قصيدة ودااااااااع
 

هفتكر لك الخير .... هفتكر لك كتير من الكلام الجميل
هبتسم كل أما أفتكرك ...مش هبكي بس هضحك
صدقني يا حبيبي ...... مش هفتكر جرحك
مش عايزه افتكر إلا أيام حبك
حبك اللي كان حلم عشته ........ عشته يومين وانت بعته
هفتكر فرحتي وضحكتي لما قولت لي أحبك
ولا يوم هفتكر دمعتي في يوم فراقي لحبك
هيعيش جوايا حبك مهما طال الزمن
وعلى طول بالخير هفتكرك وعلى طول هبتسم
مهما اتعذبت مش هييجي يوم وأنكسر
دمعتي في قلبي هتفضل محبوسة طول الزمن
بس لسه هفضل فاكره
فاكره قلقي ارتباكي في قربي منك
وحبي اشتياقي في بعدي عنك
جاي تاني تقول نفس الكلام وتعيده
صدقته مره وغلطي مش هعيده
مش هصدق قلب باعني ولا همه قلبي
بس يا ريتك تفتكر إن انت اول حبي
حبي اللي انتهى قبل ما يبتدا
حب كان مصيره النهاية من يوم ما ابتدا
بس كنت بكدب عقلي ومشيت ورا قلبي بقا
وتاني هقول ........... عمري ما هنساك
ما هنسى كسوفي وأنا شيفاك
هيفضل قلبي مخلص لهواك
حتى لو في يوم نسيتني ما أقدرش أنساك
والله لو في يوم بقيت لغيري ما هبقى لغيرك
وعلى طول هفضل فكراك ........... بالحب ومش كرهاك
دور في الدنيا دي على حد يحبك أدي
حد تلاقي نص اللي كنت هتلاقيه في قلبي
ولما تلاقيها ابقى عرفني بيها
عشان أطمن عليك وأنت معاها.................... وأتأكد من إخلاصها لحبك
وإذا كنت عاشقها وهي عشقاك
مقدرش غير أمسكلها فستان فرحها وهي معاك
وهتمنالكم خير وسعاده وأولاد
يملوا حياتكم وتعيشوا في وداد
وعمري ما هنسى كلامك ليا هيبقى في قلبي ذكرى أبدية
وماتخافش أنا مش هقول لها ...... هحببها فيك ولونها هتحبك من غير كلامي
يا رب تعيشوا في هنا وتحبك أد ما هتحبها
وفي الآخر ليا أمنية .....
خليك دايما قريب ليا
حتى ولو كصداقة أخوية





اتمنى أحلى الردود منكم يا جماعه وعايزين مناقشات حول الموضوع

قصيدة حلوة بس على حسب يعنى لو حبيبتى سبيتنى يبقىمتستهلش اقولها قصيدة زى كدة تستاهل ضرب النار لكن لو الظروف أجبرتنا ان نودع بعض ففعلا قصيدة جامدة^^

بس يا اندرو ده مكرر

مشكورة أختى الغالية

مشكورررر

مشكورررررررررر قصيدة حلوة أوى

هههههههههههه
عندك حق يا اندرو
وشكرا على الرد


وانا آسفه اذا كان الموضوع كان مكرر بس انا رفعته مرتين غصب عني
سورررررررررررررري :d

ايه يا عم ماتخليك محضر خير
ههههههههههه
ولا انت داخل حامي ع الموضوع كده ليه
ده انت حتى ما كلفتش خاطرك تقول كلمة شكرا ع المجهود

قصيده جميله وعلى فكره مفيش بنت تستاهل حب ولد ليها عشان البنات كلهم غدارين او بمعنى اصح متديش امان وثقه كامله فى وحده حتى لو روحك فيها عشان لو سبيتك متخدش روحك معاها وصدقونى على تجربه

ده هو الصراع الأبدي بين الرجل والمرأة
يعني البات بيقولوا نفس الكلام اللي انت بتقوله ده عن الرجاله
بس صدقني كل قاعده وليها شواذ
يعني ممكن يكون كلامك صح وممكن العكس بس مش بالظبط يعني ممكن تفلت معاك بحب صادق بجد وتلاقي شريكة عمرك بكل الصفات اللي بتتمناها واكتر
وانا بقولك الكلام ده عن تجربه برده عشان اعتبرني اختك الصغيره
وبجد شكرا ع الرد وبقدر لك المناقشه في الموضوع وانك كتبت رأيك بصراحه

بصى يا ...... معلش عشان معرفش اسمك برده بعد الى حصلى انا عمرى مهثق فى اى وحده عشان انا حبيت وحده حب عمر محد يتخيله وكانت روحى فداها وكنت بضحى باى حاجه عشنها بس اظاهر انها كانت بتتسلى :(وسمعت منها كلام ياااااااااااه من هنا لبكره بس اظاهر ان كل ده برده كان كلام وعشان كده انا مش عاوز احب تانى ولو لو اتجوزت هتجوز جواز تقليدى:(:o

الف شكر وقصيده جامده

إية هو الحب أساسا
لما تكون بتحب حد و مش عارف تعبر له إنك بتحبة يبقى إية لازمة الحب ؟

من اقوالي :

قالي الوداع قولتلوه قشطة

الموضوع جميل و انا اتعميت من القراية يا ريت تبقي تكبري الخط شوية