الموقع العربي الاول للعبة Silkroad Online - [ هـــام جدا ] بخصوص التصــاميم الشرعيــة و التصــاميم المنتهكة .

- قـسـم الـتـصـامـيـم والـجـرافـيـكـس (https://silkroad4arab.com/vb/forumdisplay.php?f=243)

[ هـــام جدا ] بخصوص التصــاميم الشرعيــة و التصــاميم المنتهكة .

http://imageshack.us/a/img834/8246/z...ellahelra7.png

http://imageshack.us/a/img248/3837/zexotopicwelcome.png
هتكلم إنهردا في موضوع أغلب المصريين سواء محترفين أو مبتدئين بيغلطو فيه . .

الموضوع ده هو إن أغلبنا و هو بيعمل تصميمه . . بينتهك حقوق نشر و حقوق فكرية و حقوق ناس تانية كتير . .

الموضوع ده أنا هحط فيه إزاي نتجنب إننا ننتهك الحقوق دي من غير من ناخد بالنا . . إزاي نبقى أحسن و أسلوبنا يتطور . .

http://imageshack.us/a/img689/7522/zexotopicidea.png

الفكرة بكل بساطة إنك و إنت بتعمل تصميم . .

بتشتغل بي إيه ؟

رندر . .

باكجروند . .

فرش . .

ستيلات . .

جرادينتس . .

أكشنات . .

ده يعني بأسلوب بسيط طبعا من غير ما أدخل في تصاميم ده كدا لأبسط أسلوب تصميم . . يعني لو مبتدأ و الحجات دي بتزيد معاك واحدة واحدة تدريجياً كل ما بتبقى متمرس أكتر و بتطلع بروجيكتات أحلى و أروع و أكثر مهارة و إحترافية . .

هديكم مثال حي من تصاميمي (الغير شرعية) و هسألكم شوية أسئلة تافهه :hmm:

دلوقتي التصميم أهو تمام ؟

http://imageshack.us/a/img12/2359/formosab2a2.jpg

هو ده مش الحجم الأصلي للصورة بس أنا مصغرو عشان ميتقلقش الصفحة و إنت بتقرا الموضوع خصوصا إن الموضوع هيحتوي على كم صور أقل صورة لو بحجمها الأصلي مش هتقل عن 2500PixelX1500Pixel

لو جينا على تصميم زي ده

المفروض إني إستخدمت مكونات . .

http://imageshack.us/a/img716/9191/formosab2afgffff.jpg

كـ باكجروند ..

http://imageshack.us/a/img811/2155/rndr.png

كــ رندر . .

طب جميل . .

هسأل أول سؤال و هجاوب على نفسي . .

هل أنا أخدت إذن من صاحب الباك دي إني هستخدمها في عمل تصميم ليا ؟:mf_farmer:
مش لازم إذنو حتى . .

بس هل هو على الأقل كاتب على الصورة إنه يسمح بالتعديل عليها , دمجها , إعادة تصميمها , أي حاجة حتى ؟؟

الصورة دي صورته . . و هو يملك كل الحقوق بتاعتها . . هل هو إداك أي حق إنك تعمل فيها حاجة ؟!!

الإجابة على كل ده أكيد معروفة . .

يبقى ده كدا إسمه سرقة . .

إنت زي ما متسمحش إن حد ياخد تصميمك و يعدل عليه و يقول عليه إنه بتاعة هو كمان من حقه ميسمحش لحد ياخد الصورة دي أو تصميمه أو حتى اللقطة الهو لقطها هي دي من حقوقه . .

دلوقتي القانون بيقول إن ديه تعتبر جريمة . . يعاقب عليها القانون !!

شوف سبحان الله إزاي ممكن تتإذي على حاجة تافهه ؟

طب واحد ناصح هيقولي و هو هيعرف منين . . إشمعنى إحنا محصلناش حاجة ؟!!

بص يا سييدي أولاً : إنت بتعمل تصميم توريه لصحابك على المنتدى . . بتحطه على صفحتك العلى الفيس بوك اللا يتعدى عدد اللايكات فيها 50 الف و كلهم مصريين و ملهمش في سكة دي و محدش فاهم حاجة .. صح ؟!! ولا أنا غلطان ..

إنت مجربتش شهرة بجد . . مجربتش عالمية بالتصميم ده .. مجربتش تخش مسابقة رسمية بالتصميم ده . . مجربتش تطبع التصميم ده و تبيعو كـ لوحة و تعمل إمكانية الشحن لجميع بلدان العالم . .

إنت لحد دلوقتي لسه عيل صغير و بتلعب (لموأخذة:mf_prop:)

يبقى لازم فيه حل . .

مش هفضل طول عمري موهبتي مدفونه عشان لازم أخد إذن من صاحب الصورة و هو أكيد مش هيبقشش عليا من جيب الجابتو لازم هياخد مني فلوس مقابل إني أستخدم الستوك بتاعه . .:ermm:

مش هفضل طول عمري أخش مواقع زي ShutteredStock - Flickr و أفضل أتفرج على الstocks النفسي أعمل بيها أحلى تصاميم و عشان أستخدمها لازم أشتريها ؟!

مش هفضل طول عمري بعرض تصاميمي على المنتديات و على الfacebook المش هيأكلني عيش و مفهوش إبداع زي بره لما يكون الموضوع ده مفتوح لى جميع بلاد العالم مصريين و عرب و أجانب لازم أعرف أعرض على أشهر المواقع زي DeviantART , Behance و طبعا المواقع دي عارفه القانون كويس جدا . .

يبقى يا أدفع فلوس يــا ؟

فيه ستوكات ببلاش . .

فيه صور ممكن أخد إذن من صاحبها أشتغل بيها . .

ممكن واحد فعلا يبقشش عليا و يديني الستوك مقابل إني بس أقول إسمه لما أجي أعرض تصميمي عشان يتشهر أكتر كإنه عمل إعلان عندك فالصفحة . . و في الحالة دي هو كسب و مش لازم يبقى مكسب مادي . .ما ممكن يكون بيبيع حجات تانية و الناس لما تشوف تصميمك المُبهر تخش على صاحب الستوك العظيم الإداك الإمكانية تعمل كدا و تعجبه حجات صاحب الستوك عارضها عنده و يشتريها . . يبقى هو كسب مكسب غير مباشر غير إن هو كسبك . .

أضعف الإيمان واحد ملوش غير في مهنة التصوير . . نفسه يشوف ممكن من الصور بتاعته دي تعمل إيه و نفسه يشوف مهارات الناس على صوره . . فبيديك كل الإنت عايزه ببلاش مقابل إنك توريلو النتيجة . .

كل دي طرق شرعية . . و أحسن . .

GooGle
بكل صوره
X
غير شرعي بالمره . . ريح نفسك

عايز تخش تجيب Stock خش على موقع زي DeviantART على سبيل المثال . .

أهو ده يعتبر منتدى المصممين الاول في العالم . .

يضم كافة فئات الفنانين . . Model تلاقي Photographer تلاقي Teacher تلاقي (بيعمل دروس و يعلم الناس البرامج) PhotoManipulator الهو المصمم البيدمج تلاقي . . Designer بشكل عام إن كان بتاع إعلانات كان بتاع إكسسورات . . كان بتاع لبس . . كان بتاع أي حاجة تلاقي . .

لما يتجمع كل الناس دي في موقع واحد يقدرو يعملو إيه ؟!!

أنا مبقولش متعرضش تصميمك هنا في المنتدى لا بالعكس ده هنا فيه خصوصية أكتر إنك بين صحابك . . مفيش غرب . . تعرف أخطائك تعدلها . . بعدين تقدر ترفع على الموقع ده . . هناك يشوفك الناس المحتاجين شغل مثلا . . تخيل واحد عننده شركة عايز مثلا يعملها إعلان و عايز يشوف شغلك القبل كدا و موهبتك الPortfolio بتاعك من الآخر . . أكيد مش هتوريلو الحاجة على المنتدى . . مش هتوريلو الشتيمة و الكلام الما بينا:rule:مش هتديلو 10 مواضيع كل موضوع فيه 3 تصميمات عشان تقولو شوف شغلي في آخر 30 تصميم . .

لو حد بيسأل إزاي يجيب stocks من موقع زي DeviantART حاجة سهلة جدا هتكتب زي ما بتكتب على google في الsearch و بعدين تدوس search بس تكون ظابط الcategeory من الجنمب إنها تبقى Resources and Stock Images و هتلاقي كل النفسك فيه . . كل العليك إنك قبل ما تستخدم اي حاجة تقرا الPermission هو طالب منك إيه مقابل إنك تاخد الستوك و كلها حجات بسيطة . .و لو لقيت بند من بنوده مش عاجبك زي إنك مثلا مينفعش تبيع التصميم إلا لو ليه نسبه أو إنك مينفعش تعرضه على أي مكان غير Devianart ممكن تسيب الستوك و تشوف واحد تاني الدنيا موقفتش على ده . .

و بالنسبة لي تصميماتك القديمة ؟!!!!!!!!

هل هتسيب مجهود و تعب السنين الراحت ؟؟؟؟؟؟؟؟؟

أكيد لأ . .

مع إنك ممكن تضطر تسيب شوية مجهود تعبان أو جايب أخره . .إلخ

بصه على التصميم الأنا حطيطه في أول الموضوع . .

بصه بعد ما أنا عدلت عليه من ملف الPSD بقا شكله عامل إزاي ؟!! و بقا شرعيي :thumbup1:

http://img221.imageshack.us/img221/6421/finallytc.jpg

For HD

طب نشوف المكونات ؟ نشوف دلوقتي أحلى ولا الأول ؟ نشوف كدا بقا شكله محترم و فيه شغل ولا لأ ؟

يلا نشوف . .

الباك . .

مكونه من . .

نهر . . و ده مش نهر واحد دول 3 أنهار في بعض . .

http://imageshack.us/a/img21/3936/icyriver.jpg

http://imageshack.us/a/img12/636/mistf.jpg

http://imageshack.us/a/img20/8421/river2d.jpg

ضفاف النهر . .

http://imageshack.us/a/img152/9756/agriculture.jpg

http://imageshack.us/a/img802/238/mountainf.jpg

السماء . .

http://imageshack.us/a/img4/5303/skyjx.jpg

شوفتو ده ديه كـ بــاك بس . . ده غير الTouch Bta3ty :D

أنا إديت الصورة دي كمثال إن دي كانت أكتر الصور البحبها و كنت زعلان جداً إني لازم مأستخدمهاش يإما أعدلها . . و الحمدالله التعديل طلع أحلى 100 مره عشان ربنا عارف إني بعمل الصح . .

في آخر الموضوع عايز أقولكم كام نصيحة :)

http://img90.imageshack.us/img90/4494/advices.png

*جوجل بأي شكل من الأشكال مش شرعي في أي صورة تجبها منه إلا لو اللينك الأصلي بتاعها يتبع موقع Stock

*أي صورة لي أي Celeberity (مشاهير) غير شرعية إنت مأخدتش منه إذن أو من البيصوره . .
الحل للموضوع ده في ناس على DeviantART بيجيبو الModels يلبسه مثلا زي الJoker أو يلبسها زي Harley Quinn أو Black Widow على حسب الشخصية و يعمل PhotoSession للCosplay ده و يحط قوانينه هو :)

*ميجلكش إحباط من الموضوع ده ده مجرد نصيحة و فالأخر ده إختيارك إنت و إنت الهتقرر . .

* أنا مبدأتش عارف كل حاجة و معظم تصميماتي غير شرعية و بعدل عليها دلوقتي مبعملش حجات جديدة إلا نادراً و الموضوع ده أنا حبه جدا . .

* حاجة زي الراجل المغيرتوش في الصورتين . . ده Stock بفلوس من ShutteredStock و نازل على Ftolia و كل مواقع الStockat للمصور العالمي Alexander Yakovlev طبعا . . أنا محدش يقدر يسألني عليه عشان هما حطين الووتر مارك بتاعتهم على الصور و بيبيعوها بالأحجام و بالأعار الهما محددنها كوني أنا إشتغل و من غير أي ووتر ماركس و الرندر نظيف . . محدش يقدر يكلمني و كأني إشتريته :d إحنا مصريين برده:groupwave:عيب . .

* و إفتكر دايما إن من غير الCracks و الSerials كان هيبقى فيه مواهب مدفونه كتير . .

فالنهاية أرجو أن يكون الموضوع قد نال إعجابكم . .

http://imageshack.us/a/img825/7246/zexotopicenjoy.png

تم تصغير جميع أحجام الصور التي يحتويها الموضوع لتسهل التصفح . .

يسمح بنقل الموضوع لي أي منتدى مدونه بدون ذكر المصدر إذا شئت . .

هذا الموضوع حصري فقط لدى Silkroad4arab الموقع العربي الأول للعبة سيلكرود أونلاين

http://imageshack.us/a/img577/4743/zexotopicend.png

أنا جاهز لأي إستفسار :):biggrinthumb:

ياااه اما عبره بصحيح d=

طيبـ وربنا إنـت راجـل زي الـفـل و كـلامـك عـسـل

:sorcerer:

تمام انا بحاول اتجنب اخد اى باكجراوند واعمل عليها افيكتس

يعنى بعمل الخلفية من الرندر فقط حتى لو طلعت وحشة بس بتبقى بمجهودى :)

يااااااااااااااه

الواحد طلع حرامى على اخر الزمن
:axesmiley:

تسلم يا معلم

شكرا لمرور الجميع :)
:dizzy:

شكرا ان شاء الله اول ما اعرف افتح الفوتو شوب مش هسرق

تمام يا معلم

اللي عايز يحافظ على تصاميمه هيحط watermark..ولو هنتكلم على الشرعي و غير الشرعي..مين فينا مشتري Photoshop ؟

اقتباس:

المشاركة الأصلية كتبت بواسطة midget1337 (المشاركة 4596689)

اللي عايز يحافظ على تصاميمه هيحط watermark..ولو هنتكلم على الشرعي و غير الشرعي..مين فينا مشتري photoshop ؟

والله العظيم انت قلت الملخص المفيد

اقتباس:

المشاركة الأصلية كتبت بواسطة Midget1337 (المشاركة 4596689)

اللي عايز يحافظ على تصاميمه هيحط watermark..ولو هنتكلم على الشرعي و غير الشرعي..مين فينا مشتري Photoshop ؟

لو حضرتك قريت موضوعي بتمعن مكنتش رديت الرد ده . .

*أنا بتكلم عن الصور الفوتوجرافية و الخلفيات الجاهزة مش التصاميم . .

أنا عايز أسألك سؤال . . هو صاحب الخلفية دي يا مينزلش خلفية يا ينزلها بي ووتر مارك ؟ تخيل لو إنت كل يوم الصبح تفتح الكمبيتور الثيم فيه 10 خلفيات و ال10 كل واحدة عليها ووتر مارك إيه هيبقى شعورك ؟؟

في مليون سبب المصور ده منزل الخلفية عشانه على الإنترنت إفرض منزلها مسابقة و المفروض لجنة التحكيم بتشوف بتمعن و بأدق التفاصيل عشان تحكم ؟؟ إفرض و إفرض و إفرض . .

يبقى هو يحط ووتر مارك و يلغي كل دول من حياته (الأسباب الرئيسية الهو منزل الخلفية عشانها) عشان واحد حرامي ؟!!

عارف بظبط زي المش عايز يشتري عربية عشان متتسرقش . . المش عايز يشتري شقه عشان متتسرقش .. المش عايز يشيل فلوس عشان متتسرقش . .

ماهما عشان كدا عملو القانون زي ما في الحقيقة في القانون هنا عملو القانون عشان الناس تتصرف بحرية عادي في نفس الوقت تمنع السرقة . .

و بالنسبة لمين فينا الفوتوشوب . .

أولا مش هقولك غير إني بردو متكلمتش على الفوتوشوب أنا إتكلمت على الخلفيات المصورة أو البري ميد . .

و أنا كاتب ...

اقتباس:

* و إفتكر دايما إن من غير الCracks و الSerials كان هيبقى فيه مواهب مدفونه كتير . .

أرجو إني أكون فهمتك وجهة نظر الموضوع

اقتباس:

المشاركة الأصلية كتبت بواسطة ™_ EthereaL_™ (المشاركة 4596716)

والله العظيم انت قلت الملخص المفيد

لما حضرتك تبقى ديزاينر هتفهم الأنا تاعب نفسي عشانه من الصبح و عامل موضوع طويل بسببه . . و ممكن تبص على الرد القبلك يمكن تفهم شوية

عمتا نورتم الموضوع و أرجو إنكو تكونو فهمتو القصدي عليه :)
:hockey1:

شكرا على مرور الجميع

تمام أوى يا مصطفى ... :d شكرااااا

مش داخل دماغي الحوار .... مش عارف ليه :original:

شكرا يا منعم

و بالنسبة لو مش داخل دماغك أنا قلتلك الصح شوف إنت عايز تعمل إيه و براحتك بس إفتكر إن مستواك هيفضل طول عمره كدا أدام إنت كدا :dizzy1:

حقوق الملكية الفكرية ضايعة فى الوطن العربى بشكل عام لسه الثقافة دى مش منتشرة

علي كده انا ممكن اخد مؤبد ^_^

كل الصور مش شرعيه ^_^ (عرفي):rofl:

يا تين امى !

يا راجل انت كده هتخلينى امسح بتاع 60 حاجه عاملها كده :))

انا لسه بتعلم ع فكره :d

أولاً شكرا على مرور الجميع . .

اقتباس:

المشاركة الأصلية كتبت بواسطة king_of_Silkroad (المشاركة 4598398)

حقوق الملكية الفكرية ضايعة فى الوطن العربى بشكل عام لسه الثقافة دى مش منتشرة

يا عم أدينا بنحاول نفهم الناس و عادي على فكره هو ده مجرد جهل مش إننا بنعاند إحنا جاهلين بالحوار ده و منعرفوش فعشان كدا مش بنطبقو للأسف :)

اقتباس:

المشاركة الأصلية كتبت بواسطة Mr.Oxy (المشاركة 4598425)

علي كده انا ممكن اخد مؤبد ^_^

كل الصور مش شرعيه ^_^ (عرفي):rofl:

هيهيهيهي على كدا أنا هاخد إعدام أنا كنت رافع على DA حجات أصلا غير شرعية غير إن في ناس هناك قلولي الكلام ده على جنمب من غير رسميات كان زماني واخد بان و لو كررتها مؤبد xD

اقتباس:

المشاركة الأصلية كتبت بواسطة Mr.D3MO (المشاركة 4598588)

يا تين امى !

يا راجل انت كده هتخلينى امسح بتاع 60 حاجه عاملها كده :))

انا لسه بتعلم ع فكره :d

دنا البقالي 3 سنين معملتش ال60 الإنت بتتكلم عليهم دول إجري يلا xD

اقتباس:

دنا البقالي 3 سنين معملتش ال60 الإنت بتتكلم عليهم دول إجري يلا

هفهمك اصل انا اى حاجه حتى لو كانت هبله بخليها :yuk:

عشان لما احترف ارجعلهم و اقعد اضحك ^^

3\4 منهم هبل اساسا :D

و عشان البرنامج داخل دماغى بعمل حاجات كتير :icecream:

أه إذا كان كدا ماشي أنا عندي فوق ال600 من الحجات دي

غير طلبات الأعضاء للتواقيع و الحجات دي بتزودهملي فشخ

والله برنس

اقتباس:

المشاركة الأصلية كتبت بواسطة Zeeco (المشاركة 4596412)

أنا جاهز لأي إستفسار :):biggrinthumb:

انا عاوز اعرف ازاى اعمل تأثير الضوء الى على الريندر ده لاو تعرف تجبلى فيديوهات :juggle:

اقتباس:

المشاركة الأصلية كتبت بواسطة .sen(i)or. (المشاركة 4599800)

انا عاوز اعرف ازاى اعمل تأثير الضوء الى على الريندر ده لاو تعرف تجبلى فيديوهات :juggle:

أشوف فيك يوم بحق جاه النبي

إستفسار عن موضوع الإنتهاك:crutch:

تصدقو إنتو خسارة فيكم الموضوع أنا هفرح بالتأبيدة:mf_cleopatra:

اقتباس:

المشاركة الأصلية كتبت بواسطة zeeco (المشاركة 4600002)

أشوف فيك يوم بحق جاه النبي

إستفسار عن موضوع الإنتهاك:crutch:

تصدقو إنتو خسارة فيكم الموضوع أنا هفرح بالتأبيدة:mf_cleopatra:

خلاص ياعم متزعلش نفسك ^^

انــا سعيــد انــك عملــت الموضوع ده xD
روحنـا فى داهيـه .روحنـا فى داهيـه :weeping:

الله ينور عليك :)

اها ... عشان كده لما باخد اى حاجة بكتب لصاحبها على DEVIANT ART .. 'ThnX Used Here : [LINK]"

اقتباس:

اها ... عشان كده لما باخد اى حاجة بكتب لصاحبها على DEVIANT ART .. 'ThnX Used Here : [LINK]"

مش شرط

ممكن يكون طالب Donations
ممكن لازم فالديسكريبشن تحط إسمه و الصورة . .

لازم تقرا الRules بردو

مفهمتش اي هتش ^__^

ولا هتفهم :(128):

لو فى حتة شرعى .. مصممى مصر كلهم غير شرعيين ..
لسبب: الفوتوشوب نفسه ثمنه فى الموقع 600 دولار.. حضرتكـ بتستخدم كراك مش اقل من ثانية و تأكتفه .. حرام ولا مش حرام؟
لسبب 2: ان اساسا الستايلات يعنى, فى ناس بتحب تستسهل و تحمل باكدجات و تعملها Install و خلاص على كده .. فى حال ان دى سرقة برضه على كلامك

بس اللى حبيت اقولهولكـ انه مدام منبهش على عدم اخدان المحتوى بدون ذكر حقوق / المراجعه لصاحب الحاجة معنى كده انها Useable
و دى فى حكم القضاء الالكترونى " ليس عليها ضرر "
و ممكن تقرأ اكتر و اكتر عن القضاء الالكترونى فى Wikipidia او اى موقع بيجيب حاجات مماثلة ليه ..

اساسا, الواحد مستخدم الويندوز بكراك .. دحنا هنخش النار وش :(124):

اقتباس:

يـــــــــــــــــــــــــــــــــــــــا دين أمــــــــــــــــــــــــــــــــــــــــــــي

بص نصيحة مني ليك إنت مقرتش الموضوع كويس إقراه كويس عشان إنت الهتجاوب على نفسك و إقراه بالردود الله يكرمك :(138):

شوف ياصاحبي انتا برنس من غير اي حاجه تكفي انك دعم فني :)

جميل أوي شكراً ..
أنا أول مرة أعرف الكلام ده :sleeping:

الله ينور منورن التوبيك يا رجالة