|
لغايت امتى هنفضل فى الغافله دى؟
بسم الله الرحمن الرحيم
انا عاوز اقولكم ان فيه ناس مش بتنام عشان يدمروك وانت مش بتنام عشان لعبه وعشان كلام فارغ وانت مش بتنام عشان تلفل وتبيع وتشترى فى اللى مالكش فيه وانت مش نايم وعقلك نايم ماشى ورا شهواتك وشغالين تفكروا تفكير جميل بس للاسف مش لصالحنا التفكير ده ... الناس اللى شغال شايله هم لفل 100 والبريميم بلاس اخرتها ايه بعد كل اللى بتعمله ده؟:confused: هل للكلام ده اخر؟ اكيد ايوه وألف ايوه بس هل انت عارف ايه اللى هيكون اخرته؟ اخرتها حسره:eek: حسره على الوقت اللى ضيعته واللى كنت ممكن تستخدمه فى حاجات اجمل واحسن وافضل حسره على العمر اللى ضاع منك حسره على فلوسك اللى اتصرفت عليها وانت مش دارى اللى انت بتعمله ده صح ولا غلط بس ماشى فى الظلام ومش عندك اى مانع عارف ليه لأن ضميرك نايم ..ايوه للاسف نايم.. لازم بقى نصحى ونعرف بقى الحقيقه اللى معظمنا مش عارفها:( لازم بقى نفكر تفيكر مره صح لازم نفكر بقى فى الدنيا عاوزه ايه مننا فكر فى اخرتك فكر فى ربنا واذكره فكر فى تعليمك وفكر فى جوازك فكر فى شغلك اللى بتشتغل فكر فى اطفالك لو كان عندك اطفال وفكره فى زوجتك واهلك يا ريت الضمير يصحى ويبوص للعبه دى كده ويسأل نفسه كام سؤال هل انا كده 100 100 وعشره على عشره وانا بلعبها هل انا كده ربنا راضى عنى؟ هل الفلوس اللى بصرفها عليها ربنا مش هيسألنى عنها ومن فين جبتها؟ هل انا عامل واجبى من اى نحيى عشان العبها؟ خلينا كده نايمين خلينا كده فالحين فى اللعبه خلينا كده نتشتم ونفضل سامعين خلينا كده يضربونا ونعد نتفرج خلي النبى بتاعنا يتشتم خلى القرأن يتحرق خلى الضمير نايم خليك مايت وبعدين؟:confused: ارجوكوا فكروا شويه احسبها صح بقى وبطل اللى انت فيه ناس تقولك انا سلكرود خلتنى ابعد عن السجاير.. طب وايه اللى وداك اصلا للسجاير ناس تقولك مخنوقه.. طب ايه اللى خنقك؟ اكيد عشان بتعمل حاجه غلط وعاوز تجيب مسكن للوجع اللى فيك اللى هو الخنقه بس ده مسكن مش علاج يعنى المسكن هيروح وهتجيلك الخنقه تانى وترجع تانى ارجوكوا فكروا صح انا بجد عاوز اتكلم كلام كتير بس مش عاوز اطول عليكم واللى محتاج منى كلام تانى انا مستعد اكلمكوا اكتر واكتر مش دى اكيد النهايه لكن اكيد البدايه للهدى والصلاح والتفكير الصحيح والفلاح لازم نبتدى ونغلط فى الاول عشان نعرف ان الله حق ونتبع طريقه وشــــــــــــــــــكـــــــــــــــــــــراا |
مستنى ردودكم ومشكلاتنا باذن الله تعالى هنقدر نحلها
|
طبعا كل الكلام الناس عارفه....
بس زاى ما بتنقول كده فى ناس بتقولك انا مش بخالى اللعبة تاخد وقتى وا الكلام دا.... هوا ممكن طبعان تلعب اللعبة دى بس 4 Fun مش اكتر ولا اقل ... يعنى مش تقعد تفكر هعمل فارم ولا لو لحد نصب عليك تعد تدعى عليه ( طيب معلش يعنى ادعى على اليهود على الاقل لو ربنا استجب يبقى اسمك عملت حاجه) انا عن نفسى الحمد لله .... فكرت كتيرررر ايه اللى انا استفدوا من اللعبة !!! اصحاب : طزززززززز مش كلمهم اصحاب با بجد لان معظمهم بتاع مصلحتوا من ااخر انا بقول ( معظمهم مش كلهم) شهره : طززززززززززز يعنى هكون احمد زويل فلوس : طززززززز ما انا لو بطلع مصالح من اللعبة ما هيا بتاخد من وقت المذاكر ... وا بتخلينى على طول فى البيت يعنى حوار فكاس اصلا :D علشان كده الحمد لله قطعت كل صلتى بلعبة حتى الناس اللى عرفتهم من اللعبه قولتهم Good bye :D وا ربنا يوفق الجميع :) Thk 4 Topic |
افهم من كلامك انك فقت من الغفلة دى وبطلت تلعب ؟
|
اقتباس:
هههههههههههههه انا كلامك بيضحكنى والله :) يعنى واحد بيتكلم الكلام ده كله وهكون عامل بارتى ولسه بلعب :) انا سايب اللعبه بقالى اكتر من شهر وشايفها دلوقتى حاجه تافها خالص |
هوة مش حضرتك لسة عامل موضوع بنفس الفكرة امبارح و الناس بتتناقش فية ما سبب عمل موضوع اخر لنفس الفكرة؟ |
والله انا عاوز انصح الجميع باقصى سرعه وعندى كلام كتير انا اسف فعلا لو ده ضايقك فى حاجه :(
وشكرا مره اخرى |
انا سايبها دلوقتى
|
انتا محسسني اني بعت بلدي و بشتغل مع الموساد ايه حوار الاطفال ده لما العب 3 او 4 ساعات في الاسبوع و بقيت الاسبوع عايش جياتي عادي خالص بس علي العموم ياريت الناس تمشي ورا كلامك اهي السيرفرات تفضي شوية lol
|
يا جماعه العب اللعبة مش حراااااااااام بس 4 fun
يعنى للمتعه فقط مش تفكر انك تكون اقوى واحد فى السيرفر وا الكلام دا |
اقتباس:
متشكر على كلامك لكن احب اعرفك انك لسه فى غافله لو شايف اللى بقوله ده حوار اطفال فخليك انت فى لعبتك بتاعت الكبار سبحان الله دى اسمها لعبه لعبه ومتشكر جدا على اخلاقك العاليه |
وانا مش بتكلم عن الناس اللى بتقول انا بلعب 3 ساعات فى الاسبوع انا بتكلم عن الناس اللى على طول على سلك رود تصى عشان سلك رود تصحى بدرى عشان تدخل لما السرفر يبقى فاضى عاوز تقنعنى انى دى لسه لعبه بنسبالك؟؟؟؟
يا اخى فى الله فكر شويه قبل ماترد عليا بدون علم بصوا فى الموضوع فى بدايتوا قلت ايه قلت الناس اللى لسه بتفكر فى لفل100 والبريميم بلاس طبعا الواحد مش هيقدر يوصل لفل 100 او حتى 80 غير لما يكون طلع عينه فى الفلوس والمجهود والتضحيه عشان لعبه وشكرا مره اخرى على الردود الجميله تقبل تحياتى |
بص يا عم لعبة لعبة دي حاجة اسمها فكرة مثلا انت ليه تزعل لما تلعب ماتش بلايستيشن؟ لانك كده فشلت ومنتصرتش الانسان بيحب النصر ويكره الفشل ونا الفكرة انك تبقي اقوي واغني واحسن ودا هدف اي انسان دي حياة مصغرة ولو فيها بعض الخيال المهم الكلام الي انتا قلته دا كبير قوي منكرش ان ناس بتلهب بشراهة بس دا مش الكل ومش الاصل حتي لو كانوا اكتر
|
انا فكرت كتير باردو كذا مرة وسألت نفسى اييه اللى انا هغدو من اللعبة دي مش لائيت اجابة
فياريت كلنا نفكر صح وتكون اللعبة fun 4 |
طبعا يا باشا انته كلامك كله صح بس ممكن يكون فيه مبالغه شويه
هى طبعا بتعمل كل الى انته قولت عليه بس ده للانسان الى حياته كلها على سيلك رود يصحى يلعبها وهو رايح ينام يسبها مفتوحه والى اخره بس مش كل الناس كده يعنى فيه ناس منظمه وقتها تلعب شويا تذاكر شويا يعنى فى الاسبوع حوالى 3 ساعات دى مش فارقه معاهم ولا تأثر عليه اللعبة وادمهم وقت كافى للمذاكره واى حاجه عايزين يعملوها |
انا معاك ان اللعبه دى مش من الصح لعبها كتير بس انا احب اصلحلك معلومه فى اكتر من 70 مليون امريكى بيقضى الوقت الفاضى كله ادام الاونلين جيمز وهم خدوا بالهم هناك و اطلقوا عليها السكند لايف ومليون مبدع كد زيك طلع و قال ده خطر وده دمار للوقت وانها مؤامره (طب بالزمه مؤامره من مين على مين اذا كان كل العالم المتطور بيلعبها) وفى النهايه قالوا انها لعبه زى اى لعبه كل واحد حر بيعمل الى هو عايزه فى وقته وبعدين لما الفصاحه وخدانا كده على الاقل دى لعبه بنفتحها وقت منحب مش زى مسلسلات رمضان الى بتلهيك عن الصلاه يا عم ده مظهر طبيعى من مظاهر الترفيه ولا ليه غرض دينى ولا سياسى
|
الكلام ده اتكرر خمسوميت مرة ومش هيجيب نتيجة....
حبيب قلبي الجايم دي فور فن غير كدة لااااا لو افتكرتها غير كدة استحمل اللى يجرالك ^^ لكن هي مش تضييع للوقت الا لو استغليتها استغلال سيئ زى مابيقولك الكباية اللى بتشرب فيها مية..هي الى ممكن تشرب فيها حاجة تانية المهم استخدامك ايه؟ |
متشكر على ردودكم انا بكلم الناس اللى وخداها جد جدا
والله فيه ناس وخداها جد لدرجه التعصب وشكرا مره اخرى |
اقتباس:
ملاحظة:الجهاز ما بتفتحش في بيتنا غير يوم الخميس و الجمعة(عندي اعدادية السنة دي) بس و اليومين دول حالة استثنائية علشان رجلي مكسوره و قاعد في البيت لوحدي |
اقتباس:
الف سلامه عليك اولا ثانيا انا مش بقول اننا نعتكف فى الجامع وكده انا وجهت نظرى اننا نخلى بلنا من نفسنا مزاكره صلى نوم كويس النوم مفيد جدا لكن البعض بينام قليل عشان اللعبه ومشكور بجد على ردك الجميل |
اقتباس:
بالله عليك كلمه حق منك تخلينى مرتاح انت شايف انها لسه لعبه؟ ولسه مقتنع انك مش طول الوقت لما تقابل حد تحكيلوا عن اللعبه وبعدين احنا لازم نبص ونقلد الغرب فى كل حاجه وتقولى الدول المتطوره بتلعبها طب ما الدول المتطوره مطلعه ناس احسن منى ومنك فى العلم والتكنولوجيا ولا فالحين نقلد الحاجات التافها ونسيبنا من الجد يا عم نفترض ان مافيش مؤامره انت شايف انها حاجه حلوه لما الناس تدمنها لدرجه انها تبقى فلوسها ضاعت؟ واتصرفت عليها ؟ ومايروحش الجامع بسببها؟ وميزكرش بسببها؟ تبقى ايه دى؟ مع احترامى ليك احنا لازم نفكر شويه فى المستقبل بقى |
| الساعة الآن 04:16 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.