بسم الله الرحمن الرحيم

سلام كبير اوى لكل الرجاله المصريين و العرب

انا قكرت كتير فى موضوع علاقات المصريين ببعض فى اللعبه و ليه كل الناس ليها خلافات مع بعض رغم ان دى لعبه و كل الناس داخله علشان تتسلى مش اكتر وكمان احنا مصريين و المصرى معروف عنه انه عشرى طبعا مش كل المصريين بس اغلب المصريين طيبين و بيحبوا الخير
كفايه ان سيدنا محمد عليه الصلاه و السلام قال على المصريين خير اجناد الارض و اظن دي لوحدها كفايه دى شهاده المفروض نعتز بيها ميهمنيش بقا راى اى حد تانى من اى دوله تانيه

ليه بقا تعاملات الصريين فى اللعبه بالشكل ده رغم ان هيا بره اللعبه فى الحقيقه مش كده خالص

السبب ان كل واحد قاعد ورا جهاز كمبيوتر و بيتعامل مع الناس على حسب اللفل بتاعه مش على مستوى سنه او فكره و تعليمه

يعنى لو واحد لفل 90 وعنده 11 سنه هتلاقى الناس بتقوله عامل ايه يا باشا و ايه اخبارك و يكلموه فى قمه الاحترام

و لو واحد تانى عنده 35 سنه و لفل 20 هتكلمه تقوله يا نووووب يا ابن ال

وممكن تلاقى واحد جاهل مش متعلم و بيشتغل ميكانيكى وانتا دكتور او مهندس اصلا تيجى تتعامل معاه هيعملك على البيئه بتاعته مش على البيئه بتاعتك و هيقولك انتا ياد يا ابن ال كذا معاكش رجل ارمور لفل 60 +5 لو قلتله لا هيسمعك شتايم عمرك ما سمعتها قبل كده

و ممكن يكون فى 2 محترمين يعملوا بعض بقله قدب من كتر اللى شافوه من المصريين رغم ان لو نفس ال 2 اتعاملوا مع بعض فى الحقبقه هيكونوا محترمين جدا

فى النهايه كل واحد ورا جهاز كمبيوتر ومش عارفين شخصيته الحقيقيه عنده كام سنه - بيشتغل ايه - بيدرس فى سنه كام - حالته الاجتماعيه ايه - متزوج - مطلق - متفرغ - مشغول - ساكن فين - بيلعب فى السرفر امتى - اسمه فى اللعبه ايه و لفل كام - شكله ايه

يرين كل واحد يعرفنا بنفسه فى الحقيقه اظن الموضوع ده هيعرف الناس ببعض اكتر و يحبوا بعض اكتر و يسهل التفاهم بين الناس و كل واحد يتعامل مع التانى على قد سنه و عقله

و كان الافضل للناس تكتب البيانات دى فى التوقيع بدل ما تكتفى بكتابه البينات فى اللعبه بس

اتمنى كل واحد يكتب باللغه العربيه بس البانات الشخصيه بتاعته و بالتفصيل الممل و ميسبش ولا حاجه منها و لو فى حاجه مش عايز يقولها يكتب فدمها خاص ودي القايمه ممكن تعمل منها نسخه و تكتب فيها

و انا هبدا اكتب بياناتى بس اما اشوف ردود الناس و الموضوع عجبهم ولا لاا
ويريت لو فى حد من الاداره او المشرفين متابع معانا يثبت الموضوع لو اشتغل