بسم الله الرحمن الرحيم

يا جماعة .. والله اعلم البوت نظيف ولا فيه فيروسات ولا تروجانز ولا اي حاجة .. انا ( واعوذ بالله من كلمة انا ) يعني راجل ليه في الهاكر .. طبعا مش محترف بس اهو بحاول .. وشغلي كله في صيانة الاجهزة ..

الفكرة كلها ان احتمال يجيلك فيروس من برامج البوت واللودر وما شابه ده وارد جدا .. لسبب بسيط لان البرامج دي مثالية لاي هاكر ان شالله كان مبتدئ عشان يقدر يحط سيرفر او وسيلة اتصال بينه وبين الضحية ... فالحل الامثل بالنسبة ليهم انهم ( اي الهاكرز ) يدمجوا السيرفر ضمن ملفات البوت اللي بيتم تحميلها شبه اسبوعيا .

والناس الكتير اللي حصل هاك للاكونت بتاعهم ممكن يكون :

- اما عن طريق اصحاب وده شيء شبه مؤكد.
- او انهم بيدخلوا للعبة من سايبر ( ممكن بكل سهوولة اي بني آدم يحط برنامج كي لوجر على الجهاز ويسرق كل بياناتك )
- او انهم نزلوا برامج البوت من مواقع غير الموقع الرسمي للبوت زي الرابد شير او خلافه وساعتها حيكون الاخ الهاكر عمل الواجب .
- او ان الجهاز اصلا كان عليه فيروسات وبالتالي اصاب ملفات البوت لانها ملفات تنفيذية .


اما عن تجربتي الشخصية .. اول ما استخدمت السرو كنج عملته داون لود من الموقع الرسمي طبعا وعملت عليه سكان بموقع www.viruschief.com ثم موقع www.virustotal.com وكانت النتيجة .. صفر ..
والحمد لله انا عندي نسخة اصلية من eset وانا باثق فيه ثقة كبيرة .. لانه وعلى سبيل التجارب كانت تجيلي اجهزة مليانة فيروسات مختلفة فا اعمل سكان بالنورتن ( وفي رأيي المتواضع انه افشل انتي فيروس ) و الكاسبر و AVG والبت ديفيندر .. واختم بالنود .. طبعا شيئ طبيعي ان كل انتي فيروس ممكن يطلع فيروسات مختلفة عن التاني .. بس في النهاية وجدت النود افضلهم جميعا ..

طبعا غني عن الذكر اني عملت للبوت سكان اول ما نزلته وقبل ما افك الضغط عنه وكانت النتيجة .. صفر

ملحوظة بسيطة .. 99.9 % من السايبرات او الاجهزة الشخصية في مصر مليانة فيروسات .. الا من رحم ربي ..

وفي الختام ادعو من الله انو ربنا يتوب علينا جميعا من السيلك رود

بصراحة يا اخي الكريم لا اعتقد ذلك .. لانه اولا سبب غير منطقي لان كده سمعة الشركة لو ثبت الكلام حتبقى في الحديد .. وده مش من مصلحتهم لان البوت في النهاية حبيقى بفلوس .. وثانيا الجولد بوترز ( الله يحرقهم ) شاغلين الله ينور .. دول اكتر من اللاعيبة يا راجل .

انا لما عملت سكان من جهازي على النسخة 20.1 و 21.2 سواء في المواقع الاون لاين او بالانتي فيروس كانت النتيجة لا شيئ

اما عن رابط للمشكلة بتاعتك فلا فيروس ولا حاجة ( اللهم الا اذا كان عندك فيروس اساسا ) بس معنى رسائل الاخطاء دي ان انتا مشغل البوت باللغة العربية وهما قالوا في الموقع انو فيه اخطاء برمجية في بعض اللغات من ضمنها العربية ده عند التعديل في بعض خصائص البوت .

حاجة تانية صحيح .. ممكن المشكلة الفصل تكون من النت عندك .. لان اللعبة يعني بتلكك اي ضعف جامد في النت تفصل على طول .. غير كمان لو حصل بطئ في سيرفر البوت نفسه يحصل DC على طول ... ده غير طبعا ال dc المشهور من السيرفر نفسه ..

الحاجة الثالثة للاسف يا اخي الكريم الكلام مش صحيح انك تشغل البوت بعد ما تشغل اللعبة .. لان برامج الهاكر ومن ضمنها الكي لوجر مهمته تسجيل اي حرف او ضغطة على الكي بورد .. وارساله الى الاخ الهاكر .. ده معناه انو حتي لو دخلت بعد اللعبة فكلو متسجل وبالتالي سيتم ارساله .. في المهلة اللي محددها اللي عامل الهاك فما بالك لو كانت الشركة نفسها اللي عامله الهاك