجه لانهم مفكرين الخدمه ب 27 وده بالنسبه ليهم فى خانه واحده مع ال 25 اما بالنسبه للميكانيكى هما برده موصلوهوش ... وطبعا وارد للصبى بتاعه وبكده المبلغ يكمل 27 اللى هو اصل المبلغ لو عايزو 30 يبقى الاشخاص : صادر 30 ..... وراد 3 يبقى اجمالى خسار 27 الى هما مفكرينها تمن السلعه |
Nightfire1
مفهمتش كلمة منك حاول توضح كلامك و حط نقطة بين كل جملة و التانية و فواصل وكدة |
بص يا aikamal2009 1- الاشخاص : صادر : 30 جنيه تمن التصليح وارد : 3 جنيه اجمالى : 27جنيه تمن التصليح بعد الخصم حسب اعتقادهم... ودول شاملين 25 تصليح و2 جنيه خدهم الصبى (هما ميعرفوش حاجه عن 2 جنيه ... بالنسبه ليهم 27جنيه تصليح) وبقيت ال 30 جنيه رجعوا هو بقى مسك ال 27 اللى اصلاً محسوب فيهم ال 2 جنيه وزود عليهم ال 2 جنيه تانى والمفروض انه يجمع ال3 جنيه اللى رجعوا يا ريت يكون كلامى اوضح |
محدش فاهم حاجة
|
يا جدعان والله هي زي ما انا حلتها بس مش عارف اية صادر و وارد دي
يا جدع دة انا لو عملتها برهان بما أن و النتيجة و الكلام دة هيبقي اسهل :tomato: |
اقتباس:
اقتباس:
يا باشا اعملي فاتورة حساب لكل واحد يحطها في جيبه تثبت كلامك اقتباس:
|
اقتباس:
انا مش خريج تجاره علشان اعملك فاتوره بالظبط بس هيا دى ايه اللى ناقصها ولو ناقصها حاجه قولى ايه بالظبط الخانات اللى محتاجها وانا اعملهالك ... انا عارف الحل بس قولى الطريقه اللى اعملك بيها فاتوره تريحك |
5=25-30
3=2-5 1=3/3 :111 (8): |
اقتباس:
انا كنت عارفها زمان .. واللى فاكره انى زى ما بقول ملهاش حل :smartass: قولنا انت الاجابه :fruits_orange: |
اقتباس:
س1 / من موضوع (لغز محتاج واحد ناصح يحله) أكمل ما يلي: 1- محمد دفع 30 جنيها للصبي و لكن الصبي أرجع إليه ........ فأعطاه محمد........ و أخذ 3 جنيهات أعطى منها لأحمد..... و لعلي ..... و أخذ لنفسه........ 2- بما أن أحمد دفع عشرة جنيهات و عاد إليه ....... إذا فحاصل ما دفعه أحمد = ...... 3- بما أن علي دفع عشرة جنيهات و عاد إليه ....... إذا فحاصل ما دفعه علي = ........ س2 - كم جنيها دفعه محمد من جيبه الخاص؟ س3 هل ظلم محمد أحدا أم أنه عادل؟ أو تحل السؤال ده ضع علامة صح أو علامة غلط 1- أحمد دفع عشرة و أخذ جنيها إذا فقد دفع 9 جنيهات ( ) 2 علي دفع عشرة و أخذ جنيها هو أيضا دفع 9 جنيهات ( ) 3- محمد دفع مثل ما دفعه أحمد ( ) 4-الصبي أخذ جنيهين اثنين ( ) 5- مجموع ما دفعه أحمد و محمد و علي هو 27 ( ) جاوب على الأسئلة دي و انت هتفهم أنا عاوز أقول إيه و سيبك انت بس من الصادر و الوارد ما دام مش فاهم في الصادر و الوارد. و شكر حاص ليك يا مان على انشغالك بالموضوع. |
علي رأي الشاعر
فرختين و دجاجه .. و ماحدش فاهم حاجه يا عم إنت بتقعد الناس عندها إمتحانات مش ناقصه برجله :mf_dribble: |
اقتباس:
روح ذاكر هههههههههههههههه |
اقتباس:
جاوبت اهو ... عايز ايه بقى :d ابوس ايدك عندى امتحان فيزياء ثانويه عامه بكره الصبح مش نقصه لبخه فى الكلام |
اقتباس:
يبقى انت اعترفت إن كل واحد دفع 9 جنيه يبقى اللي خرج من جيبهم (3×9)+2=29 إزاي 29 و هما كل واحد طلع عشرة جنيه من جيبه يعني 30 ؟ إزاي 30 تطلع 29؟ |
طب سؤال ... ممكن تقولى ال 27 جنيه اللى اندفعوا .. راحوا فين بالظبط ؟ ^_^ |
اقتباس:
أنا بتكلم عن ال 30 مش 27 و لا 29 و لا 25 و لا 5 |
بص انت مقتنع براى ومش عايز تغيره مش عارف ليه هما دفعوا 27 و رجعلهم 3 جنيه ... لان ال27 اصلاً هما 25 دفعوهم تصليح و 2 دفعوهم من غير ما يعرفوا للصبى والتلاته اللى متبقين من ال 30 ... رجعولهم خلص الكلام |
يا معلم غلط اصلا انك تضيف 2 جنيه اللى دفعوهم بقشيش على المبلغ الكلى لانهم مدفوعين يعنى انت بتضيف 3x 9= 27 +2 =29 ده غلط يا معلم لانك بكده بتكون جمعت 2 حنية مرتين انما الصح انك تجمع اللى دفعوه 3x9=27 + 3= 30 طبعا ال 3جنيه دى اللى رجعتلهم الفزوره نفسها فيها غلط عشان تحير اللى بحاول يحلها |
انا عن نفسي قولتها لمرس رياضه قبل كده معرفش يحلها :) انا حاسس انها ملهاش حل:vegeta:
|
اقتباس:
اقتباس:
خليكم معايا هما دفعوا 30 جنيه رجعلهم 3 جنيه يبقى كده هما دفعوا 27 و الاتنين جنيه اللي خدها الصبي من فلوسهم يبقى كده 29 فين الجنيه رقم 30 ده كل واحد طلع عشرة جنيه من جيبه قدامكم معلهش اللغز مفهوش غلطة ولا حاجة خالص و برضه أنا مش مصر على رأي أنا عاوز واحد يحله |
اقتباس:
والله الراجل بيتكلم صح انت ضفت 2 جنيه مرتين انا بس عايزك تجاوبنى على سؤال وااحد وهدخل انام علشان امتحان بكره ال 27 اللى هما دفعوهم راحو لمييييييييييين ؟ |
ههههههههههههههههههه انت عاوز تفهمنى ان انا لما ادفع 2 بقشيش للصبى من ال 5 جنية اللى رجعتلى يبقى انا دافع 27 للميكانيكى هههههههههههههههه يا عم انت كنت شغال مع بطرس غالى ولا ايه |
صادر ووارد
يبقا صدر من كل واحد 10 جنيه وبعدها ثلثين جنيه اللى ادوها للصبى ^^ ( 2 جنيه على عددهم 3 ) ثم رجع لكل واحد جنيه يعنى الصافى كل واحد دفع 9.3 جنيه تضربها فى تلاته تطلع 28 حط عليهم الاتنين جنيه يعنى 30 اى خدمات ^_^ |
اقتباس:
لو حطيت السؤال جنبها و عطيتها لأي حد بيفهم رياضة هيقولك كلام غلط و ملهوش أساس راجعها حلو مع نفسك و قولي فين الصادر و الوارد بتاع كل شخص هنا على حدة |
براحة عليا بس
شوف التعديل ^^ |
اقتباس:
|
| الساعة الآن 04:52 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.